Jɔɔŋ 12:40 - WƖA TENIŊ

⁴⁰ Ʋ sɩ, “Wɩa tɔ ba sɩaa nɛ aŋ nyɩrɛ ba tʋɔŋ, dɩ ba sɩaa sɩ́ kʋŋkala wuo na, dɩ ba sɩ́ wɩaa bʋbʋɔŋ ma wuo jɩŋ. Dɩ ŋɩɩ dee, ba fa jaŋ kɔ Wɩa teeŋ dɩ ʋ pʋllɛ ba tʋɔŋ, dɩ mɩ laaba ta.”

Jɔɔŋ 12:40 ပူးပေါင်းရင်းမြစ်များ

1 KUOROO 22:20

Ka La TƖƖNA pɩɛsɛ, ‘Kʋbɛɛ nɛ jaŋ mʋ nyɩsɛ Ahab hɛ dɩ ʋ mʋ yuo Ramɔf Gɩlɩad tɩŋŋaa dɩ ba kpʋʋ nɩmɛ?’ Dɔnsʋŋ bʋl ŋ-la, dɔnsʋŋ ma bʋl wɩɩ dɔŋ.

WƖA YƖƖLAA 147:3

Ʋ leŋe nɩalɩŋ tʋɔŋ sɩ cheye bɩra tɔrɛ nɛ, aŋ vɔɔ tɔ ba naawɩɩlaa ma.

WƖA YƖƖLAA 41:4

Mɩ sɩ, “Mɩ Tɩɩna, mɩ ŋaa wʋbɔŋ nɛ ŋ lɛ, fá mɩ nenige aŋ vaarɛmɛ.”

WƖA YƖƖLAA 6:2

Mɩ bɛsɩmɛ nɛ, mɩ Tɩɩna. Fá mɩ nenige aŋ pɩmɛ doluŋ, mɩ chaasa lɔl nɛ.

MOSIS KƐŊ IZIRAL TƖŊŊAA LƖƖ 10:1

Ŋɩɩ nɛ La TƖƖNA bʋla pɩ Mosis, “Mʋ Ijipiti tinteeŋ kuoro teeŋ, mɩ nɛ ŋaa ʋ dɩ ʋ nɩhɩasɩŋ tʋɔŋ pɩrɛ, dɩ mɩ wuo to ŋɩɩ lɛ a ŋaa wʋmagɩlaa ba tʋɔŋ.

MOSIS KƐŊ IZIRAL TƖŊŊAA LƖƖ 11:10

Mosis arɩ Arɔŋ ŋaa wʋmagɩla-la kala nɛ Ijipiti tinteeŋ kuoro sɩpaaŋ, ama La TƖƖNA leŋe Ijipiti tinteeŋ kuoro tʋɔŋ pɩrɛ nɛ, ʋ bɩ leŋe Iziral tɩŋŋaa lɩɩ ʋ tinteeŋ lɛ.

MOSIS KƐŊ IZIRAL TƖŊŊAA LƖƖ 14:17

Mɩ jaŋ leŋ dɩ Ijipiti tɩmma-la tʋɔŋ pɩrɛ dɩ ba kire to ma harɩŋ jʋʋ mʋga-la tʋɔŋ. Nɩmɛ nɛ mɩ jaŋ yuo dii Ijipiti tinteeŋ kuoro arɩ ʋ laalɩyuoroo, ʋ janɩŋ torukoba arɩ ʋ ja-jɩllaa kala a laa yɩrɩŋ.

MOSIS KƐŊ IZIRAL TƖŊŊAA LƖƖ 14:4

Mɩ jaŋ ŋaa dɩ Ijipiti tinteeŋ kuoro tʋɔŋ pɩrɛ, dɩ ʋ lɩɩ kiri ba harɩŋ. Mɩ yɩrɩŋ jaŋ yɩrɛ dɩ mɩ nɛ yuo dii Ijipiti tinteeŋ kuoro arɩ ʋ laalɩyuoroo kala. Ijipiti tɩŋŋaa jaŋ jɩŋ arɩ mɩ nɛ ŋaa ba TƖƖNA.” Ŋɩɩ nɛ Iziral tɩŋŋaa ŋaa wɩɩ-la La TƖƖNA sɩ bʋla.

MOSIS KƐŊ IZIRAL TƖŊŊAA LƖƖ 14:8

Ŋɩɩ nɛ La TƖƖNA ŋaa Ijipiti tinteeŋ kuoro tʋɔŋ pɩrɛ, ʋ kiri Iziral tɩŋŋaa harɩŋ, ka Iziral tɩŋŋaa vɩvɛŋ, ba bɔyɛ bɩ joŋ.

MOSIS KƐŊ IZIRAL TƖŊŊAA LƖƖ 4:21

Ŋɩɩ nɛ Wɩa bʋla pɩ Mosis, “Dɩ ŋ nɛ mʋ Ijipiti tinteeŋ, ŋaa wʋmagɩla-la kala mɩ sɩ pɩŋ doluŋ dɩ ŋ ŋaa Ijipiti tinteeŋ kuoro sɩpaaŋ. Ama mɩ jaŋ ŋaa dɩ ʋ tʋɔŋ pɩrɛ, ʋ bɩ jaŋ leŋ dɩ mɩ nɩaa lɩɩ mʋ.

MOSIS KƐŊ IZIRAL TƖŊŊAA LƖƖ 7:13

Ijipiti tinteeŋ kuoro tʋɔŋ ha pɩrɛ, ʋ bɩ Mosis arɩ Arɔŋ teeŋ jegile arɩ La TƖƖNA sɩ bʋl ŋɩɩ.

MOSIS KƐŊ IZIRAL TƖŊŊAA LƖƖ 7:3

Mɩ saa jaŋ leŋ dɩ Ijipiti tinteeŋ kuoro tʋɔŋ pɩrɛ, dɩ mɩ ŋaa wʋmagɩlaa arɩ wʋkpuŋkperisiŋ Ijipiti tinteeŋ lɛ.

MOSIS KƐŊ IZIRAL TƖŊŊAA LƖƖ 9:12

Ama La TƖƖNA leŋ Ijipiti tinteeŋ kuoro tʋɔŋ pɩrɛ, ʋ bɩ jegile nɩɩ Mosis arɩ Arɔŋ teeŋ, arɩ La TƖƖNA fa sɩ bʋl ŋɩɩ.

AZAAYA 26:11

La TƖƖNA, ŋ kɛŋ ŋ nɩsɩŋ je nɛ dɩ ŋ dɔgɩsɛba, ka ba bɩ ʋ na. Leŋ dɩ ba na ŋɩɩ ŋ sɩ cho ŋ nɩaa aŋ leŋ ŋ dʋndɔŋŋɔɔ dii hɩɩsɩŋ. Leŋ dɩ nyiŋ-la ŋ sɩ joŋo bile gbɛrɛ diiba.

AZAAYA 29:10

La TƖƖNA ŋaa ma pɩŋ doŋ nɛ a yuo naaŋ. Ʋ tɔ ma Wɩa wʋlaabʋllaa sɩaa nɛ arɩ nɩalɩŋ sɩɩ na wɩaa arɩ duosoo tʋɔŋ.

AZAAYA 53:5

Ba pɩrʋ a tɩŋ la wʋbɔŋŋɔɔ wɩaa nɛ. Wʋbɔmɔ-la la sɩ ŋaa wɩaa nɛ ba tɩma vɩɩrʋ. Hɛɛ-la ʋ sɩ na nɛ leŋe la kɛŋ yarɩfɩɛlaa. Ba sɩ pɩrʋ, ŋɩɩ nɛ tɩɩ dɩ la nɛ wɩɩla ma, la yie duori.

AZAAYA 6:10

La TƖƖNA bɩra bʋl, “Leŋ dɩ nɩaa deemba tʋɔŋ dol, ŋaa dɩ ba dɩgɩlaa kparɩmɛ, aŋ ŋaa dɩ ba sɩaa ma tɔ. Dɩ ŋɩɩ dee ba jaŋ na wɩaa koo a nɩɩ wɩaa a bɩrɩmɛ ba tʋɔbɩɩnaa a kɔ mɩ teeŋ dɩ mɩ laaba ta.”

AZAAYA 6:9

Ŋɩɩ nɛ ʋ bʋl, “Mʋ bʋla pɩ nɩalɩŋ, ba jaŋ nɩnɩɩ wɩaa aŋ bɩ jaŋ jɩŋ ba bʋbʋɔŋ, a nɩna wɩaa aŋ bɩ jaŋ jɩŋ wɩɩ-la sɩɩ ŋaa.”

JƐRƖMAAYA 3:22

Ma ŋaa nɩa sɩ bɩ wʋtɩtɩɩ kɛnɛ nɛ, má mɩɩra kɔ mɩ teeŋ. Mɩ jaŋ vaarɛma a leŋ dɩ ma kɛŋ wʋtɩtɩɩ.” Nɩalɩŋ jaŋ bʋl, “La jaŋ kɔ ŋ teeŋ, ŋ nɛ La TƖƖNA Wɩa.

JƐRƖMAAYA 5:21

Ma ŋaa nɩyaara nɛ a chʋʋlɛ, má nɩɩ wɩɩŋ deeŋ, ma kɛŋ sɩaa nɛ aŋ bɩ na, a kɛŋ dɩgɩlaa ma aŋ bɩ nɩɩ.”

ƐZƖKƖƐL 12:2

“Nuhuobiiŋ, ŋ hɛ nɩalɩŋ sɩ vɩa mɩ niiŋ tʋɔŋ nɛ. Ba kɛŋ sɩaa nɛ a magɛ dɩ ba nɩna, ama ba bɩ na, a kɛŋ dɩgɩlaa a magɛ dɩ ba nɩnɩɩ ka ba bɩ nɩɩ, bɛɛ wɩaa ba ŋaa nɩa sɩ vɩa mɩ niiŋ nɛ.

ƐZƖKƖƐL 14:9

Dɩ nʋʋ nɛ nyɩsɛ mɩ wʋlaabʋllʋ hɛ dɩ ʋ nyɩɛ bʋl wɩaa mɩ doluŋ lɛ, mɩ-na ma TƖƖNA tɩtɩa nɛ nyɩsʋ ŋɩɩ. Ama mɩ jaŋ lɩɩsɛ mɩ nɩsɩŋ liesu a cheyu a lɩɩsʋ ta mɩ nɩaa Iziral tɩŋŋaa tʋɔŋ.

HOSIA 14:4

La TƖƖNA sɩ, “Mɩ jaŋ vaarɛ ba dɩgɩlɩŋ-bɩnɩɩ-la sɩ hɛ ba lɛ, aŋ choba woruŋ, bɛɛ wɩaa mɩ baanɩŋ fɩɛlɛ ba nyuŋ nɛ.

HOSIA 6:1

Iziral tɩŋŋaa sɩ, “Má kɔ dɩ la mɩɩra mʋ La TƖƖNA teeŋ. Ʋ kɛnla pʋɔsɛ muno muno nɛ, ama ʋ jaŋ vaarɛla. Ʋ pɩrɛla nɛ, ama ʋ jaŋ vɔɔ tɔ la naawɩɩlaa.

Matiu 15:14

Má sɩ́ leŋe dɩ ba wɩaa walɩmɛma, ba ŋaa nyʋlɩma nɛ a laa nyʋlɩmaa sɩpaaŋ. Dɩ nyʋlɩma nɛ saa kɛŋ ʋ nyʋlʋŋ dɔŋɔ daaŋ lɛ, ba kala balɩa jaŋ tuu buotuoŋ.”

Maak 4:12

Ŋɩɩ nɛ ba yie nyilimi nyilimi aŋ bɩ kʋŋkala wuo na, a jegili jegili aŋ bɩ ba bʋbʋɔŋ wuo jɩŋ. Dɩ ba nɛ fa jɩŋ ba bʋbʋɔŋ, ba fa jaŋ bɩrɩma to Wɩa, dɩ ʋ joŋ ba wʋbɔŋŋɔɔ chɛba.”

Maak 6:52

Ba fa na Yesu kɛŋ boroboro banɔŋ a kpaa nɩaa bʋɩ banɔŋ nɛ, ka ba ha bɩ ʋ wɩɩ-la bʋbʋɔŋ jɩŋ. Ba sɩaa ha bɩ suro.

Luuk 4:18

“Wɩa Dɩŋ-zɔmʋŋ hɛ mɩ lɛ nɛ. Ʋ nɛ lɩɩsɛmɛ dɩ mɩ bʋl Wɩa wʋzɔmɔ-la a pɩ summoo. Ʋ tɩmmɛ nɛ dɩ mɩ heele bʋla pɩ nɩalɩŋ ba sɩ yuo kɛsɛ arɩ ba jaŋ jomba ta, a bɩra bʋla pɩ nyʋlɩmaa dɩ ba sɩaa jaŋ suri. Ʋ bɩra tɩmmɛ dɩ mɩ laa nɩaa ba sɩ nyaga bil a ta,

Luuk 8:10

Yesu bʋla pɩba, “Ma nɩaa deemba nɛ Wɩa dagɛ ʋ kuorii-la bʋbʋɔŋ pa. Ama nɩ-daŋ kala, namagaba nɛ ʋ yie kaa dɩdagɛba. Ba yie nyilimi nyilimi aŋ bɩ kʋŋkala wuo na, a bɩra jegili jegili aŋ bɩ ba bʋbʋɔŋ wuo jɩŋ.

Jɔɔŋ 12:39

Ba sɛnɛ bɩ Wɩa wɩaa wuo laa dii. Ŋ-la nɛ Azaaya fa bɩra bʋl a tɩgɛ ba lɛ:

Jɔɔŋ 9:39

Ŋɩɩ nɛ Yesu bʋl, “Mɩ kɔ dʋnɩa dɩ mɩ ŋaa dɩ nɩalɩŋ sɩ nyʋlɩma sɩaa suri nɛ, ka dɩ mɩ ŋaa dɩ nɩalɩŋ sɩɩ na nyʋlɩmɛ.”

Tɩntɩŋŋaa 15:3

Nɩalɩŋ sɩ laa Yesu wɩaa dii aa hilimi taba ba mʋ. Ba sɩɩ mʋ ŋɩɩ, ba to Fɔnɩɩsɩa arɩ Samarɩa tinteeŋ a bʋla pɩ nɩalɩŋ sɩ laa Yesu wɩaa dii nɩmɛ ŋɩɩ nɩalɩŋ sɩ bɩ Juu tɩŋŋaa ŋaa sɩ bɩrɩma tuto Wɩa. Ba sɩ bʋl wʋzɔmʋŋ deeŋ ŋɩɩ, nɩalɩŋ tʋɔŋ tɔrɛ kɩŋkɛŋ.

Tɩntɩŋŋaa 28:26

Ʋ sɩ, ‘Mʋ nɩaa deemba teeŋ a bʋla pɩba: Ma jaŋ jegile nɩnɩɩ wɩaa aŋ bɩ jaŋ kɔ dɩ ma jɩŋ ba bʋbʋɔŋ. Ma jaŋ nɩna wɩaa aŋ bɩ jaŋ kɔ dɩ ma jɩŋ wɩɩ-la sɩɩ ŋaa,

Tɩntɩŋŋaa 3:19

Má bɩrɩma lɩɩ ma wʋbɔŋŋɔɔ lɛ aŋ to Wɩa, dɩ ʋ joŋ ma wʋbɔŋŋɔɔ chɛma, dɩ La Tɩɩna leŋ dɩ ma dɩnsɩŋ na wiese.

Rom Tɩŋŋaa 9:18

Nɩalɩŋ saa Wɩa sɩ lɩɩsa dɩ ʋ fá ba nenige, ʋʋ fá ba nenige nɛ. Nɩalɩŋ ma ʋ sɩ lɩɩsa dɩ ba kɛŋ nyuduoŋ, ʋ leŋe ba ma kɛŋ nyuduoŋ nɛ.

MOSIS BƖRA WULLI WƖA WOMBIIŊ 29:4

Ama arɩ jɩnɩŋ kala La TƖƖNA ha bɩ leŋe ma wuo jɩŋ wɩalɩŋ ma sɩ na bʋbʋɔŋ.

JOSUA 11:20

La TƖƖNA nɛ fa ŋaa tasɩ-la kɛŋ nyuduoŋ a yuyuo Iziral tɩŋŋaa ŋɩɩ, dɩ ʋ to ŋɩɩ lɛ a chaasa cheiba, a kpʋ ba kala aŋ sɩ́ ba nenige fá, arɩ La TƖƖNA fa sɩ bʋl ŋɩɩ pɩ Mosis.