Jɔɔŋ 16:14 - WƖA TENIŊ

¹⁴ Ʋ jaŋ leŋ dɩ nɩaa yɩrɛ mɩ yɩrɩŋ, bɛɛ wɩaa wɩalɩŋ kala mɩ sɩ kɛnɛ mɩ bʋl, ʋ jaŋ kaa kʋ bʋla pɩma.

Jɔɔŋ 16:14 ပူးပေါင်းရင်းမြစ်များ

ZƐKARƖYA 12:10

Mɩ jaŋ joŋ mɩ Dɩma hɛ Devit doho nɩaa arɩ Jerusalɛm nɩaa lɛ, dɩ ba fɩfá nɩaa nenige aŋ chʋchʋɔlɛmɛ. Ba jaŋ bibeŋ mɩ-na nɩɩ-la ba sɩ tɔbɔ, a yel mɩ lɛ a nagɛ nɩa sɩɩ yel ʋ bii-bala lɛ. Ba tʋɔŋ jaŋ faasa chei a nagɛ nɩa tʋɔŋ sɩ cheye ʋ bii-bumbuŋ sʋʋŋ lɛ.

Jɔɔŋ 14:21

Nɩɩ-la kala sɩ nɩɩ mɩ niiŋ wɩaa aa toba, ʋ tɩɩna nɛ chomi. Mɩ Nyɩmma ma saa jaŋ cho nɩɩ-la sɩ chomi. Mɩ ma jaŋ cho tɩɩna a kɛŋ mɩ tɩtɩa kaa dagʋ.”

Jɔɔŋ 15:26

Ama mɩ jaŋ leŋ dɩ Wɩa Dɩŋ-zɔmʋŋ lɩɩ mɩ Nyɩmma teeŋ a kʋ tuu hɛ ma lɛ. Ʋ jaŋ pɛ ma lɛ a dagɛma wʋtɩtɩɩ. Ʋ nɛ jaŋ bʋl mɩ wɩaa pɩma.

Jɔɔŋ 7:39

Yesu bʋl wɩaa deemba a tɩgɛ Wɩa Dɩŋ-zɔmʋŋ ʋ sɩ jaŋ joŋo hɛ nɩalɩŋ sɩ laa ʋ wɩaa dii lɛ nɛ. Bʋa-la lɛ dɩ ʋ ha bɩ Wɩa Dɩŋ-zɔŋ-la joŋo hɛ ba lɛ, bɛɛ wɩaa ʋ ha bɩ sʋʋŋ lɛ sie dɩ ʋ laa yɩrɩŋ.

1 Kɔrɩntɩ Nɩaa 12:3

Mɩɩ chɛ dɩ ma jɩŋ arɩ dɩ nʋʋ nɛ kɛŋ Wɩa Dɩŋ-zɔmʋŋ, ʋ bɩ jaŋ wuo bʋl wʋbɔŋ a tɩgɛ Yesu lɛ. Nʋʋkala bɩ jaŋ wuo bʋl dɩ Yesu nɛ ŋaa La Tɩɩna, see dɩ Wɩa Dɩŋ-zɔmʋŋ hɛ ʋ lɛ.

2 Kɔrɩntɩ Nɩaa 4:6

Bumbuŋ Wɩa sɩ ŋaa dʋnɩa, ʋ leŋe pʋlʋmʋŋ chaanɛ birimiŋ tʋɔŋ nɛ. Ŋɩɩ tɩtɩa nɛ lɛɛlɛ ʋ leŋ pʋlʋmʋŋ kʋ jʋʋ la tʋɔŋ. Pʋlʋŋ-la nɛ leŋe la kɛŋ wʋjɩmɩŋ a wuo jɩŋ ŋɩɩ Wɩa sɩɩ tʋl. Wɩa to Kirisito lɛ nɛ a dagɛ ʋ tʋla.

Galiisia Nɩaa 5:5

Ama Wɩa Dɩŋ-zɔmʋŋ doluŋ lɛ, la-na laa dii a kɛŋ yɩɛlaa arɩ la jaŋ kɛŋ tʋɔpʋla Wɩa sɩpaaŋ.

1 Pɩɩta 2:7

Ma nɩalɩŋ sɩ laa ʋ wɩaa dii, ʋ ŋaa kʋzɔŋ nɛ ma teeŋ. Ama ba ŋmʋnsɛ Wɩa teniŋ tʋɔŋ a tɩgɛ nɩalɩŋ sɩ bɩ ʋ wɩaa laa dii lɛ, “Tiebii-la dɩɩsaaraa sɩ vɩa, ʋ nɛ mɩɩra kʋ ŋaa jegunuŋ tiebii-duoŋ.”

1 Jɔɔŋ 3:23

Wɩɩ-la ʋ sɩ daga nɛ: dɩ la laa ʋ Bie Yesu Kirisito wɩaa dii a cho dɔŋɔ, arɩ ŋɩɩ ʋ sɩ dagɛla.

1 Jɔɔŋ 5:20

La bɩra jɩma arɩ Wɩa Bie nɛ kɔ a suri la sɩaa la wuo jɩŋ Wɩɩ-tɩtɩɩ-la. La dɩ Wɩɩ-tɩtɩɩ-la ŋaa kʋbala nɛ. La hɛ ʋ Bie lɛ. Ʋ nɛ ŋaa Wɩa tɩtɩa. Ʋ nɛ joŋ mɩɩsɩ-la sɩ bɩ dɛrɛ pɩla.

1 Jɔɔŋ 5:6

Ʋ-na Yesu Kirisito nɛ kɔ dʋnɩa ba fou Wɩɩchʋɔlɛ lɩɩŋ, a kpaasʋ mɛrɛ daagɛsɛ nyuŋ ʋ chalɩŋ jaasɛ. Ŋ-la daga arɩ lɩɩŋ dʋndʋŋa dee ba fou, ba kpaasʋ mɛrɛ daagɛsɛ nyuŋ ma nɛ ʋ chalɩŋ jaasʋ. Wɩa Dɩŋ-zɔmʋŋ bʋl wɩaa a tɩgɛ ŋɩɩ lɛ, bɛɛ wɩaa ʋ nɛ kɛŋ wʋtɩtɩɩ.

Jɔɔŋ Wʋnaalaa 19:10

Ŋɩɩ nɛ mɩ tuu kpirimi dɩ mɩ chʋɔlʋ, ama ʋ bʋla pɩmɛ, “Sɩ́ ŋɩɩ ŋaa, la kala ŋaa tɩntɩnnaa a tɩma pɩpɩ Wɩa, la dɩ nɩalɩŋ kala sɩɩ to wɩalɩŋ Yesu sɩ bʋla. Wɩa nɛ maga ŋ chʋɔlɛ. Wʋtɩtɩɩ-la Yesu sɩ daga nɛ leŋe Wɩa wʋlaabʋllaa kɛŋ doluŋ aa bʋl Wɩa wɩaa.”