Jɔɔŋ 12:26 - WƖA TENIŊ

²⁶ Nɩɩ-la kala sɩ cho dɩ ʋ tɩma pɩpɩmɛ, maga ʋ to mɩ harɩŋ. Lee-la kala mɩ sɩ hɛ, ʋ tɩɩna ma jaŋ hɛ nɩmɛ. Dɩ nʋʋkala nɛ tɩma pɩpɩmɛ, mɩ Nyɩmma jaŋ zil ʋ tɩɩna.

Jɔɔŋ 12:26 ပူးပေါင်းရင်းမြစ်များ

WƖA YƖƖLAA 17:15

Ama mɩ-na jaŋ naŋ, bɛɛ wɩaa mɩ ŋaa tʋɔpʋl tɩɩna nɛ. Dɩ mɩ nɛ sie, mɩ yie na ŋɩɩ ŋ sɩ naga nɛ, mɩ tʋɔŋ tɔrɛ.

WƖA YƖƖLAA 91:15

Dɩ ba nɛ yɩrɛmɛ, mɩ jaŋ sɛɩ. Dɩ ba nɛ jʋʋ wɩɩ ma, mɩ jaŋ hɛ ba teeŋ, a laaba ta a zilba.

NAMAGABA 27:18

Nɩɩ-la kala sɩ chɔnsɛ tɩa-la nɛnɛɛ ba sɩɩ dii a beŋ ʋ nyuŋ, ʋ jaŋ dii ʋ nɛnɛɛ. Nɩɩ-la kala sɩ beŋ ʋ nɩhɩaŋ nyuŋ woruŋ, nɩaa jaŋ zilu.

NAMBABA 14:24

Ama mɩ tɩntɩnna Kalɩb mɛlɛ bɩ ba naga, ʋ kɛŋ ʋ tʋɔŋ kala nɛ aa tomi. Mɩ jaŋ kɛnʋ mʋ tintee-la ʋ sɩ laa sɩpaaŋ mʋ beŋ. Ʋ doho nɩaa jaŋ tɩɩ tintee-la.

NAMBABA 32:11

Ʋ sɩ, ‘A tɩŋ ba sɩ bɩ mɩ to arɩ ba tʋɔŋ kala, baala-la kala sɩ lɩɩ Ijipiti tinteeŋ lɛ a yi jɩsɩŋ mara koo a kɩɩ ŋɩɩ bɩ jaŋ na tintee-la mɩ sɩ hɛ niiŋ pɩ Abɩraham, Aɩzɩk arɩ Jekɔb arɩ mɩ jaŋ joŋo pɩba,

Matiu 16:24

Ŋɩɩ nɛ ʋ bʋla pɩ ʋ harɩ-tooroo, “Dɩ nʋʋkala nɩɩ chɛ dɩ ʋ tomi, see dɩ ʋ vɩa ʋ tɩtɩa wombiiŋ aŋ joŋ ʋ daagɛsɛ baasɛ a to mɩ harɩŋ.

Matiu 25:21

Ŋɩɩ nɛ ʋ kʋhɩaŋ-la bʋla pʋ, ‘Ŋ ŋaa tɩntɩnnɩ-tɩtɩɩ nɛ. Ŋ hɛ doluŋ nɛ a wuo beŋ kɩaa sɩ bɩ yʋgɛ nyuŋ woruŋ, mɩ jaŋ leŋ dɩ ŋ bibeŋ kʋkɛnɛɛ. Kɔ dɩ mɩ dɩŋ kala nɩnɩɩ sɩma.’

Maak 8:34

Ŋɩɩ nɛ ʋ yɩrɛ ʋ harɩ-tooroo arɩ nɩalɩŋ kala ba kɔ, ʋ bʋla pɩba, “Dɩ nʋʋkala nɩɩ chɛ dɩ ʋ tomi, see dɩ ʋ vɩa ʋ tɩtɩa wombiiŋ aŋ joŋ ʋ daagɛsɛ baasɛ a tomi.

Luuk 12:37

Dɩ ba kʋhɩaŋ nɛ mɩɩra kɔ a na dɩ ba weye a ŋaa siri, ba tʋɔŋ jaŋ tɔrɛ. Wʋtɩtɩɩ, mɩ bʋlaa pɩma, ʋ jaŋ laalɛ gɛnnɩŋ aŋ leŋ dɩ ʋ tɩntɩnna-la hɔŋ, dɩ ʋ ŋaa kʋdiilee pɩba dɩ ba dii.

Luuk 6:46

Ŋɩɩ nɛ Yesu bɩra bʋl, “Bɛɛ nɛ tɩɩ ma kɛmmɛ yɩyɩrɛ ‘La Tɩɩna, La Tɩɩna,’ aŋ bɩ wɩalɩŋ mɩ sɩɩ bʋl ka ŋaa?

Luuk 9:23

Ŋɩɩ nɛ ʋ bʋla pɩ nɩalɩŋ kala, “Dɩ nʋʋkala nɩɩ chɛ dɩ ʋ tomi, see dɩ ʋ vɩa ʋ tɩtɩa wombiiŋ aŋ joŋ ʋ daagɛsɛ baasɛ tapʋlɩɩ-na kala a to mɩ harɩŋ.

Jɔɔŋ 10:27

Mɩ piesee nɩɩ mɩ yikoro nɛ, mɩ ma jɩmba, ba tuto mɩ harɩŋ.

Jɔɔŋ 13:16

Wʋtɩtɩɩ nɛ mɩ bʋlaa pɩma, tɩntɩnnʋ kala bɩ ʋ kʋhɩaŋ kɩɩ, nɩɩ-la ma ba sɩ tɩma, ʋ ma bɩ nɩɩ-la sɩ tɩmʋ kɩɩ.

Jɔɔŋ 14:15

Ŋɩɩ nɛ Yesu bɩra bʋl, “Dɩ ma nɛ chomi, ma jaŋ tuto mɩ niiŋ wɩaa.

Jɔɔŋ 14:3

Dɩ mɩ nɛ mʋa a wasɛ lee-la bil ma lɛ dɛrɛ, mɩ jaŋ bɩra kɔ a kɛmma kaa mʋ mɩ teeŋ, dɩ la kala hɛ dɩ-bala.

Jɔɔŋ 15:20

Mɩ laa sɩpaaŋ bʋla pɩma arɩ tɩntɩnnʋ bɩ ʋ kʋhɩaŋ kɩɩ. Má liisi wɩɩŋ deeŋ. Ba sɩ dɔgɩsɛmɛ ŋɩɩ, ba jaŋ dɔgɩsɛ ma ma ŋɩɩ. Dɩ ba nɛ fa sɛɩ mɩ niiŋ wɩaa, ba fa jaŋ sɛɩ ma ma niiŋ wɩaa.

Jɔɔŋ 17:24

Mɩ Nyɩmma, ŋ paala chomi nɛ a leŋ mɩ laa yɩrɩŋ, ka dʋnɩa-na suomi. Mɩ saa chɛ dɩ ŋ leŋ dɩ nɩalɩŋ ŋ sɩ lɩɩsa pɩmɛ, dɩ ba hɛ mɩ teeŋ lee na-kala mɩ sɩ jaŋ hɛ nɛ, dɩ ba wuo na ŋɩɩ ŋ sɩ leŋe mɩ laa yɩrɩŋ.

Jɔɔŋ 21:22

Ŋɩɩ nɛ Yesu bʋla pʋ, “Dɩ mɩ nɩɩ chɛ dɩ ʋ hɛ nɩmɛ ka dɩ mɩ-na mɩɩra kɔ dʋnɩa, ŋ sɩpaa tuo nɩmɛ. To mɩ harɩŋ.”

Rom Tɩŋŋaa 1:1

Mɩ-na Pɔɔl sɩ ŋaa Yesu Kirisito tɩntɩnna, mɩ nɛ ŋmʋnsɛ teniŋ deeŋ a pɩpɩ ma Rom tɩŋŋaa. Wɩa nɛ yɩrɛmɛ mɩ ŋaa ʋ nanzɔɔ. Ʋ lɩɩsɛmɛ dɩ mɩ bʋl ʋ wʋzɔmɔ-la a pɩ nɩaa nɛ.

Rom Tɩŋŋaa 14:18

Nʋʋkala sɩ to wombiiŋ deeŋ lɛ a tɩma pɩ Kirisito, Wɩa tʋɔŋ jaŋ tɔrɛ ʋ nyuŋ, dɩ nɩaa ma zizilu.

2 Kɔrɩntɩ Nɩaa 4:5

Wɩalɩŋ la sɩɩ bʋl, ʋ bɩ naga la tɩtɩa wɩaa nɛ la bʋbʋl, ama Yesu Kirisito wɩaa nɛ la bʋbʋl, Nɩɩ-la sɩ tɩɩ nʋʋkala. Ʋ wɩaa nɛ tɩɩ la tɩma pɩpɩma.

2 Kɔrɩntɩ Nɩaa 5:8

La nyuŋ nyaasa nɛ, la saa cho dɩ la lɩɩ dʋnɩa deeŋ lɛ a mʋ La Tɩɩna Yesu teeŋ.

Galiisia Nɩaa 1:10

Ma bɩɩna arɩ mɩ bʋl wɩɩŋ deeŋ a chɩchɛ dɩ mɩ laa yɩrɩŋ nɩaa teeŋ nɛɛ? Wɩa teeŋ nɛ mɩ chɩchɛ mɩ laa yɩrɩŋ. Ma bɩɩna mɩɩ chɛ dɩ nɩaa nɛ zizilmii? Dɩ mɩ nɛ faa chɛ dɩ nɩaa zizilmi, mɩ fa bɩ jaŋ ŋaa Kirisito tɩntɩnnʋ.

Fɩlɩpa Nɩaa 1:23

Mɩ hɛ wɩaa deemba balɩa pɛgɛ nɛ. Mɩ fa cho nɛ woruŋ dɩ mɩ lɩɩ dʋnɩa deeŋ lɛ a mʋ Kirisito teeŋ. Ʋ nɛ kpɩa mɩ sɩ jaŋ hɛ dʋnɩa deeŋ lɛ.

Koloosi Nɩaa 3:24

Má sɩ́ yʋ arɩ Wɩa jaŋ pɩma ma time, kɩalɩŋ ʋ sɩ ŋaa bil ʋ nɩaa lɛ Wɩa-jaŋ lɛ. La Tɩɩna Kirisito nɛ ma tɩma pɩpa.

Koloosi Nɩaa 4:12

Ɛpafɩras ma sɩ lɩɩ ma jaŋ ka chʋɔlɛma. Ʋ ma ŋaa Yesu Kirisito tɩntɩnna-la dɔŋɔ nɛ aa tɩŋ ʋ tɩntɩŋŋaa. Ʋ yie chʋɔlɛ Wɩa pɩpɩma arɩ sɩɩfɩɛsɩŋ, dɩ ma waa dɛrɛ Wɩa wɩaa lɛ a jɩŋ woruŋ wɩalɩŋ kala Wɩa sɩɩ chɛ dɩ ma ŋaa.

2 Pɩɩta 1:1

Mɩ-na Saamɔŋ Pɩɩta nɛ ŋmʋnsɛ teniŋ deeŋ pɩpɩma. Mɩ ŋaa Yesu Kirisito tɩntɩnnʋ nɛ a ŋaa ʋ nanzɔɔ ma. Mɩ ŋmʋnsɛ teniŋ deeŋ pɩpɩ ma nɩalɩŋ ma sɩ laa Yesu Kirisito wɩaa dii arɩ la ma sɩ laa ʋ wɩaa dii ŋɩɩ. La dɩ ma kala ŋaa tʋɔpʋl tɩmma nɛ a tɩŋ Wɩa arɩ la Laataara Yesu Kirisito wɩaa.

1 Jɔɔŋ 5:3

Dɩ la nɩɩ to wɩalɩŋ ʋ sɩ dagɛla, ŋɩɩ dagɛ arɩ la cho Wɩa nɛ. Ʋ bɩ hɛɩ a pɩla dɩ la to wɩaa deemba,

Juud 1:1

Mɩ-na Juud nɛ ŋmʋnsɛ teniŋ deeŋ. Mɩ ŋaa Yesu Kirisito tɩntɩnnʋ nɛ a ŋaa Jeems naambii ma. Mɩ ŋmʋnsɛ teniŋ deeŋ a pɩpɩ nɩalɩŋ Wɩa sɩ yɩra, nɩalɩŋ la Nyɩmma Wɩa sɩ cho, nɩalɩŋ Yesu Kirisito sɩɩ pɔ.

Jɔɔŋ Wʋnaalaa 14:4

Nɩaa deemba nɛ ŋaa nɩalɩŋ sɩ bɩ wʋlɩɩlɩŋ ŋaa, a lɩɩsɛ ba tɩta disiŋ kala lɛ. Ba nɩɩ to Pie-bie-la harɩŋ lee-na kala ʋ sɩɩ mʋ. Ba nɛ Wɩa laa sɩpaaŋ lɩɩsɛ nuhuobiinee tʋɔŋ, dɩ ba ŋaa Wɩa arɩ Pie-bie-la tʋɔpʋl tɩŋŋaa.

1 SAMƲƐL 2:30

Ŋɩɩ wɩaa, mɩ-na ma TƖƖNA, Iziral tɩŋŋaa Wɩa sɩ: Mɩ fa bʋla pɩ ŋ dɩa nɩaa arɩ ŋ nyɩŋ-nɩaa, dɩ ba nɛ ŋaa Wɩɩsʋllɩ sɩpaalaaraa bʋa na-kala, ama lɛɛlɛ mɩ bʋla arɩ ŋɩɩ bɩra bɩ jaŋ chɩŋ. Nɩalɩŋ sɩɩ zilmi, mɩ ma jaŋ zilba, aŋ bɛrɛ nɩalɩŋ sɩ bɩ mɩ kaa tɩtɩŋ.