Jɔɔŋ 15:18 - WƖA TENIŊ

¹⁸ Dɩ dʋnɩa nɩaa nɛ bɛrɛma, ma jɩŋ arɩ ba laa sɩpaaŋ bɛrɛmɛ nɛ.

Jɔɔŋ 15:18 ပူးပေါင်းရင်းမြစ်များ

1 KUOROO 22:8

Iziral kuoro Ahab bʋla pɩ Jehosafat, “Nʋʋ dɔŋ ha hɛ nɩmɛ la sɩ jaŋ wuo to ʋ lɛ a pɩɛsɛ La TƖƖNA na. Ʋ yɩrɩŋ nɛ Mɩkaaya, a ŋaa Imila nanʋala. Ama mɩ bɛrʋ nɛ, bɛɛ wɩaa ʋ ha bɩ wʋzɔŋ kala bʋla pɩmɛ Wɩa doluŋ lɛ, see wʋbɔŋ.” Ŋɩɩ nɛ Jehosafat bʋl, “Kuoro, sɩ́ ŋɩɩ bʋl.”

NAMAGABA 29:27

Tʋɔpʋl tɩɩna bɛrɛ nɩɩ-la sɩ bɩ wʋtɩtɩɩ kɛnɛ nɛ. Nɩbɔmʋŋ ma bɛrɛ nɩɩ-la sɩɩ ŋaa wɩaa ba bʋa lɛ.

AZAAYA 49:7

Iziral tɩŋŋaa, Wɩa sɩ bɩ disiniŋ kɛnɛ, a ŋaa ba laataara bʋla pɩ nɩɩ-la Iziral tɩŋŋaa sɩ bɩ ʋ wʋŋaalaa cho a bɛrɛ, a ŋaa kuoroo tɩntɩnnʋ: “Kuoroo jaŋ naŋ a sii chɩŋ, dɩ kuori-biiriŋ ma naŋ a tuu kpirimi. Wɩaa deemba kala jaŋ ŋaa, bɛɛ wɩaa mɩ-na ma TƖƖNA Iziral tɩŋŋaa Wɩa sɩ bɩ disiniŋ kɛnɛ sɩ lɩɩsɛ mɩ tɩntɩnna, kɛŋ wʋtɩtɩɩ nɛ.”

AZAAYA 53:3

Nuhuobiinee vɩaʋ nɛ, bɛɛ wɩaa ba sɩɩŋ bɩ ʋ suo. Ʋ ŋaa nʋʋ sɩ kɛŋ tʋɔ-cheeŋ nɛ a mal hɛɛŋ. Nɩaa paala bɩ cho dɩ ba naʋ. Ba bɩ ʋ bene dɩ ʋ ŋaa kʋŋkala, la lɩɩsɛ la jɩa ta ʋ lɛ.

AZAAYA 66:5

Ma nɩalɩŋ sɩɩ to La TƖƖNA niiŋ, má jegile nɩɩ wɩɩ-la ʋ sɩ bʋla. La TƖƖNA sɩ, “Ma naambiiri-la sɩ bɛrɛma, a lɩɩsɛma ta a tɩŋ ma sɩɩ to mɩ wɩaa, a sieri ma lɛ a bʋl, ‘Má leŋ dɩ ma TƖƖNA dagɛ ʋ doluŋ a laama ta yei, dɩ la na dɩ ma hɛ sɩma tʋɔŋ,’ hɩɩsɩŋ jaŋ diiba.

ZƐKARƖYA 11:8

Mɩ kiri pie-daaraa batori chɛŋ bala tʋɔŋ. Piese-la bɛrɛmɛ, mɩ lɔl ba wɩaa

Matiu 10:22

Nʋʋkala jaŋ bɛrɛma a tɩŋ mɩ wɩaa. Ama nɩɩ-la kala sɩ nyalɩma a mʋ dɛrɛ, Wɩa jaŋ laaʋ ta.

Matiu 24:9

Ba jaŋ kɛsɛma a jomma hɛ nɩaa nɩsɩŋ lɛ dɩ ba dɔgɩsɛma aŋ kpʋ ma dɔnsʋŋ. Tinteyee nɩaa kala jaŋ bɛrɛma a tɩŋ mɩ wɩaa.

Matiu 5:11

Dɩ nɩaa nɛ tʋʋsɛma aŋ pɛ to naasɩŋ dʋdɔgɩsɛma aŋ nyɩɛ wɩaa pɩpɩma a tɩŋ ma sɩ ŋaa mɩ harɩ-tooroo wɩaa, Wɩa ma jaŋ pɛ ma lɛ.

Maak 13:13

Nʋʋkala jaŋ bɛrɛma a tɩŋ mɩ wɩaa. Ama nʋʋkala sɩ nyalɩma a mʋ dɛrɛ, Wɩa jaŋ laaʋ ta.”

Luuk 6:22

Dɩ nɩaa nɛ bɛrɛma a lɩɩsɛma ta ba tʋɔŋ a tʋtʋʋsɛma a chichei ma yɩrɩŋ a bʋl dɩ ma ŋaa nɩbɔmɔ nɛ, dɩ ba nɛ bʋl ŋɩɩ a tɩŋ ma sɩɩ to mɩ-na Nuhuobiine Bie harɩŋ wɩaa, Wɩa ma jaŋ pɛ ma lɛ.

Jɔɔŋ 16:1

Mɩ bʋl wɩaa deemba kala pɩpɩma dɩ ma sɩ́ wɩalɩŋ ma sɩ laa dii joŋo ta.

Jɔɔŋ 16:33

Mɩ bʋl wɩaa deemba pɩma dɩ ma wuo hɔŋ arɩ fɩɛlɩŋ nɛ. Dʋnɩa deeŋ tʋɔŋ ma jaŋ na hɛɛŋ. Ama má leŋ dɩ ma nyuŋ nyaasɛ. Mɩ yuo dii dʋnɩa nɛ.”

Jɔɔŋ 3:20

Nʋʋ na-kala sɩɩ ŋaa wʋbɔŋŋɔɔ bɩ pʋlʋmʋŋ cho, ʋ bɩ pʋlʋmʋŋ tʋɔŋ lɩɩ, bɛɛ wɩaa ʋ bɩ chɛ dɩ ʋ wʋbɔmɔ-la lɩɩ pʋlʋmʋŋ.

Jɔɔŋ 7:7

Dʋnɩa nɩaa bɩ ma bɛrɛ, ama ba bɛrɛ mɩ-na nɛ, bɛɛ wɩaa mɩ vɛnɛ bʋla pɩpɩba arɩ baa ŋaa wʋbɔŋŋɔɔ nɛ.

Tɩntɩŋŋaa 14:22

Leree deemba kala lɛ ba yie bʋl wɩaa pɩ nɩalɩŋ sɩ laa Yesu wɩaa dii, dɩ ba wasa kɛŋ wʋtɩtɩɩ a bʋl wɩaa nyaasɛ ba nyuŋ dɩ ba chɩŋ ŋɩɩ ba sɩ laa Wɩa dii lɛ. Ba bʋla pɩba, “La nɩalɩŋ sɩ laa Yesu wɩalɩŋ dii, jaŋ na hɛɛŋ kɩŋkɛŋ, aŋ-na jʋʋ Wɩa kuorii-la tʋɔŋ.”

Hiburu TƖŊŊAA 12:2

Má leŋ la joŋ la sɩaa pɛ Yesu lɛ, bɛɛ wɩaa wɩalɩŋ la sɩ laa dii kala tɩgɛ ʋ lɛ nɛ a lɩɩ dɩ-suomuŋ a kaa mʋ dɩdɛrɩŋ. Ʋ fa jɩma arɩ ʋ jaŋ na hɛɛŋ, ama ʋ bɩ wɩɩ-la ʋ sɩ laa dii leŋe ta, bɛɛ wɩaa ʋ jɩma arɩ ʋ sɩ ŋaa ŋɩɩ, Wɩa jaŋ leŋ dɩ ʋ tʋɔŋ tɔrɛ. Ŋɩɩ nɛ tɩɩ ʋ sɛɩ ba kpaasʋ mɛrɛ daagɛsɛ nyuŋ. Ʋ sɩ dii hɩɩsɩŋ ŋɩɩ, ʋ sɩpaa tuo. Ʋ sɩ na hɛɛ-la a dɛrɛ, ʋ jɩl Wɩa-jaŋ a lɛɛlɛ hɔŋ Wɩa kuoru kpasa nadiiŋ, nɩduoŋ dɩhɔnʋŋ.

Jeems 4:4

Ma nagɛ haala bɩra sɩ bɩ ʋ bala niiŋ ka to nɛ. Ma bɩ jɩŋ arɩ nɩɩ-la kala sɩ joŋ ʋ nyuŋ kala hɛ dʋnɩa kɩaa lɛ ŋaa Wɩa dʋndɔŋ nɛɛ? Wʋtɩtɩɩ, nɩɩ-la kala sɩ joŋ ʋ nyuŋ hɛ dʋnɩa kɩaa lɛ bɩrɩmɛ Wɩa dʋndɔŋ nɛ.

1 Jɔɔŋ 3:1

Ma na ŋɩɩ la Nyɩmma Wɩa sɩ chola. Ʋ chola kieli, ŋɩɩ nɛ tɩɩ ʋ kɛnla yɩyɩrɛ ʋ biiriŋ. Wʋtɩtɩɩ, la sɛnɛ ŋaa ʋ biiriŋ nɛ. Dʋnɩa nɩaa bɩ Wɩa jɩŋ, ŋɩɩ nɛ tɩɩ ba bɩ la ma jɩŋ ŋɩɩ.

1 Jɔɔŋ 3:13

Mɩ naambiiri, má sɩ́ leŋe dɩ ʋ ŋaa wʋkpuŋkpere ma lɛ dɩ dʋnɩa nɩaa nɛ bɛrɛma.

1 Jɔɔŋ 3:3

Nɩɩ-la kala sɩɩ yɩɛlɛ wɩɩŋ deeŋ, ʋ jaŋ lɩɩsɛ ʋ tɩtɩa wʋbɔŋŋɔɔ lɛ aŋ kɛŋ tʋɔpʋla, arɩ Kirisito sɩ kɛŋ tʋɔpʋla ŋɩɩ.