Jɔɔŋ 15:14 - WƖA TENIŊ

¹⁴ Dɩ ma nɩɩ ŋaa wɩalɩŋ mɩ sɩ bʋla pɩma dɩ maa ŋaa, ma jaŋ ŋaa mɩ nandɔnsʋŋ.

Jɔɔŋ 15:14 ပူးပေါင်းရင်းမြစ်များ

1 KUOROO 4:5

Netaŋ nanʋala Azarɩa ma nɛ fa ŋaa tɩntɩnnɩ-hɩasɩ-la kʋhɩaŋ. Netaŋ nanʋala dɔŋɔ ba sɩɩ yɩrɛ Zabud ma fa ŋaa Wɩɩsʋllɩ sɩpaalaarʋ nɛ, aŋ pɛ bʋl wɩaa a chɩchagɩlɛ kuoro.

2 KUOROO 18:6

Ʋ fa joŋ ʋ wʋtɩtɩɩ kala hɛ La TƖƖNA lɛ nɛ, a tuto wɩalɩŋ kala La TƖƖNA sɩ joŋo dagɛ Mosis ʋ ŋmʋnsa bil dɩ nɩaa tuto.

2 IZIRAL TƖŊŊAA NAABARƖŊ 20:7

La Wɩa, ŋ nɛ kiri tinteye-la nɩaa fa sɩ hɛ tinteeŋ deeŋ lɛ ta ŋ nɩaa Iziral tɩŋŋaa sɩpaaŋ, aŋ joŋo pɩ ŋ nandɔŋɔ Abɩraham doho nɩaa dɩ ʋ ŋaa ba kʋŋ a kaa mʋ wuu.

MOSIS KƐŊ IZIRAL TƖŊŊAA LƖƖ 7:6

Ŋɩɩ nɛ Mosis arɩ Arɔŋ ŋaa wɩalɩŋ kala La TƖƖNA sɩ sɩ ba ŋaa.

NAMAGABA 18:24

Nandɔŋ-kɛnɛɛ tɩɩna jaŋ wuo cheyu, ama nandɔŋɔ dɔŋɔ hɛ nɩmɛ a jaŋ wuo kɛnɩŋ woruŋ a kɩɩ ŋ naambie.

SOLOMOŊ YƖƖL-SƖMƖŊ 5:1

Mɩ dɩhaala, mɩ ha-falɩŋ, mɩ kʋ jʋʋ mɩ lɩga nɛ. Mɩ kɛŋ mɩ tɩɩ-kel-la sʋɔra sɩ sɩma baa yɩrɛ mɛɛ arɩ mɩ tegisiŋ hɛ dɔŋɔ nɛ. Mɩ dii mɩ tʋʋ-nʋʋŋ arɩ ʋ tʋʋ-jaga kala nɛ. Mɩ nyʋa mɩ girep nɛnɛɛ sɩnɩŋ arɩ mɩ nayɩlɩŋ ma kala nɛ. La nɩchooloo, má dagɛ ma chonuŋ, a magɛ ŋɩɩ kala ma sɩɩ chɛ, a nagɛ nɩa sɩ dii kɩaa a nyʋa kɩaa vɔgɛ.

AZAAYA 41:8

Ama ma-na Iziral tɩŋŋaa mɩ tɩntɩnnaa, ma nɛ mɩ lɩɩsɛ, mɩ nandɔŋɔ Abɩraham doho nɩaa.

JƐRƖMAAYA 32:23

Ba kʋ jʋʋ tintee-la nɛ a tɩɩʋ, ama ba bɩ ŋ niiŋ sɛyɛ koo a to wombii-la ŋ sɩ bile dɩ ba tuto. Ba bɩ wɩalɩŋ ŋ sɩ daga dɩ ba ŋaa kʋŋkala ŋaa. Ŋɩɩ nɛ ŋ kɛŋ wʋlɔrʋŋ deeŋ kala kʋ hɛ ba lɛ.

ƐZƖKƖƐL 12:7

Ŋɩɩ nɛ mɩ ŋaa wɩalɩŋ kala La TƖƖNA fa sɩ sɩ mɩ ŋaa. Wɩɩhɛyɛ mɩ paa mɩ kɩaa kʋ lɩɩ dɩ mɩ mʋ yoŋ-baga. Dɩdaanɩŋ mɩ ta jeeŋ luri a paa mɩ kɩaa baasɛ a lɩɩ sɩɩ-dɩsaa ka ba bibeŋ.

Matiu 12:50

Nɩɩ-la kala sɩ ŋaa wɩɩ-la mɩ Nyɩmma Wɩa sɩ hɛ Wɩa-jaŋ lɛ sɩ cho, ʋ nɛ ŋaa mɩ ŋaana arɩ mɩ dɩhaala arɩ mɩ naaŋ.”

Luuk 12:4

Ŋɩɩ nɛ Yesu bɩra bʋl, “Mɩ nandɔnsʋŋ, mɩ jaŋ bʋla pɩma, má sɩ́ nɩalɩŋ sɩ jaŋ wuo kpʋ ma yaraa lɛ fá, aŋ bɩra bɩ jaŋ wuo ŋaama wɩɩ dɔŋ kala.

Jɔɔŋ 13:17

Ma lɛɛlɛ sɩ jɩŋ wɩaa deemba ŋɩɩ, dɩ ma nɩɩ ŋaaba, ma jaŋ kɛŋ tʋɔtɔrʋŋ.

Jɔɔŋ 14:15

Ŋɩɩ nɛ Yesu bɩra bʋl, “Dɩ ma nɛ chomi, ma jaŋ tuto mɩ niiŋ wɩaa.

Jɔɔŋ 14:21

Nɩɩ-la kala sɩ nɩɩ mɩ niiŋ wɩaa aa toba, ʋ tɩɩna nɛ chomi. Mɩ Nyɩmma ma saa jaŋ cho nɩɩ-la sɩ chomi. Mɩ ma jaŋ cho tɩɩna a kɛŋ mɩ tɩtɩa kaa dagʋ.”

Jɔɔŋ 14:28

Ma nɩa arɩ mɩ bʋla pɩma arɩ mɩ jaŋ mɩɩra viiri aŋ bɩra mɩɩra kɔ ma teeŋ. Dɩ ma nɛ chomi, ma tʋɔŋ jaŋ tɔrɛ arɩ mɩ sɩɩ mʋ mɩ Nyɩmma teeŋ, bɛɛ wɩaa ʋ nɛ kɛŋ doluŋ a kɩɩmɛ.

Jɔɔŋ 2:5

Yesu naaŋ bʋla pɩ dɩa-la tɩntɩnnaa, “Má ŋaa wɩɩ-la kala ʋ sɩ bʋla pɩma.”

Jeems 2:23

Ʋ sɩ ŋaa ŋɩɩ nɛ, wɩalɩŋ ba fa sɩ ŋmʋnsa Wɩa teniŋ tʋɔŋ kʋ ŋaa wʋtɩtɩɩ. Ba fa ŋmʋnsa arɩ Abɩraham laa Wɩa wɩaa dii nɛ, ŋɩɩ nɛ tɩɩ Wɩa leŋ ʋ wuo ŋaa tʋɔpʋl tɩɩna ʋ sɩpaaŋ. Ŋɩɩ wɩaa nɛ nɩaa paala kɛnʋ yɩyɩrɛ Wɩa nandɔŋ.

1 Jɔɔŋ 5:3

Dɩ la nɩɩ to wɩalɩŋ ʋ sɩ dagɛla, ŋɩɩ dagɛ arɩ la cho Wɩa nɛ. Ʋ bɩ hɛɩ a pɩla dɩ la to wɩaa deemba,

RUF 3:6

Ŋɩɩ nɛ Ruf mʋ taha-la a ŋaa wɩɩ-la kala ʋ bala naaŋ sɩ dagʋ.