4 Ma jɩŋ lee-la mɩ sɩɩ mʋ wombiiŋ nɛ.”
Ma bɩ jɩŋ arɩ ʋ maga dɩ Nɩɩ-la Wɩa sɩ lɩɩsa, na hɛɛŋ nɛ aŋ-na jʋʋ ʋ kuorii-la tʋɔŋ a laa yɩrɩŋ?”
Mɩ nɛ ŋaa boi-la, nɩɩ-la kala sɩ to mɩ lɛ jʋʋ, mɩ jaŋ laaʋ ta. Mɩ jaŋ leŋ ba lɩɩ dii yaŋ aŋ mɩɩra kʋʋ jʋʋ.
Nɩɩ-la kala sɩ cho dɩ ʋ tɩma pɩpɩmɛ, maga ʋ to mɩ harɩŋ. Lee-la kala mɩ sɩ hɛ, ʋ tɩɩna ma jaŋ hɛ nɩmɛ. Dɩ nʋʋkala nɛ tɩma pɩpɩmɛ, mɩ Nyɩmma jaŋ zil ʋ tɩɩna.
Yesu fa jɩma arɩ ʋ Nyɩmma joŋ kʋŋkala doluŋ hɛ ʋ nɩsɩŋ lɛ nɛ. Ʋ jɩma ʋ lɩɩ Wɩa teeŋ nɛ, a bɩra jɩŋ arɩ ʋ jaŋ mɩɩra mʋ Wɩa teeŋ.
Mɩ Nyɩmma jaŋ lɛ dɩɩsɩŋ yʋga a hɛ nɩmɛ. Dɩ ŋɩɩ fa dee, mɩ bɩ jaŋ bʋla pɩma arɩ mɩ jaŋ mʋ wasɛ leriŋ a bil ma lɛ.
Ma nɩa arɩ mɩ bʋla pɩma arɩ mɩ jaŋ mɩɩra viiri aŋ bɩra mɩɩra kɔ ma teeŋ. Dɩ ma nɛ chomi, ma tʋɔŋ jaŋ tɔrɛ arɩ mɩ sɩɩ mʋ mɩ Nyɩmma teeŋ, bɛɛ wɩaa ʋ nɛ kɛŋ doluŋ a kɩɩmɛ.
Dɩ mɩ nɛ mʋa a wasɛ lee-la bil ma lɛ dɛrɛ, mɩ jaŋ bɩra kɔ a kɛmma kaa mʋ mɩ teeŋ, dɩ la kala hɛ dɩ-bala.
Ŋɩɩ nɛ Tɔmas bʋla pʋ, “La Tɩɩna, la bɩ jɩŋ lee-la ŋ sɩɩ mʋ, ɛɛ nɛ la jaŋ wuo ŋaa jɩŋ ʋ wombiiŋ?”
Mɩ lɩɩ mɩ Nyɩmma teeŋ nɛ a kʋ tuu dʋnɩa. Lɛɛlɛ mɩ saa jaŋ leŋ dʋnɩa aŋ mɩɩra mʋ mɩ Nyɩmma teeŋ.”
Nɩɩ-la kala sɩ laa mɩ-na Wɩa Bie wɩaa dii, ʋ kɛŋ mɩɩsɩ-la sɩ bɩ dɛrɛ, ama nɩɩ-la kala sɩ bɩ mɩ-na Wɩa Bie wɩalɩŋ ka to, ʋ bɩ jaŋ kɔ dɩ ʋ kɛŋ mɩɩsɩ-la sɩ bɩ dɛrɛ, ama Wɩa jaŋ na baanɩŋ ʋ tɩɩna nyuŋ a kaa mʋ wuu.
Wɩalɩŋ mɩ Nyɩmma sɩɩ chɛ nɛ ŋ-la: Dɩ nʋʋ na-kala sɩ na mɩ-na ʋ Bie a laa mɩ wɩaa dii, dɩ ʋ kɛŋ mɩɩsɩ-la sɩ bɩ dɛrɛ. Dʋnɩa dɩdɛrɩŋ ma, mɩ jaŋ chɩsʋ sʋʋŋ lɛ dɩ ʋ kɛŋ mɩɩsɩŋ.”
