Jɔɔŋ 16:16 - WƖA TENIŊ

¹⁶ Ŋɩɩ nɛ Yesu bɩra bʋla pɩba, “Ʋ bɩ jaŋ dieni ma bɩra bɩ jaŋ namɛ. Tapʋlaa baŋmɛnɛ harɩŋ ma jaŋ bɩra namɛ.”

Jɔɔŋ 16:16 ပူးပေါင်းရင်းမြစ်များ

Maak 16:19

La Tɩɩna Yesu sɩ bʋl wɩalɩŋ dɛrɛ, Wɩa joŋu a kaa mʋ Wɩa-jaŋ, ʋ hɔŋ Wɩa nadiiŋ, nɩduoŋ dɩhɔnʋŋ.

Jɔɔŋ 12:35

Ŋɩɩ nɛ Yesu bʋla pɩ nɩalɩŋ, “Pʋlʋŋ-la sɩ hɛ ma teeŋ, ʋ bɩ jaŋ dieni. Pʋlʋŋ-la ha sɩ hɛ nɩmɛ ŋɩɩ, má vɛŋ pʋlʋŋ-la lɛ, dɩ birimiŋ sí ma tɔ. Nɩɩ-la sɩɩ vɛŋ birimiŋ tʋɔŋ bɩ jɩŋ lee-la ʋ sɩɩ mʋ.

Jɔɔŋ 13:3

Yesu fa jɩma arɩ ʋ Nyɩmma joŋ kʋŋkala doluŋ hɛ ʋ nɩsɩŋ lɛ nɛ. Ʋ jɩma ʋ lɩɩ Wɩa teeŋ nɛ, a bɩra jɩŋ arɩ ʋ jaŋ mɩɩra mʋ Wɩa teeŋ.

Jɔɔŋ 13:33

Mɩ biiriŋ, mɩ bɩra bɩ jaŋ hɛ ma teeŋ dieni. Ma jaŋ bee chɛmɛ, ama mɩ sɩ bʋl ŋɩɩ a pɩ Juu tɩŋŋaa, mɩ jaŋ bʋl ŋɩɩ a pɩ ma ma. Lee-la mɩ sɩ jaŋ mʋ, ma bɩ jaŋ wuo mʋ nɩmɛ.

Jɔɔŋ 16:10

Mɩ sɩ mɩɩraa mʋ mɩ Nyɩmma teeŋ ŋɩɩ, ma bɩra bɩ jaŋ namɛ. Ʋ ŋɩɩ ma jaŋ dagɛ arɩ mɩ kɛŋ tʋɔpʋla nɛ Wɩa sɩpaaŋ.

Jɔɔŋ 16:22

Ŋɩɩ nɛ saa ʋ jaŋ nagɛ ma ma lɛ. Lɛɛlɛ ma tʋɔŋ cheye nɛ, ama mɩ jaŋ bɩra nama dɩ ma tʋɔŋ kala tɔrɛ. Bʋa-la lɛ nʋʋkala bɩ jaŋ wuo ŋaa dɩ ma tʋɔŋ bɩra chei.

Jɔɔŋ 16:28

Mɩ lɩɩ mɩ Nyɩmma teeŋ nɛ a kʋ tuu dʋnɩa. Lɛɛlɛ mɩ saa jaŋ leŋ dʋnɩa aŋ mɩɩra mʋ mɩ Nyɩmma teeŋ.”

Jɔɔŋ 16:5

Ama lɛɛlɛ mɩɩ mʋ Nɩɩ-la sɩ tɩmmɛ teeŋ nɛ, aŋ ka ma kʋŋkala bɩ mɩ pɩɛsa arɩ nɩɩ nɛ mɩɩ mʋ.

Jɔɔŋ 17:13

Lɛɛlɛ saa mɩɩ kɔ ŋ teeŋ nɛ. Mɩ ha sɩ hɛ dʋnɩa lɛ ŋɩɩ, ŋɩɩ nɛ mɩ bʋl wɩaa deemba pɩba dɩ ba tʋɔŋ faasa tɔrɛ, arɩ mɩ tʋɔŋ sɩ tɔrɔ ŋɩɩ.

Jɔɔŋ 17:5

Oo, mɩ Nyɩmma, leŋ dɩ mɩ yɩrɩŋ yɩrɛ ŋ sɩpaaŋ lɛɛlɛ, yɩrɩ-la mɩ dɩŋ kala fa sɩ kɛnɛ, aŋ-na ŋaa dʋnɩa.

Jɔɔŋ 7:33

Yesu bʋla pɩ nɩ-daŋ-la, “Mɩ jaŋ hɛ ma teeŋ tapʋlaa baŋmɛnɛ, aŋ mɩɩra mʋ nɩɩ-la sɩ tɩmmɛ teeŋ.

Tɩntɩŋŋaa 1:3

Ʋ sɩ sii sʋʋŋ lɛ, ʋ kɛŋ ʋ tɩtɩa kʋ dagɛ ʋ nanzɔɔba-la a yʋgɛ nɛ tapʋlaa mahɩŋ balɩa pɛgɛ. Wombiee yʋga nɛ ʋ to kɛŋ ʋ tɩtɩa dagɛba arɩ ʋ weye, aŋ bʋl Wɩa kuorii-la wɩaa a pɩba.

Hiburu TƖŊŊAA 12:2

Má leŋ la joŋ la sɩaa pɛ Yesu lɛ, bɛɛ wɩaa wɩalɩŋ la sɩ laa dii kala tɩgɛ ʋ lɛ nɛ a lɩɩ dɩ-suomuŋ a kaa mʋ dɩdɛrɩŋ. Ʋ fa jɩma arɩ ʋ jaŋ na hɛɛŋ, ama ʋ bɩ wɩɩ-la ʋ sɩ laa dii leŋe ta, bɛɛ wɩaa ʋ jɩma arɩ ʋ sɩ ŋaa ŋɩɩ, Wɩa jaŋ leŋ dɩ ʋ tʋɔŋ tɔrɛ. Ŋɩɩ nɛ tɩɩ ʋ sɛɩ ba kpaasʋ mɛrɛ daagɛsɛ nyuŋ. Ʋ sɩ dii hɩɩsɩŋ ŋɩɩ, ʋ sɩpaa tuo. Ʋ sɩ na hɛɛ-la a dɛrɛ, ʋ jɩl Wɩa-jaŋ a lɛɛlɛ hɔŋ Wɩa kuoru kpasa nadiiŋ, nɩduoŋ dɩhɔnʋŋ.