Jɔɔŋ 13:3 - WƖA TENIŊ

³ Yesu fa jɩma arɩ ʋ Nyɩmma joŋ kʋŋkala doluŋ hɛ ʋ nɩsɩŋ lɛ nɛ. Ʋ jɩma ʋ lɩɩ Wɩa teeŋ nɛ, a bɩra jɩŋ arɩ ʋ jaŋ mɩɩra mʋ Wɩa teeŋ.

Jɔɔŋ 13:3 ပူးပေါင်းရင်းမြစ်များ

Matiu 11:27

Ŋɩɩ nɛ ʋ bɩra bʋl, “Mɩ Nyɩmma joŋ kʋŋkala doluŋ nɛ pɩmɛ. Mɩ Nyɩmma dʋndʋŋa nɛ jɩŋ ŋɩɩ mɩ sɩ naga. Mɩ ma dʋndʋŋa nɛ jɩŋ ŋɩɩ mɩ Nyɩmma sɩ naga. Nʋʋkala bɩra bɩ ʋ jɩŋ, see nɩalɩŋ mɩ sɩ cho dɩ mɩ daga pa.”

Matiu 28:18

Yesu kʋ kpagɛba a bʋla pɩba, “Wɩa joŋ doluŋ kala a pɩmɛ nɛ Wɩa-jaŋ arɩ dʋnɩa kala lɛ.

Luuk 10:22

Ŋɩɩ nɛ ʋ bɩra bʋl, “Mɩ Nyɩmma joŋ kʋŋkala doluŋ nɛ pɩmɛ. Mɩ Nyɩmma dʋndʋŋa nɛ jɩŋ ŋɩɩ mɩ sɩ naga. Mɩ ma dʋndʋŋa nɛ jɩŋ ŋɩɩ mɩ Nyɩmma ma sɩ naga. Nʋʋkala bɩra bɩ ʋ jɩŋ, see nɩalɩŋ dʋndʋŋa mɩ sɩ cho dɩ mɩ daga.”

Jɔɔŋ 1:18

Nʋʋkala ha bɩ Wɩa na. Ʋ dɩ ʋ Bii-bala-la sɩ ŋaa kʋbala a hɔŋ ʋ sɛmɛ nɛ dagɛla ʋ wɩaa.

Jɔɔŋ 13:1

Ʋ fa ka tapʋl-bala nɛ, ka dɩ Juu tɩŋŋaa dɩɩsɩŋ kiele bal gbiele-la yi. Yesu jɩma arɩ bʋa-la lɛ sɩ maga dɩ ʋ lɩɩ dʋnɩa deeŋ lɛ a mʋ ʋ Nyɩmma teeŋ yie nɛ. Ʋ cho nɩalɩŋ sɩɩ to ʋ harɩŋ nɛ dʋnɩa deeŋ lɛ. Bʋa deeŋ lɛ nɛ ʋ chaasa dagɛ chono-la kɩŋkɛŋ ʋ sɩ kɛnɛ arɩ ʋ harɩ-tooroo.

Jɔɔŋ 17:2

Ŋ nɛ joŋ doluŋ pɩmɛ dɩ mɩ bibeŋ nuhuobiinee kala, a joŋ mɩɩsɩ-la sɩ bɩ dɛrɛ a pɩ nɩalɩŋ kala ŋ sɩ lɩɩsa pɩmɛ.

Jɔɔŋ 3:13

Nʋʋkala ha bɩ Wɩa-jaŋ jɩla, see mɩ-na Nuhuobiine Bie sɩ lɩɩ nɩmɛ kʋ tuu.

Jɔɔŋ 3:35

Mɩ Nyɩmma Wɩa cho mɩ-na ʋ Bie, a joŋ ʋ doluŋ kala a hɛ mɩ nɩsɩŋ lɛ.

Jɔɔŋ 7:29

Mɩ-na jɩmʋ nɛ, bɛɛ wɩaa mɩ fa hɛ ʋ teeŋ nɛ. Ŋɩɩ nɛ ʋ tɩmmɛ.”

Jɔɔŋ 7:33

Yesu bʋla pɩ nɩ-daŋ-la, “Mɩ jaŋ hɛ ma teeŋ tapʋlaa baŋmɛnɛ, aŋ mɩɩra mʋ nɩɩ-la sɩ tɩmmɛ teeŋ.

Jɔɔŋ 8:14

Ŋɩɩ nɛ Yesu bʋla pɩba, “Dɩ mɩ tɩtɩa nɛ ŋaa mɩ pɛ-naara ma, wɩɩ-la mɩ sɩ bʋla ŋaa wʋtɩtɩɩ nɛ, bɛɛ wɩaa mɩ jɩŋ lee-la mɩ sɩ lɩa nɛ, a jɩŋ lee-la mɩ sɩ jaŋ mʋ. Ama ma-na bɩ lee-la mɩ sɩ lɩa jɩŋ, a bɩra bɩ lee-la mɩ sɩ jaŋ mʋ ma jɩŋ.

Jɔɔŋ 8:42

Ŋɩɩ nɛ Yesu bʋla pɩba, “Dɩ Wɩa nɛ sɛnɛ fa ŋaa ma Nyɩmma, ma fa jaŋ chomi, bɛɛ wɩaa, Wɩa teeŋ nɛ mɩ lɩɩ a kɔ daha. Mɩ tɩtɩa doluŋ lɛ dee mɩ kɔ. Ʋ nɛ tɩmmɛ.

Tɩntɩŋŋaa 2:36

Ma Iziral tɩŋŋaa, ma jɩŋ ʋ sɛnɛ ŋaa wʋtɩtɩɩ arɩ Yesu deeŋ ma sɩ kaa kpaasɛ daagɛsɛ nyuŋ, ʋ nɛ Wɩa leŋ ʋ ŋaa La Tɩɩna. Ʋ nɛ bɩra Kirisito ma.”

1 Kɔrɩntɩ Nɩaa 15:27

Wɩa teniŋ tʋɔŋ ba bʋla arɩ Wɩa joŋ kʋŋkala a hɛ Kirisito nɩsɩŋ lɛ nɛ. Dɩ ba nɛ bʋla Wɩa teniŋ tʋɔŋ arɩ Wɩa joŋ kʋŋkala a hɛ Kirisito nɩsɩŋ lɛ nɛ, ʋ bɩ naga arɩ la Nyɩmma Wɩa ma hɛ ʋ nɩsɩŋ lɛ nɛ.

Hiburu TƖŊŊAA 1:2

Ama lɛɛlɛ dʋnɩa dɩdɛrɩŋ deeŋ lɛ, ʋ to ʋ Bie lɛ nɛ a bʋl wɩaa pɩla. Wɩa to ʋ Bie lɛ nɛ a ŋaa dʋnɩa, a joŋ kʋŋkala hɛ ʋ nɩsɩŋ lɛ.