Jɔɔŋ 15:2 - WƖA TENIŊ

² Naakel-la kala sɩ mɛrɛ tɩa-la lɛ aŋ bɩ nɛŋ, ʋ yie kere ta nɛ, naakel-la kala sɩɩ nɛŋ, ʋ yie buoro ta nɛ, ka dɩ ʋ wuo faasa nɛŋ woruŋ.

Jɔɔŋ 15:2 ပူးပေါင်းရင်းမြစ်များ

JOB 17:9

Ama tʋɔpʋl tɩŋŋaa ha jaŋ chɩŋ ba tʋɔpʋl wʋŋaalaa naaŋ lɛ. Nɩalɩŋ sɩ bɩ wʋbɔŋŋɔɔ ka ŋaa doluŋ jaŋ pʋŋa pɩpɛ.

WƖA YƖƖLAA 92:14

Ba jaŋ hɩɛsɛ, aŋ ha nɩnɛŋ. Ba jaŋ kɛŋ yarɩfɩɛlaa dɩ ba pɩpaarɩŋ zɔŋ.

NAMAGABA 4:18

Tʋɔpʋl tɩŋŋaa wombiiŋ nagɛ taŋ sɩ pʋlaa kɔ leriŋ pʋpʋllɛ nɛ, a pʋllɛ ŋɩɩ a mʋ yi bʋa-la lɛ leriŋ sɩ chaasa pʋlla dɛrɛ.

AZAAYA 27:9

Wɩɩ-la Iziral tɩŋŋaa sɩ jaŋ ŋaa dɩ La TƖƖNA joŋ ba wʋbɔŋŋɔɔ kala chɛba nɛ ŋ-la: Dɩ ba nɛ ŋmoo ba vʋɩyaa korunu-la tabɩaa kala a yɛrɛ muno muno arɩ ba sɩ bugisi chʋrʋŋ ʋ bii ŋɩɩ, a sɩ́ leŋe dɩ veŋ-haal-la ba sɩɩ yɩrɛ Asɩra daasɩŋ kʋŋkala hɛ nɩmɛ arɩ ba kʋsʋɔrʋsʋŋ sʋɔra sɩ sɩma korunuŋ.

AZAAYA 29:19

Nɩalɩŋ sɩ kɛŋ ba tɩtɩa muuri jaŋ wasa jʋɔsɛ La TƖƖNA teeŋ, dɩ nɩalɩŋ ma sɩ bɩ ba tɩtɩa lɛ wuo pɛ, bɩra jʋɔsɛ Iziral tɩŋŋaa Wɩa sɩ bɩ disiniŋ kɛnɛ teeŋ.

DANƖƐL 11:35

Nɩalɩŋ dɔnsʋŋ sɩ kɛŋ wʋjɩmɩŋ jaŋ na hɛɛŋ, dɩ ŋɩɩ ŋaa wɩɩ sɩ jaŋ chɛsɛba a pɩɩsɛ ba disiniŋ ta ka dɩ ba zɔŋ a kaa mʋ yi dɩdɛrɩ-la Wɩa sɩ daga.

HOSIA 6:3

Má leŋ dɩ la jɩŋ La TƖƖNA. Má leŋ la hɛ doluŋ aŋ jɩmʋ. Ʋ jaŋ kʋ lɩɩ, a nagɛ wɩɩpɔsʋŋ sɩ yie pɔsɛ. Ʋ jaŋ kɔ la teeŋ a nagɛ tafaaŋ duonuŋ, a nagɛ yɩ-biiniŋ duonuŋ sɩ yie nɩɩ ŋɩɩ leriŋ fɩɛlɛ.”

MALAKAƖ 3:3

Tɩndaarʋ-la jaŋ kʋ chɛsɛ Levi doho nɩaa dɩ ba lɩɩ a nagɛ sɛlɩmɛ koo hɔpʋla ba sɩ joŋo hɛ nyiniŋ lɛ a lɩɩsɛ hɔɔ-bɩnɩŋ. Ŋɩɩ lɛ nɛ La TƖƖNA jaŋ kɛŋ tʋɔpʋl tɩŋŋaa dɩ ba kɛŋ kɩaa kʋ ŋaa Wɩɩsʋlʋŋ a pʋ,

Matiu 13:12

Nɩɩ-la kala sɩ to Wɩa niiŋ wɩaa, Wɩa jaŋ faasa pɛ ʋ lɛ woruŋ. Nɩɩ-la ma sɩ bɩ Wɩa niiŋ wɩaa ka to, Wɩa bɩ jaŋ pɛ ʋ lɛ. Ʋ sɩ pɛ ʋ lɛ mʋa-la ma, ʋ jaŋ laa ʋ kʋa.

Matiu 13:33

Yesu bɩra magɛ namaga dɔŋɔ a pɩba a bʋl, “Wɩa kuorii-la nagɛ sɩbʋrʋŋ nɛ haala joŋo hɛ munuŋ sɩ yʋga lɛ, a kaa kuosi, ʋ sii pʋɔra laa muŋ-la kala.”

Matiu 15:13

Ŋɩɩ nɛ ʋ bʋla pɩba, “Tɩa-la kala mɩ Nyɩmma sɩ hɛ Wɩa-jaŋ sɩ yie bɩ chɔnsɔ, ba jaŋ kaa churo ta.

Matiu 21:19

Ʋ na tutogo dɩ ʋ chɩŋ ʋ sɩpaaŋ wombiiŋ niiŋ. Ʋ mʋ yi tutogo-la bʋbʋɔŋ a wʋla beŋ dɩ nɛnɛɛ tuo, see pɩpaarɩŋ. Ŋɩɩ nɛ ʋ bʋl tɩa-la lɛ, “A lɩɩ jɩnɩŋ a kaa mʋmʋ, ŋ bɩra bɩ jaŋ nɛŋ.” Tɩa-la guu sʋʋ.

Matiu 25:29

Ŋɩɩ nɛ Yesu bʋla pɩba, “Nɩɩ-la sɩ paala kɛŋ kɩaa yʋgɛ nɛ Wɩa jaŋ wasa chɛ a pɛ pa dɩ ʋ kaa yʋgɛ kɩŋkɛŋ, ama nɩɩ-la sɩ bɩ faasa kɛŋ kɩaa yʋgɛ, mʋapɩlɩɩ-la ma ʋ sɩ kɛnɛ, Wɩa jaŋ kaa laa ʋ teeŋ.

Matiu 3:10

Na, ba kɛŋ saaŋ jee nɛ a ŋaa siri dɩ ba keri tɩɩsɩŋ lo. Tɩa-la kala sɩ bɩ nɛŋ-zɔŋŋɔɔ ka nɛŋ, ba jaŋ keru lo a joŋo hɛ nyiniŋ lɛ.

Matiu 3:12

Ʋ jaŋ kori ʋ mɩɩ-chaarɩ gbaŋa, dɩ ʋ ŋmoo ʋ mɩaa kala dɛrɛ, ʋ jaŋ kɛŋ gbaŋa-la a kaa chaarɛ a lɩɩsɛ mɩɩ-biiŋ a hɛ ʋ vire lɛ aŋ joŋ jɔrʋŋ a hɛ nyiniŋ lɛ. Nyiŋ-la bɩ jaŋ dɩsɛ.”

Matiu 7:19

Tɩa kala sɩ bɩ nɛŋ-zɔŋŋɔɔ ka nɛŋ, ba jaŋ kere ta a joŋo yuo hɛ nyiniŋ tʋɔŋ.

Maak 4:20

Kɩalɩŋ ma sɩ tel tintee-zɔmʋŋ lɛ nɛ ŋaa nɩalɩŋ sɩ yie nɩɩ Wɩa niiŋ wɩalɩŋ a laaba hɛ ba tʋɔŋ lɛ ba kɛŋ doho a pʋŋ, dɔnsʋŋ mara arɩ fii fii, dɔnsʋŋ mahɩŋ batori batori, dɔnsʋŋ zɔlɔ zɔlɔ.”

Luuk 8:13

Kɩalɩŋ sɩ tel kpagɩnyɩlɩŋ nyuŋ ma nɛ ŋaa nɩalɩŋ sɩ yie nɩɩ Wɩa niiŋ wɩalɩŋ a sɛɩ arɩ tʋɔtɔrʋŋ. Ama ʋ bɩ ba tʋɔŋ tibe. Ba yie sɛɩ wɩɩ-la a mʋ magɛ ŋɩɩ aŋ vɩa. Dɩ wɩaa nɛ jʋʋba, ba joŋo ta.

Jɔɔŋ 15:1

Ŋɩɩ nɛ Yesu bʋl, “Mɩ nɛ ŋaa tɩɩ-tɩtɩɩ-la. Mɩ Nyɩmma ma nagɛ nɩɩ-la sɩɩ beŋ tɩa-la nɛ.

Jɔɔŋ 15:16

Ma dee bɩ mɩ lɩɩsa, mɩ nɛ lɩɩsɛma. Mɩ nɛ lɩɩsɛma dɩ ma mʋ faasa ŋaa wʋzɔŋŋɔɔ, wʋzɔmɔ-la sɩ bɩ jaŋ lɛl. Dɩ ma nɩɩ ŋaa ŋɩɩ, mɩ Nyɩmma jaŋ pɩma kʋŋkala ma sɩ pɩɛsa chɩchɛ mɩ yɩrɩŋ lɛ.

Jɔɔŋ 15:3

Ma paala bɩra bɩ disiniŋ kɛnɛ a tɩŋ wɩalɩŋ mɩ sɩ bʋla pɩma.

Jɔɔŋ 15:6

Dɩ nʋʋ nɛ bɩ mɩ lɛ mɛrɛ, ba jaŋ joŋ tɩɩna yuo ta, a nagɛ ba sɩ yie keri tɩa naakelee ta ŋɩɩ ba hɩl, nɩaa paa a hɛ nyiniŋ lɛ ba dii.

Jɔɔŋ 15:8

Dɩ ma nɛ ŋaa wʋzɔŋŋɔɔ yʋgɛ, mɩ Nyɩmma yɩrɩŋ jaŋ yɩrɛ. Ŋɩɩ lɛ nɛ ma jaŋ wuo dagɛ arɩ ma ŋaa mɩ harɩ-tooroo nɛ.

Jɔɔŋ 17:12

Mɩ sɩ hɛ ba teeŋ, mɩ beŋ ba nyuŋ nɛ woruŋ ŋ doluŋ lɛ, dol-la ŋ sɩ joŋo pɩmɛ nɛ mɩ kaa bemba. Mɩ sɩ ŋaa ŋɩɩ, ba kʋbala ma bɩ lɛlɛ, see nɩɩ-la sɩ maga dɩ ʋ lɛl, dɩ wɩalɩŋ ba fa sɩ ŋmʋnsa Wɩa teniŋ tʋɔŋ sɛnɛ ŋaa.

Rom Tɩŋŋaa 11:17

Juu tɩŋŋaa saa nagɛ tɩa-la ba sɩɩ yɩrɛ Olif nɛ. Ba kɛŋ ʋ nɛnɛɛ a kaa tutugi nʋʋŋ nɛ. Wɩa ŋaa ʋ zɔŋ. Ŋɩɩ nɛ Wɩa keri ʋ naakelee dɔnsʋŋ, aŋ kɛmma kaa mɛrɛ ba leree, ma nɩalɩŋ sɩ nagɛ gɩrɩŋ tɩɩ-naakelee. Ʋ ŋaa ŋɩɩ dɩ ma ma pɛ nɩɩ Olif tɩɩ-zɔŋ-la naakelee sɩma nɛ.

Rom Tɩŋŋaa 11:22

Ma na ŋɩɩ Wɩa sɩ kɛŋ zile arɩ ŋɩɩ ʋ sɩ tɛrɛ nɛ. Ʋ tɛrɛ nɩalɩŋ sɩ mɩɩrɛ ʋ harɩŋ nyuŋ nɛ. Ama ʋ kɛŋ zile ma-na teeŋ, dɩ ma nɛ sɛyɛ dɩ ma tuto ʋ zile-la lɛ arɩ ma sɩ suomi ŋɩɩ. Ŋɩɩ dee ʋ jaŋ kerima ma ta.

Rom Tɩŋŋaa 8:28

La jɩma wɩɩkala lɛ, Wɩa yie leŋ wɩaa zɔŋ nɛ a pɩ nɩalɩŋ sɩ chou, nɩalɩŋ ʋ sɩ lɩɩsa ʋ tʋɔtɔrʋŋ lɛ.

1 Kɔrɩntɩ Nɩaa 13:1

Dɩ mɩ nɛ wuo bʋbʋl yikoro-na kala a wuo bʋbʋl Wɩa tɩndaaraa ma yikoro, aŋ bɩ nɩaa cho, ʋ nagɛ bimbelimiŋ nɛ mɩ ŋmuŋmoo ŋɩɩ a ŋɩŋaa goŋ pɛɩ.

Taatɩs 2:14

La wɩaa nɛ tɩɩ ʋ sʋʋ, dɩ ʋ laala ta la wʋbɔŋŋɔɔ lɛ a pɩɩsɛ la disiniŋ ta, dɩ la ŋaa ʋ nɩaa. Ʋʋ chɛ dɩ la ŋaa nɩa sɩ joŋ la nyuŋ hɛ wʋzɔŋŋɔɔ ŋaanɩŋ lɛ.

Hiburu TƖŊŊAA 12:15

Wɩa sɩ fá la kala nenige ŋɩɩ, má pɔ dɩ nʋʋkala sɩ́ harɩŋ joŋo yɩaʋ. Má pɔ ma tɩtɩa lɛ dɩ nɩbɔŋ kala sɩ́ ma tʋɔŋ hɛ a ŋaa wɩaa chei nɩ-daŋ.

1 Jɔɔŋ 2:19

Ba lɩɩ la tʋɔŋ nɛ, ama la dɩ ba fa bɩ kʋbala ŋaa. Dɩ la dɩ ba nɛ fa ŋaa kʋbala, ba ma fa ha jaŋ hɛ la tʋɔŋ. Ama ba sɩ lɩɩ la tʋɔŋ nɛ daga arɩ la dɩ ba bɩ kʋbala ŋaa.

Jɔɔŋ Wʋnaalaa 3:19

Dɩ nɩalɩŋ mɩ sɩ cho nɛ ŋaa wɩɩ chei, mɩ yie dagɛba nɛ a kɛmba bil wombiiŋ lɛ. Ŋɩɩ wɩaa, má fɩɛsɛ sɩɩŋ a bɩrɩma lɩɩ ma wʋbɔŋŋɔɔ lɛ.