Jɔɔŋ 15:22 - WƖA TENIŊ

²² Dɩ mɩ nɛ fa bɩ kʋ bʋl wɩaa pɩba, ba sɩ ŋaa wʋbɔmɔ-la kala, mɩ fa bɩ jaŋ wuo bʋl dɩ ba chei wɩɩkala. Ama mɩ sɩ folo kʋ bʋl wɩaa pɩba, ba bɩra bɩ jaŋ wuo bʋl arɩ ba bɩ wɩɩkala cheye.

Jɔɔŋ 15:22 ပူးပေါင်းရင်းမြစ်များ

ƐZƖKƖƐL 2:5

Ba ŋaa nɩa sɩ bɩ dagɩŋ ka sɛɩ nɛ. Dɩ ba jegile nɩɩ koo dɩ ba vɩa, ba jaŋ jɩŋ arɩ mɩ wʋlaabʋlla fa hɛ ba tʋɔŋ nɛ.

Luuk 12:46

dɩ ʋ ŋaa ŋɩɩ, ʋ bɩ siri ŋaa gbɛrɛ ʋ kʋhɩaŋ-la. Ʋ kʋhɩaŋ-la jaŋ kɔ tapʋlɩɩ-la ʋ sɩ bɩ yɩɛla. Ʋ jaŋ dɔgɩsʋ woruŋ aŋ kɛnʋ kaa mʋ hɛ lee-la nɩalɩŋ sɩ bɩ ʋ niiŋ wɩaa nɩɩ sɩ hɛ.

Jɔɔŋ 12:48

Wɩalɩŋ mɩ sɩ bʋla pɩma nɛ jaŋ dii tɩɩna sɩ bɩ mɩ wɩaa laa dii sarɩya chɛɛ-la dʋnɩa sɩ jaŋ dɛrɛ.

Jɔɔŋ 15:23

Nɩɩ-la sɩ bɛrɛmɛ, tɩɩna bɛrɛ mɩ Nyɩmma ma nɛ.

Jɔɔŋ 15:24

Wɩalɩŋ kala mɩ sɩ ŋaa, nʋʋkala bɩ ba ŋaa. Dɩ mɩ nɛ fa bɩ ba ŋaa dɩ ba na, ba fa bɩ jaŋ chei wɩɩkala. Ama ba na ba kala nɛ aŋ ha bɛrɛ mɩ dɩ mɩ Nyɩmma kala.

Jɔɔŋ 16:9

Ba jaŋ jɩŋ arɩ ba sɩ bɩ mɩ wɩaa laa dii, ʋ ŋɩɩ ŋaa wʋbɔŋ nɛ.

Jɔɔŋ 19:11

Ŋɩɩ nɛ Yesu bʋla pʋ, “Dɩ Wɩa nɛ fa bɩŋ doluŋ pa, ŋ fa bɩ jaŋ kɛŋ dol kala mɩ lɛ. Ama nɩɩ-la sɩ jommi hɛ ŋ nɩsɩŋ lɛ nɛ kɛŋ cheeriŋ a kɩɩŋ, ʋ wʋbɔmʋŋ nɛ bɩ magɩa kɛnɛ.”

Jɔɔŋ 9:41

Ŋɩɩ nɛ Yesu bʋla pɩba, “Dɩ ma nɛ fa nyʋlɩma a bɩ wʋtɩtɩɩ jɩŋ, ma fa bɩ wɩɩkala cheye. Ama lɛɛlɛ ma sɩ folo bʋl dɩ maa na nɛ a jɩŋ wʋtɩtɩɩ ŋ-la, ŋɩɩ-na ma cheeriŋ ha hɛ ma lɛ nɛ.”

Tɩntɩŋŋaa 17:30

Bʋa-la lɛ nuhuobiinee sɩ bɩ ʋ jɩŋ, ʋ fa tɔrɩkɔ nɛ ba nyuŋ. Ama lɛɛlɛ ʋ bʋla pɩpɩ nʋʋkala lee-na kala dɩ ba bɩrɩma lɩɩ ba wʋbɔŋŋɔɔ lɛ,

Rom Tɩŋŋaa 1:20

La bɩ Wɩa nagɩsɩŋ wuo jɩŋ. Ama la wuo chaasa na ŋɩɩ ʋ sɩ kɛŋ doluŋ sɩ bɩ dɛrɛ. Ʋ bɩ nuhuobiine naga. Ʋ dagɛla wɩaa deemba, a suomi bʋa-la lɛ ʋ sɩ ŋaa dʋnɩa a kaa kʋkɔ jɩnɩŋ. Kɩalɩŋ kala ʋ sɩ ŋaa nɛ dagɛla ŋɩɩ. Ŋɩɩ wɩaa nɩbɔŋŋɔɔ deemba bɩ jaŋ wuo bʋl arɩ ba bɩ jɩŋ.

Rom Tɩŋŋaa 2:1

Ma bɩ woruŋ ka ŋaa ma sɩ joŋ cheeriŋ pɩpɩ ma dɔnsʋŋ tɩŋŋaa, ma nɩalɩŋ sɩɩ bʋl nɩaa teeŋ a bʋl dɩ ba cheye nɛ, aŋ ŋɩŋaa wʋbɔmɔ-la tɩtɩa. Nɩɩ-la-na kala ma sɩ ŋaa, dɩ ma nɩɩ ŋaa wʋbɔmɔ-la, ma bɩra bɩ wɩɩkala kɛnɛ dɩ ma bʋl. Ma sɩɩ ŋaa ŋɩɩ, ma tɩtɩa laa cheeriŋ nɛ ŋɩɩ lɛ.

Jeems 4:17

Dɩ nʋʋ nɛ jɩŋ wʋzɔmʋŋ sɩ maga dɩ ʋ ŋaa, ka ʋ vɩa dɩ ʋ ŋaa wɩɩ-la, ŋɩɩ ŋaa wʋbɔŋ nɛ.

1 Pɩɩta 2:16

Ma tɩɩ ma tɩtɩa nɛ, ŋɩɩ wɩaa má hɔŋ a nagɛ nɩaa sɩ tɩɩ ba tɩtɩa, aŋ sɩ́ leŋe dɩ ŋɩɩ ŋaa dɩ ma ŋaa wʋbɔŋŋɔɔ. Ama má ŋaa wɩalɩŋ sɩ jaŋ dagɛ arɩ ma ŋaa Wɩa tɩntɩnnaa nɛ.