15 Mɩ laa sɩpaaŋ ŋaa ma na nɛ, dɩ ma ma ŋɩŋaa ŋɩɩ dɔŋɔ lɛ.
Má laa mɩ chʋga a chʋŋ aŋ gʋnnɛ mɩ teeŋ, bɛɛ wɩaa mɩ kɛŋ mɩ tɩtɩa muuri nɛ, mɩ sɩaa ma fɩɛlɛ. Dɩ ma nɛ ŋaa ŋɩɩ, ma jaŋ na wiese.
Wɩa nɩɩ pɩ nɩaa kenyiri a leŋ ba nyuŋ nyɩnyaasɛ. Mɩɩ sʋlʋ dɩ ʋ pɛ ma lɛ dɩ ma kɛŋ nii-bala a wuo tuto Yesu Kirisito naabʋɔsʋŋ,
Má cho dɔŋɔ arɩ Kirisito sɩ chola ŋɩɩ a sʋʋ la wɩaa. Ʋ joŋ ʋ tɩtɩa a pɩ Wɩa nɛ, ba kpʋʋ arɩ ba sɩ yie kpʋ pʋsʋŋ a nyɩga pɩ Wɩa ŋɩɩ, ʋ sʋɔra sɩŋ.
Wɩa paala yɩrɛma dɩ ma na hɛɛŋ nɛ. Má liisi arɩ Yesu Kirisito tɩtɩa na hɛɛŋ nɛ ma wɩaa a dagɛma ŋɩɩ ma sɩ jaŋ to ʋ naabʋɔsʋŋ.
Má sɩ́ doluŋ kaa beŋ nɩalɩŋ Wɩa sɩ joŋo hɛ ma nɩsɩŋ lɛ. Ama má leŋ dɩ ba na arɩ ma mɛlɛ zɔmɔ, dɩ ba tuto ma naabʋɔsʋŋ.
Nɩɩ-la kala sɩ sɩ ʋ dɩ Wɩa ŋaa kʋbala, ʋ maga dɩ ʋ tɩɩna wʋŋaalaa nagɛ Yesu Kirisito wʋŋaalaa nɛ.
