Jɔɔŋ 16:11 - WƖA TENIŊ

¹¹ Wɩa sɩ folo dii dʋnɩa kuoro Sɩtaanɩ sarɩya ŋɩɩ, ba jaŋ jɩŋ arɩ Wɩa jaŋ dii ba ma sarɩya.

Jɔɔŋ 16:11 ပူးပေါင်းရင်းမြစ်များ

WƖAA DƖ-SUOMUŊ 3:15

Mɩ jaŋ joŋ dʋndɔnnʋŋ hɛ ŋ dɩ haal-la pɛgɛ. Ŋ biiriŋ arɩ ʋ biiriŋ jaŋ ŋaa dʋndɔmɔ. Adam doho nʋʋ jaŋ ŋmoo ŋ nyuŋ yɛrɛ, ka dɩ ŋ ma ta ʋ naatilimiŋ lɛ.”

WƖA YƖƖLAA 68:18

La Tɩɩna Wɩa, ŋ sɩɩ jɩl peel-la nyuŋ, ŋ pɛ kɛsɛ nɩalɩŋ ba sɩ yuo dii laalɩŋ lɛ nɛ, nɩaa pɩŋ zile kɩaa. Nɩalɩŋ sɩ paala bɩ ŋ niiŋ lɛ ka to ma pɩŋ zile kɩalɩŋ nɛ. Nɩmɛ nɛ ŋ jaŋ hɔŋ.

Matiu 12:18

Ʋ fa sɩ: “Mɩ Tɩntɩnna nɛ ŋ-la, nɩɩ-la mɩ sɩ lɩɩsa, nɩɩ-la mɩ sɩ cho, mɩ tʋɔŋ tɔrɛ ʋ nyuŋ. Mɩ jaŋ joŋ mɩ Dɩŋ-zɔmʋŋ hɛ ʋ lɛ. Ʋ jaŋ bʋl mɩ sarɩya diiniŋ wɩaa a pɩ dʋnɩa nɩaa kala.

Matiu 12:36

Mɩ bʋlaa pɩma arɩ sarɩya chɛ-diiliŋ, nʋʋkala jaŋ dagɛ wʋbɔmɔ-la ʋ niiŋ sɩ bʋla.

Luuk 10:18

Ŋɩɩ nɛ Yesu bʋla pɩba, “Mɩ na Sɩtaanɩ dɩ ʋ lɩɩ wɩa-nyuŋ kʋ tuu tel a nagɛ duonuŋ sɩɩ lɩgɩsɛ ŋɩɩ.”

Jɔɔŋ 12:31

Bʋa-la lɛ Wɩa sɩ jaŋ dii dʋnɩa nɩaa sarɩya yie nɛ. Bʋa deeŋ lɛ nɛ ʋ ma jaŋ kiri Sɩtaanɩ ta, dʋnɩa nɩaa kuoro.

Jɔɔŋ 14:30

Mɩ bɩ jaŋ wuo bʋl wɩaa ma teeŋ a dieni, bɛɛ wɩaa dʋnɩa kuoro ka kɔ nɛ. Ama ʋ bɩ dol kala kɛnɛ mɩ lɛ.

Jɔɔŋ 16:12

Wɩaa yʋga nɛ mɩ ha kɛŋ dɩ mɩ bʋla pɩma, ama ma bɩ ba wuo nyalɩmɛ.

Tɩntɩŋŋaa 10:42

Ʋ sɩ dɩ la bʋl Wɩa wɩaa a pɩ nɩaa, a dagɛba arɩ Wɩa lɩɩsʋ nɛ dɩ ʋ ŋaa nɩweyee arɩ nɩsʋʋnʋŋ kala sarɩya diire.

Tɩntɩŋŋaa 24:25

Ama Pɔɔl sɩ mʋ bʋl wɩaa a tɩgɛ tʋɔpʋla lɛ arɩ ŋɩɩ ŋ sɩ jaŋ wuo kɛŋ ŋ tɩtɩa lɛ, a bɩra bʋl tapʋlɩɩ-la Wɩa sɩ jaŋ dii dʋnɩa nɩaa sarɩya wɩaa ma, fawʋllʋŋ kɛŋ Fɛlɩs. Ŋɩɩ nɛ ʋ bʋl dɩ ʋ mʋ, ka dɩ ʋ nɛ na chɩnɩŋ ʋ jaŋ bɩra yɩrʋ.

Tɩntɩŋŋaa 26:18

Mɩ jaŋ tɩmɩŋ dɩ ŋ mʋ bʋl wɩaa a suri ba sɩaa, dɩ ba bɩrɩma lɩɩ birimiŋ lɛ a kʋ jʋʋ pʋlʋmʋŋ tʋɔŋ, a ŋaa dɩ ba lɩɩ Sɩtaanɩ nɩsɩŋ lɛ a kɔ Wɩa teeŋ. Dɩ ba nɛ ŋaa ŋɩɩ a laa mɩ wɩaa dii, Wɩa jaŋ joŋ ba wʋbɔŋŋɔɔ chɛba. Ba jaŋ na leriŋ nɩalɩŋ Wɩa sɩ lɩɩsa tʋɔŋ.’

Rom Tɩŋŋaa 16:20

Dɩ ma nɩɩ ŋaa ŋɩɩ, Wɩa sɩ pɩ nɩaa fɩɛlɩŋ, bɩ jaŋ dieni, aŋ kɛŋ Sɩtaanɩ nyaga bil ma naasɩŋ bʋbʋɔŋ dɩ ma nʋɔsɛ. La Tɩɩna Yesu Kirisito jaŋ fá ma nenige a pɛ ma lɛ.

Rom Tɩŋŋaa 2:16

Ŋɩɩ wɩaa Wɩa wʋzɔmɔ-la mɩ sɩ bʋla pɩma daga arɩ ŋ-la nɛ ʋ jaŋ nagɛ tapʋlɩɩ-la Wɩa sɩ jaŋ kɛŋ nɩaa wʋfalaa kaa kʋ lɩɩ pʋlʋmʋŋ, a to Yesu Kirisito lɛ a dii ba sarɩya.

1 Kɔrɩntɩ Nɩaa 4:5

Ŋɩɩ wɩaa, má sɩ́ cheeriŋ joŋo pɩ nʋʋkala, dɩ tapʋlɩɩ-la La Tɩɩna sɩ jaŋ kɔ a dii la sarɩya ha bɩ yie. Dɩ ʋ nɛ mɩɩra kɔ, wʋbɔmɔ-la kala nɩaa sɩ ŋaa birimiŋ tʋɔŋ, ba kala jaŋ kʋ lɩɩ pʋlʋmʋŋ. Nɩaa tʋɔbɩɩnaa kala ba sɩ kɛnɛ jaŋ kʋ lɩɩ pʋlʋmʋŋ. Bʋa-la lɛ Wɩa jaŋ bɛsɛ nʋʋkala lɛ a mʋ tɩgɛ wɩalɩŋ ʋ sɩ ŋaa.

2 Kɔrɩntɩ Nɩaa 4:4

Nɩaa deemba Sɩtaanɩ nɛ tɔ ba wʋjɩmɩŋ dɩ ba sɩ́ wuo na Wɩa wʋzɔmɔ-la pʋlʋmʋŋ. Wɩa wʋzɔmɔ-la nɩɩ dagɛ Kirisito tʋla, Nɩɩ-la sɩ nagɛ Wɩa.

Ɛfɛsɩs Nɩaa 2:2

Ma faa ŋaa wʋbɔŋŋɔɔ nɛ a ŋɩŋaa dʋnɩa deeŋ tʋɔtɔrɛ wɩaa, a tuto Sɩtaanɩ. Sɩtaanɩ nɛ ŋaa jɩŋ-bɔŋŋɔɔ kala kuoro, ʋ nɩɩ beŋ nɩalɩŋ sɩ bɩ Wɩa niiŋ wɩaa ka to.

Koloosi Nɩaa 2:15

Ʋ laa kɩalɩŋ kala la sɩ bɩ na ka ba kɛŋ doluŋ a bibeŋ leriŋ doluŋ nɛ. Ʋ sɩ sʋʋ daagɛsɛ nyuŋ ŋɩɩ, ʋ yuo diiba nɛ a hɩɩsɛba nʋʋkala na.

Hiburu TƖŊŊAA 2:14

Biiri-la Wɩa sɩ joŋo pɩ Kirisito kɛŋ chalɩŋ arɩ yaraa nɛ. Ŋɩɩ tɩtɩa nɛ Kirisito ma bɩrɩmɛ nuhuobiiŋ a kɛŋ chalɩŋ arɩ yaraa dɩ ʋ sʋʋ a wuo yuo dii Sɩtaanɩ, nɩɩ-la sɩ kɛŋ sʋʋŋ doluŋ,

Hiburu TƖŊŊAA 6:2

La bɩra bɩ chɛ la bʋl ŋɩɩ ba sɩ jaŋ fola Wɩɩchʋɔlɛ lɩɩŋ, arɩ ŋɩɩ ba sɩ jaŋ joŋ nɩsaa daŋ la lɛ, arɩ ŋɩɩ nɩaa sɩ jaŋ sʋʋ aŋ sii sʋʋŋ lɛ, arɩ ŋɩɩ Wɩa sɩ jaŋ dii nɩaa sarɩya a joŋ cheeriŋ pɩba a kaa mʋ deeŋ deeŋ, a bɩra joŋ mɩɩsɩŋ pɩ dɔnsʋŋ ma a kaa mʋ deeŋ deeŋ.

Hiburu TƖŊŊAA 9:27

Bala nɛ nʋʋkala jaŋ sʋʋ. Ŋɩɩ harɩŋ lɛ, Wɩa jaŋ dii ʋ tɩɩna sarɩya.

2 Pɩɩta 3:7

Wɩa bɩra bʋla arɩ ʋ jaŋ leŋ dɩ nyiniŋ dii tinteeŋ arɩ wɩa-nyuŋ kala sɩ hɛ nɩmɛ lɛɛlɛ ŋ-la. Ama ba jaŋ hɛ nɩmɛ halɩɩ, dɩ tapʋlɩɩ-la Wɩa sɩ jaŋ dii dʋnɩa nɩaa sarɩya kʋ yi. Nɩalɩŋ sɩ bɩ ʋ niiŋ wɩaa ka to, Wɩa jaŋ joŋ cheeriŋ pɩba a cheiba.

1 Jɔɔŋ 3:8

Ama nɩɩ-la kala ha sɩɩ ŋaa wʋbɔŋŋɔɔ, ʋ ŋaa Sɩtaanɩ nʋʋ nɛ. Sɩtaanɩ ŋaa wʋbɔŋŋɔɔ bumbuŋ kala nɛ a kaa kɔ arɩ jɩnɩŋ kala. Wɩɩ-la sɩ tɩɩ Wɩa Bie kɔ dʋnɩa nɛ ŋ-la: Ʋ kɔ dɩ ʋ chei Sɩtaanɩ tɩntɩŋŋaa nɛ.

Jɔɔŋ Wʋnaalaa 1:7

Má bee na, ʋ nɛ to duoŋ-bɩlɩmbaanaa tʋɔŋ a kʋkɔ. Nʋʋkala jaŋ naʋ. Nɩalɩŋ ma sɩ joŋ kɩaa tɔbʋ jaŋ naʋ. Dʋnɩa nɩaa kala jaŋ yel ʋ wɩaa. Ŋɩɩ sɛnɛ jaŋ ŋaa. Amɩɩ.