Jɔɔŋ 15:16 - WƖA TENIŊ

¹⁶ Ma dee bɩ mɩ lɩɩsa, mɩ nɛ lɩɩsɛma. Mɩ nɛ lɩɩsɛma dɩ ma mʋ faasa ŋaa wʋzɔŋŋɔɔ, wʋzɔmɔ-la sɩ bɩ jaŋ lɛl. Dɩ ma nɩɩ ŋaa ŋɩɩ, mɩ Nyɩmma jaŋ pɩma kʋŋkala ma sɩ pɩɛsa chɩchɛ mɩ yɩrɩŋ lɛ.

Jɔɔŋ 15:16 ပူးပေါင်းရင်းမြစ်များ

WƖAA DƖ-SUOMUŊ 18:18

Abɩraham doho nɩaa jaŋ pʋŋ a yʋgɛ a kɛŋ doluŋ ma. Ba lɛ nɛ mɩ jaŋ to a pɛ dʋnɩa nɩaa kala lɛ.

WƖA YƖƖLAA 145:4

Nɩalɩŋ ba ha sɩ jaŋ lʋl ma jaŋ bʋl wɩalɩŋ ŋ sɩ ŋaa a pɩ ba harɩŋ nɩaa. Ba jaŋ bʋl wʋduoru-la ŋ sɩ ŋaa wɩaa.

WƖA YƖƖLAA 71:18

Mɩ Wɩa, mɩ hɩɛsa nɛ, mɩ nyuŋ pʋllɛ, sɩ́ mɩ vɩa ta. Leŋ dɩ mɩ ha heele bʋl ŋ dol-bal-la wɩaa a pɩ nɩalɩŋ ba ha sɩ jaŋ lʋl.

NAMAGABA 11:30

Tʋɔpʋl tɩɩna nagɛ tɩa-la sɩɩ pɩ mɩɩsɩŋ nɛ, nɩɩ-la kala sɩ laa nɩaa mɩɩsɩŋ tɩta ŋaa wʋjɩnnʋ nɛ.

AZAAYA 27:6

Bʋa dɔŋ lɛ, Iziral naapoloo jaŋ tuu tinteeŋ a nagɛ tɩa, a fɩɩlɛ a nɛŋ nɛnɛɛ a su dʋnɩa kala.

MƖKA 5:7

Jekɔb doho nɩalɩŋ sɩ ka a bɩ sʋba jaŋ guoli nɩ-daŋ tʋɔŋ. Ba jaŋ pɛ ba lɛ a nagɛ La TƖƖNA sɩ yie leŋ nyalɩŋ nyala hɛ kɩaa lɛ, koo duonuŋ sɩ yie mirise hɛ kɩaa lɛ ba wasɛ ŋɩɩ. Wɩaa deemba kala ka ŋaa Wɩa doluŋ lɛ nɛ, nuhuobiine doluŋ lɛ dee.

Matiu 21:22

Dɩ ma nɛ laa Wɩa dii, kʋŋ na-kala ma sɩ chʋɔlɛ Wɩa a sʋsʋl, ma jaŋ naʋ.”

Matiu 7:7

Má sʋl kɩaa, ma jaŋ laa, má chɛ kɩaa, ma jaŋ na. Má du boro, ba jaŋ kaa suro pɩma.

Luuk 6:13

Taŋ sɩ pʋla, ʋ yɩrɛ ʋ harɩ-tooroo ba kɔ ʋ teeŋ. Ŋɩɩ nɛ ʋ lɩɩsɛ ba tʋɔŋ nɩaa fii arɩ balɩa a kɛŋ ba ma yɩyɩrɛ ʋ nanzɔɔba.

Jɔɔŋ 13:18

Ma kala dee mɩ bʋl arɩ ma jaŋ kɛŋ tʋɔtɔrʋŋ. Mɩ jɩŋ nɩalɩŋ mɩ sɩ lɩɩsa nɛ. Wɩɩ-la ba sɩ ŋmʋnsa Wɩa teniŋ tʋɔŋ sɛnɛ jaŋ ŋaa wʋtɩtɩɩ. Ba bʋla arɩ la dɩ nɩɩ-la kala sɩ pɛ dɔŋɔ lɛ dii kʋdiilee nɛ jaŋ mɩɩra sii chɩŋ mɩ lɛ.

Jɔɔŋ 15:19

Dɩ ma nɛ fa ŋaa dʋnɩa nɩaa, dʋnɩa nɩaa fa jaŋ choma woruŋ, arɩ ba sɩ cho dɔŋɔ ŋɩɩ. Ama ma dɩ dʋnɩa nɩaa bɩ kʋbala ŋaa. Mɩ lɩɩsɛma dʋnɩa nɩaa tʋɔŋ nɛ. Ŋɩɩ nɛ tɩɩ ba bɛrɛma.

Jɔɔŋ 15:5

Ŋɩɩ nɛ Yesu bɩra bʋl, “Mɩ nagɛ tɩa nɛ, ma ma nagɛ tɩa-la naakelee. Nɩɩ-la kala sɩ mɛrɛ mɩ lɛ, mɩ ma mɛrɛ tɩɩna lɛ, ʋ nɛ jaŋ wuo ŋaa wʋzɔŋŋɔɔ yʋgɛ, bɛɛ wɩaa dɩ ma nɛ bɩ mɩ lɛ mɛrɛ, ma bɩ jaŋ wuo ŋaa wɩɩkala.

Jɔɔŋ 6:70

Ŋɩɩ nɛ Yesu pɩɛsɛba, “Ma nɩaa fii arɩ balɩa dee mɩ lɩɩsɛɛ? Ama ma dɔŋɔ ŋaa dʋndɔŋ nɛ a ŋaa Sɩtaanɩ nʋʋ.”

Tɩntɩŋŋaa 1:24

Ŋɩɩ nɛ ba kala chʋɔlɛ Wɩa a bʋl, “La Tɩɩna, ŋ jɩŋ nʋʋkala tʋɔŋ nɛ. Ŋɩɩ wɩaa dagɛla nɩaa deemba balɩamɩŋ tʋɔŋ kʋ-la ŋ sɩ lɩɩsa,

Tɩntɩŋŋaa 1:8

Ama dɩ Wɩa nɛ joŋ ʋ Dɩŋ-zɔmʋŋ hɛ ma lɛ, ma jaŋ kɛŋ doluŋ, a dii mɩ dansɩa a bʋl mɩ wɩaa Jerusalɛm arɩ Judiya tinteeŋ kala arɩ Samarɩa lɛ, a kaa mʋ dʋnɩa sɛmɛ kala lɛ.”

Tɩntɩŋŋaa 10:41

Nʋʋkala dee bɩ ʋ na, ama la nɩalɩŋ Wɩa fa sɩ lɩɩsa dɩ la ŋaa ʋ dansɩaba, la nɛ naʋ. Ʋ sɩ sii sʋʋŋ lɛ, la kala hɔŋ dɩ-bala a dii kɩaa.

Tɩntɩŋŋaa 22:14

Ŋɩɩ nɛ Ananɩas bʋla pɩmɛ, ‘Wɩa-la la dɩ la naabalɩmaba sɩɩ to nɛ lɩɩsɩŋ dɩ ŋ jɩŋ wɩɩ-la ʋ sɩɩ chɛ dɩ ŋ ŋaa. Ʋ leŋ ŋ na Wɩa tʋɔpʋl Tɩɩna a nɩɩ ʋ yikoro ma ʋ sɩ bʋl wɩaa pɩŋ.

Tɩntɩŋŋaa 9:15

La Tɩɩna Yesu bʋla pɩ Ananɩas, “Sii mʋ, mɩ nɛ lɩɩsʋ dɩ ʋ tɩma pɩpɩmɛ. Ʋ jaŋ mʋ bʋl mɩ wɩaa pɩ nɩalɩŋ sɩ bɩ Juu tɩŋŋaa ŋaa, arɩ ba kuoroo, arɩ Iziral nɩaa teeŋ.

Rom Tɩŋŋaa 1:13

Mɩ naambiiriŋ, mɩ cho dɩ ma jɩŋ arɩ mɩ walɩma walɩma dɩ mɩ kʋ nama nɛ, ama wɩɩ nɛ yie tɩɩ mɩ bɩ kɔ. Mɩ cho dɩ mɩ ŋaa dɩ nɩaa lɩɩ ma tʋɔŋ nɛ a kʋ to Wɩa, arɩ mɩ sɩ ŋaa ŋɩɩ nɩalɩŋ dɔnsʋŋ sɩ bɩ Juu tɩŋŋaa ŋaa lɛ.

Rom Tɩŋŋaa 1:5

Ʋ lahɔrɩmɔ lɛ Wɩa leŋe mɩ ŋaa ʋ nanzɔɔ nɛ a bʋl ʋ wʋzɔmɔ-la wɩaa a pɩ dʋnɩa nɩaa kala, dɩ ba laa dii a to Yesu niiŋ a wuo zil ʋ yɩrɩŋ.

Rom Tɩŋŋaa 15:4

Wɩalɩŋ kala ba fa sɩ ŋmʋnsa Wɩa teniŋ tʋɔŋ, ba ŋmʋnsa dɩ ba dagɛla nɛ, Wɩa teŋ-la nɛ dagɛla ŋɩɩ la sɩ jaŋ ŋaa a kɛŋ kenyiri, a ŋaa la nyuŋ nyaasɛ, dɩ la wuo yɩyɩɛlɛ kɩalɩŋ sɩ hɛ la sɩpaaŋ.

Rom Tɩŋŋaa 9:21

Pupo-mɛɛrɛ kɛŋ wombiiŋ dɩ ʋ lɔgɛ chʋrʋŋ a kaa mɛ pupoi-zɔmʋŋ a bile gbɛrɛ tapʋl-balaa, a bɩra lɔgɛ chʋrʋ-la tɩtɩa a mɛ pupoiŋ dɔŋɔ ma a kaa tɩtɩŋ tapʋlɩɩ kala.

1 Kɔrɩntɩ Nɩaa 10:11

Wɩa ŋaa wɩaa deemba kala ba lɛ dɩ ʋ chagɩlɛba nɛ. Ama ba saa ŋmʋnsɛ wɩaa deemba bil nɛ a pɩla dɩ ba dɩdagɛla wɩaa nɛ. La hɛ bʋa-la lɛ dʋnɩa sɩ kpagɛ dɩdɛrɩŋ nɛ.

Galiisia Nɩaa 1:15

Ama ka dɩ ba-na lʋlmɛ, Wɩa lɩɩsɛmɛ nɛ dɩ mɩ tɩma pʋ. Ʋ lahɔrɩmɔ lɛ nɛ ʋ ŋaa ŋɩɩ mɩ lɛ.

Ɛfɛsɩs Nɩaa 2:10

Wɩa nɛ ŋaala. Ʋ ŋaala dɩ la dɩ Kirisito Yesu ŋaa kʋbala nɛ a ŋɩŋaa wʋzɔŋŋɔɔ. Ʋ ŋaa wʋzɔŋŋɔɔ deemba bil la lɛ faa faa kala nɛ dɩ la ŋɩŋaaba.

Koloosi Nɩaa 1:23

Kirisito jaŋ ŋaa wɩalɩŋ pɩma, dɩ ma nɛ chɩŋ wɩalɩŋ ma sɩ laa dii lɛ kpaŋ kpaŋ, aa yɩɛlɛ wɩalɩŋ ba sɩ bʋla Wɩa wʋzɔmɔ-la tʋɔŋ. Ma nɩɩ Wɩa wʋzɔŋŋɔɔ deemba ba sɩ bʋla pɩ nɩaa dʋnɩa lee-kala nɛ. Mɩ-na Pɔɔl ma kʋ ŋaa Wɩa tɩntɩnnaa dɔŋɔ aa bʋl Wɩa wʋzɔŋŋɔɔ deemba.

Koloosi Nɩaa 1:6

Wɩa wʋzɔŋŋɔɔ deemba tɩŋ tɩntɩŋ-zɔŋŋɔɔ nɛ leree yʋgɛ dʋnɩa lɛ. Nɩaa yʋga a laaba dii, ba pʋŋ lere-la arɩ ba sɩ pʋŋ ŋɩɩ ma lɛ. Ba pʋŋ ŋɩɩ ma lɛ a suomi bʋa-la lɛ ma sɩ jegile nɩɩ wʋzɔmɔ-la a sɛnɛ jɩŋ ŋɩɩ Wɩa sɩ pɛ ma lɛ ʋ lahɔrɩmɔ lɛ.

1 Timoti 2:7

Ŋɩɩ nɛ tɩɩ Wɩa lɩɩsɛmɛ dɩ mɩ ŋaa ʋ nanzɔɔ a wuo heele bʋl wɩaa deemba a pɩ nɩalɩŋ sɩ bɩ Juu tɩŋŋaa ŋaa, aŋ pɛ dagɛba dɩ ba laa wɩalɩŋ dii a jɩŋ wʋtɩtɩɩ. Wʋtɩtɩɩ nɛ mɩɩ bʋl, mɩ bɩ wɩaa nyɩa.

2 Timoti 1:11

Yesu wʋzɔmɔ-la wɩaa nɛ tɩɩ Wɩa lɩɩsɛmɛ dɩ mɩ ŋaa ʋ nanzɔɔ, a leŋ mɩ bʋl wɩaa deemba a pɩpɩ nɩaa a dɩdagɛba.

2 Timoti 2:2

Wɩalɩŋ ŋ sɩ nɩa dɩ mɩ bʋla pɩ nɩ-daŋ, ŋ ma bʋl ba tɩtɩa a pɩ nɩaa sɩ kɛŋ wʋtɩtɩɩ, di ba ma joŋo dagɛ ba dɔnsʋŋ tɩŋŋaa.

Taatɩs 1:5

Mɩ leŋiŋ Kiriiti lɛ dɩ ŋ wuo wasɛ wɩalɩŋ fa sɩ maga ba ŋaa nɛ. Mɩ bʋla pɩŋ dɩ ŋ lɩɩsɛ Wɩa nɩaa tʋɔŋ nɩhɩasɩŋ taŋ na-kala lɛ.

Hiburu TƖŊŊAA 11:4

Ebil fa laa Wɩa wɩaa dii nɛ, ŋɩɩ nɛ tɩɩ ʋ kpʋ pʋna a ŋaa Wɩɩsʋlʋŋ sɩ zɔmɔ a pɩ Wɩa a kɩɩ ʋ naambie Keeŋ. Ŋɩɩ nɛ Wɩa joŋu arɩ ʋ ŋaa tʋɔpʋl tɩɩna ʋ tʋɔŋ tɔrɛ ʋ Wɩɩsʋlʋŋ kɩaa wɩaa. Ebil sʋba ma nɛ, ama a tɩŋ ʋ fa sɩ laa Wɩa wɩaa dii ŋɩɩ, ʋ ha bʋl wɩaa pɩpɩla nɛ.

Jeems 3:18

Dɩ nanjejeeree nɛ pɛ nɩaa lɛ dɩ ba hɔŋ sɔm, wʋzɔŋŋɔɔ nɛ ba yie na.

1 Pɩɩta 3:15

Ama ma tʋɔŋ lɛ má fɩfá Kirisito a leŋ dɩ ʋ ŋaa ma Tɩɩna. Bʋa na-kala lɛ, dɩ nʋʋ nɛ pɩɛsɛma dɩ ʋ jɩŋ wɩɩ-la sɩ tɩɩ ma laa Yesu wɩaa dii, ma kɛŋ ma tɩtɩa woruŋ a to wɩɩ-la naasɩŋ pʋ. Ama ma fɩɛlɛ ma sɩaa a bʋl wɩɩ-la.

1 Pɩɩta 3:2

bɛɛ wɩaa, ʋ jaŋ na ʋ haala mɛlɛ sɩ zɔmɔ ŋɩɩ arɩ ŋɩɩ ʋ sɩɩ fá Wɩa.

1 Jɔɔŋ 4:10

Ŋ-la nɛ chonuŋ nagɛ: Ʋ bɩ naga la nɛ laa sɩpaaŋ cho Wɩa, ama Wɩa nɛ laa sɩpaaŋ chola. Ʋ tɩŋ ʋ Bie ʋ kʋ tuu sʋʋ la wɩaa, dɩ Wɩa joŋ ʋ baanɩŋ ta ʋ fa sɩ kɛnɛ a tɩŋ la wʋbɔŋŋɔɔ wɩaa, a joŋ la wʋbɔŋŋɔɔ chɛla.

1 Jɔɔŋ 4:19

Wɩa nɛ laa sɩpaaŋ chola. Ŋɩɩ nɛ tɩɩ la ma wuo cho Wɩa arɩ nɩaa.