Jɔɔŋ 15:8 - WƖA TENIŊ

⁸ Dɩ ma nɛ ŋaa wʋzɔŋŋɔɔ yʋgɛ, mɩ Nyɩmma yɩrɩŋ jaŋ yɩrɛ. Ŋɩɩ lɛ nɛ ma jaŋ wuo dagɛ arɩ ma ŋaa mɩ harɩ-tooroo nɛ.

Jɔɔŋ 15:8 ပူးပေါင်းရင်းမြစ်များ

AZAAYA 60:21

Ŋ nɩaa kala jaŋ ŋaa tʋɔpʋl tɩmma, ba jaŋ tɩɩ tintee-la a kaa mʋ wuu. Ba nagɛ tɩɩsɩŋ mɩ sɩ chɔnsɔ nɛ, mɩ tɩntɩmɩŋ nɛ ŋɩɩ dɩ mɩ dagɛ mɩ doluŋ.

AZAAYA 61:3

Tʋɔ-chei-la nɩalɩŋ sɩ hɛ Zaayɔŋ lɛ sɩ kɛnɛ, ʋ jaŋ leŋ dɩ ba mɩɩra kɛŋ tʋɔtɔrʋŋ, dɩ tʋɔ-chei-la lɛl. Ba tʋɔŋ fa sɩ chei ŋɩɩ, ba jaŋ mɩɩra yɩɩ tʋɔtɔrɛ yɩɩlaa. Ba kala jaŋ nagɛ tɩɩsɩŋ La TƖƖNA tɩtɩa sɩ chɔnsɔ. Ba jaŋ ŋaa wɩalɩŋ sɩ zɔmɔ a leŋ dɩ La TƖƖNA yɩrɩŋ yɩrɛ.

HAGAƖ 1:8

Má jɩl peelee a keri doloo kaa tuu a paa mɩ dɩɩ-bal-la saa, dɩ mɩ tʋɔŋ tɔrɛ ʋ nyuŋ, dɩ nɩaa chʋchʋɔlɛmɛ nɩmɛ. Mɩ-na ma TƖƖNA nɛ bʋla.

Matiu 5:16

Ŋɩɩ tɩtɩa nɛ ma maga dɩ ma chaanɛ nɩaa teeŋ, dɩ ba wuo na wʋzɔmɔ-la ma sɩɩ ŋaa a dɛnnɛ ma Nyɩmma sɩ hɛ Wɩa-jaŋ lɛ.

Matiu 5:44

Ama lɛɛlɛ mɩ jaŋ bʋla pɩma, má cho ma dʋndɔŋŋɔɔ a chʋɔlɛ Wɩa pɩpɩ nɩalɩŋ sɩ to naasɩŋ dɔgɩsɛma.

Matiu 9:8

Nɩ-daŋ-la sɩ na ŋɩɩ, fawʋllʋŋ kɛmba. Ba dɛnnɛ Wɩa arɩ ʋ sɩ wuo joŋ doluŋ ŋɩɩ a pɩ nuhuobiinee.

Luuk 6:35

Ama wɩalɩŋ mɩ sɩɩ chɛ dɩ ma ŋaa nɛ ŋ-la: Má cho ma dʋndɔŋŋɔɔ a ŋɩŋaa wʋzɔŋŋɔɔ ba lɛ, a joŋ kɩaa chɩmba aŋ sɩ́ gbɛrɛ dɩ ba timma. Dɩ ma nɛ ŋaa ŋɩɩ, Wɩa jaŋ leŋ dɩ ma ŋaa ʋ-na Wɩɩ-balɩŋ biiriŋ, dɩ ʋ joŋ kʋbalbal timma. Wɩa yie pɛ nɩbɔŋŋɔɔ arɩ nɩalɩŋ ma kala sɩ kɛŋ sɩɩŋ lɛ nɛ.

Jɔɔŋ 13:35

Dɩ ma nɛ cho dɔŋɔ, ŋɩɩ lɛ nɛ nɩaa kala jaŋ to jɩŋ arɩ ma sɛnɛ ŋaa mɩ harɩ-tooroo nɛ.”

Jɔɔŋ 15:5

Ŋɩɩ nɛ Yesu bɩra bʋl, “Mɩ nagɛ tɩa nɛ, ma ma nagɛ tɩa-la naakelee. Nɩɩ-la kala sɩ mɛrɛ mɩ lɛ, mɩ ma mɛrɛ tɩɩna lɛ, ʋ nɛ jaŋ wuo ŋaa wʋzɔŋŋɔɔ yʋgɛ, bɛɛ wɩaa dɩ ma nɛ bɩ mɩ lɛ mɛrɛ, ma bɩ jaŋ wuo ŋaa wɩɩkala.

Jɔɔŋ 8:31

Ŋɩɩ nɛ Yesu bʋla pɩ Juu tɩmma-la sɩ laa ʋ wɩaa dii, “Dɩ ma nɛ kɛŋ wɩalɩŋ mɩ sɩɩ dagɛ kaa tɩtɩŋ, ma sɛnɛ ŋaa mɩ harɩ-tooroo nɛ.

1 Kɔrɩntɩ Nɩaa 10:31

Ŋɩɩ wɩaa kʋŋ na-kala ma sɩɩ dii arɩ kʋŋ na-kala ma sɩɩ nyʋa, wɩɩ-na kala ma sɩɩ ŋaa, má ŋaa ba kala dɩ Wɩa yɩrɩŋ yɩrɛ.

1 Kɔrɩntɩ Nɩaa 6:20

Wɩa joŋ ʋ chalɩŋ nɛ yɔɔma. Ŋɩɩ wɩaa, má kɛŋ ma yaraa tɩŋ tɩntɩmɩɩ-la sɩɩ tɔrɛ Wɩa tʋɔŋ.

Fɩlɩpa Nɩaa 1:11

Ŋɩɩ jaŋ leŋ dɩ ma to Yesu Kirisito lɛ a wasa ŋaa tʋɔpʋl wɩaa dɩ nɩaa na a dɛnnɛ Wɩa dɩ ʋ yɩrɩŋ yɩrɛ.

Taatɩs 2:10

Ba sɩ́ ba tɩɩnaba kɩaa gɩgaa. Wɩalɩŋ kala ba sɩɩ ŋaa, ʋ maga dɩ ba leŋ dɩ nɩalɩŋ sɩ tɩɩba laaba dii arɩ ba kɛŋ wʋtɩtɩɩ. Dɩ ba nɛ ŋaa ŋɩɩ, nʋʋkala jaŋ zil la Laataara Wɩa wʋzɔmɔ-la.

Taatɩs 2:5

a wuo kɛŋ ba tɩtɩa woruŋ, a sɩ́ wʋlɩɩlɩŋ ŋɩŋaa, a beŋ ba dɩa nɩaa woruŋ, a kɛŋ zile, a tuto ba balaba niiŋ woruŋ, dɩ nʋʋkala sɩ́ wuo bʋl wʋbɔŋ kala a tɩgɛ Wɩa wʋzɔmɔ-la lɛ.

1 Pɩɩta 2:12

Ma sɩ guoli nɩalɩŋ sɩ bɩ Wɩa wɩaa laa dii tʋɔŋ, má kɛŋ ma tɩtɩa woruŋ, dɩ ba sɩ́ wombiiŋ na a bʋl arɩ ma ŋaa nɩbɔmɔ nɛ. Dɩ ba nɛ bʋla arɩ maa ŋaa wʋbɔŋŋɔɔ ma, má leŋ dɩ ba na wʋzɔmɔ-la ma sɩɩ ŋaa, a dɛnnɛ Wɩa dɩ ʋ yɩrɩŋ yɩrɛ tapʋlɩɩ-la ʋ sɩ jaŋ dii nɩaa sarɩya.

1 Pɩɩta 4:11

Dɩ Wɩa nɛ pɩ nʋʋkala doluŋ dɩ ʋ wuo bʋbʋl Wɩa wɩaa, ʋ maga dɩ ʋ bʋl wɩalɩŋ Wɩa doluŋ lɛ nɛ. Dɩ nʋʋ nɛ tɩma pɩpɩ nɩaa, ʋ kɛŋ dol-la Wɩa sɩ joŋo pʋ a tɩma pɩpɩba. Má ŋaa ŋɩɩ dɩ nɩaa wuo to Yesu Kirisito lɛ a dɛnnɛ Wɩa, dɩ ʋ yɩrɩŋ yɩrɛ wɩɩ-na kala lɛ. Ʋ nɛ Nɩɩ-la sɩ kɛŋ doluŋ arɩ yɩrɩŋ a kaa mʋ wuu. Amɩɩ.