Jɔɔŋ 14:2 - WƖA TENIŊ

² Mɩ Nyɩmma jaŋ lɛ dɩɩsɩŋ yʋga a hɛ nɩmɛ. Dɩ ŋɩɩ fa dee, mɩ bɩ jaŋ bʋla pɩma arɩ mɩ jaŋ mʋ wasɛ leriŋ a bil ma lɛ.

Jɔɔŋ 14:2 ပူးပေါင်းရင်းမြစ်များ

Luuk 14:22

Lɩma lɩma dɩ baal-la ʋ sɩ tɩma lɩa a yɩrɛ nɩalɩŋ ba kʋ jʋʋ, ka ʋ jʋʋ bʋla pɩ ʋ kʋhɩaŋ-la arɩ nɩalɩŋ kɔ nɛ, ama ba ha bɩ yʋgɛ.

Jɔɔŋ 13:33

Mɩ biiriŋ, mɩ bɩra bɩ jaŋ hɛ ma teeŋ dieni. Ma jaŋ bee chɛmɛ, ama mɩ sɩ bʋl ŋɩɩ a pɩ Juu tɩŋŋaa, mɩ jaŋ bʋl ŋɩɩ a pɩ ma ma. Lee-la mɩ sɩ jaŋ mʋ, ma bɩ jaŋ wuo mʋ nɩmɛ.

Jɔɔŋ 13:36

Ŋɩɩ nɛ Saamɔŋ Pɩɩta pɩɛsɛ Yesu, “Mɩ Tɩɩna, nɩɩ nɛ ŋ mʋmʋ?” Ŋɩɩ nɛ Yesu ma bʋla pʋ, “Lee-la mɩ sɩ jaŋ mʋ, ŋ bɩ jaŋ wuo to mʋ, ama ʋ harɩŋ nɛ ŋ jaŋ wuo to.”

Jɔɔŋ 14:28

Ma nɩa arɩ mɩ bʋla pɩma arɩ mɩ jaŋ mɩɩra viiri aŋ bɩra mɩɩra kɔ ma teeŋ. Dɩ ma nɛ chomi, ma tʋɔŋ jaŋ tɔrɛ arɩ mɩ sɩɩ mʋ mɩ Nyɩmma teeŋ, bɛɛ wɩaa ʋ nɛ kɛŋ doluŋ a kɩɩmɛ.

Jɔɔŋ 16:4

Mɩ bʋl wɩaa deemba kala pɩpɩma dɩ bʋa-la nɛ kʋ yi dɩ wɩaa deemba ŋɩŋaa, ma jaŋ liisi arɩ mɩ bʋla pɩma. Mɩ dɩ ma kala fa sɩɩ to dɔŋɔ, ŋɩɩ nɛ tɩɩ mɩ bɩ wɩaa deemba bʋla pɩma.

Jɔɔŋ 17:24

Mɩ Nyɩmma, ŋ paala chomi nɛ a leŋ mɩ laa yɩrɩŋ, ka dʋnɩa-na suomi. Mɩ saa chɛ dɩ ŋ leŋ dɩ nɩalɩŋ ŋ sɩ lɩɩsa pɩmɛ, dɩ ba hɛ mɩ teeŋ lee na-kala mɩ sɩ jaŋ hɛ nɛ, dɩ ba wuo na ŋɩɩ ŋ sɩ leŋe mɩ laa yɩrɩŋ.

Tɩntɩŋŋaa 9:16

Mɩ nɛ jaŋ dagʋ hɛɛŋ magɛ ŋɩɩ ʋ sɩ jaŋ na a tɩŋ mɩ wɩaa.”

2 Kɔrɩntɩ Nɩaa 5:1

La jɩma la yaraa deemba la sɩ kɛnɛ la mɩɩsɩŋ deeŋ lɛ, dɩ la nɛ sʋba a mʋ Wɩa teeŋ, ʋ jaŋ pɩla yarɩ-falaa. Yarɩ-falɩa-la bɩ dʋnɩa deeŋ lɩa. Ba lɩɩ Wɩa teeŋ nɛ. La jaŋ kɛmba a hɛ Wɩa jaŋ lɛ deeŋ deeŋ.

1 Tɛsalonaaka Nɩaa 5:9

bɛɛ wɩaa Wɩa bɩ la lɩɩsa dɩ ʋ na baanɩŋ la nyuŋ. Ama ʋ lɩɩsɛla dɩ ʋ to La Tɩɩna Yesu Kirisito lɛ nɛ a laala ta.

Taatɩs 1:2

Nɩalɩŋ sɩɩ to Wɩa wombiiŋ deeŋ, baa yɩɛlɛ arɩ ba jaŋ kɛŋ mɩɩsɩ-la sɩ bɩ dɛrɛ. Wɩa fa bʋl wɩaa a tɩgɛ mɩɩsɩŋ deeŋ lɛ faafaa kala nɛ, ka dʋnɩa-na suomi. Wɩa bɩ wɩaa ka nyɩɛ, ʋ jaŋ ŋaa wɩɩ-la.

Hiburu TƖŊŊAA 11:10

Abɩraham faa chɛ dɩ ʋ jʋʋ taŋ-la Wɩa tɩtɩa sɩ bil ʋ gentine a saa nɛ. Taŋ deeŋ nɛ jaŋ hɛ nɩmɛ deeŋ deeŋ a mʋmʋ.

Hiburu TƖŊŊAA 13:14

La bɩ jáŋ kɛnɛ dʋnɩa deeŋ lɛ la sɩ jaŋ hɛ a kaa mʋ deeŋ deeŋ. Ama laa gbɛrɛ taŋ-la maachie sɩ jaŋ kɔ nɛ.

Hiburu TƖŊŊAA 6:20

Yesu nɛ laa sɩpaaŋ jʋʋ dɩ-zɔŋ-la a tɩŋ la wɩaa, dɩ la ma wuo to ʋ harɩŋ a jʋʋ. Yesu nɛ ŋaa nɩalɩŋ sɩ laa nɩaa nyuŋ a tɩma pɩpɩ Wɩa kʋhɩaŋ a kaa mʋ wuu, arɩ Mɛlɩkɩzɛdɛk fa sɩ ŋaa nɩalɩŋ sɩ laa nɩaa nyuŋ a tɩma pɩpɩ Wɩa kʋhɩaŋ ŋɩɩ.

Hiburu TƖŊŊAA 9:8

Wɩa Dɩŋ-zɔmʋŋ to wɩaa deemba kala lɛ aa dagɛ arɩ wombii-la ba sɩ to jʋjʋʋ lɛbɩ-la sɩpaaŋ, lee-la zɔmʋŋ sɩ bɩ magɩa kɛnɛ ha bɩ suro, bɛɛ wɩaa tɛgɛɛ lɛbɩ-la ha hɛ nɩmɛ nɛ.

Jɔɔŋ Wʋnaalaa 1:5

arɩ Yesu Kirisito teeŋ. Ʋ nɛ ŋaa wɩalɩŋ sɩada tɩɩna a kɛŋ wʋtɩtɩɩ. Ʋ nɛ ŋaa Nɩɩ-la sɩ sʋba aŋ laa sɩpaaŋ sii sʋʋŋ lɛ. Ʋ nɛ kɛŋ dʋnɩa kuoroo kala doluŋ. Má leŋ dɩ la dɛnnʋ, a tɩŋ ʋ sɩ chola ŋɩɩ a joŋ ʋ chalɩŋ a jaasɛ, a lɩɩsɛla wʋbɔŋŋɔɔ lɛ.

Jɔɔŋ Wʋnaalaa 21:2

Ŋɩɩ nɛ mɩ na Wɩa taŋ-la sɩ bɩ disiniŋ kɛnɛ, Jerusalɛm falɩɩ-la, dɩ ʋ lɩɩ Wɩa-jaŋ a kʋ tuu. Wɩa kpɩɛrʋ ʋ zɔŋ a nagɛ ba sɩ yie kpɩɛrɛ haala ŋɩɩ nɛ a kaa mʋ pɩ ʋ bala.

Jɔɔŋ Wʋnaalaa 3:12

Nɩɩ-la kala sɩ wuo yuo dii Sɩtaanɩ, mɩ jaŋ leŋ dɩ ʋ nagɛ jebiiŋ a hɛ Wɩa dɩɩ-balɩŋ tʋɔŋ. Ʋ bɩ jaŋ kɔ dɩ ʋ lɩɩ Wɩa dɩɩ-bal-la tʋɔŋ. Mɩ jaŋ ŋmʋnsɛ Wɩa yɩrɩŋ a hɛ ʋ lɛ, a ŋmʋnsɛ Wɩa-jaŋ yɩrɩŋ ma hɛ ʋ lɛ. Jaŋ-la nɛ ŋaa Jerusalɛm falɩɩ-la sɩ lɩɩ Wɩa-jaŋ kʋ tuu. Mɩ jaŋ ŋmʋnsɛ mɩ tɩtɩa yɩrɩ-falɩŋ a hɛ ʋ lɛ.

Jɔɔŋ Wʋnaalaa 3:21

Nɩɩ-la sɩ wuo yuo dii Sɩtaanɩ, mɩ jaŋ pʋ wombiiŋ dɩ ʋ pɛ hɔŋ mɩ kuoru kpasa nyuŋ arɩ mɩ ma sɩ yuo dii Sɩtaanɩ aŋ pɛ hɔŋ mɩ Nyɩmma kuoru kpasa nyuŋ ŋɩɩ.