Jɔɔŋ 14:6 - WƖA TENIŊ

⁶ Ŋɩɩ nɛ Yesu bʋla pʋ, “Mɩ nɛ ŋaa wombiiŋ a mʋmʋ Wɩa-jaŋ. Mɩ nɛ bɩra wʋtɩtɩɩ Tɩɩna ma, a bɩraa pɩ nɩaa ma mɩɩsɩŋ. Nʋʋkala bɩ mɩ Nyɩmma teeŋ wuo mʋ, see dɩ ʋ to mɩ lɛ.

Jɔɔŋ 14:6 ပူးပေါင်းရင်းမြစ်များ

Matiu 11:27

Ŋɩɩ nɛ ʋ bɩra bʋl, “Mɩ Nyɩmma joŋ kʋŋkala doluŋ nɛ pɩmɛ. Mɩ Nyɩmma dʋndʋŋa nɛ jɩŋ ŋɩɩ mɩ sɩ naga. Mɩ ma dʋndʋŋa nɛ jɩŋ ŋɩɩ mɩ Nyɩmma sɩ naga. Nʋʋkala bɩra bɩ ʋ jɩŋ, see nɩalɩŋ mɩ sɩ cho dɩ mɩ daga pa.”

Jɔɔŋ 1:14

Ŋɩɩ nɛ wɩɩ-la bɩrɩmɛ nuhuobiine a kʋ hɛ la tʋɔŋ. Ʋ fa hɛ la teeŋ a fɩfá la nenige woruŋ, a kɛŋ wʋtɩtɩɩ. La na ʋ tʋla. Tʋla deeŋ ʋ Nyɩmma Wɩa nɛ joŋo pʋ, arɩ ʋ nɛ ŋaa ʋ Bie kala.

Jɔɔŋ 1:17

Wɩa to Mosis lɛ nɛ a bil wombie-la sɩ maga la tuto pɩla. Ama Yesu Kirisito lɛ nɛ Wɩa to a fá la nenige, a dagɛla wʋtɩtɩɩ.

Jɔɔŋ 1:4

Wɩɩ-la fa weye nɛ a kɛŋ pʋlʋmʋŋ kaa kʋ pɩ nɩaa.

Jɔɔŋ 10:28

Ŋɩɩ nɛ mɩ pɩba mɩɩsɩ-la sɩ bɩ dɛrɛ, ba bɩ jaŋ kɔ dɩ ba sʋba. Nʋʋ ma saa bɩ jaŋ wuo kɛmba kaa laa mɩ nɩsɩŋ lɛ da.

Jɔɔŋ 10:7

Ŋɩɩ nɛ Yesu bɩra bʋla pɩba, “Wʋtɩtɩɩ nɛ mɩ bʋlaa pɩma, mɩ nɛ ŋaa pie-dɩa-la boiŋ niiŋ.

Jɔɔŋ 10:9

Mɩ nɛ ŋaa boi-la, nɩɩ-la kala sɩ to mɩ lɛ jʋʋ, mɩ jaŋ laaʋ ta. Mɩ jaŋ leŋ ba lɩɩ dii yaŋ aŋ mɩɩra kʋʋ jʋʋ.

Jɔɔŋ 14:19

Ʋ ka mʋa dʋnɩa nɩaa bɩra bɩ jaŋ namɛ, ama ma-na jaŋ namɛ. Mɩ sɩ jaŋ kɛŋ mɩɩsɩŋ ŋɩɩ, ma ma jaŋ kɛŋ mɩɩsɩŋ.

Jɔɔŋ 15:1

Ŋɩɩ nɛ Yesu bʋl, “Mɩ nɛ ŋaa tɩɩ-tɩtɩɩ-la. Mɩ Nyɩmma ma nagɛ nɩɩ-la sɩɩ beŋ tɩa-la nɛ.

Jɔɔŋ 18:37

Ŋɩɩ nɛ Paalɩt pɩɛsʋ, “Ŋ saa ŋaa kuoru nɛ koo?” Ŋɩɩ nɛ Yesu bʋl, “Wɩɩ-la ŋ sɩ bʋla ŋaa wʋtɩtɩɩ nɛ. Ba paala lʋlmɛ dɩ mɩ ŋaa kuoru nɛ. Mɩ kʋ tuu dʋnɩa dɩ mɩ dagɛ nɩaa dɩ ba jɩŋ wʋtɩtɩɩ nɛ. Nɩɩ-la kala sɩ cho dɩ ʋ jɩŋ wʋtɩtɩɩ yie jegile nɩɩ mɩ teeŋ nɛ.”

Jɔɔŋ 5:21

Mɩ Nyɩmma sɩ chɩsɛ nɩalɩŋ sɩ sʋba ba bɩra kɛŋ mɩɩsɩŋ ŋɩɩ, ŋɩɩ tɩtɩa nɛ mɩ ma ʋ Bie joŋ mɩɩsɩŋ a pɩpɩ nɩalɩŋ mɩ sɩ cho.

Jɔɔŋ 6:33

Boroboro-la Wɩa sɩ ta, ʋ lɩɩ Wɩa-jaŋ nɛ a kʋ tuu. Ʋ nɛ pɩ dʋnɩa nɩaa mɩɩsɩŋ.”

Jɔɔŋ 6:51

Mɩ-na nɛ ŋaa kʋdiile-la sɩ kɛŋ mɩɩsɩŋ a lɩɩ Wɩa-jaŋ kʋ tuu. Dɩ nʋʋ nɛ dii kʋdiilee deemba, ʋ jaŋ kɛŋ mɩɩsɩ-la sɩ bɩ dɛrɛ. Mɩ yaraa nammɩa nɛ ŋaa kʋdiile-la mɩ sɩ jaŋ joŋo pɩ dʋnɩa nɩaa dɩ ba kɛŋ mɩɩsɩŋ.”

Jɔɔŋ 6:57

Mɩ Nyɩmma-la sɩ kɛŋ mɩɩsɩŋ a tɩmmɛ ŋɩɩ, ʋ nɛ leŋe mɩ kɛŋ mɩɩsɩŋ. Ŋɩɩ tɩtɩa nɛ nɩɩ-la ma sɩ chaŋ mɩ yaraa nammɩa ma jaŋ kɛŋ mɩɩsɩŋ a tɩŋ mɩ wɩaa.

Jɔɔŋ 6:68

Saamɔŋ Pɩɩta bʋl, “La Tɩɩna, kʋbɛɛ teeŋ nɛ saa la ma jaŋ mʋ? Wɩalɩŋ ŋ sɩɩ bʋl nɩɩ pɩ nɩaa mɩɩsɩ-la sɩ bɩ dɛrɛ.

Jɔɔŋ 8:32

Ma jaŋ jɩŋ wʋtɩtɩɩ. Wʋtɩtɩɩ-la saa jaŋ laama ta dɩ ma tɩɩ ma tɩtɩa.”

Jɔɔŋ 8:51

Wʋtɩtɩɩ nɛ mɩ bʋlaa pɩma, nɩɩ-la kala sɩɩ to mɩ niiŋ wɩaa, ʋ bɩ jaŋ sʋʋ.”

Tɩntɩŋŋaa 3:15

aŋ leŋ ba kpʋ nɩɩ-la sɩɩ pɩ nɩaa mɩɩsɩŋ. Ama Wɩa chɩsʋ sʋʋŋ lɛ nɛ. La ŋaa wɩɩŋ deeŋ pɛ-naaraa nɛ.

Tɩntɩŋŋaa 4:12

Nʋʋkala bɩ jaŋ wuo laala ta, see Yesu dʋndʋŋa. Ʋ yɩrɩŋ dʋndʋŋa nɛ Wɩa sɩ la yɩrɛ dʋnɩa lɛ dɩ ʋ laala ta. Nʋʋ dɔŋ bɩra tuo dɩ ʋ laala ta.”

Tɩntɩŋŋaa 9:2

a sʋlʋ dɩ ʋ ŋmʋnsɛ tenniŋ pʋ dɩ ʋ kaa mʋ taŋ kʋbala baa yɩrɛ Damasɩkʋs a kpaa Wɩɩchʋɔlɛ dɩɩsɩŋ lɛ. Ʋ ŋaa ŋɩɩ, dɩ ʋ nɛ na nʋʋ na-kala sɩɩ to wombii-la nɩmɛ, baal koo haal, dɩ ʋ wuo kɛŋ doluŋ a kɛsɛba kaa kɔ Jerusalɛm.

Rom Tɩŋŋaa 15:16

dɩ mɩ tɩŋ Yesu Kirisito tɩntɩŋŋaa nɩalɩŋ sɩ bɩ Juu tɩŋŋaa ŋaa tʋɔŋ. Mɩ tɩŋ ba tʋɔŋ a nagɛ Wɩɩsʋllɩ sɩpaalaara nɛ, a bʋl Wɩa wʋzɔmɔ-la pɩba. Mɩ ŋaa ŋɩɩ dɩ Wɩa wuo laa nɩalɩŋ sɩ bɩ Juu tɩŋŋaa ŋaa, a nagɛ Wɩɩsʋlʋŋ kɩaa Wɩa Dɩŋ-zɔŋ-la sɩ ŋaa ba bɩ disiniŋ kɛnɛ dɩ mɩ joŋo pɩ Wɩa dɩ ʋ tʋɔtɔrɛ ba nyuŋ.

Rom Tɩŋŋaa 5:2

La sɩ laa Yesu Kirisito wɩaa dii ŋɩɩ, ʋ leŋe la jʋʋ Wɩa lahɔrɩmɔ nɛ. Nɩmɛ nɛ la hɛ lɛɛlɛ aa jʋɔsɛ, a kɛŋ yɩɛlaa arɩ la jaŋ kpaa Wɩa yɩrɩ-la chɛɛ dɔŋ.

Rom Tɩŋŋaa 5:21

Wʋbɔŋŋɔɔ sɩ kɛŋ doluŋ a laa dʋnɩa nɩaa tɩɩ ŋɩɩ, ŋɩɩ nɛ kɛŋ sʋʋŋ kaa kɔ. Ŋɩɩ tɩtɩa nɛ Wɩa lahɔrɩmɔ-la ma to tʋɔpʋla-la Wɩa sɩ leŋe la kɛŋ lɛ a yuo dii dʋnɩa. Ŋɩɩ leŋ la to La Tɩɩna Yesu Kirisito lɛ a kɛŋ mɩɩsɩ-la sɩ bɩ dɛrɛ.

1 Kɔrɩntɩ Nɩaa 15:45

Wɩa teniŋ tʋɔŋ ba ŋmʋnsa, “Nuhuobiiŋ-la Wɩa sɩ bumo ŋaa yɩrɩŋ nɛ Adam. Ŋɩɩ nɛ Wɩa wiese hɛ ʋ lɛ ʋ kɛŋ mɩɩsɩŋ.” Adam-la sɩ to harɩŋ kɔ nɛ ŋaa Wɩa wiese-la sɩɩ pɩ nɩaa mɩɩsɩŋ.

Ɛfɛsɩs Nɩaa 2:18

Kirisito lɛ nɛ la nɩalɩŋ sɩ ŋaa Juu tɩŋŋaa arɩ la nɩalɩŋ sɩ bɩ Juu tɩŋŋaa ŋaa kala to a kɛŋ Wɩa Dɩŋ-zɔŋ-la, a jaŋ wuo mʋ la Nyɩmma Wɩa teeŋ.

Koloosi Nɩaa 2:17

Kɩsɩnɩŋ deemba nagɛ kʋ-la sɩ jaŋ kɔ daaliimiŋ nɛ. Kʋ-la tɩtɩa nɛ ŋaa Kirisito.

Koloosi Nɩaa 2:9

Wɩa nagɩsɩŋ kala hɛ Yesu nuhuobiiŋ yara-la lɛ nɛ.

Koloosi Nɩaa 3:4

Kirisito nɛ ŋaa la mɩɩsɩŋ. Bʋa-la lɛ ʋ sɩ jaŋ mɩɩra kɔ, nɩaa jaŋ na ma dɩ ʋ kala dɩ maa kpaa ʋ yɩrɩ-bal-la.

Hiburu TƖŊŊAA 7:25

Ŋɩɩ wɩaa, ʋ jaŋ wuo laa nɩalɩŋ sɩ to ʋ lɛ a kɔ Wɩa teeŋ ta. Ʋ jaŋ wuo laaba ta, bɛɛ wɩaa ʋ jaŋ hɛ nɩmɛ bʋa na-kala a sʋl Wɩa pɩpɩba.

Hiburu TƖŊŊAA 9:8

Wɩa Dɩŋ-zɔmʋŋ to wɩaa deemba kala lɛ aa dagɛ arɩ wombii-la ba sɩ to jʋjʋʋ lɛbɩ-la sɩpaaŋ, lee-la zɔmʋŋ sɩ bɩ magɩa kɛnɛ ha bɩ suro, bɛɛ wɩaa tɛgɛɛ lɛbɩ-la ha hɛ nɩmɛ nɛ.

1 Pɩɩta 1:21

Ma to ʋ lɛ nɛ a laa Wɩa wɩaa dii. Ʋ nɛ chɩsɛ Yesu sʋʋŋ lɛ a pʋ yɩrɩŋ. Ŋɩɩ wɩaa ma laa diiniŋ arɩ ma yɩɛlaa kala hɛ Wɩa lɛ nɛ.

1 Pɩɩta 2:4

Ŋɩɩ wɩaa, má kʋ kpagɛ La Tɩɩna Kirisito, Nɩɩ-la sɩ nagɛ tabɩɩ-la sɩ kɛŋ mɩɩsɩŋ. Nɩaa vɩaʋ ta nɛ, ama Wɩa nɛ lɩɩsʋ ʋ ŋaa kʋzɔŋ ʋ teeŋ.

1 Pɩɩta 3:18

Yesu Kirisito sʋʋ la wʋbɔŋŋɔɔ wɩaa bala nɛ. Ʋ fa ŋaa tʋɔpʋl tɩɩna nɛ, a sʋʋ wʋbɔŋ ŋaaraa wɩaa, dɩ ʋ wuo kɛnla kaa mʋ Wɩa teeŋ. Nuhuobiinee nɛ kpʋ ʋ yaraa, ama Wɩa leŋ ʋ dɩma wei.

1 Jɔɔŋ 1:8

Dɩ la nɛ sɩ la bɩ wʋbɔŋŋɔɔ ŋaa, laa nyɩsɛ la tɩtɩa nɛ. La bɩ wʋtɩtɩɩ kɛnɛ.

1 Jɔɔŋ 2:23

Nɩɩ-la kala sɩ vɩa Wɩa Bie, ʋ bɩ ʋ Nyɩmma ma jɩŋ. Nɩɩ-la ma kala sɩ sɛɩ Wɩa Bie, ʋ sɛɩ ʋ Nyɩmma ma nɛ.

1 Jɔɔŋ 5:20

La bɩra jɩma arɩ Wɩa Bie nɛ kɔ a suri la sɩaa la wuo jɩŋ Wɩɩ-tɩtɩɩ-la. La dɩ Wɩɩ-tɩtɩɩ-la ŋaa kʋbala nɛ. La hɛ ʋ Bie lɛ. Ʋ nɛ ŋaa Wɩa tɩtɩa. Ʋ nɛ joŋ mɩɩsɩ-la sɩ bɩ dɛrɛ pɩla.

1 Jɔɔŋ 5:6

Ʋ-na Yesu Kirisito nɛ kɔ dʋnɩa ba fou Wɩɩchʋɔlɛ lɩɩŋ, a kpaasʋ mɛrɛ daagɛsɛ nyuŋ ʋ chalɩŋ jaasɛ. Ŋ-la daga arɩ lɩɩŋ dʋndʋŋa dee ba fou, ba kpaasʋ mɛrɛ daagɛsɛ nyuŋ ma nɛ ʋ chalɩŋ jaasʋ. Wɩa Dɩŋ-zɔmʋŋ bʋl wɩaa a tɩgɛ ŋɩɩ lɛ, bɛɛ wɩaa ʋ nɛ kɛŋ wʋtɩtɩɩ.

2 Jɔɔŋ 1:9

Nɩɩ-la kala sɩ bɩ wɩalɩŋ Kirisito sɩ daga dʋndʋŋa ka to, ʋ tɩɩna bɩ Wɩa teeŋ hɛ. Ama nɩɩ-la kala sɩɩ to wɩalɩŋ Kirisito sɩ daga dʋndʋŋa, ʋ tɩɩna kɛŋ Wɩa arɩ ʋ Bie kala nɛ.

Jɔɔŋ Wʋnaalaa 1:5

arɩ Yesu Kirisito teeŋ. Ʋ nɛ ŋaa wɩalɩŋ sɩada tɩɩna a kɛŋ wʋtɩtɩɩ. Ʋ nɛ ŋaa Nɩɩ-la sɩ sʋba aŋ laa sɩpaaŋ sii sʋʋŋ lɛ. Ʋ nɛ kɛŋ dʋnɩa kuoroo kala doluŋ. Má leŋ dɩ la dɛnnʋ, a tɩŋ ʋ sɩ chola ŋɩɩ a joŋ ʋ chalɩŋ a jaasɛ, a lɩɩsɛla wʋbɔŋŋɔɔ lɛ.

Jɔɔŋ Wʋnaalaa 19:11

Ŋɩɩ nɛ mɩ na Wɩa-jaŋ dɩ ʋ suro. Mɩ beŋ a na ja-pʋla dɩ nʋʋ jɩla. Nɩɩ-la sɩ jɩla yɩrɩŋ nɛ Nɩtɛŋɛ arɩ Wʋtɩtɩɩ Tɩɩna. Ʋ dii nɩaa sarɩya arɩ wʋtɩtɩɩ nɛ, aa yuo laalɩŋ ma arɩ wʋtɩtɩɩ.

Jɔɔŋ Wʋnaalaa 20:15

Dɩ nʋʋkala yɩrɩŋ nɛ tuo mɩɩsɩŋ teŋ-la tʋɔŋ, ba yie joŋu yuo hɛ nyiŋ-bal-la tʋɔŋ nɛ.

Jɔɔŋ Wʋnaalaa 22:1

Ŋɩɩ nɛ Wɩa tɩndaarʋ-la bɩra dagɛmɛ fuo-la lɩɩŋ sɩɩ pɩ nɩaa mɩɩsɩŋ. Lɩɩ-la kala pʋlla nɛ chɩl chɩl a nagɛ beenantɩrɛ. Lɩɩ-la pɛllɛ lɩɩ Wɩa arɩ Pie-bie-la kuoru kpasa-la teeŋ nɛ,

Jɔɔŋ Wʋnaalaa 22:17

Ŋɩɩ nɛ Wɩa Dɩŋ-zɔmʋŋ arɩ haal-la Pie-bie-la sɩɩ chɛ dɩ ʋ jaa bʋla pɩ nɩaa, “Má kɔ. Nʋʋkala sɩ nɩa, má leŋ dɩ ʋ kɔ. Nʋʋ na-kala lɩɩnyʋasʋŋ sɩ kɛnɛ, ʋ kɔ. Nɩɩ-la kala sɩ cho dɩ ʋ nyʋa lɩɩ-la sɩɩ pɩ nɩaa mɩɩsɩŋ sɩ ŋaa chɔgɩta kʋŋ, ʋ kɔ a nyʋa.”

Jɔɔŋ Wʋnaalaa 3:14

Bɩra ŋmʋnsɛ wɩaa deemba pɩ Wɩa tɩndaarʋ-la sɩɩ beŋ nɩalɩŋ sɩ laa Yesu wɩaa dii aa hilimi Laadisiya taŋ-la lɛ. Mɩ-na nɛ Nɩɩ-la ba sɩɩ yɩrɛ “Amɩɩ,” a kɛŋ wʋtɩtɩɩ a didii dansɩa arɩ wʋtɩtɩɩ, Nɩɩ-la lɛ Wɩa sɩ to a ŋaa dʋnɩa, mɩ nɩɩ bʋl wɩaa deemba.

Jɔɔŋ Wʋnaalaa 3:7

Ŋmʋnsɛ wɩaa deemba pɩ Wɩa tɩndaarɩ-la sɩɩ beŋ nɩalɩŋ sɩ laa Yesu wɩaa dii aa hilimi Fɩladɛlɩfɩa lɛ. Mɩ-na Nɩɩ-la sɩ ŋaa tʋɔpʋl Tɩɩna arɩ Nɩtɩtɩɩ nɩɩ bʋl wɩaa deemba. Mɩ nɛ kori Devit taŋ-la boribiiŋ, dɩ mɩ nɛ suro, nʋʋkala bɩ wuo kaa tɔ, dɩ mɩ nɛ bɩra kaa tɔ ma, nʋʋkala bɩ wuo suri.