Jɔɔŋ 14:16 - WƖA TENIŊ

¹⁶ Dɩ ma nɩɩ ŋaa ŋɩɩ, mɩ jaŋ sʋl mɩ Nyɩmma dɩ ʋ joŋ ʋ Dɩŋ-zɔmʋŋ pɩma, dɩ ʋ pɩpɛ ma lɛ. Ʋ jaŋ hɛ ma teeŋ a kaa mʋ wuu.

Jɔɔŋ 14:16 ပူးပေါင်းရင်းမြစ်များ

Matiu 28:20

Má dagɛba a leŋ dɩ ba to wɩalɩŋ kala mɩ sɩ bʋla pɩma dɩ ma to. Mɩ jaŋ hɛ ma teeŋ bʋa na-kala lɛ a kaa mʋ dʋnɩa dɩdɛrɩŋ.”

Jɔɔŋ 14:14

Dɩ ma nɩɩ chɛ kʋŋkala mɩ yɩrɩŋ lɛ, mɩ jaŋ ŋaa pɩma.”

Jɔɔŋ 14:18

Mɩ bɩ jaŋ leŋ ma dʋndʋŋa ta, mɩ jaŋ mɩɩra kɔ ma teeŋ.

Jɔɔŋ 14:26

Ama mɩ Nyɩmma jaŋ leŋ dɩ ʋ Dɩŋ-zɔmʋŋ kʋ tuu a hɛ ma lɛ mɩ yɩrɩŋ lɛ. Ʋ jaŋ pɛ ma lɛ a wuo dagɛma wɩɩkala, a leŋ dɩ ma liisi wɩalɩŋ kala mɩ sɩ bʋla pɩma.

Jɔɔŋ 15:26

Ama mɩ jaŋ leŋ dɩ Wɩa Dɩŋ-zɔmʋŋ lɩɩ mɩ Nyɩmma teeŋ a kʋ tuu hɛ ma lɛ. Ʋ jaŋ pɛ ma lɛ a dagɛma wʋtɩtɩɩ. Ʋ nɛ jaŋ bʋl mɩ wɩaa pɩma.

Jɔɔŋ 16:22

Ŋɩɩ nɛ saa ʋ jaŋ nagɛ ma ma lɛ. Lɛɛlɛ ma tʋɔŋ cheye nɛ, ama mɩ jaŋ bɩra nama dɩ ma tʋɔŋ kala tɔrɛ. Bʋa-la lɛ nʋʋkala bɩ jaŋ wuo ŋaa dɩ ma tʋɔŋ bɩra chei.

Jɔɔŋ 17:15

Mɩ bɩŋ sʋla chɩchɛ dɩ ŋ lɩɩsɛba dʋnɩa lɛ, ama mɩ sɩ dɩ ŋ pɔba nɛ a lɩɩsɛba Sɩtaanɩ nɩsɩŋ lɛ.

Jɔɔŋ 17:20

Mɩ bɩŋ sʋla pɩpɩ ba dʋndʋŋ, mɩ pɛ sʋlaa pɩ nɩalɩŋ ma sɩ jaŋ nɩɩ ba niiŋ wɩaa a laa dii nɛ.

Jɔɔŋ 4:14

Ama nɩɩ-la kala sɩ jaŋ nyʋa lɩɩ-la mɩ sɩ jaŋ pʋ, lɩɩnyʋasʋŋ bɩra bɩ jaŋ kɛnʋ da. Lɩɩ-la mɩ sɩ jaŋ pʋ jaŋ bɩrɩmɛ lɩɩ-bulo ʋ tʋɔŋ lɛ a bubul, a pʋ mɩɩsɩŋ sɩ bɩ dɛrɛ.”

Jɔɔŋ 7:39

Yesu bʋl wɩaa deemba a tɩgɛ Wɩa Dɩŋ-zɔmʋŋ ʋ sɩ jaŋ joŋo hɛ nɩalɩŋ sɩ laa ʋ wɩaa dii lɛ nɛ. Bʋa-la lɛ dɩ ʋ ha bɩ Wɩa Dɩŋ-zɔŋ-la joŋo hɛ ba lɛ, bɛɛ wɩaa ʋ ha bɩ sʋʋŋ lɛ sie dɩ ʋ laa yɩrɩŋ.

Tɩntɩŋŋaa 1:4

Bʋa kʋbala lɛ, ʋ dɩ ba hɔnɔ didii kɩaa ʋ bʋla pɩba, “Má sɩ́ Jerusalɛm lɛ lɩɩ, má gbɛrɛ mɩ Nyɩmma zile kʋ-la ʋ sɩ sɩ ʋ jaŋ joŋo pɩma, kʋ-la wɩaa mɩ fa sɩ bʋla pɩma.

Tɩntɩŋŋaa 13:52

Ka nɩalɩŋ sɩ laa Yesu wɩaa dii Antɩɔk lɛ tʋɔŋ kala tɔrɛ. Wɩa Dɩŋ-zɔmʋŋ ma hɛ ba lɛ woruŋ.

Tɩntɩŋŋaa 9:31

Ŋɩɩ harɩŋ lɛ nɩalɩŋ sɩ laa Yesu wɩaa dii aa hilimi Judiya arɩ Galilii arɩ Samarɩa tinteeŋ lɛ kala na wiese, a wasa laa Wɩa dii, a to La Tɩɩna Yesu a fɩfáʋ. Wɩa Dɩŋ-zɔmʋŋ ma pɛ ba lɛ. Ba pʋŋa pɛ.

Rom Tɩŋŋaa 14:17

Kʋdiile-la la sɩɩ dii arɩ kɩalɩŋ la sɩɩ nyʋa bɩ sɩɩfɩaŋ wɩɩ ŋaa Wɩa kuorii-la tʋɔŋ. Wɩalɩŋ sɩ ŋaa sɩɩfɩaŋ wɩaa nɛ ŋ-la: Dɩ la kɛŋ tʋɔpʋla Wɩa sɩpaaŋ, a kɛŋ nii-bala, aŋ pɛ kɛŋ tʋɔtɔrʋŋ ma Wɩa Dɩŋ-zɔmʋŋ doluŋ lɛ.

Rom Tɩŋŋaa 15:13

Wɩa nɛ yie leŋ la kɛŋ yɩɛlaa. Mɩɩ sʋlʋ dɩ ʋ leŋ dɩ ma kɛŋ tʋɔtɔrʋŋ arɩ yarɩfɩɛlaa a tɩŋ ma sɩ laaʋ dii, dɩ ŋɩɩ leŋ dɩ ma yɩɛlaa wasa yʋgɛ Wɩa Dɩŋ-zɔmʋŋ doluŋ lɛ.

Rom Tɩŋŋaa 5:5

La sɩ kɛŋ yɩɛlaa ŋɩɩ, la bɩ jaŋ kɔ dɩ la dii hɩɩsɩŋ, bɛɛ wɩaa Wɩa chola nɛ kɩŋkɛŋ. Ʋ joŋ chono-la a hɛ la tʋɔŋ lɛ nɛ. Ʋ ŋaa ŋɩɩ ʋ Dɩŋ-zɔmʋŋ ʋ sɩ joŋo pɩla doluŋ lɛ nɛ.

Rom Tɩŋŋaa 8:34

Kʋbɛɛ ma nɛ bɩra jaŋ wuo dii ba sarɩya a dɔgɩsɛba? Kirisito sʋba nɛ, aŋ bɩra sii sʋʋŋ lɛ a kɛŋ mɩɩsɩŋ a hɔŋ Wɩa nadiiŋ, nɩduoŋ dɩhɔnʋŋ, a sʋl Wɩa pɩpɩla.

Galiisia Nɩaa 5:22

Ama dɩ Wɩa Dɩŋ-zɔmʋŋ nɛ hɛ nʋʋ lɛ, ʋ yie ŋaa ʋ cho nɩaa nɛ, a kɛŋ tʋɔtɔrʋŋ, a fɩɛla hɔŋ sɔm, a kɛŋ kenyiri, a kɛŋ zile, a ŋɩŋaa wʋzɔŋŋɔɔ, a kɛŋ wʋtɩtɩɩ,

Fɩlɩpa Nɩaa 2:1

Ma sɩɩ to Kirisito, ŋɩɩ leŋe ma nyuŋ nyaasɛ nɛ, ʋ chonuŋ leŋe ma tʋɔŋ pɩŋ dɩ-bala nɛ, Wɩa Dɩŋ-zɔmʋŋ ma leŋ ma ŋaa kʋbala, a kɛŋ zile dɔŋɔ lɛ a fɩfá dɔŋɔba nenige.

2 Tɛsalonaaka Nɩaa 2:16

La Tɩɩna Yesu Kirisito arɩ la Nyɩmma Wɩa sɩ chola lahɔrɩmɔ lɛ, ʋ ŋaa la tʋɔŋ pɩŋ dɩ-bala nɛ a kaa mʋ wuu, dɩ la wuo yɩyɩɛlɛ wʋzɔŋŋɔɔ.

Hiburu TƖŊŊAA 7:25

Ŋɩɩ wɩaa, ʋ jaŋ wuo laa nɩalɩŋ sɩ to ʋ lɛ a kɔ Wɩa teeŋ ta. Ʋ jaŋ wuo laaba ta, bɛɛ wɩaa ʋ jaŋ hɛ nɩmɛ bʋa na-kala a sʋl Wɩa pɩpɩba.

1 Jɔɔŋ 2:1

Mɩ biiri, mɩ ŋmʋnsɛ wɩɩŋ deeŋ pɩpɩma dɩ ma bɩra sɩ́ wʋbɔŋŋɔɔ ŋaa, ama dɩ la kʋŋkala nɛ ŋaa wʋbɔŋ, la kɛŋ nʋʋ nɛ sɩ chɩŋ la nyuŋ Wɩa sɩpaaŋ. Ʋ jaŋ sʋla laala ʋ Nyɩmma teeŋ. Tʋɔpʋl Tɩɩna Yesu Kirisito nɛ ŋɩɩ.

1 Jɔɔŋ 2:27

Ama Kirisito joŋ ʋ Dɩŋ-zɔŋ-la hɛ ma lɛ nɛ. Ʋ Dɩŋ-zɔŋ-la sɩ hɛ ma lɛ ŋɩɩ, ma bɩra bɩ nʋʋ ka chɛ dɩ ʋ dagɛma. Ʋ Dɩŋ-zɔŋ-la sɩ hɛ ma lɛ ka dagɛma wɩɩkala nɛ. Wɩalɩŋ kala ʋ sɩɩ dagɛma ŋaa wʋtɩtɩɩba nɛ, wʋnyɩɛrɩ dee. Má to wɩalɩŋ ʋ Dɩŋ-zɔmʋŋ sɩ dagɛma, a leŋ ma dɩ Kirisito ŋaa kʋbala.

2 Jɔɔŋ 1:2

La choma ŋɩɩ a tɩŋ wʋtɩtɩɩ-la sɩ hɛ la lɛ nɛ. Ʋ saa jaŋ hɛ la lɛ a kaa mʋ.