Jɔɔŋ 13:8 - WƖA TENIŊ

⁸ Ŋɩɩ nɛ Pɩɩta bʋla pʋ, “Ŋ bɩ jaŋ sɔŋ mɩ-na naasɩŋ da.” Yesu ma bʋl, “Dɩ mɩ nɛ bɩ ŋ naasɩŋ sɔmɔ, ŋ bɩra bɩ mɩ harɩ-tooru ŋaa.”

Jɔɔŋ 13:8 ပူးပေါင်းရင်းမြစ်များ

WƖAA DƖ-SUOMUŊ 42:38

Ŋɩɩ nɛ Jekɔb bʋl, “Mɩ bie bɩ jaŋ to ma harɩŋ mʋ nɩmɛ, ʋ malɩma sʋba nɛ aŋ ka ʋ dʋndʋŋa. Dɩ ma nɩɩ mʋ, dɩ wɩɩ ŋaaʋ wombiiŋ lɛ, ŋɩɩ jaŋ leŋ dɩ mɩ kɛŋ mɩ nyu-pʋmpʋllʋŋ deemba kaa tuu bʋa arɩ tʋɔ-cheeŋ.”

2 SAMƲƐL 20:1

Wʋhɛɛrʋ kʋbala nɛ fa hɛ nɩmɛ baa yɩrɛ Sɛba. Ʋ ŋaa Bikiri nanʋala nɛ, aŋ ŋaa Bɛnjamɩŋ doho nʋʋ. Ʋ ŋmʋʋ banyile, aŋ kpɩa goŋ a bʋl, “La nɩsɩŋ tuo Jesi nanʋala Devit lɛ. Iziral tɩmma, má leŋ la mɩɩra mʋ la dɩɩsɩŋ.”

1 KUOROO 12:16

Iziral tɩmma-la kala sɩ na dɩ kuoro bɩ ba teeŋ jegile nɩɩ, ba ma bʋl: “La dɩ Jesi nanʋala Devit doho nɩaa bɩ wɩɩ pɛ. Iziral tɩmma, má leŋ dɩ la mɩɩra mʋ la dɩɩsɩŋ, ka dɩ Rihobuam bibeŋ ʋ nɩaa.” Ŋɩɩ nɛ Iziral tɩŋŋaa mʋ ba dɩɩsɩŋ.

WƖA YƖƖLAA 51:2

Chɛsɛ mɩ wʋbɔŋŋɔɔ kala ta, aŋ sɩ́ leŋe dɩ mɩ kɛŋ disiniŋ.

WƖA YƖƖLAA 51:7

Pɩɩsɛ mɩ wʋbɔŋ-la ta, dɩ mɩ sɩ́ disiniŋ kɛŋ, aŋ chɛsɛmɛ dɩ mɩ pʋllɛ a kɩɩ kuŋkunuŋ.

AZAAYA 4:4

La TƖƖNA jaŋ pɩɩsɛ Jerusalɛm haalaa disiniŋ ta arɩ chal-la kala sɩ jaasɛ Jerusalɛm lɛ aŋ dii nɩalɩŋ kala sɩ ŋaa wʋbɔmɔ-la sarɩya arɩ nyiniŋ.

ƐZƖKƖƐL 36:25

Mɩ jaŋ joŋ lɩɩzɔmʋŋ a mɩsɛma, dɩ ʋ ŋaa dɩ ma zɔŋ. Mɩ jaŋ pɩɩsɛ tɔmɔ-la ma sɩ kpaara a kɛŋ disiniŋ arɩ disiŋ dɔŋ kala ma sɩ ŋaa a ta.

ZƐKARƖYA 13:1

La TƖƖNA sɩ, “Tapʋlɩɩ-la mɩ jaŋ suri lɩɩ-bul-sɩɩŋ a pɩ Devit doho nɩaa arɩ Jerusalɛm nɩaa, a chɛsɛ ba wʋbɔŋŋɔɔ arɩ ba disiniŋ ta.

Matiu 16:22

Ŋɩɩ nɛ Pɩɩta kɛnʋ kaa sʋʋsa lɩɩ a kpɩaʋ lɛ a bʋl, “Wɩa bɩ jaŋ sɛɩ, mɩ Tɩɩna. Wɩɩ-la bɩ jaŋ kɔ dɩ ʋ ŋaa ŋ lɛ.”

Matiu 21:29

Ŋɩɩ nɛ bile bʋl, ‘Mɩ bɩ jaŋ mʋ baga jɩnɩŋ.’ Ʋ ŋɩɩ harɩŋ lɛ, ʋ bɩrɩmɛ ʋ tʋɔbɩɩnaa aŋ sii mʋ baga-la. Ŋɩɩ nɛ ba nyɩmma bɩra mʋ a bʋl ʋ bii-bie-la ma lɛ arɩ ʋ mʋ baga. Ŋɩɩ nɛ bile bʋl dɩ ʋ jaŋ mʋ aŋ vɩa.

Matiu 26:33

Ŋɩɩ nɛ Pɩɩta bʋla pɩ Yesu, “Dɩ ba kala fá ma aŋ leŋiŋ, mɩ-na bɩ jaŋ mɩɩrɛ ŋ harɩŋ da.”

Matiu 26:35

Ŋɩɩ nɛ Pɩɩta bʋla pʋ, “Dɩ mɩ dɩŋ nɛ jaŋ paala sʋʋ hɛ dɔŋɔ ma, mɩ bɩ jaŋ bʋl arɩ mɩ bɩŋ jɩŋ.” Kʋkaana-la ma kala bʋl ŋɩɩ.

Jɔɔŋ 13:6

Ʋ sɩ kʋ yi Saamɔŋ Pɩɩta lɛ, ŋɩɩ nɛ Pɩɩta pɩɛsʋ, “Mɩ Tɩɩna, ŋŋ chɛ dɩ ŋ sɔŋ mɩ naasɩŋ nɛɛ?”

Jɔɔŋ 13:9

Ŋɩɩ nɛ Pɩɩta bɩra bʋl, “Mɩ Tɩɩna, dɩ ŋɩɩ-na nɛ, sɩ́ mɩ naasɩŋ dʋndʋŋa sɔŋ, sɔŋ mɩ nyuŋ arɩ mɩ nɩsaa ma.”

Jɔɔŋ 3:5

Yesu bʋl, “Wʋtɩtɩɩ nɛ mɩ bʋlaa pɩŋ, nʋʋkala bɩ jaŋ wuo jʋʋ Wɩa kuorii-la tʋɔŋ, see dɩ Wɩa joŋ ʋ Dɩŋ-zɔmʋŋ hɛ tɩɩna lɛ, dɩ tɩɩna ma pɛ fo Wɩɩchʋɔlɛ lɩɩŋ.

Tɩntɩŋŋaa 22:16

Bɛɛ nɛ saa tɩɩ ŋ hɔnɔ dieni? Sii mʋ a leŋ dɩ ba foŋ Wɩɩchʋɔlɛ lɩɩŋ a chɛsɛ ŋ wʋbɔŋŋɔɔ ta Yesu yɩrɩŋ lɛ.’

1 Kɔrɩntɩ Nɩaa 6:11

Ma dɔnsʋŋ faa ŋaa wɩaa deemba nɛ. Ama Wɩa fo ma wʋbɔŋŋɔɔ ta nɛ. Wɩa nɛ tɩɩma. A tɩŋ La Tɩɩna Kirisito Yesu wɩaa arɩ Wɩa Dɩŋ-zɔŋ-la doluŋ lɛ, ma ŋaa tʋɔpʋl tɩmma nɛ Wɩa teeŋ.

Ɛfɛsɩs Nɩaa 5:26

a pɩɩsɛ ba disiniŋ ta, a fo ba wʋbɔŋŋɔɔ kala ma ta arɩ lɩɩŋ, a tɩŋ Wɩa niiŋ wɩalɩŋ ba sɩ nɩa wɩaa.

MOSIS BƖRA WULLI WƖA WOMBIIŊ 12:12

Nɩmɛ nɛ ma jaŋ gbieli ma TƖƖNA Wɩa sɩpaaŋ. Ma dɩ ma biiriŋ arɩ ma dɩa tɩntɩnnaa arɩ Levi doho nɩalɩŋ sɩ hɛ ma tasɩŋ lɛ. Ma jɩma, ba bɩ tinteeŋ kpaalɩŋ kɛnɛ ma tʋɔŋ.

Koloosi Nɩaa 2:18

Má sɩ́ leŋe dɩ nʋʋkala joŋ cheeriŋ pɩma, nɩalɩŋ sɩ bɩɩna arɩ ba ŋaa nɩbala nɛ a tɩŋ ba sɩɩ na wɩaa a nagɛ duosoo tʋɔŋ a pɛsɛ ma lɛ dɩ ma kɛŋ ma tɩtɩa a muuri, a chʋchʋɔlɛ Wɩa tɩndaaraa. Ba bɩ wɩɩkala kɛnɛ sɩ maga dɩ ba bibigisi ba tɩtɩa lɛ. Ba yie ŋaa ŋɩɩ a tɩŋ ba sɩ yie bɩɩnɛ ba yaraa wɩaa nɛ.

Koloosi Nɩaa 2:23

Ba wʋdagaa deemba yie nagɛ ba kɛŋ wʋjɩmɩŋ. Ba yie dagɛ dɩ nɩaa to ba-na Wɩɩchʋɔlɛ wombiiŋ, a bʋl dɩ ba muuri ba tɩtɩa, aa dɔgɩsɛ ba yaraa. Ama wʋdagaa deemba bɩ jaŋ wuo ŋaa dɩ nɩaa leŋ ba yaraa wʋchooloo a ta.

Taatɩs 3:5

a laala ta. Ʋ bɩ naga arɩ la sɩ ŋaa tʋɔpʋl tɩmma nɛ tɩɩ ʋ laala ta. Ama ʋ sɩɩ fá nɩaa nenige nɛ tɩɩ ʋ laala ta. Ʋ laala ta nɛ, bɛɛ wɩaa ba fola Wɩɩchʋɔlɛ lɩɩŋ nɛ Wɩa Dɩŋ-zɔmʋŋ doluŋ lɛ. Ŋɩɩ dagɛ arɩ Wɩa bɩra wasa lʋlla nɛ, la kɛŋ mɩɩ-falɩŋ ʋ teeŋ.

Hiburu TƖŊŊAA 10:22

Ŋɩɩ wɩaa, má leŋ la kɛŋ nyuduoŋ a laa wɩaa deemba dii arɩ tʋɔ-bala, a mʋ Wɩa teeŋ. Wɩa chɛsɛ la tʋɔŋ nɛ, a chɛsɛ la tʋɔbɩɩŋ bɔmɔ-la kala ta. Ba bɩra bɩ jaŋ wʋwalɩmɛla. Ʋ kɛŋ lɩɩzɔmʋŋ nɛ fola.

Jɔɔŋ Wʋnaalaa 1:5

arɩ Yesu Kirisito teeŋ. Ʋ nɛ ŋaa wɩalɩŋ sɩada tɩɩna a kɛŋ wʋtɩtɩɩ. Ʋ nɛ ŋaa Nɩɩ-la sɩ sʋba aŋ laa sɩpaaŋ sii sʋʋŋ lɛ. Ʋ nɛ kɛŋ dʋnɩa kuoroo kala doluŋ. Má leŋ dɩ la dɛnnʋ, a tɩŋ ʋ sɩ chola ŋɩɩ a joŋ ʋ chalɩŋ a jaasɛ, a lɩɩsɛla wʋbɔŋŋɔɔ lɛ.

Jɔɔŋ Wʋnaalaa 7:14

Ŋɩɩ nɛ mɩ bʋla pʋ, “Ŋ nɛ jɩma, mɩ kʋhɩaŋ.” Ŋɩɩ nɛ ʋ bʋla pɩmɛ, “Nɩaa deemba nɛ Wɩa lɩɩsɛ hɛɛ-bal-la tʋɔŋ. Ba chɛsɛ ba gɛnnɩŋ Pie-bie-la chalɩŋ lɛ nɛ, ba lɩɩ a pʋllɛ.