Jɔɔŋ 13:1 - WƖA TENIŊ

¹ Ʋ fa ka tapʋl-bala nɛ, ka dɩ Juu tɩŋŋaa dɩɩsɩŋ kiele bal gbiele-la yi. Yesu jɩma arɩ bʋa-la lɛ sɩ maga dɩ ʋ lɩɩ dʋnɩa deeŋ lɛ a mʋ ʋ Nyɩmma teeŋ yie nɛ. Ʋ cho nɩalɩŋ sɩɩ to ʋ harɩŋ nɛ dʋnɩa deeŋ lɛ. Bʋa deeŋ lɛ nɛ ʋ chaasa dagɛ chono-la kɩŋkɛŋ ʋ sɩ kɛnɛ arɩ ʋ harɩ-tooroo.

Jɔɔŋ 13:1 ပူးပေါင်းရင်းမြစ်များ

NAMAGABA 8:31

Mɩ tʋɔŋ fa tɔrɛ dʋnɩa kala nyuŋ nɛ, a tɔrɛ nuhuobiinee ma nyuŋ.

JƐRƖMAAYA 31:3

La TƖƖNA fa kɛŋ ʋ tɩtɩa dagɛla nɛ a bʋl, “Mɩ choma nɛ, chono-la bɩ dɩdɛrɩŋ kɛnɛ. Mɩ kɛmma kʋ kpagɛ mɩ tɩtɩa nɛ, a kɛŋ zile arɩ kenyiri ma teeŋ.

Matiu 26:45

Ŋɩɩ nɛ ʋ mɩɩra kɔ ʋ harɩ-tooroo teeŋ a pɩɛsɛba, “Ma ha pɩnaa wiesi nɛɛ? Má bee na, bʋa-la yie nɛ. Ba jaŋ kɛŋ mɩ-na Nuhuobiine Bie a hɛ wʋbɔŋ ŋaaraa nɩsɩŋ lɛ.

Matiu 28:20

Má dagɛba a leŋ dɩ ba to wɩalɩŋ kala mɩ sɩ bʋla pɩma dɩ ma to. Mɩ jaŋ hɛ ma teeŋ bʋa na-kala lɛ a kaa mʋ dʋnɩa dɩdɛrɩŋ.”

Luuk 22:53

Mɩ dɩ ma kala nɛ fa hɛ Wɩa dɩɩ-bal-la lɛ tapʋlɩɩ kala, aŋ ka ma bɩ walɩma dɩ ma kɛmmɛ nɩmɛ. Ama bʋa deeŋ lɛ nɛ birimiŋ tɩɩna Sɩtaanɩ pɩma doluŋ ma wuo kɔ dɩ ma kɛmmɛ.”

Luuk 9:51

Ŋɩɩ nɛ tapʋlɩɩ-la kpagɛ dɩ ba joŋ Yesu a kaa jɩl Wɩa-jaŋ. Ʋ ŋaa siri a sii, a joŋ wombiiŋ a mʋmʋ Jerusalɛm.

Jɔɔŋ 11:55

Bʋa-la lɛ dɩ Juu tɩŋŋaa dɩɩsɩŋ kiele bal gbiele-la kpaga. Ŋɩɩ nɛ Juu tɩŋŋaa yʋgɛ a lɩɩ ba jasɩŋ lɛ a mʋ Jerusalɛm, dɩ ba pɩɩsɛ ba disiniŋ ta, aŋ ka dɩ gbiele-la-na yi.

Jɔɔŋ 12:23

Yesu bʋla pɩba, “Bʋa-la lɛɛlɛ kpaga nɛ dɩ mɩ-na Nuhuobiine Bie laa yɩrɩŋ.

Jɔɔŋ 13:29

Judas fa sɩɩ kori ba moribiee ŋɩɩ, Yesu harɩ-tooro-la dɔnsʋŋ fa bɩɩna arɩ Yesu faa chɛ dɩ ʋ mʋ yɔɔ kɩalɩŋ ba sɩɩ chɛ dɩ ba dii nɛ gbiele-la lɛ, koo dɩ ʋ joŋ kʋŋ nɛ a pɩ summoo.

Jɔɔŋ 13:3

Yesu fa jɩma arɩ ʋ Nyɩmma joŋ kʋŋkala doluŋ hɛ ʋ nɩsɩŋ lɛ nɛ. Ʋ jɩma ʋ lɩɩ Wɩa teeŋ nɛ, a bɩra jɩŋ arɩ ʋ jaŋ mɩɩra mʋ Wɩa teeŋ.

Jɔɔŋ 13:34

Nii-falɩɩ nɛ mɩ bilee pɩma. Ʋ nɛ ŋ-la: Má cho dɔŋɔ arɩ mɩ sɩ choma ŋɩɩ.

Jɔɔŋ 14:28

Ma nɩa arɩ mɩ bʋla pɩma arɩ mɩ jaŋ mɩɩra viiri aŋ bɩra mɩɩra kɔ ma teeŋ. Dɩ ma nɛ chomi, ma tʋɔŋ jaŋ tɔrɛ arɩ mɩ sɩɩ mʋ mɩ Nyɩmma teeŋ, bɛɛ wɩaa ʋ nɛ kɛŋ doluŋ a kɩɩmɛ.

Jɔɔŋ 14:31

Ama mɩɩ chɛ dɩ dʋnɩa nɩaa jɩŋ arɩ mɩ cho mɩ Nyɩmma nɛ, ŋɩɩ nɛ tɩɩ mɩ ŋɩŋaa wɩalɩŋ kala ʋ sɩ sɩ dɩ mɩ ŋaa. Má kɔ dɩ la mʋ.”

Jɔɔŋ 16:28

Mɩ lɩɩ mɩ Nyɩmma teeŋ nɛ a kʋ tuu dʋnɩa. Lɛɛlɛ mɩ saa jaŋ leŋ dʋnɩa aŋ mɩɩra mʋ mɩ Nyɩmma teeŋ.”

Jɔɔŋ 17:1

Yesu sɩ bʋl wɩaa deemba dɛrɛ, ʋ wʋla beŋ wɩa-nyuŋ aŋ chʋɔlɛ Wɩa a bʋl, “Mɩ Nyɩmma, bʋa-la yie nɛ. Leŋ dɩ mɩ-na ŋ Bie laa yɩrɩŋ, dɩ mɩ ma leŋ dɩ ŋ yɩrɩŋ yɩrɛ.

Jɔɔŋ 17:16

Ba dɩ dʋnɩa nɩaa bɩ kʋbala ŋaa, a nagɛ mɩ dɩ dʋnɩa nɩaa sɩ bɩ kʋbala ŋaa ŋɩɩ.

Jɔɔŋ 17:26

Mɩ saa ŋaa ba jɩmɩŋ nɛ, mɩ ha jaŋ leŋ dɩ ba jɩmɩŋ, dɩ ŋɩɩ ŋ sɩ chomi, dɩ ba ma cho dɔŋɔ, dɩ mɩ hɛ ba lɛ.”

Jɔɔŋ 17:5

Oo, mɩ Nyɩmma, leŋ dɩ mɩ yɩrɩŋ yɩrɛ ŋ sɩpaaŋ lɛɛlɛ, yɩrɩ-la mɩ dɩŋ kala fa sɩ kɛnɛ, aŋ-na ŋaa dʋnɩa.

Jɔɔŋ 18:4

Yesu jɩŋ wɩɩ-la kala fa sɩ jaŋ ŋaa ʋ lɛ nɛ. Ŋɩɩ nɛ ʋ mʋ chemba a pɩɛsɛba, “Kʋbɛɛ nɛ maa chɛ?”

Jɔɔŋ 19:28

Yesu jɩma arɩ lɛɛlɛ wɩɩwɩɩ kala dɛrɛ nɛ, ka dɩ ʋ wuo leŋ dɩ wɩalɩŋ ba sɩ ŋmʋnsa Wɩa teniŋ tʋɔŋ, dɩ ba kʋ ŋaa wʋtɩtɩɩ. Ŋɩɩ nɛ ʋ bʋl, “Lɩɩ-nyʋasʋŋ nɛ kɛmmɛ.”

Jɔɔŋ 2:13

Ʋ fa ka mʋa, ka dɩ Juu tɩŋŋaa dɩɩsɩŋ kiele bal gbiele-la yi. Ŋɩɩ nɛ Yesu sii mʋ Jerusalɛm a jʋʋ Wɩa dɩɩ-balɩŋ.

Jɔɔŋ 6:4

Dɩ Juu tɩŋŋaa dɩɩsɩŋ kiele bal gbiele-la ma kpaga.

Jɔɔŋ 7:30

Ŋɩɩ nɛ ba chɩchɛ dɩ ba kɛnʋ, ama nʋʋkala nɩsɩŋ bɩ ʋ dige, bɛɛ wɩaa bʋa-la lɛ ʋ sɩ jaŋ sʋʋ ha bɩ yie.

Jɔɔŋ 7:6

Ŋɩɩ nɛ Yesu bʋla pɩba, “Bʋa-la sɩ jaŋ yi dɩ mɩ mʋ gbiele-la, ʋ ha bɩ yie. Ma-na teeŋ bʋa na-kala maga nɛ.

Jɔɔŋ 8:20

Yesu bʋl wɩaa deemba kala bʋa-la lɛ ʋ sɩɩ dagɛ nɩaa Wɩa dɩɩ-bal-la lɛ nɛ, lee-la ba sɩ yie joŋ Wɩɩsʋlʋŋ kɩaa bil. Ka nʋʋkala bɩ ʋ kɛnɛ, bɛɛ wɩaa bʋa-la lɛ ba sɩ jaŋ kɛnʋ ha bɩ yie.

Rom Tɩŋŋaa 8:37

Arɩ ŋɩɩ kala, dɩ wɩaa deemba kʋŋkala nɛ kʋ jʋʋla, la yie wuo yuo dii nɛ a tɩŋ nɩɩ-la sɩ chola wɩaa.

1 Kɔrɩntɩ Nɩaa 1:8

Wɩa ma jaŋ chaasa kɛmma woruŋ dɩ ma sɩ́ wʋbɔŋ ŋaa, a kaa mʋ yi tapʋlɩɩ-la La Tɩɩna Yesu Kirisito sɩ jaŋ mɩɩra kɔ.

Hiburu TƖŊŊAA 3:14

Wɩalɩŋ la sɩ laa dii bumbuŋ, dɩ la nɛ kɛmba ŋɩɩ a kaa mʋ dɩdɛrɩŋ, la dɩ Kirisito kala jaŋ ŋaa kʋbala.

Hiburu TƖŊŊAA 3:6

Ama Kirisito-na fa ŋaa Wɩa Bii nɛ, a kɛŋ wʋtɩtɩɩ a bibeŋ Wɩa nɩaa. Dɩ la ma nɛ kɛŋ bɔɩ-duoŋ a tɩŋ kɩalɩŋ la sɩɩ yɩɛlʋ wɩaa, la jaŋ wuo ŋaa ʋ nɩaa.

Hiburu TƖŊŊAA 6:11

La saa cho dɩ ma kʋŋkala fɩɛsɛ sɩɩŋ aa yɩɛlɛ kɩalɩŋ ma sɩ jaŋ na, a jɩŋ woruŋ arɩ ma sɛnɛ jaŋ naba, a kɛŋ ŋɩɩ naaŋ lɛ a mʋ dɛrɛ.

1 Pɩɩta 1:13

Ŋɩɩ wɩaa, má kɛŋ ma tʋɔbɩɩnaa hɛ dɔŋɔ lɛ a ŋaa siri dɩ ma tɩŋ. Má kɛŋ ma tɩtɩa woruŋ, a joŋ ma yɩɛlaa kala hɛ kʋ-la Wɩa sɩ jaŋ joŋo pɩma lɛ bʋa-la Yesu Kirisito sɩ jaŋ mɩɩra kɔ.

1 Jɔɔŋ 4:19

Wɩa nɛ laa sɩpaaŋ chola. Ŋɩɩ nɛ tɩɩ la ma wuo cho Wɩa arɩ nɩaa.

Jɔɔŋ Wʋnaalaa 1:5

arɩ Yesu Kirisito teeŋ. Ʋ nɛ ŋaa wɩalɩŋ sɩada tɩɩna a kɛŋ wʋtɩtɩɩ. Ʋ nɛ ŋaa Nɩɩ-la sɩ sʋba aŋ laa sɩpaaŋ sii sʋʋŋ lɛ. Ʋ nɛ kɛŋ dʋnɩa kuoroo kala doluŋ. Má leŋ dɩ la dɛnnʋ, a tɩŋ ʋ sɩ chola ŋɩɩ a joŋ ʋ chalɩŋ a jaasɛ, a lɩɩsɛla wʋbɔŋŋɔɔ lɛ.