Jɔɔŋ 16:22 - WƖA TENIŊ

²² Ŋɩɩ nɛ saa ʋ jaŋ nagɛ ma ma lɛ. Lɛɛlɛ ma tʋɔŋ cheye nɛ, ama mɩ jaŋ bɩra nama dɩ ma tʋɔŋ kala tɔrɛ. Bʋa-la lɛ nʋʋkala bɩ jaŋ wuo ŋaa dɩ ma tʋɔŋ bɩra chei.

Jɔɔŋ 16:22 ပူးပေါင်းရင်းမြစ်များ

JOB 34:29

Ama dɩ Wɩa nɛ tɔrɛ ʋ niiŋ, kʋbɛɛ nɛ jaŋ wuo joŋ cheeriŋ pʋ? Dɩ ʋ nɛ kɛŋ ʋ sɩaa faa, kʋbɛɛ nɛ jaŋ wuo naʋ? Ʋ nɩɩ beŋ nuhuobiinee arɩ tinteyee kala,

WƖA YƖƖLAA 146:2

Mɩ jaŋ dɛnnɛ La Tɩɩna mɩ mɩɩsɩŋ kala lɛ. Mɩ ha sɩ hɛ mɩ mɩɩsɩŋ lɛ, mɩ jaŋ yɩɩ yɩɩlaa a dɛnnɛ Wɩa.

WƖA YƖƖLAA 33:21

La tʋɔŋ tɔrɛ La Tɩɩna nyuŋ nɛ. La joŋ la yɩɛlaa hɛ ʋ yɩrɩ-zɔŋ-la lɛ nɛ.

AZAAYA 25:9

Tapʋlɩɩ-la nʋʋkala jaŋ bʋl, “Wʋtɩtɩɩ, ʋ nɛ la Wɩa, ʋ nɛ la laa dii, ʋ nɛ laala ta. La TƖƖNA nɛ ŋ-la, la laaʋ dii nɛ. Má leŋ dɩ la tʋɔŋ tɔrɛ, dɩ la jʋjʋɔsɛ a tɩŋ ʋ sɩ laala ta wɩaa.”

JƐRƖMAAYA 31:12

Ba jaŋ kɔ a ŋaa goŋ arɩ tʋɔtɔrʋŋ Zaayɔŋ dundolluŋ nyuŋ. Ba jaŋ jʋɔsɛ a tɩŋ kʋ-daŋ-la mɩ-na ma TƖƖNA sɩ joŋo pɩba wɩaa. Mɩ pɩba mɩaa, girep nɛnɛɛ sɩ-falɩŋ arɩ nʋʋŋ, a pɛ biiri-la ba nɛsɩŋ arɩ ba piesee sɩ lʋla lɛ. Ba jaŋ nagɛ lɩga sɩ kɛŋ fɩɛlɩŋ woruŋ, ba tʋɔŋ bɩra bɩ jaŋ chei.

Matiu 28:8

Ŋɩɩ nɛ ba lɩɩ vaaŋ-la leriŋ aa tuosi. Fawʋllʋŋ fa kɛmba nɛ, ama ba tʋɔŋ ma tɔrɛ. Ba fá mʋ dɩ ba bʋla pɩ Yesu harɩ-tooroo wɩɩ-la sɩ ŋaa.

Luuk 10:42

Ʋ maga dɩ ŋ chɛ wʋbala dʋndʋŋ nɛ. Wɩɩ-la tɩtɩa nɛ Mɛɛrɩ lɩɩsɛ ŋɩɩ. Wɩɩ-la ba sɩ bɩ jaŋ wuo kaa laa ʋ teeŋ.”

Luuk 16:25

Ŋɩɩ nɛ Abɩraham bʋla pʋ, ‘Mɩ bii, liise mʋ yi ŋ fa sɩ hɛ ŋ mɩɩsɩŋ lɛ, ŋ faa nɩɩ sɩma nɛ woruŋ, aŋ ka Lazarɔs fa nɩna hɛɛŋ. Ama lɛɛlɛ Lazarɔs maa nɩɩ sɩma daha, aŋ ka ŋ ma hɛ hɛɛŋ tʋɔŋ.

Luuk 19:26

Ŋɩɩ nɛ ʋ bʋla pɩba, ‘Nɩɩ-la sɩ paala kɛŋ kɩaa yʋgɛ, Wɩa jaŋ wasa chɛ pɛ a pʋ, ama nɩɩ-la sɩ bɩ faasa kɛŋ kɩaa yʋgɛ, mʋapɩlɩɩ-la ma ʋ sɩ kɛnɛ, Wɩa jaŋ kaa laa ʋ teeŋ.

Luuk 24:41

Ba ha bɩ laa dii, ka wɩɩ-la sɩma pɩba aŋ ŋaaba wʋkpuŋkpere. Ŋɩɩ nɛ ʋ pɩɛsɛba, “Ma kɛŋ kʋdiilee nɛɛ?”

Jɔɔŋ 14:1

Ŋɩɩ nɛ Yesu bʋl, “Má sɩ́ leŋe dɩ ma tʋɔŋ vʋgʋmɛ. Má laa Wɩa dii, a laa mɩ ma dii.

Jɔɔŋ 14:19

Ʋ ka mʋa dʋnɩa nɩaa bɩra bɩ jaŋ namɛ, ama ma-na jaŋ namɛ. Mɩ sɩ jaŋ kɛŋ mɩɩsɩŋ ŋɩɩ, ma ma jaŋ kɛŋ mɩɩsɩŋ.

Jɔɔŋ 14:27

Mɩ sɩɩ mʋ ŋɩɩ, ma jaŋ hɔŋ arɩ fɩɛlɩŋ. Mɩ tɩtɩa fɩɛlɩŋ nɛ mɩ joŋoo pɩma, ʋ bɩ naga fɩɛl-la dʋnɩa nɩaa sɩɩ pa nɛ. Má sɩ́ leŋe dɩ ma tʋɔbɩɩnaa vʋgʋmɛ, a bɩra sɩ́ leŋe dɩ fawʋllʋŋ ma kɛmma.

Jɔɔŋ 16:16

Ŋɩɩ nɛ Yesu bɩra bʋla pɩba, “Ʋ bɩ jaŋ dieni ma bɩra bɩ jaŋ namɛ. Tapʋlaa baŋmɛnɛ harɩŋ ma jaŋ bɩra namɛ.”

Jɔɔŋ 16:20

Wʋtɩtɩɩ nɛ mɩ bʋlaa pɩma, ma jaŋ ŋmuŋmoo niiŋ ka dɩ dʋnɩa nɩaa tʋɔŋ tɔrɛ, ma tʋɔŋ jaŋ chei, ama ma tʋɔ-chei-la jaŋ mɩɩra bɩrɩmɛ tʋɔtɔrʋŋ.

Jɔɔŋ 16:6

Mɩ sɩ bʋl wɩaa deemba pɩma lɛɛlɛ ŋ-la, ma tʋɔŋ chaasa chei nɛ.

Jɔɔŋ 21:7

Ŋɩɩ nɛ harɩ-tooru-la Yesu sɩ cho woruŋ bʋla pɩ Pɩɩta, “La Tɩɩna nɛ.” Bʋa-la lɛ dɩ Pɩɩta fa wuri ʋ gɛrɩŋ. Ʋ sɩ nɩɩ ŋɩɩ, ʋ joŋ ʋ gɛrɩŋ a laalɛ, aŋ lɩɩ lɩɩŋ daboro-la lɛ, a fɩla jʋʋ lɩɩŋ dɩ ʋ duoro kʋ lɩɩ Yesu teeŋ.

Jɔɔŋ 4:14

Ama nɩɩ-la kala sɩ jaŋ nyʋa lɩɩ-la mɩ sɩ jaŋ pʋ, lɩɩnyʋasʋŋ bɩra bɩ jaŋ kɛnʋ da. Lɩɩ-la mɩ sɩ jaŋ pʋ jaŋ bɩrɩmɛ lɩɩ-bulo ʋ tʋɔŋ lɛ a bubul, a pʋ mɩɩsɩŋ sɩ bɩ dɛrɛ.”

Tɩntɩŋŋaa 13:52

Ka nɩalɩŋ sɩ laa Yesu wɩaa dii Antɩɔk lɛ tʋɔŋ kala tɔrɛ. Wɩa Dɩŋ-zɔmʋŋ ma hɛ ba lɛ woruŋ.

Tɩntɩŋŋaa 16:25

Tɩta-siesee Pɔɔl arɩ Saalas chʋchʋɔlɛ Wɩa a yɩɩ yɩɩlaa a dɩdɛnnɛ Wɩa. Nɩalɩŋ ba sɩ kaa tɔ dɩa kʋkaanaa ma jijegili.

Tɩntɩŋŋaa 2:46

Tapʋlɩɩ kala ba yie mʋ hilimi Wɩa dɩɩ-bal-la lɛ arɩ ba dɩɩsɩŋ ma lɛ, a kɛŋ tʋɔ-bala a didii kʋdiile-la Kirisito fa sɩ́ sɩ ba dii a liliisi ʋ wɩaa arɩ tʋɔtɔrʋŋ,

Tɩntɩŋŋaa 5:41

Ŋɩɩ nɛ ba lɩɩ nɩalɩŋ fa sɩ hilime teeŋ. Ba tʋɔŋ tɔrɛ arɩ ba sɩ dɔgɩsɛba a tɩŋ Yesu wɩaa.

2 Kɔrɩntɩ Nɩaa 6:10

La tʋɔŋ yie chei nɛ, aŋ ka la jʋjʋɔsɛ. La ŋaa summoo nɛ, ama la yie pɛ nɩaa lɛ dɩ ba kuori Wɩa teeŋ. La bɩ kʋŋkala kɛnɛ, ama la nɛ tɩɩ kʋŋkala.

2 Tɛsalonaaka Nɩaa 2:16

La Tɩɩna Yesu Kirisito arɩ la Nyɩmma Wɩa sɩ chola lahɔrɩmɔ lɛ, ʋ ŋaa la tʋɔŋ pɩŋ dɩ-bala nɛ a kaa mʋ wuu, dɩ la wuo yɩyɩɛlɛ wʋzɔŋŋɔɔ.

Hiburu TƖŊŊAA 10:34

Ma fa nɩalɩŋ ba sɩ kaa tɔ dɩa Yesu wɩaa bunso nɛ. Ba sɩ fʋga laa ma kɩaa, ma sɛɩ wɩɩ-la arɩ tʋɔtɔrʋŋ, bɛɛ wɩaa ma jɩma arɩ ma kɛŋ kɩalɩŋ sɩ zɔmɔ kɩɩ dʋnɩa deeŋ kɩaa nɛ. Kɩalɩŋ-na jaŋ hɛ nɩmɛ deeŋ deeŋ.

Hiburu TƖŊŊAA 6:18

Wɩa saa ŋaa wɩaa balɩa nɛ. Ʋ sɩ wuo bʋl wɩɩ-la aŋ pɛ ŋmɩɛsɛ ŋɩɩ, wɩaa deemba balɩamɩŋ bɩra bɩ jaŋ kɔ dɩ ba bɩrɩma, bɛɛ wɩaa Wɩa bɩ wɩaa nyɩɛ. Ŋɩɩ wɩaa, la nɩalɩŋ sɩ fá mʋ Wɩa teeŋ dɩ ʋ laala ta nyuŋ nyaasɛ nɛ dɩ la kɛŋ yɩɛlaa woruŋ a mʋ tɩgɛ wɩalɩŋ Wɩa sɩ sɩ ʋ jaŋ ŋaa pɩla lɛ.

1 Pɩɩta 1:8

Arɩ ma ha sɩ bɩ Yesu Kirisito na ma kala, ma ha chou nɛ. Ma ha sɩ bɩ ʋ na lɛɛlɛ ma, ma laa ʋ wɩaa dii nɛ. Ma tʋɔŋ tɔrɛ nɛ woruŋ, ma paala bɩ jaŋ wuo dagɛ ŋɩɩ ma tʋɔŋ sɩ tɔrɛ magɛ.