Jɔɔŋ 16:2 - WƖA TENIŊ

² Ba jaŋ kirima ta Wɩɩchʋɔlɛ dɩɩsɩŋ lɛ. Bʋa dɔŋ jaŋ yi dɩ nɩaa kpʋma aŋ bɩɩnɛ baa to Wɩa wombiiŋ nɛ ŋɩɩ.

Jɔɔŋ 16:2 ပူးပေါင်းရင်းမြစ်များ

AZAAYA 65:5

Ba yie bʋl nɩaa lɛ, ‘Má sɩ́ la kʋ kpagɛ, la ŋaa nɩaa sɩ zɔmɔ nɛ kɩŋkɛŋ arɩ ma sɩ jaŋ digila.’ Mɩ bɩ jaŋ wuo sɛɩ pɩ nɩdosunuŋ deemba, ba wʋŋaalaa nagɛ nyʋɔsʋŋ sɩɩ jʋʋ mɩ mɩɩsɩŋ nɛ, a ŋaa nyiŋ sɩɩ dii tapʋl piliŋ.

AZAAYA 66:5

Ma nɩalɩŋ sɩɩ to La TƖƖNA niiŋ, má jegile nɩɩ wɩɩ-la ʋ sɩ bʋla. La TƖƖNA sɩ, “Ma naambiiri-la sɩ bɛrɛma, a lɩɩsɛma ta a tɩŋ ma sɩɩ to mɩ wɩaa, a sieri ma lɛ a bʋl, ‘Má leŋ dɩ ma TƖƖNA dagɛ ʋ doluŋ a laama ta yei, dɩ la na dɩ ma hɛ sɩma tʋɔŋ,’ hɩɩsɩŋ jaŋ diiba.

DANƖƐL 11:33

Ba tʋɔŋ nɩalɩŋ sɩ kɛŋ wʋjɩmɩŋ jaŋ dagɛ nɩ-daŋ. Ama bʋa dɔŋ jaŋ yi dɩ ba kpʋba laalɩŋ lɛ koo a nyɩgɛba koo a yuo kɛsɛba koo a paa ba kɩaa.

Matiu 10:28

Ŋɩɩ nɛ Yesu bɩra bʋl, “Má sɩ́ nɩalɩŋ sɩ jaŋ wuo kpʋ ma yaraa fá, nɩaa deemba bɩ ma dɩma wuo kpʋ. Ama má fá Wɩa. Ʋ nɛ kɛŋ doluŋ dɩ ʋ wuo joŋ ma yaraa arɩ ma dɩnsɩŋ kala a hɛ Wɩa nyiniŋ tʋɔŋ. Mɩ bʋlaa pɩma, má fɩfáʋ.

Matiu 24:9

Ba jaŋ kɛsɛma a jomma hɛ nɩaa nɩsɩŋ lɛ dɩ ba dɔgɩsɛma aŋ kpʋ ma dɔnsʋŋ. Tinteyee nɩaa kala jaŋ bɛrɛma a tɩŋ mɩ wɩaa.

Luuk 6:22

Dɩ nɩaa nɛ bɛrɛma a lɩɩsɛma ta ba tʋɔŋ a tʋtʋʋsɛma a chichei ma yɩrɩŋ a bʋl dɩ ma ŋaa nɩbɔmɔ nɛ, dɩ ba nɛ bʋl ŋɩɩ a tɩŋ ma sɩɩ to mɩ-na Nuhuobiine Bie harɩŋ wɩaa, Wɩa ma jaŋ pɛ ma lɛ.

Jɔɔŋ 12:42

Arɩ ŋɩɩ ma kala Juu tɩŋŋaa kʋhɩasɩŋ yʋga a laa Yesu wɩaa dii, ama a tɩŋ Farisii tɩŋŋaa wɩaa fawʋllʋŋ fa kɛmba. Ba bɩ wuo chaasa bʋl arɩ ba laa ʋ wɩaa dii, dɩ ŋɩɩ dee, ba fa jaŋ kiriba Wɩɩchʋɔlɛ dɩa lɛ.

Jɔɔŋ 16:25

Wɩaa deemba kala mɩ sɩɩ bʋl, namagaba nɛ mɩɩ magɛ. Ama bʋa kʋbala jaŋ yi, mɩ bɩra bɩ jaŋ magɛ namagaba, mɩ jaŋ chaasa bʋl wɩaa pɩma a mʋ tɩgɛ mɩ Nyɩmma lɛ, dɩ ma jɩŋ ba bʋbʋɔŋ woruŋ.

Jɔɔŋ 16:32

Bʋa kʋbala jaŋ yi, ʋ saa paala yi nɛ, ma kala jaŋ pɩsɛ a mʋ ma dɩɩsɩŋ, aŋ ka mɩ dʋndʋŋa. Ama saa, mɩ bɩ jaŋ ŋaa mɩ dʋndʋŋ. Mɩ Nyɩmma hɛ mɩ lɛ nɛ.

Jɔɔŋ 4:21

Ŋɩɩ nɛ Yesu bʋla pʋ, “Laamɛ dii, bʋa kʋbala jaŋ yi, nɩaa bɩ jaŋ chʋɔlɛ la Nyɩmma Wɩa peeliŋ deeŋ nyuŋ koo Jerusalɛm lɛ.

Jɔɔŋ 4:23

Ama bʋa kʋbala jaŋ yi, ʋ paala yi nɛ, nɩalɩŋ sɩ jaŋ sɛnɛ chʋɔlɛ Wɩa, ba jaŋ chʋɔlɛ la Nyɩmma Wɩa arɩ wʋtɩtɩɩ, Wɩa Dɩŋ-zɔmʋŋ doluŋ lɛ. Nɩdosunu-la nɛ Wɩa chɩchɛ.

Jɔɔŋ 9:22

Baal-la nyɩmma arɩ ʋ naaŋ faa fá Juu tɩmma-la nɛ. Ŋɩɩ nɛ tɩɩ ba bʋl ŋɩɩ. Juu tɩmma-la fa sɩ dɩ nɩɩ-la kala sɩ bʋla arɩ Yesu nɛ ŋaa Kirisito, Nɩɩ-la Wɩa sɩ lɩɩsa, ba jaŋ kiru ba Wɩɩchʋɔlɛ dɩa lɛ.

Jɔɔŋ 9:34

Ŋɩɩ nɛ ba bʋla pɩ baal-la, “Ba paala lʋlʋŋ dɩ ŋ ŋaa wʋbɔŋ ŋaarʋ nɛ, ka ŋ ma saa chɩchɛ dɩ ŋ dagɛla koo?” Ŋɩɩ nɛ ba kiru ta ʋ lɩɩ Wɩɩchʋɔlɛ dɩa-la lɛ.

Tɩntɩŋŋaa 5:33

Nɩalɩŋ sɩ nɩɩ wɩɩŋ deeŋ, ba faasa na baanɩŋ a chɩchɛ dɩ ba kpʋba.

Tɩntɩŋŋaa 7:56

Ŋɩɩ nɛ Sɩtɩɩvɩŋ bʋl, “Má bee na, mɩ na Wɩa-jaŋ boiŋ niiŋ dɩ ʋ suro, ka Nuhuobiine Bie hɔŋ Wɩa nadiiŋ, nɩduoŋ dɩhɔnʋŋ.”

1 Kɔrɩntɩ Nɩaa 4:13

Dɩ ba nɛ chei la yɩrɩŋ, la-na yie bʋl wʋzɔŋŋɔɔ nɛ a tɩgɛ ba lɛ. Naabʋɔsʋŋ deemba lɛ, la ŋaa kʋtɔɔnɩ nɛ, dʋnɩa nɩsʋrʋŋ nɛ paala kpɩala.

Fɩlɩpa Nɩaa 3:6

Mɩ faa to Juu tɩŋŋaa naabalɩmaba wombii-la nɛ arɩ sɩɩfɩɛsɩŋ, a to naasɩŋ dʋdɔgɩsɛ nɩalɩŋ sɩ laa Yesu wɩaa dii aa hilimi. Dɩ nuhuobiine nɛ fa jaŋ wuo kɛŋ tʋɔpʋla a tɩŋ ʋ sɩɩ to Juu tɩŋŋaa naabalɩmaba wombii-la, mɩ jaŋ bʋl arɩ mɩ ŋaa tʋɔpʋl tɩɩna nɛ, mɩ bɩ wɩɩ ŋaa chei.

Jɔɔŋ Wʋnaalaa 6:9

Pie-bie-la sɩ kɛŋ kelli-la ba sɩ kaa mɛrɛ teŋ-la nɔŋ tɩɩna kaa lɛrɛ, ŋɩɩ nɛ mɩ bee na nɩalɩŋ ba sɩ kpʋa dɩnsɩŋ dɩ ba hɛ Wɩɩsʋllɩ koruŋ bʋbʋɔŋ. Nɩalɩŋ ba sɩ kpʋa faa bʋl Wɩa wɩaa nɛ a fa ŋaa La Tɩɩna Kirisito pɛ-naaraa ma, ŋɩɩ nɛ tɩɩ ba kpʋba.

SƖPAALAARAA 6:30

Ŋɩɩ nɛ taŋ-la nɩaa bʋla pɩ Jʋas, “Kɛŋ ŋ nanʋala Gɩdɩɔŋ kaa kʋ lɩɩ, ʋ maga la kpʋʋ nɛ, bɛɛ wɩaa ʋ giri Baal koruŋ nɛ aŋ keri Asɩra daa-la ma sɩ chɩŋ ʋ sɛmɛ lo.”