Jɔɔŋ 13:2 - WƖA TENIŊ

² Tapʋlɩɩ-la dɩdaanɩŋ Yesu arɩ ʋ harɩ-tooroo hɔŋ dɩ ba dii kʋdiilee. Bʋa deeŋ lɛ dɩ Sɩtaanɩ kʋ jʋʋ Saamɔŋ bie Judas Ɩsɩkarɔt dɩ ʋ joŋ Yesu yallɛ.

Jɔɔŋ 13:2 ပူးပေါင်းရင်းမြစ်များ

ƐZƖRA 7:27

Ɛzɩra sɩ, “Má dɛnnɛ La TƖƖNA, la naabalɩmaba Wɩa. Ʋ leŋe kuoro zil ʋ dɩɩ-bal-la nɛ Jerusalɛm lɛ.

NƐHƖMAAYA 2:12

tɩtaŋ kʋbala, mɩ dɩ baalaa baŋmɛnɛ lɩɩ gɔllɛ. Mɩ fa bɩ wɩɩ-la Wɩa sɩ joŋo hɛ mɩ tʋɔŋ lɛ dɩ mɩ ŋaa Jerusalɛm lɛ bʋla pɩ nʋʋkala. Mɩ fa bɩ pʋna kala kaa to mɩ harɩŋ lɩɩ, see kakumo-la mɩ sɩ jɩla dʋndʋŋa.

Matiu 10:4

arɩ Saamɔŋ Zɛlɔt, arɩ Judas Ɩsɩkarɔt, nɩɩ-la sɩ kʋ ŋaa zɛmbɛ tɩɩna a yallɛ Yesu.

Luuk 22:3

Ŋɩɩ nɛ Sɩtaanɩ kʋ jʋʋ Yesu harɩ-tooroo fii arɩ balɩa-la dɔŋɔ ba sɩɩ yɩrɛ Judas Ɩsɩkarɔt.

Luuk 22:31

Ŋɩɩ nɛ Yesu bʋla pɩ Saamɔŋ Pɩɩta, “Saamɔŋ, Saamɔŋ, Sɩtaanɩ laa wombiiŋ nɛ dɩ ʋ magɩsɛ ma kala, dɩ ʋ pɔrɛ nɩzɔŋŋɔɔ nɩbɔŋŋɔɔ lɛ, a nagɛ paara sɩ yie chaarɛ mɩɩ-jɔrʋŋ ta, aŋ ka mɩɩ-biiŋ ŋɩɩ.

Jɔɔŋ 13:11

Yesu paala jɩŋ nɩɩ-la sɩɩ chɛ dɩ ʋ joŋu yallɛ nɛ. Ŋɩɩ nɛ tɩɩ ʋ bʋl dɩ ba kala tʋɔŋ dee bɩ pʋlla ŋɩɩ.

Jɔɔŋ 13:4

Ŋɩɩ nɛ Yesu sii kʋdiile-la nyuŋ, a wuri ʋ gɛrɩ-balɩŋ bil, aŋ joŋ pɔpɔ vɔɔ ʋ tɩŋa,

Tɩntɩŋŋaa 5:3

Pɩɩta pɩɛsʋ, “Ananɩas, bɛɛ nɛ tɩɩ ŋ leŋ Sɩtaanɩ nyɩsɩŋ, ŋ joŋ tintee-la ŋ sɩ yalla moribie-la dɔnsʋŋ faa, aŋ nyɩɛ wɩaa pɩ Wɩa Dɩŋ-zɔmʋŋ?

2 Kɔrɩntɩ Nɩaa 8:16

Mɩɩ lɔllɛ Wɩa nɛ kɩŋkɛŋ, ʋ sɩ leŋe Taatɩs choma arɩ mɩ ma sɩ choma ŋɩɩ.

Ɛfɛsɩs Nɩaa 2:3

La ma kala fa nagɛ ba nɛ a tuto la tʋɔtɔrɛ wʋŋaalaa harɩŋ a ŋɩŋaa wʋlɔrʋnʋŋ, a bɩbɩɩnɛ wʋbɔŋŋɔɔ. La fa sɩɩ ŋaa wɩaa deemba, Wɩa fa na baanɩŋ nɛ la nyuŋ, arɩ ʋ fa sɩ na baanɩŋ nɩalɩŋ nyuŋ ŋɩɩ.

Jɔɔŋ Wʋnaalaa 17:17

Wɩa nɛ joŋ ŋɩɩ tʋɔbɩɩnaa hɛ ba lɛ dɩ ba ŋaa wɩɩ-la ʋ sɩ cho. Ŋɩɩ nɛ tɩɩ ba sɛɩ a joŋ dol-la ba sɩ kɛnɛ a bibeŋ nɩaa a pɩpɩ baga kʋ-la. Ba jaŋ bibeŋ kʋ-la, see dɩ wɩalɩŋ kala Wɩa sɩ bʋla ŋaa dɛrɛ.