Jɔɔŋ 12:31 - WƖA TENIŊ

³¹ Bʋa-la lɛ Wɩa sɩ jaŋ dii dʋnɩa nɩaa sarɩya yie nɛ. Bʋa deeŋ lɛ nɛ ʋ ma jaŋ kiri Sɩtaanɩ ta, dʋnɩa nɩaa kuoro.

Jɔɔŋ 12:31 ပူးပေါင်းရင်းမြစ်များ

WƖAA DƖ-SUOMUŊ 3:15

Mɩ jaŋ joŋ dʋndɔnnʋŋ hɛ ŋ dɩ haal-la pɛgɛ. Ŋ biiriŋ arɩ ʋ biiriŋ jaŋ ŋaa dʋndɔmɔ. Adam doho nʋʋ jaŋ ŋmoo ŋ nyuŋ yɛrɛ, ka dɩ ŋ ma ta ʋ naatilimiŋ lɛ.”

AZAAYA 49:24

Ŋ jaŋ wuo kɛŋ kɩalɩŋ laalɩyuoro sɩ yuo laa, a laa ʋ teeŋ? Koo ŋ jaŋ wuo kɛŋ nɩtɛrɛ yomo laa ʋ teeŋ?

Matiu 12:28

Wɩa doluŋ nɛ mɩ kaa kiri jɩŋ-bɔŋŋɔɔ nɩaa lɛ. Wɩɩŋ deeŋ nɛ daga arɩ Wɩa kuorii-la paala kɔ ma teeŋ nɛ.

Jɔɔŋ 14:30

Mɩ bɩ jaŋ wuo bʋl wɩaa ma teeŋ a dieni, bɛɛ wɩaa dʋnɩa kuoro ka kɔ nɛ. Ama ʋ bɩ dol kala kɛnɛ mɩ lɛ.

Jɔɔŋ 3:19

Wɩɩ-la sɩ tɩɩ Wɩa dii dʋnɩa nɩaa sarɩya a joŋ cheeriŋ pɩba nɛ ŋ-la: Pʋlʋmʋŋ kʋ tuu dʋnɩa nɛ, ama nɩaa cho birimiŋ nɛ a kɩɩ pʋlʋŋ-la, bɛɛ wɩaa baa ŋaa wʋbɔŋŋɔɔ nɛ.

Jɔɔŋ 9:39

Ŋɩɩ nɛ Yesu bʋl, “Mɩ kɔ dʋnɩa dɩ mɩ ŋaa dɩ nɩalɩŋ sɩ nyʋlɩma sɩaa suri nɛ, ka dɩ mɩ ŋaa dɩ nɩalɩŋ sɩɩ na nyʋlɩmɛ.”

Tɩntɩŋŋaa 26:18

Mɩ jaŋ tɩmɩŋ dɩ ŋ mʋ bʋl wɩaa a suri ba sɩaa, dɩ ba bɩrɩma lɩɩ birimiŋ lɛ a kʋ jʋʋ pʋlʋmʋŋ tʋɔŋ, a ŋaa dɩ ba lɩɩ Sɩtaanɩ nɩsɩŋ lɛ a kɔ Wɩa teeŋ. Dɩ ba nɛ ŋaa ŋɩɩ a laa mɩ wɩaa dii, Wɩa jaŋ joŋ ba wʋbɔŋŋɔɔ chɛba. Ba jaŋ na leriŋ nɩalɩŋ Wɩa sɩ lɩɩsa tʋɔŋ.’

1 Kɔrɩntɩ Nɩaa 1:20

Dɩ ŋɩɩ nɛ ŋaa, nɩɩ nɛ wʋjɩnna-la jaŋ hɛ? Wʋjɩŋ kɩŋkɛŋ tɩmma-la, nɩɩ nɛ ba jaŋ hɛ? Teŋ-jɩnnɩ babiibala-la ba ma jaŋ hɛ nɩɩ? Wɩa daga arɩ dʋnɩa deeŋ wʋjɩmɩŋ ŋaa nɩyaarɩ wʋjɩmɩɩ nɛ.

1 Kɔrɩntɩ Nɩaa 1:21

Wɩa sɩ kɛŋ wʋjɩmɩŋ, ŋɩɩ nɛ tɩɩ ʋ wuo ŋaa dɩ nuhuobiine sɩ́ ʋ tɩtɩa wʋjɩmɩŋ lɛ to a jɩŋ ʋ-na Wɩa. Nɩaa sɩ dɩ Wɩa wʋzɔmɔ-la la sɩɩ bʋl ŋaa wʋtɔɔnʋ nɛ, ama Wɩa to wɩalɩŋ lɛ nɛ a laa nɩalɩŋ sɩ laa wɩalɩŋ dii a ta.

2 Kɔrɩntɩ Nɩaa 4:4

Nɩaa deemba Sɩtaanɩ nɛ tɔ ba wʋjɩmɩŋ dɩ ba sɩ́ wuo na Wɩa wʋzɔmɔ-la pʋlʋmʋŋ. Wɩa wʋzɔmɔ-la nɩɩ dagɛ Kirisito tʋla, Nɩɩ-la sɩ nagɛ Wɩa.

Ɛfɛsɩs Nɩaa 6:12

Ama la bɩ naga nɩalɩŋ sɩɩ yuo nuhuobiinee. Laa yuo Sɩtaanɩ arɩ ʋ harɩ-tooroo nɛ, arɩ kʋŋkala sɩ kɛŋ doluŋ nɩalɩŋ sɩ hɛ birimiŋ tʋɔŋ teeŋ. Dʋnɩa deeŋ arɩ dol-bɔmɔ-la kala sɩ hɛ wɩa-nyuŋ, ba nɛ laa yuo.

Koloosi Nɩaa 2:15

Ʋ laa kɩalɩŋ kala la sɩ bɩ na ka ba kɛŋ doluŋ a bibeŋ leriŋ doluŋ nɛ. Ʋ sɩ sʋʋ daagɛsɛ nyuŋ ŋɩɩ, ʋ yuo diiba nɛ a hɩɩsɛba nʋʋkala na.

Hiburu TƖŊŊAA 2:14

Biiri-la Wɩa sɩ joŋo pɩ Kirisito kɛŋ chalɩŋ arɩ yaraa nɛ. Ŋɩɩ tɩtɩa nɛ Kirisito ma bɩrɩmɛ nuhuobiiŋ a kɛŋ chalɩŋ arɩ yaraa dɩ ʋ sʋʋ a wuo yuo dii Sɩtaanɩ, nɩɩ-la sɩ kɛŋ sʋʋŋ doluŋ,

1 Jɔɔŋ 3:8

Ama nɩɩ-la kala ha sɩɩ ŋaa wʋbɔŋŋɔɔ, ʋ ŋaa Sɩtaanɩ nʋʋ nɛ. Sɩtaanɩ ŋaa wʋbɔŋŋɔɔ bumbuŋ kala nɛ a kaa kɔ arɩ jɩnɩŋ kala. Wɩɩ-la sɩ tɩɩ Wɩa Bie kɔ dʋnɩa nɛ ŋ-la: Ʋ kɔ dɩ ʋ chei Sɩtaanɩ tɩntɩŋŋaa nɛ.

1 Jɔɔŋ 4:4

Mɩ biiri, ma nɛ ŋaa nɩalɩŋ Wɩa sɩ tɩɩ. Ma nɛ lɛɛlɛ kɛŋ doluŋ a kɩɩ nɩalɩŋ sɩ nyɩɛ wɩaa arɩ ba ŋaa Wɩa wʋlaabʋlla nɛ, bɛɛ wɩaa Wɩa Dɩŋ-zɔmʋŋ sɩ hɛ ma lɛ nɛ kɛŋ doluŋ a kɩɩ dol-la dʋnɩa nɩaa sɩ kɛnɛ.

1 Jɔɔŋ 5:19

La jɩma la ŋaa Wɩa biiriŋ nɛ. Nɩkaana-la-na kala sɩ hɛ dʋnɩa lɛ hɛ Sɩtaanɩ nɩsɩŋ lɛ nɛ.