Jɔɔŋ 12:5 - WƖA TENIŊ

⁵ “Bɛɛ nɛ tɩɩ ba bɩ nʋʋŋ deeŋ joŋo yallɛ warɩpʋla zɔɔ-batori, a joŋ moribie-la pɩ summoo?”

Jɔɔŋ 12:5 ပူးပေါင်းရင်းမြစ်များ

ƐZƖRA 4:14

A tɩŋ la sɩ maga dɩ la tutoŋ, a bɩ jaŋ wuo bibeŋ ka dɩ nɩaa ŋaa wɩaa lileeniŋ, ŋɩɩ nɛ tɩɩ laa pɩŋ duoso deeŋ,

MOSIS KƐŊ IZIRAL TƖŊŊAA LƖƖ 5:17

Ŋɩɩ nɛ Ijipiti tinteeŋ kuoro bʋl, “Ma kɛŋ yarɩ-wɩɩŋ, ŋɩɩ nɛ tɩɩ ma bʋbʋl arɩ mɩ leŋ dɩ ma mʋ a kpʋ pʋsʋŋ a ŋaa Wɩɩsʋlʋŋ pɩ ma TƖƖNA.

MOSIS KƐŊ IZIRAL TƖŊŊAA LƖƖ 5:8

Ama, má leŋ dɩ ba pɛɛsɛ tiebiee magɛ ŋɩɩ ba fa sɩ vɛnɛɛ pɛɛsɛ. Ba ŋaa yarɩ-wɩɩ tɩmma nɛ. Ŋɩɩ nɛ tɩɩ ba ŋɩŋaa goŋ a bʋl, ‘Má leŋ dɩ la mʋ a ŋaa Wɩɩsʋlʋŋ a pɩ la Wɩa.’

AMƆS 8:5

Ma yie pɩɛsɛ ma tɩtɩa, ‘Chɛ bɛɛ nɛ chɛŋ-falɩŋ gbiele jaŋ bal ka dɩ la yallɛ mɩaa? Chɛɛ bɛɛ nɛ chɛ-wiesii-la chɛɛŋ jaŋ bal ka dɩ la kɛŋ mɩaa gbaŋa muuri, a hɛ kɩaa yalɩŋ, a kɛŋ sanɩaba-la sɩ bɩ zɔŋ a magɩsa gʋrɛ nɩaa?

Matiu 18:28

Ŋɩɩ nɛ chɩŋ tɩɩna-la kuoru-la sɩ joŋ chɩŋ-la chɛ, lɩɩ a ma na ʋ tɩntɩnnɩ dɔŋɔ tɩɩna sɩ dii ʋ chɩmɩŋ siidi baŋmɛnɛ. Ʋ kɛŋ ʋ gɛrɩŋ baŋŋaa lɛ a bʋl dɩ ʋ tiŋ ʋ chɩmɩŋ.

Matiu 20:2

Ba sɛɩ arɩ ba jaŋ mʋ pɛrɛ, ka ʋ timba warɩpʋla kʋbala. Ŋɩɩ nɛ ʋ leŋ ba mʋ ʋ baga-la a pɩpɛrɛ.

Luuk 12:33

Má joŋ ma kɩaa kala yallɛ a joŋ moribie-la a pɩ summoo. Má chɛ kɩalɩŋ sɩ bɩ chei a bil ma tɩtɩa lɛ, a joŋ ma kɩaa bil Wɩa-jaŋ lɛ. Nɩmɛ ba bɩ jaŋ dɛrɛ, gaarʋ kala bɩ jaŋ wuo paaba, pʋgʋmaa ma bɩ jaŋ diiba.

Luuk 18:22

Yesu sɩ nɩɩ wɩalɩŋ ʋ sɩ bʋla, ʋ bʋla pʋ, “Wʋbala nɛ ka ŋ ha jaŋ ŋaa. Joŋ ŋ kɩaa kala a yallɛ, a joŋ moribie-la a pɩ summoo, aŋ kʋ tomi. Ŋ nɛ ŋaa ŋɩɩ, ŋ jaŋ kɛŋ kɩaa Wɩa-jaŋ lɛ.”

Luuk 6:41

Ɛɛ nɛ ŋ jaŋ wuo na daa-bie sɩ tel ŋ naambie sɩɩŋ lɛ aŋ bɩ daa-bal-la sɩ tel ŋ tɩtɩa sɩɩŋ lɛ ka na?

Jɔɔŋ 12:4

Dɩ Yesu harɩ-tooroo dɔŋɔ baa yɩrɛ Judas Ɩsɩkarɔt, dɩ ʋ fa hɛ nɩmɛ, nɩɩ-la fa sɩ jaŋ joŋ Yesu yallɛ. Ŋɩɩ nɛ ʋ bʋl,

Jɔɔŋ 12:6

Ʋ sɩ bʋl ŋɩɩ, ʋ bɩ naga dɩ ʋ cho summo-la nɛ tɩɩ, ama ʋ fa ŋaa gaarʋ nɛ. Ʋ nɛ faa kori ba moribiee a yie lɩlɩɩsɛ moribie-la a kaa ŋaa ʋ tɩtɩa wɩaa.

Jɔɔŋ 13:29

Judas fa sɩɩ kori ba moribiee ŋɩɩ, Yesu harɩ-tooro-la dɔnsʋŋ fa bɩɩna arɩ Yesu faa chɛ dɩ ʋ mʋ yɔɔ kɩalɩŋ ba sɩɩ chɛ dɩ ba dii nɛ gbiele-la lɛ, koo dɩ ʋ joŋ kʋŋ nɛ a pɩ summoo.

Jɔɔŋ 6:7

Ŋɩɩ nɛ Fɩlɩp bʋla pʋ, “Dɩ la nɛ yɔɔ boroboro a yi warɩpʋla zɔɔ-balɩa ma, ʋ bɩ nɩaa deemba wɩɩkala wuo ŋaa, mʋa mʋa nɛ ba kʋŋkala jaŋ na.”