Jɔɔŋ 14:30 - WƖA TENIŊ

³⁰ Mɩ bɩ jaŋ wuo bʋl wɩaa ma teeŋ a dieni, bɛɛ wɩaa dʋnɩa kuoro ka kɔ nɛ. Ama ʋ bɩ dol kala kɛnɛ mɩ lɛ.

Jɔɔŋ 14:30 ပူးပေါင်းရင်းမြစ်များ

Luuk 1:35

Ŋɩɩ nɛ Wɩa tɩndaarʋ-la bʋla pʋ, “Wɩa Dɩŋ-zɔmʋŋ jaŋ kʋ hɛ ŋ lɛ. Ŋ jaŋ kɛŋ luoruŋ Wɩa doluŋ lɛ. Ŋɩɩ wɩaa bile jaŋ ŋaa tʋɔpʋl Tɩɩna. Ba kɛnʋ yɩyɩrɛ Wɩa Bie.

Luuk 22:53

Mɩ dɩ ma kala nɛ fa hɛ Wɩa dɩɩ-bal-la lɛ tapʋlɩɩ kala, aŋ ka ma bɩ walɩma dɩ ma kɛmmɛ nɩmɛ. Ama bʋa deeŋ lɛ nɛ birimiŋ tɩɩna Sɩtaanɩ pɩma doluŋ ma wuo kɔ dɩ ma kɛmmɛ.”

Jɔɔŋ 12:31

Bʋa-la lɛ Wɩa sɩ jaŋ dii dʋnɩa nɩaa sarɩya yie nɛ. Bʋa deeŋ lɛ nɛ ʋ ma jaŋ kiri Sɩtaanɩ ta, dʋnɩa nɩaa kuoro.

Tɩntɩŋŋaa 1:3

Ʋ sɩ sii sʋʋŋ lɛ, ʋ kɛŋ ʋ tɩtɩa kʋ dagɛ ʋ nanzɔɔba-la a yʋgɛ nɛ tapʋlaa mahɩŋ balɩa pɛgɛ. Wombiee yʋga nɛ ʋ to kɛŋ ʋ tɩtɩa dagɛba arɩ ʋ weye, aŋ bʋl Wɩa kuorii-la wɩaa a pɩba.

2 Kɔrɩntɩ Nɩaa 4:4

Nɩaa deemba Sɩtaanɩ nɛ tɔ ba wʋjɩmɩŋ dɩ ba sɩ́ wuo na Wɩa wʋzɔmɔ-la pʋlʋmʋŋ. Wɩa wʋzɔmɔ-la nɩɩ dagɛ Kirisito tʋla, Nɩɩ-la sɩ nagɛ Wɩa.

2 Kɔrɩntɩ Nɩaa 5:21

Kirisito fa bɩ wʋbɔŋ kɛnɛ, ama a tɩŋ la wɩaa, Wɩa leŋe ʋ sʋʋ a nagɛ wʋbɔŋ ŋaarʋ. Wɩa ŋaa ŋɩɩ dɩ la wuo to Kirisito lɛ nɛ a kɛŋ tʋɔpʋla ʋ teeŋ.

Ɛfɛsɩs Nɩaa 2:2

Ma faa ŋaa wʋbɔŋŋɔɔ nɛ a ŋɩŋaa dʋnɩa deeŋ tʋɔtɔrɛ wɩaa, a tuto Sɩtaanɩ. Sɩtaanɩ nɛ ŋaa jɩŋ-bɔŋŋɔɔ kala kuoro, ʋ nɩɩ beŋ nɩalɩŋ sɩ bɩ Wɩa niiŋ wɩaa ka to.

Ɛfɛsɩs Nɩaa 6:12

Ama la bɩ naga nɩalɩŋ sɩɩ yuo nuhuobiinee. Laa yuo Sɩtaanɩ arɩ ʋ harɩ-tooroo nɛ, arɩ kʋŋkala sɩ kɛŋ doluŋ nɩalɩŋ sɩ hɛ birimiŋ tʋɔŋ teeŋ. Dʋnɩa deeŋ arɩ dol-bɔmɔ-la kala sɩ hɛ wɩa-nyuŋ, ba nɛ laa yuo.

Koloosi Nɩaa 1:13

Ʋ laala Sɩtaanɩ nɩsɩŋ lɛ nɛ, a kɛnla kaa mʋ hɛ ʋ bii-chooluŋ kuorii-la tʋɔŋ.

Hiburu TƖŊŊAA 4:15

Yesu bɩ nagɛ Wɩɩsʋllɩ sɩpaalaaraa kʋhɩasɩŋ sɩ bɩ nɩaa nenige ka fá ŋɩɩ. Ʋ nɛ wuo fá la nenige a jɩŋ wɩalɩŋ sɩɩ walɩmɛla, bɛɛ wɩaa ba fa walɩmɛ ʋ ma nɛ. Sɩtaanɩ magɩsʋ nɛ arɩ ʋ sɩ magɩsɛla ŋɩɩ, ama ʋ bɩ wʋbɔŋ kala ŋaa.

Hiburu TƖŊŊAA 7:26

Yesu sɩ ŋaa Wɩɩsʋllɩ sɩpaalaara kʋhɩaŋ ŋɩɩ, ʋ ŋaa wʋzɔŋ nɛ a pɩla. Yesu bɩ disiŋ kɛnɛ, ʋ bɩ wʋcheeli kɛnɛ, ʋ chaasa ŋaa nɩzɔŋ nɛ. Ʋ kɛŋ ʋ tɩtɩa pɔrɛ nɛ wʋbɔŋ ŋaaraa lɛ. Wɩa kɛnʋ ŋaa nɩbal. Ʋ sɩ hɛ Wɩa-jaŋ lɛ ŋɩɩ, ʋ yʋga kɩɩ kʋŋkala sɩ hɛ nɩmɛ.

1 Pɩɩta 1:19

Ama Yesu Kirisito chalɩŋ sɩ kɛŋ yuŋuŋ kɩɩ kʋŋkala nɛ ʋ joŋo time laama. Yesu nagɛ pie-bie sɩ bɩ nyɔɔ kala kɛnɛ nɛ.

1 Pɩɩta 2:22

Ʋ bɩ wʋbɔŋ kala ŋaa. Ʋ bɩ wɩaa ma nyɩɛ.

1 Jɔɔŋ 4:4

Mɩ biiri, ma nɛ ŋaa nɩalɩŋ Wɩa sɩ tɩɩ. Ma nɛ lɛɛlɛ kɛŋ doluŋ a kɩɩ nɩalɩŋ sɩ nyɩɛ wɩaa arɩ ba ŋaa Wɩa wʋlaabʋlla nɛ, bɛɛ wɩaa Wɩa Dɩŋ-zɔmʋŋ sɩ hɛ ma lɛ nɛ kɛŋ doluŋ a kɩɩ dol-la dʋnɩa nɩaa sɩ kɛnɛ.

1 Jɔɔŋ 5:18

La jɩma arɩ Wɩa bii kala bɩ wʋbɔŋŋɔɔ ka ŋaa deeŋ deeŋ. Wɩa Bie Yesu nɛ yie pʋpɔʋ. Sɩtaanɩ bɩ ʋ wɩɩkala wuo ŋaa.

1 Jɔɔŋ 5:19

La jɩma la ŋaa Wɩa biiriŋ nɛ. Nɩkaana-la-na kala sɩ hɛ dʋnɩa lɛ hɛ Sɩtaanɩ nɩsɩŋ lɛ nɛ.

Jɔɔŋ Wʋnaalaa 12:9

Ŋɩɩ nɛ ba joŋ dɩŋ-la arɩ ʋ harɩ-tooroo a yuo ta ba lɩɩ Wɩa-jaŋ a kʋ tuu tinteeŋ. Dɩŋ-la fa hɛ nɩmɛ faafaa kala nɛ a lɩɩ dʋnɩa dɩ-suomuŋ. Ʋ nɛ baa yɩrɛ Sɩtaanɩ, nɩɩ-la sɩɩ nyɩsɛ dʋnɩa nɩaa ba yeŋŋi.