Jɔɔŋ 15:19 - WƖA TENIŊ

¹⁹ Dɩ ma nɛ fa ŋaa dʋnɩa nɩaa, dʋnɩa nɩaa fa jaŋ choma woruŋ, arɩ ba sɩ cho dɔŋɔ ŋɩɩ. Ama ma dɩ dʋnɩa nɩaa bɩ kʋbala ŋaa. Mɩ lɩɩsɛma dʋnɩa nɩaa tʋɔŋ nɛ. Ŋɩɩ nɛ tɩɩ ba bɛrɛma.

Jɔɔŋ 15:19 ပူးပေါင်းရင်းမြစ်များ

Jɔɔŋ 15:16

Ma dee bɩ mɩ lɩɩsa, mɩ nɛ lɩɩsɛma. Mɩ nɛ lɩɩsɛma dɩ ma mʋ faasa ŋaa wʋzɔŋŋɔɔ, wʋzɔmɔ-la sɩ bɩ jaŋ lɛl. Dɩ ma nɩɩ ŋaa ŋɩɩ, mɩ Nyɩmma jaŋ pɩma kʋŋkala ma sɩ pɩɛsa chɩchɛ mɩ yɩrɩŋ lɛ.

1 Jɔɔŋ 3:12

Ʋ bɩ maga dɩ la nagɛ Keeŋ. Ʋ fa ŋaa Sɩtaanɩ nʋʋ nɛ a kpʋ ʋ ŋaana. Bɛɛ nɛ tɩɩ ʋ kpʋʋ? Keeŋ faa ŋaa wʋbɔŋŋɔɔ nɛ, aŋ ka ʋ ŋaana fa ŋɩŋaa wʋzɔŋŋɔɔ. Ŋɩɩ nɛ tɩɩ ʋ kpʋʋ.

Luuk 6:32

Dɩ ma nɛ cho nɩalɩŋ sɩ choma dʋndʋŋ, ʋ bɩ maga dɩ ma kɛŋ time, bɛɛ wɩaa wʋbɔŋ ŋaaraa ma cho dɔŋɔ nɛ.

1 Pɩɩta 4:3

Bumbuŋ-la kala lɛ ma faa ŋaa wɩalɩŋ nɩalɩŋ fa sɩ bɩ Wɩa jɩŋ sɩɩ ŋaa nɛ. Ma faa to ma tʋɔtɔrɛ wʋŋaalaa harɩŋ nɛ aa ŋaa wʋlɩɩlɩŋ, a chɩl ma yaraa wʋchɛɛlɛɛ wɩaa, a fa nyʋa sɩnɩŋ bubugi, a ŋɩŋaa wʋtɔɔnʋŋ, a yie gɔllɔ nyʋnyʋa sɩnɩŋ, a faa kpaarɛ vʋɩyaa ma, wɩalɩŋ Wɩa sɩɩ kɩsʋ.

Jɔɔŋ Wʋnaalaa 12:17

Ŋɩɩ nɛ dɩŋ-la na baanɩŋ haal-la nyuŋ a mʋ dɩ ʋ kɛŋ haal-la biiriŋ dɔnsʋŋ a yuo laalɩŋ. Haal-la biiriŋ nɛ ŋaa nɩalɩŋ sɩ nɩɩ Wɩa niiŋ wɩaa a tutoba, a didii Yesu dansɩa, a bʋl ʋ wɩaa a pɩpɩ nɩaa.

Jɔɔŋ Wʋnaalaa 12:9

Ŋɩɩ nɛ ba joŋ dɩŋ-la arɩ ʋ harɩ-tooroo a yuo ta ba lɩɩ Wɩa-jaŋ a kʋ tuu tinteeŋ. Dɩŋ-la fa hɛ nɩmɛ faafaa kala nɛ a lɩɩ dʋnɩa dɩ-suomuŋ. Ʋ nɛ baa yɩrɛ Sɩtaanɩ, nɩɩ-la sɩɩ nyɩsɛ dʋnɩa nɩaa ba yeŋŋi.

Matiu 10:22

Nʋʋkala jaŋ bɛrɛma a tɩŋ mɩ wɩaa. Ama nɩɩ-la kala sɩ nyalɩma a mʋ dɛrɛ, Wɩa jaŋ laaʋ ta.

Matiu 24:9

Ba jaŋ kɛsɛma a jomma hɛ nɩaa nɩsɩŋ lɛ dɩ ba dɔgɩsɛma aŋ kpʋ ma dɔnsʋŋ. Tinteyee nɩaa kala jaŋ bɛrɛma a tɩŋ mɩ wɩaa.

Jɔɔŋ 6:70

Ŋɩɩ nɛ Yesu pɩɛsɛba, “Ma nɩaa fii arɩ balɩa dee mɩ lɩɩsɛɛ? Ama ma dɔŋɔ ŋaa dʋndɔŋ nɛ a ŋaa Sɩtaanɩ nʋʋ.”

Jɔɔŋ 13:18

Ma kala dee mɩ bʋl arɩ ma jaŋ kɛŋ tʋɔtɔrʋŋ. Mɩ jɩŋ nɩalɩŋ mɩ sɩ lɩɩsa nɛ. Wɩɩ-la ba sɩ ŋmʋnsa Wɩa teniŋ tʋɔŋ sɛnɛ jaŋ ŋaa wʋtɩtɩɩ. Ba bʋla arɩ la dɩ nɩɩ-la kala sɩ pɛ dɔŋɔ lɛ dii kʋdiilee nɛ jaŋ mɩɩra sii chɩŋ mɩ lɛ.

Jeems 4:4

Ma nagɛ haala bɩra sɩ bɩ ʋ bala niiŋ ka to nɛ. Ma bɩ jɩŋ arɩ nɩɩ-la kala sɩ joŋ ʋ nyuŋ kala hɛ dʋnɩa kɩaa lɛ ŋaa Wɩa dʋndɔŋ nɛɛ? Wʋtɩtɩɩ, nɩɩ-la kala sɩ joŋ ʋ nyuŋ hɛ dʋnɩa kɩaa lɛ bɩrɩmɛ Wɩa dʋndɔŋ nɛ.