Jɔɔŋ 12:32 - WƖA TENIŊ

³² Ama dɩ ba nɛ kpaasɛmɛ daagɛsɛ nyuŋ, mɩ jaŋ ŋaa dɩ nɩaa kala kɔ mɩ teeŋ.”

Jɔɔŋ 12:32 ပူးပေါင်းရင်းမြစ်များ

2 SAMƲƐL 18:9

Bʋa deeŋ lɛ dɩ Abɩsalɔm mʋ cheŋ Devit laalɩyuoroo. Ʋ fa jɩl kakumo nɛ. Kakumo-la kɛnʋ jʋʋ piiŋ-lugu kʋbala bʋbʋɔŋ. Tɩa-la naakelee kɛŋ Abɩsalɔm nyu-pʋnaa lɛ a soru kakumo-la nyuŋ ʋ lilieŋi, ka kakumo-la kiele mʋmʋ.

SOLOMOŊ YƖƖL-SƖMƖŊ 1:4

Pɛ kɛmmɛ mʋ, leŋ la ŋaa lɩma. Leŋ dɩ kuoro kɛmmɛ jʋʋ ʋ dɩpɩnɩŋ. Laa jʋɔsɛ ŋ lɛ nɛ, la tʋɔŋ ma tɔrɛ ŋ nyuŋ. La jaŋ bɛsɛ ŋ chonuŋ lɛ a kɩɩ girep nɛnɛɛ sɩnɩŋ. Ba kɩaa sɩma nɛ a magɛ dɩ ba bɛsɛ ŋ lɛ.

AZAAYA 11:10

Tapʋlɩɩ-la nɛ yie, kuoru-la sɩ jaŋ lɩɩ Jesi gentine lɛ jaŋ chɩŋ a nagɛ tuuta nɩaa teeŋ, tinteyee jaŋ kɔ ʋ teeŋ a zilu.

AZAAYA 49:6

La TƖƖNA bɩra sɩ, “Ŋ bɩ jaŋ ŋaa mɩ tɩntɩnnʋ, a kɛŋ Iziral doho doho-la dʋndʋŋ mɩɩra kɔ mɩ teeŋ Jekɔb doho nɩkaana-la sɩ bɩ sʋba, ama mɩ ha jaŋ leŋ dɩ ŋ nɛ ŋaa nɩalɩŋ sɩ bɩ Juu tɩŋŋaa ŋaa ma pʋlʋmʋŋ, dɩ mɩ laatanɩŋ wuo yi dʋnɩa sɛmɛ na-kala.”

HOSIA 11:4

Mɩ nɛ kɛnʋ vɛŋ arɩ nuhuobiine chaachiliŋ a kɛnʋ arɩ chonuŋ. Mɩ nɛ lɩɩsʋ hɛɛŋ lɛ, aŋ tɩtɩa chɔgɩlɛ a dɩɛsʋ.

NAMBABA 21:9

Ŋɩɩ nɛ Mosis kɛŋ kɔlɩɩŋ libi dɩmɩŋ a joŋo mɛrɛ daaterige lɛ a joŋo pɛ. Dɩ dɩma-la kʋŋ nɛ dɩŋ nɩalɩŋ dɔŋɔ, ʋ yie wʋla beŋ kɔlɩɩŋ dɩŋ-la nɛ a duori.

Jɔɔŋ 1:7

Ʋ nɛ kɔ dɩ ʋ bʋl pʋlʋŋ-la wɩaa pɩ nɩaa. Ʋ ŋaa ŋɩɩ dɩ nʋʋkala wuo nɩɩ a to ʋ lɛ a laa pʋlʋŋ-la wɩaa dii.

Jɔɔŋ 12:34

Ŋɩɩ nɛ nɩalɩŋ bʋl, “Ba dagɛla arɩ ba ŋmʋnsɛ Wɩa teniŋ tʋɔŋ a bʋl dɩ Kirisito, Nɩɩ-la Wɩa sɩ lɩɩsa bɩ jaŋ sʋʋ, dɩ ʋ jaŋ hɛ nɩmɛ deeŋ deeŋ. Ɛɛ nɛ saa ŋ bʋl dɩ ba jaŋ kɛŋ Nuhuobiine Bie a kpaasɛ daagɛsɛ nyuŋ? Kʋbɛɛ nɛ saa Nuhuobiine Bie deeŋ wɩaa ŋ sɩɩ bʋl?”

Jɔɔŋ 18:32

Wɩɩŋ deeŋ ŋaa, dɩ ŋɩɩ Yesu fa sɩ daga arɩ ʋ jaŋ sʋʋ, sɛnɛ kʋ ŋaa wʋtɩtɩɩ nɛ.

Jɔɔŋ 19:17

Ŋɩɩ nɛ ba kɛŋ Yesu lɩɩ. Ʋ lɩɩ a baasɛ ʋ tɩtɩa daagɛsɛ a mʋ lee-la ba sɩɩ chɛ dɩ ba kpaasʋ. Lee-la yɩrɩŋ nɛ nyu-kuŋkogulo. Hiburu yikoro lɛ baa yɩrɛ lee-la Gɔlɩgɔta nɛ.

Jɔɔŋ 3:14

Mosis fa sɩ hɛ gɩrɩ-bine tʋɔŋ, ʋ fa kɛŋ hɔɔŋ a libi dɩmɩŋ nɛ, a joŋo mɛrɛ daaŋ lɛ a kaa jee. Ŋɩɩ tɩtɩa nɛ ba jaŋ kpaasɛ mɩ-na Nuhuobiine Bie ma daaŋ lɛ a kaa jee,

Jɔɔŋ 6:44

Nʋʋkala bɩ jaŋ wuo kɔ mɩ teeŋ, see dɩ mɩ Nyɩmma-la sɩ tɩmmɛ nɛ kɛŋ ʋ tɩɩna kaa kɔ mɩ teeŋ, dɩ mɩ chɩsʋ sʋʋŋ lɛ dʋnɩa dɩdɛrɩŋ.

Jɔɔŋ 8:28

Ŋɩɩ nɛ Yesu bʋla pɩba, “Dɩ ma nɛ kɛŋ mɩ-na Nuhuobiine Bie kpaasɛ daagɛsɛ nyuŋ, ma jaŋ jɩŋ arɩ mɩ nɛ ŋaa Nɩɩ-la mɩ sɩ sɩ mɩ ŋaa. Ŋɩɩ ma lɛ nɛ ma jaŋ to jɩŋ arɩ mɩ bɩ wɩɩkala ŋaa mɩ tɩtɩa doluŋ lɛ, ama mɩ yie bʋl wɩalɩŋ mɩ Nyɩmma sɩ dagɛmɛ nɛ.

Galiisia Nɩaa 3:13

Ama Wɩa sɩ ŋmɩɛsa hɛ nɩalɩŋ sɩ nɩɩ wɩalɩŋ Mosis sɩ ŋmʋnsa bil aŋ bɩ ba wuo tuto, Kirisito lɩɩsɛla wɩaa deemba lɛ nɛ. Ba kpaasʋ mɛrɛ daagɛsɛ nyuŋ nɛ. Ba sɩ ŋaa ŋɩɩ, Wɩa ŋmɩɛsa hɛ ʋ lɛ a tɩŋ la wɩaa, bɛɛ wɩaa ba ŋmʋnsɛ Wɩa teniŋ tʋɔŋ a bʋl, “Nɩɩ-la kala ba sɩ kpaasa mɛrɛ daaŋ nyuŋ, Wɩa ŋmɩɛsa hɛ ʋ lɛ nɛ.”

1 Timoti 2:6

Ʋ joŋ ʋ mɩɩsɩŋ yɔɔ sʋʋŋ nɛ dɩ ʋ laa nʋʋkala ta. Ʋ nɛ dagɛla ŋɩɩ arɩ bʋa-la yie nɛ, dɩ Wɩa laa nʋʋkala ta.

Hiburu TƖŊŊAA 2:9

La na arɩ Wɩa fa leŋe Wɩa tɩndaaraa nɛ kɩɩ Yesu mʋa. Ama lɛɛlɛ Wɩa zilu nɛ a leŋ ʋ kɛŋ doluŋ arɩ yɩrɩŋ, bɛɛ wɩaa ʋ na hɛɛŋ nɛ a sʋʋ. Wɩa lahɔrɩmɔ lɛ nɛ ʋ fa ŋaa ŋɩɩ, dɩ ʋ wuo laa nuhuobiinee kala nyuŋ a sʋʋ.

1 Pɩɩta 2:24

Yesu Kirisito tɩtɩa nɛ laa la wʋbɔŋŋɔɔ a chʋŋ, ba kpaasʋ mɛrɛ daagɛsɛ nyuŋ dɩ la joŋ harɩŋ yɩa wʋbɔŋŋɔɔ aŋ ŋɩŋaa tʋɔpʋl wɩaa. Ba vɩɩrʋ ʋ yaraa ŋaa naawɩɩlaa, ŋɩɩ nɛ leŋe la nyanyalaa kala dɛrɛ.

1 Pɩɩta 3:18

Yesu Kirisito sʋʋ la wʋbɔŋŋɔɔ wɩaa bala nɛ. Ʋ fa ŋaa tʋɔpʋl tɩɩna nɛ, a sʋʋ wʋbɔŋ ŋaaraa wɩaa, dɩ ʋ wuo kɛnla kaa mʋ Wɩa teeŋ. Nuhuobiinee nɛ kpʋ ʋ yaraa, ama Wɩa leŋ ʋ dɩma wei.

1 Jɔɔŋ 2:2

Ʋ nɛ joŋ ʋ mɩɩsɩŋ a yɔɔ sʋʋŋ la wʋbɔŋŋɔɔ wɩaa, dɩ Wɩa joŋ la wʋbɔŋŋɔɔ a chɛla. La dʋndʋŋa wʋbɔŋŋɔɔ wɩaa dee, ama dʋnɩa nɩaa kala wʋbɔŋŋɔɔ wɩaa nɛ.

Jɔɔŋ Wʋnaalaa 5:9

Ŋɩɩ nɛ nɩhɩasɩ-la arɩ kɩalɩŋ sɩ weye ta yɩɩl-falɩŋ aa yɩɩ, “Ŋ nɛ wuo laa teŋ-la ba sɩ mɛrɛ, a lɛrɛ kel-la ba sɩ kaa mɛrɛ, bɛɛ wɩaa ba kpʋŋ nɛ. Ba sɩ kpʋŋ ŋɩɩ, ŋ joŋ ŋ chalɩŋ a yɔɔ nuhuobiine mɩɩsɩŋ a pɩ Wɩa. Nɩalɩŋ ŋ sɩ yɔbɔ lɩɩ nɩdoho kala tʋɔŋ nɛ aa bʋl yikori doho kala a hɛ taŋ kala arɩ tintee kala lɛ.