Jɔɔŋ 15:7 - WƖA TENIŊ

⁷ Dɩ ma nɛ mɛrɛ mɩ lɛ, dɩ mɩ niiŋ wɩaa hɛ ma tʋɔŋ, kʋŋkala ma sɩ pɩɛsɛmɛ a chɩchɛ, mɩ jaŋ ŋaa pɩma.

Jɔɔŋ 15:7 ပူးပေါင်းရင်းမြစ်များ

1 KUOROO 3:5

Tɩtaŋ kʋbala Solomoŋ sɩ hɛ Gibioŋ lɛ, La TƖƖNA kɛŋ ʋ tɩtɩa kʋ dagʋ duoso lɛ a bʋla pʋ, “Sʋl kʋŋ na-kala ŋ sɩɩ chɛ mɩ teeŋ, mɩ jaŋ pɩŋ.”

JOB 22:26

Dɩ ŋ nɛ ŋaa ŋɩɩ, ŋ jaŋ na tʋɔtɔrʋŋ La TƖƖNA doluŋ kala Tɩɩna teeŋ, a bibeŋ ʋ lɛ.

JOB 23:12

Mɩ bɩ ʋ niiŋ wʋdagaa vɩa. Mɩ cho ʋ niiŋ wɩalɩŋ a kɩɩ mɩ kʋdiilee.

WƖA YƖƖLAA 119:11

Mɩ joŋ ŋ niiŋ wɩaa hɛ mɩ tʋɔŋ lɛ nɛ, dɩ ŋɩɩ leŋ dɩ mɩ sɩ́ wʋbɔŋ kala ŋaa chei ŋ lɛ.

WƖA YƖƖLAA 37:4

Leŋ dɩ ŋ tʋɔŋ tɔrɛ La Tɩɩna nyuŋ. Ʋ jaŋ ŋaa ŋ wʋchɛɛlɛɛ kala pɩŋ.

NAMAGABA 10:24

Wɩɩ-la nɩbɔmʋŋ sɩ chaasa fɩfá nɛ jaŋ ŋaa ʋ lɛ, ama tʋɔpʋl tɩɩna-na jaŋ na wɩɩ-la ʋ sɩɩ chɛ.

NAMAGABA 4:4

ʋ fa dagɛmɛ a bʋl, “Wɩalɩŋ mɩ sɩ dagɩŋ, jomba hɛ ŋ tʋɔŋ lɛ a tutoba, ŋɩɩ jaŋ leŋ dɩ ŋ kɛŋ mɩɩsɩŋ.

AZAAYA 58:8

Ŋɩɩ nɛ mɩ pʋlʋmʋŋ jaŋ chaana hɛ ma lɛ a nagɛ chʋchʋɔŋ wɩɩpɔsʋŋ. Wɩalɩŋ kala fa sɩ nagɛ nyanyalaa ma lɛ, ba kala jaŋ lɛl, ka ma duori. Mɩ-na ma TƖƖNA jaŋ hɛ ma teeŋ a laama ta, mɩ tʋla jaŋ hɛ ma lɛ a pɔma.

JƐRƖMAAYA 15:16

Ŋ sɩ bʋl ŋ wɩaa pɩmɛ, mɩ jegile nɩɩ nɛ. Wɩalɩŋ nɩɩ pɩmɛ tʋɔtɔrʋŋ, mɩ choba woruŋ, bɛɛ wɩaa mɩ ŋaa ŋ nʋʋ nɛ, La TƖƖNA Wɩa doluŋ kala Tɩɩna.

Matiu 7:7

Má sʋl kɩaa, ma jaŋ laa, má chɛ kɩaa, ma jaŋ na. Má du boro, ba jaŋ kaa suro pɩma.

Jɔɔŋ 14:13

Kʋŋ na-kala ma sɩ pɩɛsa chɩchɛ mɩ yɩrɩŋ lɛ, mɩ jaŋ joŋo pɩma. Mɩ jaŋ ŋaa ŋɩɩ dɩ nɩaa wuo to mɩ lɛ a leŋ dɩ mɩ Nyɩmma yɩrɩŋ yɩrɛ.

Jɔɔŋ 15:16

Ma dee bɩ mɩ lɩɩsa, mɩ nɛ lɩɩsɛma. Mɩ nɛ lɩɩsɛma dɩ ma mʋ faasa ŋaa wʋzɔŋŋɔɔ, wʋzɔmɔ-la sɩ bɩ jaŋ lɛl. Dɩ ma nɩɩ ŋaa ŋɩɩ, mɩ Nyɩmma jaŋ pɩma kʋŋkala ma sɩ pɩɛsa chɩchɛ mɩ yɩrɩŋ lɛ.

Jɔɔŋ 16:23

Dɩ tapʋlɩɩ-la nɛ yie, ma bɩ jaŋ pɩɛsɛmɛ chɩchɛ kʋŋkala. Wʋtɩtɩɩ nɛ mɩ bʋlaa pɩma, mɩ Nyɩmma jaŋ pɩma kʋŋkala ma sɩ pɩɛsʋ chɩchɛ mɩ yɩrɩŋ lɛ.

Jɔɔŋ 8:31

Ŋɩɩ nɛ Yesu bʋla pɩ Juu tɩmma-la sɩ laa ʋ wɩaa dii, “Dɩ ma nɛ kɛŋ wɩalɩŋ mɩ sɩɩ dagɛ kaa tɩtɩŋ, ma sɛnɛ ŋaa mɩ harɩ-tooroo nɛ.

Jɔɔŋ 8:37

Mɩ jɩma arɩ ma ŋaa Abɩraham doho nɩaa nɛ, aŋ ka ma chɩchɛ dɩ ma kpʋmɛ, bɛɛ wɩaa wɩalɩŋ mɩ sɩ dagɛma bɩ ma dɩgɩlaa jʋa.

Galiisia Nɩaa 4:2

Nɩaa nɛ yie bibenu a dɩdagʋ wɩaa deeŋ deeŋ, ʋ kʋ waa a mʋ yi bʋa-la lɛ ʋ nyɩmma sɩ daga.

Galiisia Nɩaa 5:16

Ama wɩɩ-la mɩ sɩɩ chɛ dɩ mɩ bʋla pɩma nɛ ŋ-la: Má to Wɩa Dɩŋ-zɔmʋŋ niiŋ lɛ aŋ vɩa ma tɩtɩa tʋɔtɔrɛ wʋŋaalaa,

MOSIS BƖRA WULLI WƖA WOMBIIŊ 6:6

Wɩaa deemba mɩ sɩɩ dagɛma jɩnɩŋ, má joŋo hɛ ma tʋɔŋ lɛ.

Koloosi Nɩaa 3:16

Má leŋ dɩ wɩalɩŋ kala Kirisito sɩ bʋla hɛ ma tʋɔŋ woruŋ. Má kpʋrɩsɛ dɔŋɔba dɩgɩlaa aa dagɛ dɔŋɔ arɩ wʋjɩmɩŋ. Má yɩɩ yɩɩla-la sɩ hɛ Wɩa teniŋ tʋɔŋ, arɩ Wɩa nɩaa yɩɩlaa dɔnsʋŋ, arɩ yɩɩlaa Wɩa Dɩŋ-zɔŋ-la sɩ dagɛma. Má yɩɩ ŋɩɩ a pɩ Wɩa a lɔllʋ ma tʋɔŋ lɛ.

1 Jɔɔŋ 2:14

Mɩ kʋhɩasɩŋ ma, ma jɩŋ Nɩɩ-la fa sɩ hɛ nɩmɛ bumbuŋ kala nɛ, ŋɩɩ nɛ tɩɩ mɩ ŋmʋnsa pɩpɩma. Ma bapʋɔsaa ma, ma ma kɛŋ doluŋ, Wɩa niiŋ wɩaa ma hɛ ma tʋɔŋ lɛ. Ma lɛɛlɛ yuo dii Sɩtaanɩ nɛ, ŋɩɩ nɛ tɩɩ mɩ ŋmʋnsa pɩpɩma.

1 Jɔɔŋ 2:27

Ama Kirisito joŋ ʋ Dɩŋ-zɔŋ-la hɛ ma lɛ nɛ. Ʋ Dɩŋ-zɔŋ-la sɩ hɛ ma lɛ ŋɩɩ, ma bɩra bɩ nʋʋ ka chɛ dɩ ʋ dagɛma. Ʋ Dɩŋ-zɔŋ-la sɩ hɛ ma lɛ ka dagɛma wɩɩkala nɛ. Wɩalɩŋ kala ʋ sɩɩ dagɛma ŋaa wʋtɩtɩɩba nɛ, wʋnyɩɛrɩ dee. Má to wɩalɩŋ ʋ Dɩŋ-zɔmʋŋ sɩ dagɛma, a leŋ ma dɩ Kirisito ŋaa kʋbala.

1 Jɔɔŋ 3:22

Ŋɩɩ wɩaa, dɩ la nɛ sʋl kʋŋ na-kala ʋ teeŋ, ʋ jaŋ joŋo pɩla, bɛɛ wɩaa laa to wɩalɩŋ ʋ sɩ daga nɛ a ŋɩŋaa wɩalɩŋ sɩɩ tɔrɛ ʋ tʋɔŋ.

1 Jɔɔŋ 5:14

La kɛŋ bɔɩ-duoŋ nɛ Wɩa sɩpaaŋ, bɛɛ wɩaa la laa dii arɩ la nɛ sʋlʋ a chɩchɛ kʋŋkala sɩɩ tɔrɛ ʋ tʋɔŋ, ʋ jaŋ jegile nɩɩ la teeŋ.