Jɔɔŋ 16:13 - WƖA TENIŊ

¹³ Ama dɩ Wɩa Dɩŋ-zɔŋ-la nɛ kɔ, ʋ jaŋ dagɛma wʋtɩtɩɩ kala. Ʋ bɩ jaŋ bʋbʋl wɩaa ʋ tɩtɩa doluŋ lɛ, ama wɩalɩŋ kala ʋ sɩ nɩa mɩ Nyɩmma niiŋ lɛ nɛ ʋ jaŋ bʋl. Ʋ jaŋ dagɛma wɩalɩŋ kala sɩ jaŋ ŋaa.

Jɔɔŋ 16:13 ပူးပေါင်းရင်းမြစ်များ

AZAAYA 11:2

Wɩa Dɩma jaŋ hɛ ʋ lɛ dɩ ʋ kɛŋ wʋjɩmɩŋ a wuo jɩjɩŋ wɩaa bʋbʋɔŋ, a jɩŋ nɩaa chagɩlɩŋ, a kɛŋ doluŋ a jɩŋ wɩaa sɩaa a zizil La TƖƖNA.

JOWƐL 2:28

Ŋɩɩ harɩŋ, mɩ jaŋ joŋ mɩ Dɩma hɛ nʋʋkala lɛ. Ma hambolibiisiŋ arɩ ma hantolibiisiŋ jaŋ bʋbʋl wɩaa mɩ doluŋ lɛ, ma nɩhɩasɩŋ ma jaŋ duduosi duosoo, ma bapʋɔsaa ma jaŋ nɩna wɩaa a nagɛ duosoo tʋɔŋ.

Jɔɔŋ 12:49

Wɩalɩŋ mɩ sɩ bʋla, mɩ tɩtɩa doluŋ lɛ dee mɩ bʋl. Mɩ Nyɩmma sɩ tɩmmɛ, ʋ tɩtɩa nɛ dagɛmɛ wɩalɩŋ mɩ sɩ jaŋ bʋl, arɩ ŋɩɩ mɩ sɩ jaŋ bʋlba.

Jɔɔŋ 14:17

Ʋ jaŋ dɩdagɛma wʋtɩtɩɩ. Dʋnɩa nɩaa bɩ ʋ jɩŋ. Ba bɩ jaŋ wuo naʋ, ŋɩɩ nɛ tɩɩ ʋ bɩ jaŋ wuo hɛ ba lɛ. Ama ma-na jɩmʋ nɛ. Ʋ hɛ ma teeŋ nɛ. Ʋ saa jaŋ hɛ ma lɛ.

Jɔɔŋ 14:26

Ama mɩ Nyɩmma jaŋ leŋ dɩ ʋ Dɩŋ-zɔmʋŋ kʋ tuu a hɛ ma lɛ mɩ yɩrɩŋ lɛ. Ʋ jaŋ pɛ ma lɛ a wuo dagɛma wɩɩkala, a leŋ dɩ ma liisi wɩalɩŋ kala mɩ sɩ bʋla pɩma.

Jɔɔŋ 14:6

Ŋɩɩ nɛ Yesu bʋla pʋ, “Mɩ nɛ ŋaa wombiiŋ a mʋmʋ Wɩa-jaŋ. Mɩ nɛ bɩra wʋtɩtɩɩ Tɩɩna ma, a bɩraa pɩ nɩaa ma mɩɩsɩŋ. Nʋʋkala bɩ mɩ Nyɩmma teeŋ wuo mʋ, see dɩ ʋ to mɩ lɛ.

Jɔɔŋ 15:26

Ama mɩ jaŋ leŋ dɩ Wɩa Dɩŋ-zɔmʋŋ lɩɩ mɩ Nyɩmma teeŋ a kʋ tuu hɛ ma lɛ. Ʋ jaŋ pɛ ma lɛ a dagɛma wʋtɩtɩɩ. Ʋ nɛ jaŋ bʋl mɩ wɩaa pɩma.

Jɔɔŋ 16:12

Wɩaa yʋga nɛ mɩ ha kɛŋ dɩ mɩ bʋla pɩma, ama ma bɩ ba wuo nyalɩmɛ.

Jɔɔŋ 3:32

Ʋʋ bʋl wɩalɩŋ ʋ sɩ na aŋ nɩɩ ma nɛ, ama nʋʋkala bɩ ʋ niiŋ wɩaa sɛyɛ.

Jɔɔŋ 8:38

Mɩ-na yie bʋl wɩalɩŋ mɩ Nyɩmma sɩ dagɛmɛ nɛ, ma ma ŋɩŋaa wɩalɩŋ ma nyɩmma sɩ dagɛma dɩ ma ŋɩŋaa.”

Tɩntɩŋŋaa 11:28

Ba dɔŋɔ yɩrɩŋ nɛ Agabɔs. Ʋ sii chɩŋ a bʋl wɩaa, Wɩa Dɩŋ-zɔmʋŋ doluŋ lɛ dɩ losuŋ jaŋ jʋʋ dʋnɩa kala. Losu-la kʋ jʋʋ dɩ Kɩlaadɩa nɛ fa ŋaa Rom tinteeŋ kuoru-balɩŋ.

Tɩntɩŋŋaa 20:23

Mɩ ta jɩŋ nɛ arɩ taŋ-na kala lɛ mɩ sɩɩ mʋ, Wɩa Dɩŋ-zɔmʋŋ yie bʋla pɩmɛ sɩɩfɩɛsɩŋ arɩ wɩaa jaŋ jʋʋmɛ, dɩ ba kɛmmɛ tɔ dɩa ma.

Tɩntɩŋŋaa 27:24

a bʋla pɩmɛ, ‘Pɔɔl, sɩ́ fawʋllʋŋ fá. Ŋ jaŋ mʋ chɩŋ kuoru-balɩŋ Siiza sɩpaaŋ. Wɩa tɩŋ ŋ wɩaa nɛ a leŋ ŋ dɩ nɩalɩŋ kala sɩ hɛ lɩɩŋ daboro tʋɔŋ, kɛŋ mɩɩsɩŋ.’

2 Tɛsalonaaka Nɩaa 2:12

Ŋɩɩ wɩaa nɩɩ-la kala sɩ bɩ wʋtɩtɩɩ-la cho aŋ cho wʋbɔŋŋɔɔ, Wɩa jaŋ dii ʋ sarɩya a joŋ cheeriŋ pʋ.

2 Tɛsalonaaka Nɩaa 2:3

Má sɩ́ leŋe dɩ nʋʋkala nyɩsɛma wombii kala lɛ. Tapʋlɩɩ-la bɩ jaŋ yi, see dɩ nɩaa sii ŋaa taawɛɩ a vɩa Wɩa. Ŋɩɩ harɩŋ lɛ wʋbɔŋŋɔɔ kuoro, nɩɩ-la Wɩa sɩ jaŋ joŋo hɛ nyiniŋ lɛ, jaŋ kɛŋ ʋ tɩtɩa kaa dagɛ nɩaa.

Hiburu TƖŊŊAA 1:1

Faafaa-la Wɩa bʋl wɩaa pɩ la naabalɩmaba a yʋgɛ nɛ. Wombie-la ʋ sɩ to bʋl wɩaa pɩba ma yʋga nɛ. Ʋ to ʋ wʋlaabʋllaa lɛ nɛ a bʋl wɩaa deemba pɩba.

1 Jɔɔŋ 2:20

Ama ma-na jɩŋ wʋtɩtɩɩ nɛ, bɛɛ wɩaa Kirisito joŋ ʋ Dɩŋ-zɔmʋŋ hɛ ma lɛ nɛ.

1 Jɔɔŋ 2:27

Ama Kirisito joŋ ʋ Dɩŋ-zɔŋ-la hɛ ma lɛ nɛ. Ʋ Dɩŋ-zɔŋ-la sɩ hɛ ma lɛ ŋɩɩ, ma bɩra bɩ nʋʋ ka chɛ dɩ ʋ dagɛma. Ʋ Dɩŋ-zɔŋ-la sɩ hɛ ma lɛ ka dagɛma wɩɩkala nɛ. Wɩalɩŋ kala ʋ sɩɩ dagɛma ŋaa wʋtɩtɩɩba nɛ, wʋnyɩɛrɩ dee. Má to wɩalɩŋ ʋ Dɩŋ-zɔmʋŋ sɩ dagɛma, a leŋ ma dɩ Kirisito ŋaa kʋbala.

1 Jɔɔŋ 4:6

Ama la-na ŋaa nɩalɩŋ Wɩa sɩ tɩɩ nɛ. Nɩɩ-la kala sɩ jɩŋ Wɩa, ʋ tɩɩna ma jegilee nɩɩ la teeŋ nɛ. Nɩalɩŋ ma sɩ bɩ Wɩa jɩŋ, ba bɩ la teeŋ jegili. Ŋ-la lɛ nɛ la jaŋ wuo to jɩŋ wʋtɩtɩɩ tɩŋŋaa arɩ wʋnyɩɛraa.

1 Jɔɔŋ 5:6

Ʋ-na Yesu Kirisito nɛ kɔ dʋnɩa ba fou Wɩɩchʋɔlɛ lɩɩŋ, a kpaasʋ mɛrɛ daagɛsɛ nyuŋ ʋ chalɩŋ jaasɛ. Ŋ-la daga arɩ lɩɩŋ dʋndʋŋa dee ba fou, ba kpaasʋ mɛrɛ daagɛsɛ nyuŋ ma nɛ ʋ chalɩŋ jaasʋ. Wɩa Dɩŋ-zɔmʋŋ bʋl wɩaa a tɩgɛ ŋɩɩ lɛ, bɛɛ wɩaa ʋ nɛ kɛŋ wʋtɩtɩɩ.

Jɔɔŋ Wʋnaalaa 1:1

Wɩaa deemba nɛ Wɩa joŋo pɩ Yesu Kirisito dɩ ʋ joŋo dagɛ ʋ tɩntɩnnaa, dɩ ba jɩŋ wɩalɩŋ sɩ jaŋ ŋaa lɛɛlɛ. Wɩa tɩŋ ʋ tɩndaara ʋ kɔ ʋ tɩntɩnna Jɔɔŋ teeŋ a bʋl wɩalɩŋ pʋ.

Jɔɔŋ Wʋnaalaa 1:19

Lɛɛlɛ ŋmʋnsɛ wɩalɩŋ ŋ sɩ na, wɩalɩŋ sɩ hɛ nɩmɛ arɩ wɩalɩŋ sɩ jaŋ ŋaa harɩŋ.