Jɔɔŋ 12:23 - WƖA TENIŊ

²³ Yesu bʋla pɩba, “Bʋa-la lɛɛlɛ kpaga nɛ dɩ mɩ-na Nuhuobiine Bie laa yɩrɩŋ.

Jɔɔŋ 12:23 ပူးပေါင်းရင်းမြစ်များ

AZAAYA 55:5

Lɛɛlɛ tinteye-la nɩaa ma fa sɩ bɩ jɩŋ, ma jaŋ yɩrɛba hilimi. Tinteye-la nɩaa ma sɩ bɩ jɩŋ jaŋ jegile nɩɩ ma teeŋ, ba jaŋ fá a yʋasa kɔ ma teeŋ a tɩŋ yuŋ-la ma TƖƖNA Wɩa sɩ bɩ disiniŋ kɛnɛ sɩ joŋo pɩma wɩaa.”

AZAAYA 60:9

Tinteye-la lɩɩŋ sɩ gollo chu nɩaa sɛnɛ ka gbɛrɛ mɩ-na ma TƖƖNA nɛ. Lɩɩŋ daborusuŋ yʋga nɛ a laa sɩpaaŋ a lɩɩ Taasɩs kʋkɔ. Ŋ nɩaa sɩ hɛ dɩ-boloo nɛ ba paa kʋkɔ dɩa. Ba pɛ chʋŋ hɔpʋla arɩ sɛlɩmɛ nɛ dɩ ba kaa kʋ zil mɩ-na ma TƖƖNA Wɩa, Iziral tɩŋŋaa Wɩa sɩ bɩ disiniŋ kɛnɛ, bɛɛ wɩaa ʋ nɛ leŋe ŋ kɛŋ tʋla.

Matiu 25:31

Dɩ mɩ-na Nuhuobiine Bie nɛ dii mɩ kuoruŋ a kɔ, mɩ dɩ Wɩa tɩndaaraa kala jaŋ kɔ. Ŋɩɩ nɛ mɩ jaŋ hɔŋ mɩ kuoru kpasa nyuŋ a chaanɛ.

Matiu 26:45

Ŋɩɩ nɛ ʋ mɩɩra kɔ ʋ harɩ-tooroo teeŋ a pɩɛsɛba, “Ma ha pɩnaa wiesi nɛɛ? Má bee na, bʋa-la yie nɛ. Ba jaŋ kɛŋ mɩ-na Nuhuobiine Bie a hɛ wʋbɔŋ ŋaaraa nɩsɩŋ lɛ.

Maak 14:35

Ba hɔŋ. Ka ʋ sʋʋsa mʋ sɩpaaŋ mʋa a tuu kpirimi tinteeŋ a sʋl Wɩa a bʋl dɩ ʋ nɛ kɛŋ wombiiŋ, dɩ ʋ sɩ́ leŋe dɩ wɩɩ-la jʋʋ-ʋ lɛ

Maak 14:41

Ʋ mɩɩra mʋ torimuŋ aŋ kʋ pɩɛsɛba, “Ma ha pɩnaa wiesi nɛɛ? Ʋ maga nɛ má sii, bʋa-la yie nɛ. Ma bee na, ba jaŋ kɛŋ mɩ-na, Nuhuobiine Bie a pɩ wʋbɔŋ ŋaaraa.

Jɔɔŋ 12:16

Yesu harɩ-tooroo fa bɩ wɩɩ-la bʋbʋɔŋ jɩŋ, ama Yesu sɩ sʋba aŋ sii sʋʋŋ lɛ a laa yɩrɩŋ ŋɩɩ, bʋa-la lɛ nɛ ba liisi arɩ wɩalɩŋ ba sɩ ŋmʋnsa a tɩgɛ ʋ lɛ nɛ, ba sɛnɛ ŋaa ʋ lɛ ŋɩɩ.

Jɔɔŋ 12:27

Lɛɛlɛ mɩ tʋɔŋ bɩ dɩ-bala pɩna. Bɛɛ nɛ saa mɩ jaŋ bʋl? Mɩ saa bʋl dɩ mɩ Nyɩmma sɩ́ leŋe dɩ wɩalɩŋ kala sɩ jaŋ ŋaa mɩ lɛ ŋaa koo? Aɩ, mɩ bɩ jaŋ wuo bʋl ŋɩɩ. Wɩaa deemba sɩ jaŋ ŋaa mɩ lɛ wɩaa nɛ tɩɩ mɩ kɔ dʋnɩa.

Jɔɔŋ 13:1

Ʋ fa ka tapʋl-bala nɛ, ka dɩ Juu tɩŋŋaa dɩɩsɩŋ kiele bal gbiele-la yi. Yesu jɩma arɩ bʋa-la lɛ sɩ maga dɩ ʋ lɩɩ dʋnɩa deeŋ lɛ a mʋ ʋ Nyɩmma teeŋ yie nɛ. Ʋ cho nɩalɩŋ sɩɩ to ʋ harɩŋ nɛ dʋnɩa deeŋ lɛ. Bʋa deeŋ lɛ nɛ ʋ chaasa dagɛ chono-la kɩŋkɛŋ ʋ sɩ kɛnɛ arɩ ʋ harɩ-tooroo.

Jɔɔŋ 7:39

Yesu bʋl wɩaa deemba a tɩgɛ Wɩa Dɩŋ-zɔmʋŋ ʋ sɩ jaŋ joŋo hɛ nɩalɩŋ sɩ laa ʋ wɩaa dii lɛ nɛ. Bʋa-la lɛ dɩ ʋ ha bɩ Wɩa Dɩŋ-zɔŋ-la joŋo hɛ ba lɛ, bɛɛ wɩaa ʋ ha bɩ sʋʋŋ lɛ sie dɩ ʋ laa yɩrɩŋ.