Jɔɔŋ 15:6 - WƖA TENIŊ

⁶ Dɩ nʋʋ nɛ bɩ mɩ lɛ mɛrɛ, ba jaŋ joŋ tɩɩna yuo ta, a nagɛ ba sɩ yie keri tɩa naakelee ta ŋɩɩ ba hɩl, nɩaa paa a hɛ nyiniŋ lɛ ba dii.

Jɔɔŋ 15:6 ပူးပေါင်းရင်းမြစ်များ

2 SAMƲƐL 23:7

Dɩ nʋʋ nɩɩ chɛ ʋ digi sɔsʋ-la, see ʋ kɛŋ tɩntɩnnɩ kʋŋ sɩ ŋaa hɔɔŋ koo timiŋ, ba jaŋ nyɩgɛ ba kala nɩmɛ tɩtɩa ba sɩ pɩna.”

JOB 15:30

Ʋ bɩ jaŋ wuo foro lɩɩ birimiŋ lɛ, nyiŋgeliŋ jaŋ lieri ʋ pɩpaa-ɔlɩmɔɔ dɩ ba hɩl. Wɩa jaŋ wiesi peliŋ dɩ ʋ joŋu kaa viiri.

WƖA YƖƖLAA 80:15

Ŋ tɩtɩa nɛ chɔnsʋ a leŋ ʋ naapoloo tuu tinteeŋ. Ŋ leŋ ʋ waa a ŋaa ŋ kʋŋ.

AZAAYA 14:19

Ama, ba joŋ ŋ-na kʋsʋʋŋ yuo ta nɛ, a nagɛ tɩa naakeliŋ ba sɩ vɩa ta. Nɩalɩŋ ba sɩ kpʋa laalɩŋ lɛ a paa yuo hɛ bʋɔsʋŋ lɛ, ba kʋsʋʋnʋŋ pilime tɔ ŋ kʋsʋʋŋ nɛ. Ŋ nagɛ kʋa sɩ sʋba nɛ ba joŋo ta a nʋɔsa bɩbal.

AZAAYA 27:10

Taŋ-la ba sɩ saa kɛrɛ a golli kala pɩŋ hoi nɛ, ba vɩa ta nɛ, ʋ nagɛ tintee-hɩlɩŋ, nɛsɩŋ didii kɩaa nɩmɛ aŋ pɛ pɩpɩŋ nɩmɛ a gbegisi ʋ tɩɩsɩŋ pɩpaarɩŋ kala.

ƐZƖKƖƐL 17:9

Bʋla pɩ Iziral tɩŋŋaa, ‘Wɩɩ-la mɩ-na ma TƖƖNA Wɩɩjarɩbakɔ sɩ pɩɛsa nɛ ŋ-la: Ŋ bɩɩna girep tɩɩbɛ-la jaŋ wei? Bumbuŋ kachuu-la bɩ jaŋ churi ʋ dɩ ʋ naapoloo a pʋrɛ ʋ nɛnɛɛ ta dɩ tɩa-la hɩl? Ʋ dɩ ʋ pɩpaa falɩa-la kala jaŋ hɩl. Nɩpʋgʋŋ ma paala jaŋ wuo kɛŋ ʋ dɩ ʋ naapoloo kala lɛrɛ churi, nɩ-daŋ dee.

Matiu 13:41

Mɩ-na Nuhuobiine Bie jaŋ tɩŋ mɩ tɩndaaraa dɩ ba jʋʋ Wɩa kuorii-la tʋɔŋ a tʋɔsɛ nɩalɩŋ sɩ ŋaa wʋbɔŋ ŋaaraa, arɩ nɩalɩŋ kala sɩ ŋaa wʋbɔŋŋɔɔ

Matiu 27:5

Ŋɩɩ nɛ Judas joŋ moribie-la a yuo ta Wɩa dɩɩ-bal-la tinteeŋ aŋ lɩɩ a mʋ yuo ŋmɛnɩŋ.

Matiu 3:10

Na, ba kɛŋ saaŋ jee nɛ a ŋaa siri dɩ ba keri tɩɩsɩŋ lo. Tɩa-la kala sɩ bɩ nɛŋ-zɔŋŋɔɔ ka nɛŋ, ba jaŋ keru lo a joŋo hɛ nyiniŋ lɛ.

Matiu 7:19

Tɩa kala sɩ bɩ nɛŋ-zɔŋŋɔɔ ka nɛŋ, ba jaŋ kere ta a joŋo yuo hɛ nyiniŋ tʋɔŋ.

Jɔɔŋ 15:2

Naakel-la kala sɩ mɛrɛ tɩa-la lɛ aŋ bɩ nɛŋ, ʋ yie kere ta nɛ, naakel-la kala sɩɩ nɛŋ, ʋ yie buoro ta nɛ, ka dɩ ʋ wuo faasa nɛŋ woruŋ.

Hiburu TƖŊŊAA 10:27

Ama fawʋllʋŋ jaŋ kɛnla, bɛɛ wɩaa Wɩa jaŋ dii la sarɩya. Ʋ jaŋ joŋ cheeriŋ pɩla, a jonla hɛ nyiniŋ sɩ faasa didii lɛ. Nyiŋ-la jaŋ dii Wɩa dʋndɔŋŋɔɔ kala dɛrɛ.

2 Pɩɩta 2:20

Dɩ nɩaa nɛ kʋ jɩŋ La Tɩɩna Yesu Kirisito, a lɩɩsɛ ba tɩtɩa dʋnɩa wɩalɩŋ sɩ bɩ zɔŋ lɛ, aŋ bɩra leŋ dɩ wɩaa deemba malba a kɛŋ doluŋ ba lɛ, nɩaa deemba dɩdɛrɩŋ nɛ jaŋ bɔmɔ kɩɩ bʋa-la lɛ ba ha sɩ bɩ wʋtɩtɩɩ-la jɩŋ.

1 Jɔɔŋ 2:19

Ba lɩɩ la tʋɔŋ nɛ, ama la dɩ ba fa bɩ kʋbala ŋaa. Dɩ la dɩ ba nɛ fa ŋaa kʋbala, ba ma fa ha jaŋ hɛ la tʋɔŋ. Ama ba sɩ lɩɩ la tʋɔŋ nɛ daga arɩ la dɩ ba bɩ kʋbala ŋaa.

Jɔɔŋ Wʋnaalaa 20:15

Dɩ nʋʋkala yɩrɩŋ nɛ tuo mɩɩsɩŋ teŋ-la tʋɔŋ, ba yie joŋu yuo hɛ nyiŋ-bal-la tʋɔŋ nɛ.

Jɔɔŋ Wʋnaalaa 21:8

Ama nɩalɩŋ sɩ ŋaa fawʋlʋba, arɩ nɩalɩŋ sɩ bɩ Wɩa wɩaa laa dii, arɩ disiŋ ŋaaraa, arɩ nɩkpʋʋraa, arɩ nɩalɩŋ sɩɩ ŋaa wʋlɩɩlɩŋ, arɩ nɩalɩŋ sɩɩ ŋaa chichiribi wɩaa, arɩ vʋɩ-kpaaraa, arɩ nɩalɩŋ kala sɩɩ nyɩɛ wɩaa, ba jaŋ jʋʋ nyiniŋ sɩɩ dii a nagɛ jiribiiŋ tʋɔŋ. Sʋʋ bʋlɩa-la nɛ ŋɩɩ.”