Jɔɔŋ 17:1 - WƖA TENIŊ

¹ Yesu sɩ bʋl wɩaa deemba dɛrɛ, ʋ wʋla beŋ wɩa-nyuŋ aŋ chʋɔlɛ Wɩa a bʋl, “Mɩ Nyɩmma, bʋa-la yie nɛ. Leŋ dɩ mɩ-na ŋ Bie laa yɩrɩŋ, dɩ mɩ ma leŋ dɩ ŋ yɩrɩŋ yɩrɛ.

Jɔɔŋ 17:1 ပူးပေါင်းရင်းမြစ်များ

WƖA YƖƖLAA 123:1

La Tɩɩna, mɩ beŋ ŋ lɛ nɛ, ŋ hɔŋ ŋ kuoru kpasa nyuŋ nɛ ŋ jaŋ lɛ.

AZAAYA 38:14

Mɩ fa faasa yel nɛ, mɩ yikoro kala tɔ, mɩ mɩɩraa yel a nagɛ kokomo. Mɩ fa beŋ wɩa-nyuŋ nɛ, mɩ sɩaa kala yʋɔrɛ, hɛɛŋ jʋʋ mɩ nɛ. La TƖƖNA, jegile nɩɩ mɩ bunso.

Maak 14:41

Ʋ mɩɩra mʋ torimuŋ aŋ kʋ pɩɛsɛba, “Ma ha pɩnaa wiesi nɛɛ? Ʋ maga nɛ má sii, bʋa-la yie nɛ. Ma bee na, ba jaŋ kɛŋ mɩ-na, Nuhuobiine Bie a pɩ wʋbɔŋ ŋaaraa.

Luuk 18:13

Ama lampoo laarʋ-la chɩŋ dɩ-bolii. Ʋ paala bɩ ʋ sɩaa ma kaa wʋl wɩa-nyuŋ aŋ paa ʋ nɩsaa chʋŋ ʋ nyuŋ lɛ aŋ bʋl, ‘Wɩa, fá mɩ nisusuŋ. Mɩ ŋaa wʋbɔŋ ŋaarʋ nɛ.’ ”

Luuk 22:53

Mɩ dɩ ma kala nɛ fa hɛ Wɩa dɩɩ-bal-la lɛ tapʋlɩɩ kala, aŋ ka ma bɩ walɩma dɩ ma kɛmmɛ nɩmɛ. Ama bʋa deeŋ lɛ nɛ birimiŋ tɩɩna Sɩtaanɩ pɩma doluŋ ma wuo kɔ dɩ ma kɛmmɛ.”

Jɔɔŋ 11:4

Yesu sɩ nɩɩ wɩɩŋ deeŋ, ʋ sɩ, “Nyanyalɩŋ deeŋ dee bɩ maga dɩ Lazarɔs wɩɩla sʋʋ, ama dɩ Wɩa yɩrɩŋ to ŋɩɩ lɛ a yɩrɛ, dɩ mɩ ma Wɩa Bie yɩrɩŋ to nɩmɛ yɩrɛ.”

Jɔɔŋ 11:41

Ŋɩɩ nɛ ba kɛŋ tabɩɩ-la suri. Yesu wʋla beŋ wɩa-nyuŋ aŋ bʋl, “Mɩ Nyɩmma, mɩɩ lɔllʋŋ arɩ ŋ sɩ jegile nɩɩ mɩ teeŋ.

Jɔɔŋ 12:23

Yesu bʋla pɩba, “Bʋa-la lɛɛlɛ kpaga nɛ dɩ mɩ-na Nuhuobiine Bie laa yɩrɩŋ.

Jɔɔŋ 13:1

Ʋ fa ka tapʋl-bala nɛ, ka dɩ Juu tɩŋŋaa dɩɩsɩŋ kiele bal gbiele-la yi. Yesu jɩma arɩ bʋa-la lɛ sɩ maga dɩ ʋ lɩɩ dʋnɩa deeŋ lɛ a mʋ ʋ Nyɩmma teeŋ yie nɛ. Ʋ cho nɩalɩŋ sɩɩ to ʋ harɩŋ nɛ dʋnɩa deeŋ lɛ. Bʋa deeŋ lɛ nɛ ʋ chaasa dagɛ chono-la kɩŋkɛŋ ʋ sɩ kɛnɛ arɩ ʋ harɩ-tooroo.

Jɔɔŋ 16:32

Bʋa kʋbala jaŋ yi, ʋ saa paala yi nɛ, ma kala jaŋ pɩsɛ a mʋ ma dɩɩsɩŋ, aŋ ka mɩ dʋndʋŋa. Ama saa, mɩ bɩ jaŋ ŋaa mɩ dʋndʋŋ. Mɩ Nyɩmma hɛ mɩ lɛ nɛ.

Jɔɔŋ 7:30

Ŋɩɩ nɛ ba chɩchɛ dɩ ba kɛnʋ, ama nʋʋkala nɩsɩŋ bɩ ʋ dige, bɛɛ wɩaa bʋa-la lɛ ʋ sɩ jaŋ sʋʋ ha bɩ yie.

Jɔɔŋ 7:39

Yesu bʋl wɩaa deemba a tɩgɛ Wɩa Dɩŋ-zɔmʋŋ ʋ sɩ jaŋ joŋo hɛ nɩalɩŋ sɩ laa ʋ wɩaa dii lɛ nɛ. Bʋa-la lɛ dɩ ʋ ha bɩ Wɩa Dɩŋ-zɔŋ-la joŋo hɛ ba lɛ, bɛɛ wɩaa ʋ ha bɩ sʋʋŋ lɛ sie dɩ ʋ laa yɩrɩŋ.

Jɔɔŋ 8:20

Yesu bʋl wɩaa deemba kala bʋa-la lɛ ʋ sɩɩ dagɛ nɩaa Wɩa dɩɩ-bal-la lɛ nɛ, lee-la ba sɩ yie joŋ Wɩɩsʋlʋŋ kɩaa bil. Ka nʋʋkala bɩ ʋ kɛnɛ, bɛɛ wɩaa bʋa-la lɛ ba sɩ jaŋ kɛnʋ ha bɩ yie.

Tɩntɩŋŋaa 3:13

Wɩa-la sɩ ŋaa la naabalɩmaba Abɩraham arɩ Aɩzɩk arɩ Jekɔb Wɩa, ʋ nɛ joŋ yɩrɩ-balɩŋ a pɩ ʋ Bie Yesu. Ʋ nɛ ma kaa pa ba dii ʋ sarɩya, aŋ bʋl ma bɩ ʋ jɩŋ Paalɩt sarɩya diire-la sɩpaaŋ. Ʋ faa bɩɩnɛ dɩ ʋ joŋu ta, ka ma bɩ sɛyɛ.

1 Pɩɩta 1:21

Ma to ʋ lɛ nɛ a laa Wɩa wɩaa dii. Ʋ nɛ chɩsɛ Yesu sʋʋŋ lɛ a pʋ yɩrɩŋ. Ŋɩɩ wɩaa ma laa diiniŋ arɩ ma yɩɛlaa kala hɛ Wɩa lɛ nɛ.