Jɔɔŋ 15:5 - WƖA TENIŊ

⁵ Ŋɩɩ nɛ Yesu bɩra bʋl, “Mɩ nagɛ tɩa nɛ, ma ma nagɛ tɩa-la naakelee. Nɩɩ-la kala sɩ mɛrɛ mɩ lɛ, mɩ ma mɛrɛ tɩɩna lɛ, ʋ nɛ jaŋ wuo ŋaa wʋzɔŋŋɔɔ yʋgɛ, bɛɛ wɩaa dɩ ma nɛ bɩ mɩ lɛ mɛrɛ, ma bɩ jaŋ wuo ŋaa wɩɩkala.

Jɔɔŋ 15:5 ပူးပေါင်းရင်းမြစ်များ

NAMAGABA 11:30

Tʋɔpʋl tɩɩna nagɛ tɩa-la sɩɩ pɩ mɩɩsɩŋ nɛ, nɩɩ-la kala sɩ laa nɩaa mɩɩsɩŋ tɩta ŋaa wʋjɩnnʋ nɛ.

HOSIA 4:8

Mɩ nɩaa wʋbɔŋŋɔɔ ŋaanɩŋ lɛ nɛ Wɩɩsʋllɩ sɩpaalaaraa to didii kɩaa. Ba tʋɔŋ yie tɔrɛ nɛ dɩ nɩaa nɩɩ ŋaa wʋbɔŋŋɔɔ.

Matiu 13:21

Ama ba bɩ bɔyɛ kɛnɛ a nagɛ naapolo-la sɩ bɩ tinteeŋ jʋa ŋɩɩ, ba bɩ diene. Dɩ hɛɛŋ nɛ jʋʋba, koo dɩ ba to naasɩŋ dʋdɔgɩsɛba a tɩŋ wɩɩ-la wɩaa, ba tʋɔŋ guu lɩɩ wɩɩ-la lɛ, ba joŋo ta.

Jɔɔŋ 12:24

Wʋtɩtɩɩ nɛ mɩ bʋlaa pɩma, dɩ ŋ nɛ joŋ mɩɩ-biiŋ duu, ʋ yie pʋa nɛ tinteeŋ, aŋ nyʋ, a hɛ biee yʋgɛ. Dɩ ŋ nɛ bɩ joŋo duu tinteeŋ dɩ ʋ pʋa, ʋ bɩ jaŋ kɛŋ biee.

Jɔɔŋ 15:16

Ma dee bɩ mɩ lɩɩsa, mɩ nɛ lɩɩsɛma. Mɩ nɛ lɩɩsɛma dɩ ma mʋ faasa ŋaa wʋzɔŋŋɔɔ, wʋzɔmɔ-la sɩ bɩ jaŋ lɛl. Dɩ ma nɩɩ ŋaa ŋɩɩ, mɩ Nyɩmma jaŋ pɩma kʋŋkala ma sɩ pɩɛsa chɩchɛ mɩ yɩrɩŋ lɛ.

Jɔɔŋ 5:19

Ŋɩɩ nɛ Yesu bʋla pɩba, “Mɩ bʋl wʋtɩtɩɩ nɛ a pɩpɩma, mɩ-na Wɩa Bie bɩ wɩɩkala wuo ŋaa mɩ tɩtɩa doluŋ lɛ. Mɩ yie ŋɩŋaa wɩalɩŋ mɩ sɩ na dɩ mɩ Nyɩmma ŋaa nɛ. Wɩɩ na-kala ʋ sɩɩ ŋaa nɛ mɩ ma ʋ Bie ŋɩŋaa,

Jɔɔŋ 9:33

Dɩ baala deeŋ nɛ bɩ Wɩa teeŋ lɩa, ʋ bɩ wɩɩŋ deeŋ wuo ŋaa.”

Tɩntɩŋŋaa 4:12

Nʋʋkala bɩ jaŋ wuo laala ta, see Yesu dʋndʋŋa. Ʋ yɩrɩŋ dʋndʋŋa nɛ Wɩa sɩ la yɩrɛ dʋnɩa lɛ dɩ ʋ laala ta. Nʋʋ dɔŋ bɩra tuo dɩ ʋ laala ta.”

Rom Tɩŋŋaa 12:5

Ŋɩɩ tɩtɩa nɛ la ma nagɛ. La yʋga nɛ, aŋ ka la kala mɛrɛ Kirisito lɛ a ŋaa kʋbala. La ŋaa nɩ-dabaŋ dabamba nɛ a mɛrɛ dɔŋɔ lɛ a ŋaa yarɩ-bala.

Rom Tɩŋŋaa 6:22

Ama lɛɛlɛ Wɩa laama ta nɛ wʋbɔŋŋɔɔ nɩsɩŋ lɛ. Ma ŋaa Wɩa yosuŋ nɛ. Ma nyʋʋrʋŋ nɛ, ma bɩra sɩ bɩ disiŋ kala kɛnɛ, ma saa jaŋ kɛŋ mɩɩsɩ-la sɩ bɩ dɛrɛ.

Rom Tɩŋŋaa 7:4

Mɩ naambiiriŋ, ŋɩɩ tɩtɩa nɛ ma ma nagɛ. Ma sʋʋ wɩalɩŋ ba sɩ bile dɩ nɩaa tuto tʋɔŋ nɛ, bɛɛ wɩaa Kirisito sɩ sʋʋ ŋɩɩ, ma dɩ ʋ kala nɛ sʋba. Lɛɛlɛ nʋʋ dɔŋ nɛ tɩɩma, nɩɩ-la sɩ sii sʋʋŋ lɛ. Ʋ ŋaa ŋɩɩ dɩ la wuo tɩŋ tɩntɩŋ-zɔŋŋɔɔ a pɩ Wɩa nɛ.

1 Kɔrɩntɩ Nɩaa 10:16

Dɩ la nɩɩ dii kʋdiile-la Kirisito sɩ sɩ dɩ la dii a liliisi ʋ wɩaa, la yie lɔllɛ Wɩa nɛ, aŋ joŋ nyʋnyʋala-la a nyʋa ʋ tʋɔŋ kɩaa. La sɩ ŋaa ŋɩɩ yie dagɛ arɩ a tɩŋ Kirisito chalɩŋ wɩaa la ŋaa kʋbala nɛ. Dɩ la nɛ dii boroboro-la ma, ʋ ŋɩɩ daga arɩ a tɩŋ Kirisito yaraa wɩaa la kala ŋaa kʋbala nɛ.

1 Kɔrɩntɩ Nɩaa 12:12

Nuhuobiine yaraa ŋaa kʋbala nɛ, ama ʋ nandaasɩŋ yʋga nɛ. La yaraa nandaasɩŋ sɩ yʋga ŋɩɩ, ba kala pɛ dɔŋɔ lɛ nɛ a ŋaa yarɩ-bala. Ŋɩɩ tɩtɩa nɛ Kirisito ma nagɛ.

1 Kɔrɩntɩ Nɩaa 12:27

Ma kala sɩ laa Yesu wɩaa dii, ma ŋaa Yesu yaraa nɛ, ma kʋŋkala nɛ pɛ dɔŋɔ lɛ a ŋaa yarɩ-bala.

2 Kɔrɩntɩ Nɩaa 13:8

bɛɛ wɩaa la bɩ jaŋ wuo lɩɩ wʋtɩtɩɩ-la harɩŋ. Ama la chɩŋ wʋtɩtɩɩ-la lɛ nɛ.

2 Kɔrɩntɩ Nɩaa 9:10

Wɩa nɛ yie joŋ kʋdoho a pɩ paara ʋ duu, ʋ nɛ yie pʋ kʋdiilee ʋ didii. Ŋɩɩ wɩaa ʋ jaŋ pɩma kɩaa a leŋ dɩ ba pʋŋa pɛ bʋa na-kala lɛ. Ʋ sɩ leŋe ma kɩaa pʋŋa pɩpɛ ŋɩɩ, ʋ jaŋ leŋ dɩ ma ma kɛŋ zile kɩŋkɛŋ a pɩpɛ nɩaa lɛ.

Galiisia Nɩaa 5:22

Ama dɩ Wɩa Dɩŋ-zɔmʋŋ nɛ hɛ nʋʋ lɛ, ʋ yie ŋaa ʋ cho nɩaa nɛ, a kɛŋ tʋɔtɔrʋŋ, a fɩɛla hɔŋ sɔm, a kɛŋ kenyiri, a kɛŋ zile, a ŋɩŋaa wʋzɔŋŋɔɔ, a kɛŋ wʋtɩtɩɩ,

Ɛfɛsɩs Nɩaa 5:9

Pʋlʋmʋŋ tʋɔŋ nɛ nɩaa ŋɩŋaa wʋzɔŋŋɔɔ, tʋɔpʋl wɩaa arɩ wʋtɩtɩɩba.

Fɩlɩpa Nɩaa 1:11

Ŋɩɩ jaŋ leŋ dɩ ma to Yesu Kirisito lɛ a wasa ŋaa tʋɔpʋl wɩaa dɩ nɩaa na a dɛnnɛ Wɩa dɩ ʋ yɩrɩŋ yɩrɛ.

Fɩlɩpa Nɩaa 4:13

Mɩ jaŋ wuo kɛŋ mɩ tɩtɩa woruŋ wɩɩkala lɛ, a tɩŋ dol-la Kirisito sɩ pɩmɛ wɩaa.

Fɩlɩpa Nɩaa 4:17

Ʋ bɩ naga arɩ mɩ yie chɩchɛ dɩ mɩ laa kɩaa nɛ ma teeŋ, ama mɩ cho dɩ mɩ na arɩ ma time wasa yʋgɛ nɛ Wɩa teeŋ.

Koloosi Nɩaa 1:10

Ʋ jaŋ leŋ dɩ ma wʋŋaalaa kala chɩŋ Wɩa wombiiŋ lɛ, dɩ ʋ tʋɔŋ tɔrɛ ma nyuŋ a leŋ dɩ ma tɩŋ tɩntɩŋ-zɔŋŋɔɔ, tɩntɩŋ-dosunuŋ kala lɛ, dɩ ʋ kɛŋ doho, dɩ ma kʋ jɩŋ Wɩa woruŋ a waa pɛ.

Koloosi Nɩaa 1:6

Wɩa wʋzɔŋŋɔɔ deemba tɩŋ tɩntɩŋ-zɔŋŋɔɔ nɛ leree yʋgɛ dʋnɩa lɛ. Nɩaa yʋga a laaba dii, ba pʋŋ lere-la arɩ ba sɩ pʋŋ ŋɩɩ ma lɛ. Ba pʋŋ ŋɩɩ ma lɛ a suomi bʋa-la lɛ ma sɩ jegile nɩɩ wʋzɔmɔ-la a sɛnɛ jɩŋ ŋɩɩ Wɩa sɩ pɛ ma lɛ ʋ lahɔrɩmɔ lɛ.

Jeems 1:17

Kʋzɔŋ-na kala lɩɩ Wɩa teeŋ nɛ. Ʋ nɛ ta kɩalɩŋ kala sɩ hɛ wɩa-nyuŋ lɛ a chaanɛ. Ama dɩ ba nɛ jʋa, birimiŋ yie hɛ nɩmɛ. Wɩa tɩtɩa bɩ ŋɩɩ naga. Ʋ bɩ bɩrɩmɛ.

1 Pɩɩta 2:4

Ŋɩɩ wɩaa, má kʋ kpagɛ La Tɩɩna Kirisito, Nɩɩ-la sɩ nagɛ tabɩɩ-la sɩ kɛŋ mɩɩsɩŋ. Nɩaa vɩaʋ ta nɛ, ama Wɩa nɛ lɩɩsʋ ʋ ŋaa kʋzɔŋ ʋ teeŋ.

2 Pɩɩta 3:18

Má leŋ dɩ ma wʋjɩmɩŋ pʋŋa pɛ La Tɩɩna Yesu Kirisito wɩaa, Nɩɩ-la sɩ ŋaa la Laataara. Dɩ ma nɛ ŋaa ŋɩɩ, ʋ jaŋ pɛ ma lɛ. Ʋ yɩrɩŋ nɛ nɩaa jaŋ yɩrɛ lɛɛlɛ a kaa mʋ wuu. Amɩɩ.