Jɔɔŋ 15:26 - WƖA TENIŊ

²⁶ Ama mɩ jaŋ leŋ dɩ Wɩa Dɩŋ-zɔmʋŋ lɩɩ mɩ Nyɩmma teeŋ a kʋ tuu hɛ ma lɛ. Ʋ jaŋ pɛ ma lɛ a dagɛma wʋtɩtɩɩ. Ʋ nɛ jaŋ bʋl mɩ wɩaa pɩma.

Jɔɔŋ 15:26 ပူးပေါင်းရင်းမြစ်များ

Luuk 24:49

Mɩ jaŋ leŋ dɩ kʋ-la mɩ Nyɩmma sɩ sɩ ʋ jaŋ joŋo pɩma kɔ ma teeŋ. Ama má gbɛrɛ Jerusalɛm lɛ, a kaa mʋ yi bʋa-la lɛ doluŋ sɩ jaŋ lɩɩ Wɩa teeŋ a kʋ tuu hɛ ma lɛ.”

Jɔɔŋ 14:26

Ama mɩ Nyɩmma jaŋ leŋ dɩ ʋ Dɩŋ-zɔmʋŋ kʋ tuu a hɛ ma lɛ mɩ yɩrɩŋ lɛ. Ʋ jaŋ pɛ ma lɛ a wuo dagɛma wɩɩkala, a leŋ dɩ ma liisi wɩalɩŋ kala mɩ sɩ bʋla pɩma.

Jɔɔŋ 16:7

Ama wʋtɩtɩɩ nɛ mɩ bʋlaa pɩma ŋ-la: Mɩ sɩɩ mʋ ŋɩɩ, ʋ jaŋ zɔmɔ pɩma. Dɩ mɩ nɛ bɩ mʋa, Wɩa Dɩŋ-zɔmʋŋ sɩ jaŋ kɔ a pɛ ma lɛ bɩ jaŋ kɔ. Ama dɩ mɩ nɛ mʋa, mɩ jaŋ leŋ dɩ ʋ kɔ.

Jɔɔŋ 8:42

Ŋɩɩ nɛ Yesu bʋla pɩba, “Dɩ Wɩa nɛ sɛnɛ fa ŋaa ma Nyɩmma, ma fa jaŋ chomi, bɛɛ wɩaa, Wɩa teeŋ nɛ mɩ lɩɩ a kɔ daha. Mɩ tɩtɩa doluŋ lɛ dee mɩ kɔ. Ʋ nɛ tɩmmɛ.

Tɩntɩŋŋaa 1:4

Bʋa kʋbala lɛ, ʋ dɩ ba hɔnɔ didii kɩaa ʋ bʋla pɩba, “Má sɩ́ Jerusalɛm lɛ lɩɩ, má gbɛrɛ mɩ Nyɩmma zile kʋ-la ʋ sɩ sɩ ʋ jaŋ joŋo pɩma, kʋ-la wɩaa mɩ fa sɩ bʋla pɩma.

Tɩntɩŋŋaa 15:8

Mɩ mʋ bʋla pɩba. Ŋɩɩ nɛ Wɩa sɩ jɩŋ nʋʋkala tʋɔŋ joŋ ʋ Dɩŋ-zɔmʋŋ hɛ ba lɛ arɩ ʋ fa sɩ joŋo hɛ la lɛ ŋɩɩ, ŋɩɩ dagɛ arɩ ʋ maga dɩ ba ma laa Yesu wɩaa dii nɛ.

Tɩntɩŋŋaa 5:32

La pɛ na wɩaa deemba nɛ. Wɩa Dɩŋ-zɔmʋŋ ma, Wɩa sɩ joŋo hɛ nɩalɩŋ sɩɩ to ʋ niiŋ ma ŋaa pɛ-naaraa.”

1 Kɔrɩntɩ Nɩaa 1:6

Wɩɩ-la chaasa chɩŋ nɛ, bɛɛ wɩaa wʋzɔmɔ-la la sɩ bʋla a tɩgɛ Kirisito lɛ hɛ ma tʋɔŋ nɛ woruŋ.

Hiburu TƖŊŊAA 2:4

Wɩa ma tɩtɩa daga arɩ wɩɩ-la ba sɩ bʋla ŋaa wʋtɩtɩɩ nɛ. Ʋ dagɛ ʋ doluŋ a ŋaa wʋkpuŋkperisiŋ arɩ wʋmagɩlaa kala. Wɩa to ʋ tʋɔtɔrʋŋ lɛ nɛ a joŋ ʋ Dɩŋ-zɔmʋŋ a dii zile nɩaa lɛ.

Jɔɔŋ Wʋnaalaa 22:1

Ŋɩɩ nɛ Wɩa tɩndaarʋ-la bɩra dagɛmɛ fuo-la lɩɩŋ sɩɩ pɩ nɩaa mɩɩsɩŋ. Lɩɩ-la kala pʋlla nɛ chɩl chɩl a nagɛ beenantɩrɛ. Lɩɩ-la pɛllɛ lɩɩ Wɩa arɩ Pie-bie-la kuoru kpasa-la teeŋ nɛ,