Jɔɔŋ 14:10 - WƖA TENIŊ

¹⁰ Ŋ bɩ laa dii arɩ mɩ hɛ mɩ Nyɩmma lɛ nɛ, mɩ Nyɩmma ma hɛ mɩ lɛɛ? Wɩalɩŋ kala mɩ sɩ yie bʋlaa pɩma, mɩ tɩtɩa doluŋ lɛ dee mɩɩ bʋl. Wɩalɩŋ ma mɩ sɩɩ ŋaa, mɩ Nyɩmma sɩ hɛ mɩ lɛ nɩɩ ŋaa ŋɩɩ.

Jɔɔŋ 14:10 ပူးပေါင်းရင်းမြစ်များ

Jɔɔŋ 10:30

Mɩ dɩ mɩ Nyɩmma kala ŋaa kʋbala nɛ.”

Jɔɔŋ 10:38

Ama dɩ mɩ nɩɩ tɩŋ mɩ Nyɩmma tɩntɩŋŋaa, má laa mɩ wɩaa dii a tɩŋ tɩntɩmɩɩ-la mɩ sɩɩ tɩŋ wɩaa, arɩ ma sɩ́ bɩ wɩalɩŋ mɩ sɩ bʋla pɩma laa dii kala. Ŋɩɩ lɛ nɛ ma jaŋ wuo to jɩŋ a laa dii arɩ mɩ Nyɩmma hɛ mɩ lɛ nɛ, mɩ ma hɛ ʋ lɛ.”

Jɔɔŋ 11:26

Nɩɩ-la ma kala sɩ weye aŋ laa mɩ wɩaa dii, ʋ bɩ jaŋ kɔ dɩ ʋ sʋba. Ŋ laa wɩɩŋ deeŋ dii nɛɛ?”

Jɔɔŋ 12:49

Wɩalɩŋ mɩ sɩ bʋla, mɩ tɩtɩa doluŋ lɛ dee mɩ bʋl. Mɩ Nyɩmma sɩ tɩmmɛ, ʋ tɩtɩa nɛ dagɛmɛ wɩalɩŋ mɩ sɩ jaŋ bʋl, arɩ ŋɩɩ mɩ sɩ jaŋ bʋlba.

Jɔɔŋ 14:11

Má laa dii arɩ mɩ hɛ mɩ Nyɩmma lɛ nɛ, mɩ Nyɩmma ma hɛ mɩ lɛ. Dɩ ma nɛ bɩ ŋɩɩ wuo laa dii, má laa dii a tɩŋ wɩalɩŋ mɩ sɩɩ ŋaa wɩaa.

Jɔɔŋ 14:20

Tapʋlɩɩ-la Wɩa sɩ jaŋ joŋ ʋ Dɩŋ-zɔmʋŋ hɛ ma lɛ nɛ, ma jaŋ jɩŋ arɩ mɩ hɛ mɩ Nyɩmma lɛ nɛ, ma ma hɛ mɩ lɛ, mɩ ma hɛ ma lɛ.

Jɔɔŋ 14:24

Nɩɩ-la sɩ bɩ mɩ cho, ʋ bɩ mɩ niiŋ wɩaa ka to. Wɩalɩŋ ma sɩ nɩa, mɩ tɩtɩa dee bɩ bʋl. Ama mɩ Nyɩmma-la sɩ tɩmmɛ nɛ dagɛmɛ mɩɩ bʋl.

Jɔɔŋ 17:8

Mɩ bʋl ŋ niiŋ wɩalɩŋ ŋ sɩ bʋla pɩmɛ pɩba nɛ, ba laa dii. Ba jɩma arɩ wʋtɩtɩɩ nɛ, mɩ sɛnɛ lɩɩ ŋ teeŋ nɛ. Ba laa dii nɛ arɩ ŋ nɛ tɩmmɛ.

Jɔɔŋ 3:2

Tɩtaŋ kʋbala ʋ sii kɔ Yesu teeŋ a bʋl, “Kʋhɩaŋ, la jɩma arɩ ŋ nɛ ŋaa Nɩɩ-la Wɩa sɩ ta dɩ ŋ dagɛ nɩaa. Nʋʋkala bɩ jaŋ wuo ŋaa wʋmagɩla-la ŋ sɩɩ ŋaa, see dɩ Wɩa pɛ tɩɩna lɛ.”

Jɔɔŋ 5:17

Ŋɩɩ nɛ Yesu bʋla pɩba, “Mɩ Nyɩmma ka tɩŋ nɛ, ŋɩɩ nɛ tɩɩ mɩ maa tɩŋ.”

Jɔɔŋ 5:19

Ŋɩɩ nɛ Yesu bʋla pɩba, “Mɩ bʋl wʋtɩtɩɩ nɛ a pɩpɩma, mɩ-na Wɩa Bie bɩ wɩɩkala wuo ŋaa mɩ tɩtɩa doluŋ lɛ. Mɩ yie ŋɩŋaa wɩalɩŋ mɩ sɩ na dɩ mɩ Nyɩmma ŋaa nɛ. Wɩɩ na-kala ʋ sɩɩ ŋaa nɛ mɩ ma ʋ Bie ŋɩŋaa,

Jɔɔŋ 7:16

Ŋɩɩ nɛ Yesu bʋla pɩba, “Wɩalɩŋ mɩ sɩɩ dagʋ, mɩ tɩtɩa doluŋ lɛ dee mɩɩ dagɛ. Nɩɩ-la sɩ tɩmmɛ nɛ dagɛmɛ wɩalɩŋ.

Jɔɔŋ 8:28

Ŋɩɩ nɛ Yesu bʋla pɩba, “Dɩ ma nɛ kɛŋ mɩ-na Nuhuobiine Bie kpaasɛ daagɛsɛ nyuŋ, ma jaŋ jɩŋ arɩ mɩ nɛ ŋaa Nɩɩ-la mɩ sɩ sɩ mɩ ŋaa. Ŋɩɩ ma lɛ nɛ ma jaŋ to jɩŋ arɩ mɩ bɩ wɩɩkala ŋaa mɩ tɩtɩa doluŋ lɛ, ama mɩ yie bʋl wɩalɩŋ mɩ Nyɩmma sɩ dagɛmɛ nɛ.

Jɔɔŋ 8:38

Mɩ-na yie bʋl wɩalɩŋ mɩ Nyɩmma sɩ dagɛmɛ nɛ, ma ma ŋɩŋaa wɩalɩŋ ma nyɩmma sɩ dagɛma dɩ ma ŋɩŋaa.”

Jɔɔŋ 8:40

Mɩ bʋl wʋtɩtɩɩ nɛ pɩma, wɩalɩŋ Wɩa sɩ dagɛmɛ. A tɩŋ wɩɩŋ deeŋ wɩaa nɛ maa chɛ dɩ ma kpʋmɛ. Abɩraham fa bɩ ŋɩɩ ŋaa.

Tɩntɩŋŋaa 10:38

Ma nɩɩ Yesu wɩaa nɛ. Wɩa joŋ ʋ Dɩŋ-zɔmʋŋ hɛ ʋ lɛ nɛ a pʋ doluŋ. Ʋ sii mʋ lee-kala, a ŋɩŋaa wʋzɔŋŋɔɔ pɩpɩ nɩaa, aa vaarɛ nɩalɩŋ kala Sɩtaanɩ sɩ nyaga bil. Wɩa fa hɛ ʋ teeŋ, ŋɩɩ nɛ tɩɩ ʋ wuo ŋɩŋaa wɩaa deemba kala.

2 Kɔrɩntɩ Nɩaa 5:19

Wɩa to Kirisito lɛ nɛ a wuo ŋaa ʋ dɩ dʋnɩa nɩaa kala sɩŋ. Wɩa na dʋnɩa nɩaa arɩ ba ŋaa wʋbɔŋŋɔɔ nɛ, ama ʋ fá ba nenige a joŋ ba wʋbɔmɔ-la a chɛba. Wɩa nɛ sɩ la bʋla pɩ nɩaa arɩ la dɩ Wɩa sɩma nɛ lɛɛlɛ.

Koloosi Nɩaa 1:19

Wɩa cho dɩ Yesu nagɛ ʋ-na Wɩa nagɩsɩŋ kala nɛ.

Koloosi Nɩaa 2:9

Wɩa nagɩsɩŋ kala hɛ Yesu nuhuobiiŋ yara-la lɛ nɛ.

1 Jɔɔŋ 5:7

Kɩaa batori nɛ hɛ nɩmɛ a dɩdagɛ wɩɩŋ deeŋ.