Jɔɔŋ 14:12 - WƖA TENIŊ

¹² Wʋtɩtɩɩ nɛ mɩ bʋlaa pɩma, nɩɩ-la kala sɩ laa mɩ wɩaa dii, ʋ jaŋ wuo ŋɩŋaa wɩalɩŋ mɩ sɩɩ ŋaa. Ʋ jaŋ paala wuo ŋaa kɩɩ wɩalɩŋ mɩ sɩɩ ŋaa, bɛɛ wɩaa mɩ jaŋ mɩɩra mʋ mɩ Nyɩmma teeŋ.

Jɔɔŋ 14:12 ပူးပေါင်းရင်းမြစ်များ

Matiu 21:21

Ŋɩɩ nɛ Yesu bʋla pɩba, “Wʋtɩtɩɩ nɛ mɩ bʋlaa pɩma, dɩ ma nɛ laa dii a bɩ tʋɔŋ balɩa kɛnɛ, ma ma jaŋ wuo ŋaa wɩɩ-la sɩ ŋaa tutogo-la lɛ. Ŋ-la ma dʋndʋŋa dee, ama ma jaŋ wuo paala bʋl peeliŋ deeŋ lɛ dɩ ʋ sii a mʋ tel mʋgʋ-balɩŋ tʋɔŋ, dɩ ŋɩɩ sɛnɛ ŋaa.

Maak 11:13

Ʋ na tutogo dɩ ʋ mʋ chɩŋ sɩpaaŋ a kɛŋ pɩpaarɩŋ. Ʋ mʋ yi ʋ bʋbʋɔŋ a bɩɩnɛ arɩ nɛnɛɛ hɛ nɩmɛ nɛ. Ʋ mʋ wʋla beŋ, dɩ nɛnɛɛ tuo see pɩpaarɩŋ, bɛɛ wɩaa ba nɛnɩŋ ha bɩ yie.

Maak 16:17

Wʋmagɩlaa deemba nɛ ma jaŋ wuo na a jɩŋ nɩalɩŋ sɩ laa mɩ wɩaa dii. Ba nɛ ŋ-la: Ba jaŋ wuo kikiri jɩŋ-bɔŋŋɔɔ mɩ yɩrɩŋ lɛ. Ba jaŋ wuo bʋbʋl yikori dosunuŋ.

Jɔɔŋ 14:28

Ma nɩa arɩ mɩ bʋla pɩma arɩ mɩ jaŋ mɩɩra viiri aŋ bɩra mɩɩra kɔ ma teeŋ. Dɩ ma nɛ chomi, ma tʋɔŋ jaŋ tɔrɛ arɩ mɩ sɩɩ mʋ mɩ Nyɩmma teeŋ, bɛɛ wɩaa ʋ nɛ kɛŋ doluŋ a kɩɩmɛ.

Jɔɔŋ 16:7

Ama wʋtɩtɩɩ nɛ mɩ bʋlaa pɩma ŋ-la: Mɩ sɩɩ mʋ ŋɩɩ, ʋ jaŋ zɔmɔ pɩma. Dɩ mɩ nɛ bɩ mʋa, Wɩa Dɩŋ-zɔmʋŋ sɩ jaŋ kɔ a pɛ ma lɛ bɩ jaŋ kɔ. Ama dɩ mɩ nɛ mʋa, mɩ jaŋ leŋ dɩ ʋ kɔ.

Jɔɔŋ 4:37

Wɩɩ-la sɛnɛ ŋaa wʋtɩtɩɩ nɛ. Nʋʋ dɔŋ nɛ bʋl Wɩa wɩaa, nʋʋ dɔŋ ma kɛsɛ nɩalɩŋ sɩ laa mɩ wɩaa dii hɛ dɔŋɔ lɛ.

Jɔɔŋ 5:20

bɛɛ wɩaa mɩ Nyɩmma cho mɩ-na ʋ Bie nɛ, a dɩdagɛmɛ wɩalɩŋ kala ʋ tɩtɩa sɩɩ ŋaa. Ʋ jaŋ dagɛmɛ wɩaa a kɩɩ ŋ-la dɩ mɩ ŋaa, dɩ ba ŋaama wʋkpuŋkpere.

Jɔɔŋ 7:33

Yesu bʋla pɩ nɩ-daŋ-la, “Mɩ jaŋ hɛ ma teeŋ tapʋlaa baŋmɛnɛ, aŋ mɩɩra mʋ nɩɩ-la sɩ tɩmmɛ teeŋ.

Jɔɔŋ 7:39

Yesu bʋl wɩaa deemba a tɩgɛ Wɩa Dɩŋ-zɔmʋŋ ʋ sɩ jaŋ joŋo hɛ nɩalɩŋ sɩ laa ʋ wɩaa dii lɛ nɛ. Bʋa-la lɛ dɩ ʋ ha bɩ Wɩa Dɩŋ-zɔŋ-la joŋo hɛ ba lɛ, bɛɛ wɩaa ʋ ha bɩ sʋʋŋ lɛ sie dɩ ʋ laa yɩrɩŋ.

Tɩntɩŋŋaa 10:46

Ba nɩa arɩ baa bʋl wɩaa yikori wogusuŋ lɛ ba sɩ bɩ jɩŋ a dɩdɛnnɛ Wɩa. Ŋɩɩ nɛ Pɩɩta bʋl,

Tɩntɩŋŋaa 16:18

Ʋ fa vɛnɛɛ ŋaa wɩɩŋ deeŋ a dieni nɛ. Tapʋlɩɩ kʋbala Pɔɔl baanɩŋ sii, ʋ mɩɩra bɩrɩma chaasɛ tolo-la, aŋ bʋla pɩ jɩma-la, “Yesu Kirisito yɩrɩŋ lɛ mɩ sɩ, ŋŋ lɩɩ aŋ leŋ tolo-la.” Jɩma-la guu lɩɩ tolo-la lɛ.

Tɩntɩŋŋaa 19:12

Gɛnnɩŋ arɩ gɛrɩpɛ biisi-la ma sɩ digi Pɔɔl yaraa, nɩaa yie paa nɛ a kaa mʋ pɩ nyanyal tɩŋŋaa ba duduori. Dɩ jɩŋ-bɔŋŋɔɔ nɛ kɛŋ nʋʋ ma, ba lɩɩ tɩɩna lɛ.

Tɩntɩŋŋaa 2:33

Wɩa chɩsʋ ʋ sii jɩla hɔŋ Wɩa nadiiŋ, nɩduoŋ dɩhɔnʋŋ, a bɩra pʋ ʋ Dɩŋ-zɔmʋŋ arɩ ʋ fa sɩ bʋl ŋɩɩ. Dɩŋ-zɔmʋŋ deeŋ Yesu sɩ joŋo hɛ la lɛ jɩnɩŋ, ʋ nɛ wɩalɩŋ ma sɩɩ na a nɩnɩɩ ma.

Tɩntɩŋŋaa 2:41

Ba tʋɔŋ nɩaa yʋga a laa wɩalɩŋ ʋ sɩ bʋla dii, ba foba Wɩɩchʋɔlɛ lɩɩŋ. Tapʋlɩɩ-la nɩaa yi bʋɩ batori a kʋ pɛ nɩalɩŋ sɩ laa Yesu wɩaa dii lɛ.

Tɩntɩŋŋaa 4:16

“Bɛɛ nɛ la jaŋ ŋaa nɩaa deemba balɩa lɛɛ? Nʋʋkala sɩ hɛ Jerusalɛm lɛ nɛ jɩma arɩ ba nɛ ŋaa wʋkpuŋkpere deeŋ, la saa bɩ wuo kaa lɩlɛrɛ.

Tɩntɩŋŋaa 4:33

Wɩa dol-bal-la nɛ tɩɩ Yesu nanzɔɔba-la wuo na wombiiŋ a bʋlaa pɩ nɩaa arɩ La Tɩɩna Yesu sii sʋʋŋ lɛ nɛ. Ŋɩɩ nɛ Wɩa chaasa pɛ ba kʋŋkala lɛ woruŋ.

Tɩntɩŋŋaa 4:4

Ka nɩalɩŋ sɩ nɩɩ wɩalɩŋ ba sɩ bʋla, nɩaa yʋga ba tʋɔŋ a laa Yesu wɩaa dii. Nɩalɩŋ sɩ laa wɩalɩŋ dii, ba tʋɔŋ baalaa pʋŋa yi bʋɩ banɔŋ.

Tɩntɩŋŋaa 5:15

A tɩŋ wɩalɩŋ kala sɩɩ ŋaa wɩaa, ba paala paa puwuoloo kaa lɩɩ wombiiŋ niiŋ, a bilba godoba lɛ arɩ bɔsʋnʋŋ lɛ. Ba ŋaa ŋɩɩ dɩ Pɩɩta nɛ kʋʋ bal, dɩ ʋ daaliimiŋ wuo hɛ ba dɔnsʋŋ lɛ dɩ ba duori.

Tɩntɩŋŋaa 6:7

Wɩa niiŋ wɩaa ha gaara su lee-la kala. Nɩalɩŋ sɩ laa Yesu wɩaa dii pʋŋ woruŋ Jerusalɛm lɛ. Nɩalɩŋ ma sɩ ŋaa Wɩɩsʋllɩ sɩpaalaaraa yʋga a ma sɛɩ Wɩa niiŋ wɩalɩŋ.

Tɩntɩŋŋaa 8:7

Fɩlɩp sɩ bʋl wɩaa ŋɩɩ, jɩŋ-bɔŋŋɔɔ fa kɛŋ nɩaa a yʋgɛ, ba lemba. Dɩ ba nɛ lemba, ba yie lɩɩ a faasa yiyel. Nɩaa ma yʋga a gbɛrɩgɛ, dɔnsʋŋ kɛŋ naasʋʋnʋŋ arɩ na-sʋʋnʋŋ, ba ma kala duori.

Tɩntɩŋŋaa 9:34

Ŋɩɩ nɛ Pɩɩta bʋla pʋ, “Anɩyas, Yesu Kirisito vaarɩŋ nɛ, sii chuoli ŋ bɔsɔ.” Ʋ guu sii a duori.

Tɩntɩŋŋaa 9:40

Pɩɩta ŋaa ba kala lɩɩ dɩa-la tʋɔŋ. Ba sɩ lɩa, ʋ tuu kpirimi a chʋɔlɛ Wɩa. Ŋɩɩ nɛ aŋ bɩrɩmɛ sʋʋ-la teeŋ a bʋl, “Tabɩta, sii.” Ʋ suri ʋ sɩaa. Ʋ sɩ na Pɩɩta, ʋ sii hɔŋ.

Rom Tɩŋŋaa 15:19

wʋkpuŋkperisi-la arɩ wʋmagɩla-la mɩ sɩ ŋaa Wɩa Dɩŋ-zɔŋ-la doluŋ lɛ. Mɩ chaasa bʋl Kirisito wʋzɔmɔ-la, a suomi Jerusalɛm lɛ a gɔllɛ ŋɩɩ a mʋ yi Iliirikam.