Jɔɔŋ 15:20 - WƖA TENIŊ

²⁰ Mɩ laa sɩpaaŋ bʋla pɩma arɩ tɩntɩnnʋ bɩ ʋ kʋhɩaŋ kɩɩ. Má liisi wɩɩŋ deeŋ. Ba sɩ dɔgɩsɛmɛ ŋɩɩ, ba jaŋ dɔgɩsɛ ma ma ŋɩɩ. Dɩ ba nɛ fa sɛɩ mɩ niiŋ wɩaa, ba fa jaŋ sɛɩ ma ma niiŋ wɩaa.

Jɔɔŋ 15:20 ပူးပေါင်းရင်းမြစ်များ

ƐZƖKƖƐL 3:7

Ama Iziral tɩŋŋaa bɩ jaŋ jegile nɩɩ ŋ teeŋ, bɛɛ wɩaa ba bɩ chɛ dɩ ba jegile nɩɩ mɩ teeŋ. Iziral tɩŋŋaa kala ŋaa nyu-duo tɩmma arɩ tʋɔ-dol tɩmma nɛ.

Matiu 10:24

Sikuuri bie bɩ nɩɩ-la sɩɩ dagʋ ka kɩɩ, nɩɩ-la sɩɩ tɩŋ tɩntɩŋŋaa nʋʋ dɔŋ teeŋ ma bɩ yʋga kɩɩ nɩɩ-la teeŋ ʋ sɩɩ tɩŋ. Tɩntɩnna bɩ ʋ kʋhɩaŋ ka kɩɩ.

Maak 10:39

Ba sɩ, “Oo, la jaŋ wuo.” Ŋɩɩ nɛ Yesu bʋla pɩba, “Wʋtɩtɩɩ nɛ ma bʋl. Hɛɛ-la mɩ sɩ jaŋ na, ʋ-nɛ ma ma jaŋ na. Ba sɩ jaŋ fomi Wɩɩchʋɔlɛ lɩɩŋ ŋɩɩ, ba jaŋ foma ma ŋɩɩ.

Luuk 2:34

Ŋɩɩ nɛ Simioŋ chʋɔlɛ Wɩa pɩba dɩ ʋ pɛ ba lɛ aŋ bʋla pɩ ʋ naaŋ Mɛɛrɩ, “Wɩa lɩɩsɛ ŋ bie deeŋ dɩ ʋ kʋ dɔgɩsɛ nɩalɩŋ sɩ bɩ ʋ wɩaa laa dii nɛ, aŋ laa nɩalɩŋ sɩ laa ʋ wɩaa dii ta Iziral tɩŋŋaa tʋɔŋ. Wɩa ta bie deeŋ dɩ ʋ ŋaa magɩl nɛ. Nɩaa yʋga sɩ jaŋ joŋ ba harɩŋ yɩaʋ,

Luuk 6:40

Sikuuri-bie bɩ nɩɩ-la sɩɩ dagʋ ka kɩɩ, ama dɩ nɩɩ-la sɩɩ dagʋ nɛ dagɛ bile dɛrɛ, ʋ jaŋ wuo magɛ nɩɩ-la sɩɩ dagʋ.

Jɔɔŋ 10:31

Yesu sɩ bʋl ŋɩɩ, Juu tɩmma-la bɩra paa tabɩaa dɩ ba yagʋ.

Jɔɔŋ 11:57

Bʋa-la lɛ, dɩ Wɩɩsʋllɩ sɩpaalaaraa kʋhɩasɩŋ arɩ Farisii tɩŋŋaa pa niiŋ, dɩ nʋʋkala nɛ jɩŋ Yesu sɩ hɛ lee-la, dɩ ʋ dagɛ, dɩ ba wuo kɛnʋ.

Jɔɔŋ 13:16

Wʋtɩtɩɩ nɛ mɩ bʋlaa pɩma, tɩntɩnnʋ kala bɩ ʋ kʋhɩaŋ kɩɩ, nɩɩ-la ma ba sɩ tɩma, ʋ ma bɩ nɩɩ-la sɩ tɩmʋ kɩɩ.

Jɔɔŋ 5:16

Yesu sɩ ŋaa ŋɩɩ chɛ-wiesii-la chɛɛŋ, ŋɩɩ nɛ tɩɩ Juu tɩŋŋaa suomo to Yesu naasɩŋ dɩ ba dɔgɩsʋ.

Jɔɔŋ 7:32

Farisii tɩŋŋaa sɩ nɩa dɩ nɩ-daŋ-la munso bʋbʋl Yesu wɩaa ŋɩɩ, ŋɩɩ nɛ ba dɩ Wɩɩsʋllɩ sɩpaalaaraa kʋhɩasɩŋ tɩŋ nɩalɩŋ sɩɩ pɔ Wɩa dɩɩ-balɩŋ dɩ ba mʋ kɛŋ Yesu.

Jɔɔŋ 8:51

Wʋtɩtɩɩ nɛ mɩ bʋlaa pɩma, nɩɩ-la kala sɩɩ to mɩ niiŋ wɩaa, ʋ bɩ jaŋ sʋʋ.”

Jɔɔŋ 8:52

Ŋɩɩ nɛ Juu tɩmma-la bʋla pʋ, “Lɛɛlɛ la jɩma arɩ ŋ kɛŋ jɩŋ-bɔŋ nɛ. Abɩraham sʋba nɛ. Wɩa wʋlaabʋllaa ma sʋʋ. Aŋ ka ŋ bʋl dɩ nɩɩ-la kala sɩɩ to ŋ niiŋ wɩaa bɩ jaŋ kɔ dɩ ʋ sʋba.

Jɔɔŋ 8:59

Ŋɩɩ nɛ ba paa tabɩaa dɩ ba yagʋ. Ʋ kɛŋ ʋ tɩtɩa faa a lʋara lɩɩ Wɩa dɩɩ-bal-la tʋɔŋ.

Tɩntɩŋŋaa 14:22

Leree deemba kala lɛ ba yie bʋl wɩaa pɩ nɩalɩŋ sɩ laa Yesu wɩaa dii, dɩ ba wasa kɛŋ wʋtɩtɩɩ a bʋl wɩaa nyaasɛ ba nyuŋ dɩ ba chɩŋ ŋɩɩ ba sɩ laa Wɩa dii lɛ. Ba bʋla pɩba, “La nɩalɩŋ sɩ laa Yesu wɩalɩŋ dii, jaŋ na hɛɛŋ kɩŋkɛŋ, aŋ-na jʋʋ Wɩa kuorii-la tʋɔŋ.”

1 Kɔrɩntɩ Nɩaa 4:12

La faasa tɩtɩŋ nɛ dɩ la pɛ la tɩtɩa lɛ. Dɩ nɩaa nɛ ŋmɩɛsa hɛ la lɛ, la-na yie sʋl Wɩa pɩba nɛ, dɩ ba nɛ to naasɩŋ dʋdɔgɩsɛla, la yie nyalɩmɛ nɛ.

2 Kɔrɩntɩ Nɩaa 4:9

Ba yie to naasɩŋ a dʋdɔgɩsɛla, ama Wɩa bɩ la vɩa ta. Nɩaa yie ŋmoola lo, ama la bɩ sʋʋ.

1 Tɛsalonaaka Nɩaa 2:15

Juu tɩŋŋaa deemba nɛ kpʋ La Tɩɩna Yesu arɩ Wɩa wʋlaabʋllaa, aŋ to naasɩŋ dɔgɩsɛ la ma. Ba ŋaa wɩaa chei Wɩa tʋɔŋ nɛ aŋ hosi nʋʋkala nyuŋ.

2 Timoti 3:12

Nʋʋkala sɩɩ chɛ dɩ ʋ to Wɩa wombiiŋ dɩ ʋ dɩ Kirisito Yesu ŋaa kʋbala, nɩaa jaŋ to naasɩŋ dɔgɩsʋ.

1 SAMƲƐL 8:7

Ŋɩɩ nɛ La TƖƖNA bʋla pʋ, “Jegile nɩɩ wɩalɩŋ kala nɩalɩŋ sɩ bʋlaa pɩŋ. Ŋ dee ba vɩa, mɩ-na sɩ ŋaa ba kuoro nɛ ba vɩa ŋɩɩ.