Jɔɔŋ 15:10 - WƖA TENIŊ

¹⁰ Dɩ ma nɩɩ to mɩ niiŋ wɩaa, mɩ jaŋ choma, arɩ mɩ sɩɩ to mɩ Nyɩmma niiŋ wɩaa a mɛrɛ ʋ lɛ ʋ chomi ŋɩɩ.

Jɔɔŋ 15:10 ပူးပေါင်းရင်းမြစ်များ

2 SAMƲƐL 22:22

Mɩɩ to La TƖƖNA wombiee nɛ, mɩ ha bɩ Wɩa harɩŋ lɩa a ŋaa wʋbɔŋ.

2 KUOROO 18:6

Ʋ fa joŋ ʋ wʋtɩtɩɩ kala hɛ La TƖƖNA lɛ nɛ, a tuto wɩalɩŋ kala La TƖƖNA sɩ joŋo dagɛ Mosis ʋ ŋmʋnsa bil dɩ nɩaa tuto.

MOSIS KƐŊ IZIRAL TƖŊŊAA LƖƖ 7:6

Ŋɩɩ nɛ Mosis arɩ Arɔŋ ŋaa wɩalɩŋ kala La TƖƖNA sɩ sɩ ba ŋaa.

AZAAYA 50:5

La TƖƖNA Wɩɩjarɩbakɔ sɩ dagɛmɛ wɩalɩŋ mɩ nɩa nɛ, mɩ bɩ ba vɩa, mɩ bɩ ʋ harɩŋ ma mɩɩra.

Jɔɔŋ 10:18

Nʋʋkala dee bɩ leŋe mɩ joŋ mɩ mɩɩsɩŋ yɔɔ sʋʋŋ, mɩ tɩtɩa tʋɔtɔrʋŋ lɛ nɛ. Mɩ kɛŋ doluŋ dɩ mɩ joŋ mɩ mɩɩsɩŋ a yɔɔ sʋʋŋ, a bɩra kɛŋ doluŋ dɩ mɩ laa mɩ mɩɩsɩŋ ma. Wɩɩ-la mɩ Nyɩmma sɩ sɩ mɩ ŋaa nɛ ŋɩɩ.”

Jɔɔŋ 12:49

Wɩalɩŋ mɩ sɩ bʋla, mɩ tɩtɩa doluŋ lɛ dee mɩ bʋl. Mɩ Nyɩmma sɩ tɩmmɛ, ʋ tɩtɩa nɛ dagɛmɛ wɩalɩŋ mɩ sɩ jaŋ bʋl, arɩ ŋɩɩ mɩ sɩ jaŋ bʋlba.

Jɔɔŋ 14:15

Ŋɩɩ nɛ Yesu bɩra bʋl, “Dɩ ma nɛ chomi, ma jaŋ tuto mɩ niiŋ wɩaa.

Jɔɔŋ 14:21

Nɩɩ-la kala sɩ nɩɩ mɩ niiŋ wɩaa aa toba, ʋ tɩɩna nɛ chomi. Mɩ Nyɩmma ma saa jaŋ cho nɩɩ-la sɩ chomi. Mɩ ma jaŋ cho tɩɩna a kɛŋ mɩ tɩtɩa kaa dagʋ.”

Jɔɔŋ 14:23

Ŋɩɩ nɛ Yesu bʋla pʋ, “Nɩɩ-la kala sɩ chomi, ʋ jaŋ tuto mɩ niiŋ wɩaa. Ʋ sɩ ŋaa ŋɩɩ, mɩ Nyɩmma ma jaŋ chou. Mɩ dɩ mɩ Nyɩmma kala jaŋ kʋ hɛ ʋ lɛ.

Jɔɔŋ 14:31

Ama mɩɩ chɛ dɩ dʋnɩa nɩaa jɩŋ arɩ mɩ cho mɩ Nyɩmma nɛ, ŋɩɩ nɛ tɩɩ mɩ ŋɩŋaa wɩalɩŋ kala ʋ sɩ sɩ dɩ mɩ ŋaa. Má kɔ dɩ la mʋ.”

Jɔɔŋ 17:4

Mɩ leŋe ŋ laa yɩrɩŋ nɛ tinteeŋ deeŋ lɛ. Mɩ tɩŋ tɩntɩmɩɩ-la dɛrɛ nɛ, tɩntɩmɩɩ-la ŋ sɩ joŋo pɩmɛ dɩ mɩ tɩŋ.

Jɔɔŋ 4:34

Yesu bʋla pɩba, “Mɩ kʋdiilee nɛ dɩ mɩ to nɩɩ-la sɩ tɩmmɛ niiŋ, a tɩŋ tɩntɩmɩɩ-la ʋ sɩ pɩmɛ dɛrɛ.

Jɔɔŋ 8:29

Nɩɩ-la ma sɩ tɩmmɛ hɛ mɩ teeŋ nɛ, ʋ bɩ mɩ dʋndʋŋa leŋe, bɛɛ wɩaa mɩ yie ŋaa wɩalɩŋ sɩɩ tɔrɛ ʋ tʋɔŋ nɛ.”

Jɔɔŋ 8:55

Ma bɩ ʋ jɩŋ, ama mɩ-na jɩmʋ nɛ. Dɩ mɩ nɛ jaŋ bʋl arɩ mɩ bɩ ʋ jɩŋ, mɩ jaŋ ŋaa wʋnyɩɛrʋ, arɩ ma sɩ ŋaa wʋnyɩɛra ŋɩɩ. Mɩ saa jɩmʋ nɛ a tuto ʋ niiŋ.

1 Kɔrɩntɩ Nɩaa 7:19

Dɩ ŋ keri ŋ peniŋ koo dɩ ŋ bɩ kere, ʋ bɩ wɩɩ kɛnɛ Wɩa teeŋ. Wɩɩ-la sɩ ŋaa sɩɩfɩaŋ wɩɩ nɛ, dɩ ma tuto Wɩa niiŋ wɩalɩŋ ʋ sɩ bʋla.

1 Tɛsalonaaka Nɩaa 4:1

La naambiiri, wɩalɩŋ mɩ sɩɩ chɛ dɩ mɩ bʋl wʋkaanɩŋ nɛ ŋ-la: La dagɛma wɩalɩŋ ma sɩ jaŋ ŋaa dɩ Wɩa tʋɔŋ tɔrɛ ma nyuŋ nɛ, ŋɩɩ tɩtɩa nɛ ma sɛnɛ ŋɩŋaa. Ama la haa sʋlma La Tɩɩna Yesu yɩrɩŋ lɛ dɩ ma wasa ŋɩŋaa wɩalɩŋ.

Hiburu TƖŊŊAA 7:26

Yesu sɩ ŋaa Wɩɩsʋllɩ sɩpaalaara kʋhɩaŋ ŋɩɩ, ʋ ŋaa wʋzɔŋ nɛ a pɩla. Yesu bɩ disiŋ kɛnɛ, ʋ bɩ wʋcheeli kɛnɛ, ʋ chaasa ŋaa nɩzɔŋ nɛ. Ʋ kɛŋ ʋ tɩtɩa pɔrɛ nɛ wʋbɔŋ ŋaaraa lɛ. Wɩa kɛnʋ ŋaa nɩbal. Ʋ sɩ hɛ Wɩa-jaŋ lɛ ŋɩɩ, ʋ yʋga kɩɩ kʋŋkala sɩ hɛ nɩmɛ.

2 Pɩɩta 2:21

Ʋ fa jaŋ kpɩa dɩ ba nɛ fa bɩ tʋɔpʋla wombiiŋ jɩŋ, ama ba jɩmʋ nɛ aŋ joŋ harɩŋ yɩa wɩalɩŋ Wɩa fa sɩ bʋla pɩba dɩ baa ŋaa. Wɩaa deemba bɩ disiniŋ kɛnɛ.

1 Jɔɔŋ 2:3

Dɩ la nɩɩ to wɩalɩŋ Wɩa sɩ daga, ŋɩɩ daga arɩ la jɩŋ Wɩa nɛ.

1 Jɔɔŋ 2:5

Ama nɩɩ-la kala sɩɩ to ʋ niiŋ wɩaa, ʋ nɛ nɩɩ-la sɩ sɛnɛ cho Wɩa kɩŋkɛŋ. Ŋɩɩ lɛ nɛ la jaŋ to jɩŋ arɩ la hɛ Wɩa teeŋ nɛ.

1 Jɔɔŋ 2:6

Nɩɩ-la kala sɩ sɩ ʋ dɩ Wɩa ŋaa kʋbala, ʋ maga dɩ ʋ tɩɩna wʋŋaalaa nagɛ Yesu Kirisito wʋŋaalaa nɛ.

1 Jɔɔŋ 5:3

Dɩ la nɩɩ to wɩalɩŋ ʋ sɩ dagɛla, ŋɩɩ dagɛ arɩ la cho Wɩa nɛ. Ʋ bɩ hɛɩ a pɩla dɩ la to wɩaa deemba,

Jɔɔŋ Wʋnaalaa 22:14

Nɩalɩŋ sɩɩ to Wɩa wɩaa, Wɩa jaŋ pɛ ba lɛ dɩ ba wuo na wombiiŋ a to tabal-la boi-baalaa jʋʋ, a wuo dii tɩa-la sɩɩ pɩ nɩaa mɩɩsɩŋ nɛnɛɛ.