Jɔɔŋ 15:11 - WƖA TENIŊ

¹¹ Mɩ bʋl wɩaa deemba pɩma dɩ ma kɛŋ tʋɔtɔrʋ-la mɩ sɩ joŋo pɩma nɛ. Ŋɩɩ nɛ ma tʋɔŋ jaŋ faasa tɔrɛ woruŋ a mʋ dɛrɛ.

Jɔɔŋ 15:11 ပူးပေါင်းရင်းမြစ်များ

AZAAYA 53:11

Hɛɛ-la ʋ sɩ na harɩŋ lɛ, ʋ jaŋ kɛŋ tʋɔtɔrʋŋ. Ʋ jaŋ jɩŋ arɩ hɛɛ-la ʋ sɩ na bɩ pɛɩ ŋaa. Mɩ tɩntɩnna sɩ ŋaa tʋɔpʋl tɩɩna wɩaa, ʋ jaŋ laa nɩ-daŋ wʋbɔŋŋɔɔ ta.

AZAAYA 62:4

Ba bɩra bɩ jaŋ yɩrɩŋ kʋvɩataalɩɩ. Ba bɩra bɩ jaŋ yɩrɛ ŋ tinteeŋ jikpeeŋ. Ama ba jaŋ yɩyɩrɩŋ: ‘Hefiziba’. (Ʋ bʋbʋɔŋ nɛ: Wɩa choŋ nɛ.) Ŋ tinteeŋ ma yɩrɩŋ jaŋ ŋaa: ‘Bewula’. (Ʋ bʋbʋɔŋ nɛ: bala tɩɩna). La TƖƖNA tʋɔŋ jaŋ tɔrɛ ŋ nyuŋ, a kɛŋ ŋ tinteeŋ ma woruŋ a nagɛ baala sɩ kɛŋ ʋ haala woruŋ.

JƐRƖMAAYA 32:41

Mɩ jaŋ jʋjʋɔsɛ dɩ mɩ nɛ ŋaa wʋzɔŋŋɔɔ pɩba, aŋ sɛnɛ kɛŋ mɩ tʋɔŋ arɩ mɩ wɩɩkala a leŋ dɩ ba hɔŋ tinteeŋ deeŋ lɛ.”

JƐRƖMAAYA 33:9

Ŋɩɩ nɛ tabalɩŋ deeŋ jaŋ laa yɩrɩŋ pɩmɛ dɩ mɩ tʋɔŋ tɔrɛ, dɩ nɩaa dɩdɛnnɛmɛ a zizilmi dʋnɩa tinteye-la kala nɩaa sɩ nɩɩ wʋzɔmɔ-la mɩ sɩ ŋaa pʋ sɩpaaŋ. Fawʋllʋŋ jaŋ kɛmba dɩ ba chichel a tɩŋ dʋa bal-la arɩ fɩɛl-la mɩ sɩ pʋ wɩaa.”

ZEFANAAYA 3:17

Ma TƖƖNA Wɩa hɛ ma teeŋ nɛ, ʋ kɛŋ doluŋ nɛ dɩ ʋ laama ta. Ʋ tʋɔŋ jaŋ faasa tɔrɛ ma nyuŋ, ʋ chonuŋ jaŋ leŋ dɩ ma hɔŋ sɔm, dɩ ʋ yɩɩ tʋɔtɔrɛ yɩɩlaa a jʋɔsɛ ma wɩaa.”

Luuk 15:23

Má mʋ kɛŋ nɛŋ-la ma sɩ nɛrɛ a kaa kʋ kpʋ dɩ la kala dii, dɩ la tʋɔŋ tɔrɛ.

Luuk 15:32

Ama ʋ maga dɩ la gbieli gbiele a leŋ dɩ la tʋɔŋ tɔrɛ nɛ, bɛɛ wɩaa ʋ nagɛ ŋ ŋaana deeŋ fa sʋba nɛ aŋ sii. Ʋ fa lɛlɛ nɛ, ka la lɛɛlɛ naʋ.’ ”

Luuk 15:5

Ʋ sɩ naʋ, ʋ joŋo baasɛ a jʋjʋɔsɛ

Luuk 15:9

Ʋ sɩ naʋ, ʋ yɩrɛ ʋ tanlɔsʋŋ arɩ ʋ pɛ-jʋʋraa kala a hɛ dɔŋɔ a bʋla pɩba, ‘Má leŋ dɩ la kala tʋɔŋ tɔrɛ. Mɩ moribii-la sɩ lɛlɛ, mɩ naʋ nɛ.’ ”

Jɔɔŋ 16:24

Lɛɛlɛ ŋ-la, ma ha bɩ kʋŋkala pɩɛsa chɩchɛ mɩ yɩrɩŋ lɛ. Ŋɩɩ wɩaa má saa pɩɛsʋ, ʋ jaŋ joŋo pɩma, dɩ ma tʋɔŋ faasa tɔrɛ a mʋ dɛrɛ.

Jɔɔŋ 16:33

Mɩ bʋl wɩaa deemba pɩma dɩ ma wuo hɔŋ arɩ fɩɛlɩŋ nɛ. Dʋnɩa deeŋ tʋɔŋ ma jaŋ na hɛɛŋ. Ama má leŋ dɩ ma nyuŋ nyaasɛ. Mɩ yuo dii dʋnɩa nɛ.”

Jɔɔŋ 17:13

Lɛɛlɛ saa mɩɩ kɔ ŋ teeŋ nɛ. Mɩ ha sɩ hɛ dʋnɩa lɛ ŋɩɩ, ŋɩɩ nɛ mɩ bʋl wɩaa deemba pɩba dɩ ba tʋɔŋ faasa tɔrɛ, arɩ mɩ tʋɔŋ sɩ tɔrɔ ŋɩɩ.

Jɔɔŋ 3:29

Ha-falɩŋ tɩɩna nɛ tɩɩ haala, ama dɩ ha-falɩŋ tɩɩna nandɔŋɔ nɛ chɩŋ nɩmɛ a jijegili wɩalɩŋ ba sɩɩ bʋl, ʋ tʋɔŋ yie tɔrɛ nɛ dɩ ʋ nɛ nɩɩ ha-falɩŋ tɩɩna-la yikoro. Ŋɩɩ tɩtɩa nɛ mɩ tʋɔŋ ma tɔrɛ woruŋ Yesu nyuŋ.

Rom Tɩŋŋaa 15:13

Wɩa nɛ yie leŋ la kɛŋ yɩɛlaa. Mɩɩ sʋlʋ dɩ ʋ leŋ dɩ ma kɛŋ tʋɔtɔrʋŋ arɩ yarɩfɩɛlaa a tɩŋ ma sɩ laaʋ dii, dɩ ŋɩɩ leŋ dɩ ma yɩɛlaa wasa yʋgɛ Wɩa Dɩŋ-zɔmʋŋ doluŋ lɛ.

2 Kɔrɩntɩ Nɩaa 1:24

La bɩ chɛ dɩ la fʋgɛma dɩ ma laa wɩalɩŋ la sɩ bʋla dii, ama laa chɛ dɩ la dɩ ma tɩŋ nɛ dɩ ma kɛŋ tʋɔtɔrʋŋ, bɛɛ wɩaa ma laa Yesu wɩaa dii nɛ a chɩmba lɛ kpaŋ kpaŋ.

Ɛfɛsɩs Nɩaa 5:18

Má sɩ́ sɩnɩŋ nyʋa bubugi, dɩ ma nɛ nyʋa sɩnɩŋ bubugi, ŋɩɩ jaŋ cheima. Ama má leŋ dɩ Wɩa Dɩŋ-zɔmʋŋ hɛ ma lɛ a tɩtɩŋ.

Fɩlɩpa Nɩaa 1:25

Mɩ laa wɩɩŋ deeŋ dii nɛ arɩ mɩ jaŋ hɛ ma teeŋ dʋnɩa deeŋ lɛ, a wuo pɛ ma lɛ dɩ ma waa a mʋ tɩgɛ wɩalɩŋ ma sɩ laa dii lɛ, aŋ pɛ kɛŋ tʋɔtɔrʋŋ ba lɛ.

1 Tɛsalonaaka Nɩaa 5:16

Má jʋjʋɔsɛ bʋa na-kala lɛ

1 Pɩɩta 1:8

Arɩ ma ha sɩ bɩ Yesu Kirisito na ma kala, ma ha chou nɛ. Ma ha sɩ bɩ ʋ na lɛɛlɛ ma, ma laa ʋ wɩaa dii nɛ. Ma tʋɔŋ tɔrɛ nɛ woruŋ, ma paala bɩ jaŋ wuo dagɛ ŋɩɩ ma tʋɔŋ sɩ tɔrɛ magɛ.

1 Jɔɔŋ 1:4

Laa chɛ dɩ la tʋɔŋ faasa tɔrɛ nɛ woruŋ, ŋɩɩ nɛ tɩɩ la ŋmʋnsɛ wɩɩŋ deeŋ pɩpɩma.

2 Jɔɔŋ 1:12

Mɩ kɛŋ wɩaa yʋgɛ nɛ mɩ sɩɩ chɛ dɩ mɩ bʋla pɩma. Ama mɩ bɩ chɛ dɩ mɩ ŋmʋnsɛ ba kala teniŋ tʋɔŋ. Mɩɩ chɛ dɩ mɩ tɩtɩa kʋ yi ma nɛ a bʋla pɩma, dɩ la kala tʋɔŋ faasa tɔrɛ.