Jɔɔŋ 13:5 - WƖA TENIŊ

⁵ a ŋaa lɩɩŋ hɛ taasɩ-gbaŋa lɛ, a suomo sʋsɔŋ ʋ harɩ-tooro-la naasɩŋ a kɛŋ pɔpɔ-la sɩ vɔɔ ʋ tɩŋa tɩtɩɩgɛ.

Jɔɔŋ 13:5 ပူးပေါင်းရင်းမြစ်များ

WƖAA DƖ-SUOMUŊ 18:4

Má leŋ dɩ mɩ kɛŋ lɩɩŋ mʋa kɔ dɩ ma sɔŋ ma naasɩŋ aŋ wiesi tɩa deeŋ bʋbʋɔŋ.

WƖAA DƖ-SUOMUŊ 19:2

aŋ bʋla pɩba, “Mɩ kʋhɩasɩŋ, má kʋ jʋʋ mɩ-na ma tɩntɩnna dɩa a sɔŋ ma naasɩŋ aŋ chʋa, dɩ taŋ nɛ pʋla chʋchʋɔ-fɩɛla, ma sii viiri.” Ŋɩɩ nɛ Wɩa tɩndaara-la bʋl, “Aɩ, la jaŋ lɩɩ chʋa lee-la taŋ nɩaa sɩɩ hilimu.”

WƖAA DƖ-SUOMUŊ 43:24

Josɛf dɩa tɩntɩnnʋ-la kɛmba jʋʋ Josɛf dɩa a ŋaa lɩɩŋ pɩba ba sɔŋ ba naasɩŋ a pɩba kʋdiilee ma ba pɩ ba kakusuŋ.

2 KUOROO 3:11

Ŋɩɩ nɛ Jehosafat pɩɛsɛ, “La TƖƖNA wʋlaabʋllʋ kala tuo daha dɩ la to ʋ lɛ a pɩɛsɛ La TƖƖNA a naa?” Iziral tinteeŋ kuoro Joram tɩntɩnnɩ-hɩaŋ dɔŋɔ bʋl, “Safat nanʋala Elaasa hɛ daha. Ʋ nɛ fa pɛ Ɩlaaja lɛ ba tɩtɩŋ.”

WƖA YƖƖLAA 51:2

Chɛsɛ mɩ wʋbɔŋŋɔɔ kala ta, aŋ sɩ́ leŋe dɩ mɩ kɛŋ disiniŋ.

MOSIS KƐŊ IZIRAL TƖŊŊAA LƖƖ 29:4

Kɛŋ Arɔŋ arɩ ʋ hambolibiisiŋ kaa kɔ lɛbɩ-la lɛ mɩ sɩ yie kɔ Iziral tɩŋŋaa teeŋ boiŋ niiŋ a ŋaa lɩɩŋ foba.

AZAAYA 1:16

Má chɛsɛ ma tɩtɩa, a sɩ́ disiniŋ kɛŋ. Má kɛŋ ma wʋbɔmɔ-la ŋaanɩŋ sʋʋsa lɩɩ mɩ sɩpaaŋ. Má leŋ wʋbɔŋŋɔɔ ŋaanɩŋ.

ƐZƖKƖƐL 36:25

Mɩ jaŋ joŋ lɩɩzɔmʋŋ a mɩsɛma, dɩ ʋ ŋaa dɩ ma zɔŋ. Mɩ jaŋ pɩɩsɛ tɔmɔ-la ma sɩ kpaara a kɛŋ disiniŋ arɩ disiŋ dɔŋ kala ma sɩ ŋaa a ta.

LEVI DOHO NƖAA 14:8

Nɩɩ-la disiniŋ ʋ sɩ pɩɩsa ta maga dɩ ʋ chɛsɛ ʋ gɛnnɩŋ a fʋŋ ʋ pʋnaa kala aŋ fo lɩɩŋ. Dɩ ʋ nɛ ŋaa ŋɩɩ, ʋ bɩra bɩ disiniŋ kɛnɛ. Ŋɩɩ harɩŋ ʋ jaŋ kʋ jʋʋ ba dɩhɔnʋŋ, ama ʋ bɩ maga ʋ jʋʋ ʋ dɩa a kaa mʋ tapʋlaa balɩpɛ.

ZƐKARƖYA 13:1

La TƖƖNA sɩ, “Tapʋlɩɩ-la mɩ jaŋ suri lɩɩ-bul-sɩɩŋ a pɩ Devit doho nɩaa arɩ Jerusalɛm nɩaa, a chɛsɛ ba wʋbɔŋŋɔɔ arɩ ba disiniŋ ta.

Luuk 7:38

Ʋ sɩ jʋʋ dɩa-la, ʋ chɩŋ Yesu naasɩŋ sɛmɛ aŋ yel sɩlɩɩrɩŋ hɩhɛ Yesu naasɩŋ lɛ. Sɩlɩɩrɩŋ sɩ hɛ Yesu naasɩŋ lɛ ŋɩɩ, ʋ kɛŋ ʋ nyu-pʋnaa kaa tɩɩgɛ aŋ guori Yesu naasɩŋ, a bɩsɛ tʋlaalɩɩ-la hɛ ʋ naasɩŋ lɛ.

Luuk 7:44

Ŋɩɩ nɛ ʋ mɩɩra beŋ haal-la aŋ pɩɛsɛ Saamɔŋ, “Ŋ na haal-la deeŋ nɛɛ? Mɩ kɔ ŋ dɩa, aŋ ka ŋ bɩ lɩɩŋ ŋaa pɩmɛ dɩ mɩ sɔŋ mɩ naasɩŋ, aŋ ka ʋ-na kɛŋ ʋ sɩlɩɩrɩŋ kaa sɔŋ mɩ naasɩŋ aŋ kɛŋ ʋ nyu-pʋnaa ma tɩɩgɛ.

Jɔɔŋ 13:10

Ŋɩɩ nɛ Yesu bʋl, “Nɩɩ-la kala sɩ fo lɩɩŋ, ʋ yaraa kala zɔmɔ nɛ, ʋ saa bɩra bɩ maga dɩ ʋ fo lɩɩŋ [see dɩ ʋ sɔŋ ʋ naasɩŋ dʋndʋŋa]. Ma kala saa bɩ disiniŋ kɛnɛ, ama nɩbala dʋndʋŋa nɛ kɛŋ disiniŋ ma tʋɔŋ.”

Jɔɔŋ 13:6

Ʋ sɩ kʋ yi Saamɔŋ Pɩɩta lɛ, ŋɩɩ nɛ Pɩɩta pɩɛsʋ, “Mɩ Tɩɩna, ŋŋ chɛ dɩ ŋ sɔŋ mɩ naasɩŋ nɛɛ?”

Jɔɔŋ 13:8

Ŋɩɩ nɛ Pɩɩta bʋla pʋ, “Ŋ bɩ jaŋ sɔŋ mɩ-na naasɩŋ da.” Yesu ma bʋl, “Dɩ mɩ nɛ bɩ ŋ naasɩŋ sɔmɔ, ŋ bɩra bɩ mɩ harɩ-tooru ŋaa.”

Jɔɔŋ 19:34

Ama laalɩyuoro-la dɔŋɔ joŋ ʋ timiŋ a tɔɔ Yesu sɛmɛ luri, ŋɩɩ nɛ chalɩŋ arɩ lɩɩŋ guu gbu lɩɩ.

Tɩntɩŋŋaa 22:16

Bɛɛ nɛ saa tɩɩ ŋ hɔnɔ dieni? Sii mʋ a leŋ dɩ ba foŋ Wɩɩchʋɔlɛ lɩɩŋ a chɛsɛ ŋ wʋbɔŋŋɔɔ ta Yesu yɩrɩŋ lɛ.’

1 Kɔrɩntɩ Nɩaa 6:11

Ma dɔnsʋŋ faa ŋaa wɩaa deemba nɛ. Ama Wɩa fo ma wʋbɔŋŋɔɔ ta nɛ. Wɩa nɛ tɩɩma. A tɩŋ La Tɩɩna Kirisito Yesu wɩaa arɩ Wɩa Dɩŋ-zɔŋ-la doluŋ lɛ, ma ŋaa tʋɔpʋl tɩmma nɛ Wɩa teeŋ.

Ɛfɛsɩs Nɩaa 5:26

a pɩɩsɛ ba disiniŋ ta, a fo ba wʋbɔŋŋɔɔ kala ma ta arɩ lɩɩŋ, a tɩŋ Wɩa niiŋ wɩalɩŋ ba sɩ nɩa wɩaa.

1 Timoti 5:10

Ʋ maga dɩ ʋ wʋŋaalaa zɔŋ nɛ, dɩ ʋ bibeŋ ʋ biiriŋ woruŋ, a kɩkɛŋ nʋhʋɔraa woruŋ ʋ dɩa lɛ, a hʋhʋɔrɛ Wɩa nɩaa woruŋ ʋ dɩa lɛ, a pɩpɛ nɩalɩŋ wɩaa sɩ jʋa lɛ, a joŋ ʋ tɩtɩa hɛ wʋzɔŋŋɔɔ ŋaanɩŋ lɛ.

Hiburu TƖŊŊAA 10:22

Ŋɩɩ wɩaa, má leŋ la kɛŋ nyuduoŋ a laa wɩaa deemba dii arɩ tʋɔ-bala, a mʋ Wɩa teeŋ. Wɩa chɛsɛ la tʋɔŋ nɛ, a chɛsɛ la tʋɔbɩɩŋ bɔmɔ-la kala ta. Ba bɩra bɩ jaŋ wʋwalɩmɛla. Ʋ kɛŋ lɩɩzɔmʋŋ nɛ fola.

1 Jɔɔŋ 1:7

Ama dɩ la nɛ hɛ pʋlʋmʋŋ tʋɔŋ, arɩ Wɩa sɩ hɛ pʋlʋmʋŋ tʋɔŋ ŋɩɩ, ŋɩɩ-na la dɩ la dɔnsʋŋ tɩŋŋaa kala kɛŋ nii-bala nɛ. Dɩ la nɛ ŋaa ŋɩɩ, Wɩa Bie Yesu chalɩŋ ma jaŋ chɛsɛ la wʋbɔŋŋɔɔ kala ta.

1 Jɔɔŋ 5:6

Ʋ-na Yesu Kirisito nɛ kɔ dʋnɩa ba fou Wɩɩchʋɔlɛ lɩɩŋ, a kpaasʋ mɛrɛ daagɛsɛ nyuŋ ʋ chalɩŋ jaasɛ. Ŋ-la daga arɩ lɩɩŋ dʋndʋŋa dee ba fou, ba kpaasʋ mɛrɛ daagɛsɛ nyuŋ ma nɛ ʋ chalɩŋ jaasʋ. Wɩa Dɩŋ-zɔmʋŋ bʋl wɩaa a tɩgɛ ŋɩɩ lɛ, bɛɛ wɩaa ʋ nɛ kɛŋ wʋtɩtɩɩ.

Jɔɔŋ Wʋnaalaa 1:5

arɩ Yesu Kirisito teeŋ. Ʋ nɛ ŋaa wɩalɩŋ sɩada tɩɩna a kɛŋ wʋtɩtɩɩ. Ʋ nɛ ŋaa Nɩɩ-la sɩ sʋba aŋ laa sɩpaaŋ sii sʋʋŋ lɛ. Ʋ nɛ kɛŋ dʋnɩa kuoroo kala doluŋ. Má leŋ dɩ la dɛnnʋ, a tɩŋ ʋ sɩ chola ŋɩɩ a joŋ ʋ chalɩŋ a jaasɛ, a lɩɩsɛla wʋbɔŋŋɔɔ lɛ.

Jɔɔŋ Wʋnaalaa 7:14

Ŋɩɩ nɛ mɩ bʋla pʋ, “Ŋ nɛ jɩma, mɩ kʋhɩaŋ.” Ŋɩɩ nɛ ʋ bʋla pɩmɛ, “Nɩaa deemba nɛ Wɩa lɩɩsɛ hɛɛ-bal-la tʋɔŋ. Ba chɛsɛ ba gɛnnɩŋ Pie-bie-la chalɩŋ lɛ nɛ, ba lɩɩ a pʋllɛ.

SƖPAALAARAA 19:21

Ŋɩɩ nɛ ʋ kɛmba jʋʋ ʋ dɩa, a ŋaa kʋdiilee pɩ ba kakusuŋ. Ŋɩɩ nɛ ba sɔŋ ba naasɩŋ aŋ dii kɩaa aŋ nyʋa.

1 SAMƲƐL 25:41

Abɩgɛl tuu kpirimi a kɛŋ ʋ sɩaa chu tinteeŋ aŋ bʋl, “Mɩ ŋaa Devit tɩntɩnnʋ nɛ, mɩ kɛŋ mɩ tɩtɩa hɛ dɔŋɔ nɛ dɩ mɩ tɩma pʋpʋ a sʋsɔŋ mɩ nɩhɩaŋ tɩntɩnnaa naasɩŋ.”