Jɔɔŋ 16:10 - WƖA TENIŊ

¹⁰ Mɩ sɩ mɩɩraa mʋ mɩ Nyɩmma teeŋ ŋɩɩ, ma bɩra bɩ jaŋ namɛ. Ʋ ŋɩɩ ma jaŋ dagɛ arɩ mɩ kɛŋ tʋɔpʋla nɛ Wɩa sɩpaaŋ.

Jɔɔŋ 16:10 ပူးပေါင်းရင်းမြစ်များ

AZAAYA 42:21

Ʋ ŋaa La TƖƖNA tʋɔtɔrɛ wɩɩ nɛ, ʋ tɩŋ ʋ tʋɔpʋla-la wɩaa a leŋ ʋ wombii-la ʋ sɩ bile dɩ la tuto kɛŋ doluŋ arɩ tʋla.

DANƖƐL 9:24

Jɩsɩŋ zɔɔ-banɛsɛ arɩ mahɩŋ banɛsɛ arɩ fii nɛ Wɩa lɩɩsɛ dɩ ʋ kaa ŋaa dɩ ŋ nɩaa arɩ tabal-la sɩ bɩ disiniŋ kɛnɛ wʋbɔŋŋɔɔ dɛrɛ, a giri nɩbɔŋ wɩaa ta, aŋ leŋ dɩ ba kɛŋ tʋɔpʋla deeŋ deeŋ a kaa kɔ tapʋlɩɩ-la Wɩa sɩ jaŋ lɩɩsɛ ʋ dɩɩ-bal-la sɩ chaasa zɔŋ a bɩ disiniŋ kɛnɛ, a leŋ dɩ wɩalɩŋ ŋ sɩ na duosoo tʋɔŋ arɩ wɩalɩŋ ba sɩ bʋla Wɩa doluŋ lɛ kʋ ŋaa wʋtɩtɩɩ.

Jɔɔŋ 16:28

Mɩ lɩɩ mɩ Nyɩmma teeŋ nɛ a kʋ tuu dʋnɩa. Lɛɛlɛ mɩ saa jaŋ leŋ dʋnɩa aŋ mɩɩra mʋ mɩ Nyɩmma teeŋ.”

Jɔɔŋ 16:5

Ama lɛɛlɛ mɩɩ mʋ Nɩɩ-la sɩ tɩmmɛ teeŋ nɛ, aŋ ka ma kʋŋkala bɩ mɩ pɩɛsa arɩ nɩɩ nɛ mɩɩ mʋ.

Jɔɔŋ 3:14

Mosis fa sɩ hɛ gɩrɩ-bine tʋɔŋ, ʋ fa kɛŋ hɔɔŋ a libi dɩmɩŋ nɛ, a joŋo mɛrɛ daaŋ lɛ a kaa jee. Ŋɩɩ tɩtɩa nɛ ba jaŋ kpaasɛ mɩ-na Nuhuobiine Bie ma daaŋ lɛ a kaa jee,

Jɔɔŋ 5:32

Ama nʋʋ ma nɛ hɛ nɩmɛ a jɩŋ mɩ wɩaa a bʋbʋlba. Mɩ saa jɩma wɩalɩŋ ʋ sɩɩ bʋl a tɩgɛ mɩ lɛ, ba ŋaa wʋtɩtɩɩba nɛ.

Jɔɔŋ 7:33

Yesu bʋla pɩ nɩ-daŋ-la, “Mɩ jaŋ hɛ ma teeŋ tapʋlaa baŋmɛnɛ, aŋ mɩɩra mʋ nɩɩ-la sɩ tɩmmɛ teeŋ.

Tɩntɩŋŋaa 17:31

bɛɛ wɩaa ʋ hɛ tapʋlɩɩ nɛ ʋ sɩ jaŋ dii dʋnɩa nɩaa kala sarɩya arɩ wʋtɩtɩɩ. Ʋ jaŋ to nuhuobiiŋ-la ʋ sɩ lɩɩsa lɛ nɛ a dii sarɩya-la. Nɩɩ-la sɩ sʋba, ʋ chɩsʋ sʋʋŋ lɛ a leŋ nʋʋkala jɩŋ arɩ wʋtɩtɩɩ nɛ.”

Tɩntɩŋŋaa 2:32

Yesu deeŋ nɛ Wɩa chɩsɛ sʋʋŋ lɛ ʋ kɛŋ mɩɩsɩŋ. La kala na wɩɩŋ deeŋ nɛ a jɩŋ ʋ lɛ.

Tɩntɩŋŋaa 3:14

Ma vɩa tʋɔpʋl Tɩɩna sɩ bɩ disiniŋ kɛnɛ nɛ, aŋ sʋl dɩ ba joŋ nɩkpʋʋra ta,

Tɩntɩŋŋaa 7:52

Wɩa wʋlaabʋllaa kʋŋkala tuo ma naabalɩmaba sɩ bɩ naasɩŋ to dɔgɩsɛ. Ba fa paala kpʋ nɩalɩŋ sɩ laa sɩpaaŋ bʋl dɩ Wɩa tʋɔpʋl Tɩɩna jaŋ kɔ nɛ. Ʋ nɛ lɛɛlɛ ma joŋo yallɛ ba kpʋ ŋɩɩ.

Rom Tɩŋŋaa 1:17

Wɩa wʋzɔmɔ-la dagɛ ŋɩɩ Wɩa sɩ ŋaa nɩaa wuo kɛŋ tʋɔpʋla ʋ sɩpaaŋ. Ʋ daga arɩ nɩalɩŋ sɩ laa Wɩa dii, ba kɛŋ tʋɔpʋla ʋ sɩpaaŋ, dɩ ba wuo chɩŋ ba laa diine-la naaŋ lɛ a mʋ dɛrɛ. Ba ŋmʋnsɛ ŋɩɩ nɛ Wɩa teniŋ tʋɔŋ a bʋl, “Nɩɩ-la kala sɩ laa Wɩa dii, ʋ ŋaa tʋɔpʋl tɩɩna nɛ Wɩa sɩpaaŋ, ʋ jaŋ kɛŋ mɩɩsɩŋ.”

1 Kɔrɩntɩ Nɩaa 1:30

Ama Wɩa leŋe ma to Kirisito Yesu lɛ nɛ a kɛŋ mɩɩsɩŋ. Wɩa saa leŋe Kirisito nɛ ŋaa la wʋjɩmɩŋ. A tɩŋ ʋ wɩaa Wɩa laala ta nɛ, la kʋ ŋaa tʋɔpʋl tɩmma ʋ teeŋ, a ŋaa nɩalɩŋ sɩ bɩ disiniŋ kɛnɛ.

2 Kɔrɩntɩ Nɩaa 5:21

Kirisito fa bɩ wʋbɔŋ kɛnɛ, ama a tɩŋ la wɩaa, Wɩa leŋe ʋ sʋʋ a nagɛ wʋbɔŋ ŋaarʋ. Wɩa ŋaa ŋɩɩ dɩ la wuo to Kirisito lɛ nɛ a kɛŋ tʋɔpʋla ʋ teeŋ.

Galiisia Nɩaa 5:5

Ama Wɩa Dɩŋ-zɔmʋŋ doluŋ lɛ, la-na laa dii a kɛŋ yɩɛlaa arɩ la jaŋ kɛŋ tʋɔpʋla Wɩa sɩpaaŋ.

1 Timoti 3:16

Wʋtɩtɩɩ, Wɩɩchʋɔlɛ wombii-la la sɩɩ to ŋaa wʋbal nɛ nʋʋkala bɩ jaŋ wuo kaa lɛrɛ. Wɩɩ-la fa faa nɛ ka Wɩa joŋo dagɛla lɛɛlɛ. Ʋ nɛ ŋ-la: Wɩa bɩrɩmɛ nuhuobiine nɛ a kʋ tuu dʋnɩa. Wɩa Dɩŋ-zɔmʋŋ ma dagɛ arɩ ʋ ŋaa tʋɔpʋl Tɩɩna nɛ. Wɩa tɩndaaraa ma naʋ. Nɩaa bʋl ʋ wɩaa dʋnɩa sɛmɛ-na kala lɛ. Dʋnɩa nɩaa laa ʋ wɩaa dii nɛ, aŋ ka Wɩa joŋu kaa jɩl Wɩa-jaŋ, ʋ laa yɩrɩŋ.

1 Pɩɩta 3:18

Yesu Kirisito sʋʋ la wʋbɔŋŋɔɔ wɩaa bala nɛ. Ʋ fa ŋaa tʋɔpʋl tɩɩna nɛ, a sʋʋ wʋbɔŋ ŋaaraa wɩaa, dɩ ʋ wuo kɛnla kaa mʋ Wɩa teeŋ. Nuhuobiinee nɛ kpʋ ʋ yaraa, ama Wɩa leŋ ʋ dɩma wei.