Jɔɔŋ 12:20 - WƖA TENIŊ

²⁰ Nɩalɩŋ sɩ lɩɩ Giriisi tinteeŋ dɔnsʋŋ ma fa hɛ nɩalɩŋ sɩ mʋ Jerusalɛm dɩ ba chʋɔlɛ Wɩa gbiele-la lɛ tʋɔŋ nɛ.

Jɔɔŋ 12:20 ပူးပေါင်းရင်းမြစ်များ

AZAAYA 11:10

Tapʋlɩɩ-la nɛ yie, kuoru-la sɩ jaŋ lɩɩ Jesi gentine lɛ jaŋ chɩŋ a nagɛ tuuta nɩaa teeŋ, tinteyee jaŋ kɔ ʋ teeŋ a zilu.

Maak 7:26

Haal-la fa ŋaa Giriik tɩɩna nɛ, ka ba lʋlʋ Fɔnɩɩsɩa sɩ hɛ Siiria tinteeŋ lɛ, ŋɩɩ nɛ haal-la sʋl Yesu dɩ ʋ kiri jɩŋ-bɔŋ-la ʋ tolo lɛ.

Jɔɔŋ 12:1

Lɛɛlɛ ʋ ka tapʋlaa balɩdʋ nɛ, ka dɩ Juu tɩŋŋaa dɩɩsɩŋ kiele bal gbiele-la-na yi. Ŋɩɩ nɛ Yesu sii mʋ Bɛtanɩ, lee-la Lazarɔs sɩ hɛ, baal-la ʋ fa sɩ chɩsa sʋʋŋ lɛ.

Jɔɔŋ 12:19

Ŋɩɩ nɛ Farisii tɩmma-la bʋla pɩ dɔŋɔ, “La bɩ wɩɩkala wuo ŋɩŋaa. Má bee na, dʋnɩa nɩaa kala nɩɩ to ʋ harɩŋ ŋɩɩ.”

Jɔɔŋ 7:35

Ŋɩɩ nɛ Juu tɩmma-la pɩpɩɛsɛ dɔŋɔ, “Nɩɩ nɛ ʋʋ chɛ dɩ ʋ mʋ la bɩ jaŋ wuo naʋ? Ʋʋ chɛ ʋ mʋ Giriik tinteeŋ, lee-la Juu tɩŋŋaa sɩ pɩsa hɛ nɛ, a dɩdagɛbaa?

Tɩntɩŋŋaa 14:1

Pɔɔl arɩ Banabas sɩ hɛ Ikooniam lɛ, ba jʋʋ Juu tɩŋŋaa Wɩɩchʋɔlɛ dɩa a bʋl Wɩa wɩaa. Ba sɩ chaasa bʋl Wɩa wɩaa ŋɩɩ, nɩ-daŋ kʋ laa Yesu wɩaa dii, Juu tɩŋŋaa arɩ nɩalɩŋ sɩ bɩ Juu tɩŋŋaa ŋaa kala.

Tɩntɩŋŋaa 16:1

Ŋɩɩ nɛ Pɔɔl arɩ Saalas sii mʋ Dɛɛbɩ, a lɩɩ nɩmɛ a mʋ Lisita. Yesu harɩ-tooru kʋbala fa hɛ nɩmɛ, baa yɩrɛ Timoti. Ʋ naaŋ ŋaa Juu tɩɩna nɛ a ma fa laa Yesu wɩaa dii, aŋ ka ʋ nyɩmma fa ŋaa Giriik tɩɩna.

Tɩntɩŋŋaa 17:4

Juu tɩmma-la dɔnsʋŋ laa wɩalɩŋ dii a pɛ Pɔɔl arɩ Saalas lɛ. Ba tʋɔŋ Giriik tɩmma-la sɩɩ fá Wɩa arɩ haala-la sɩ ŋaa nɩbalaa ba taŋ lɛ ma yʋga a laa wɩalɩŋ dii a pɛ ba lɛ.

Tɩntɩŋŋaa 20:21

Mɩ bʋla pɩ Juu tɩŋŋaa arɩ nɩalɩŋ sɩ bɩ Juu tɩŋŋaa ŋaa kala arɩ sɩɩfɩɛsɩŋ dɩ ba bɩrɩma lɩɩ ba wʋbɔŋŋɔɔ lɛ aŋ kʋ to Wɩa, a laa La Tɩɩna Yesu wɩaa dii.

Tɩntɩŋŋaa 21:28

Ba faasa kpɩa, “Iziral tɩmma, má kʋ pɛ la lɛ. Baal-la sɩ gɔllɛ lee-kala a dɩdagɛ wɩaa lee-na kala a chichei la nɩaa sɩɩ to wombii-la, aa chei Mosis fa sɩ ŋmʋnsɛ wɩalɩŋ bil dɩ nɩaa tuto maa, a bʋl wʋbɔŋŋɔɔ a tɩgɛ Wɩa dɩɩ-balɩŋ deeŋ ma lɛ, ʋ nɩɩ kɔ daha ŋɩɩ. Ʋ paala kɛŋ Giriik tɩŋŋaa kaa kʋ jʋʋ Wɩa dɩɩ-bal-la, a ŋaa leriŋ deeŋ sɩ bɩ disiniŋ kɛnɛ kɛŋ disiniŋ.”

Tɩntɩŋŋaa 8:27

Ʋ sɩ lɩa dɩ ʋ mʋ, ʋ cheŋ baal kʋbala dɩ ʋ lɩɩ Itoopia tinteeŋ. Ʋ ŋaa bafere nɛ a tɩma pɩpɩ Itoopia kuoro ba sɩɩ yɩrɛ Kandaasɩ. Kandaasɩ fa ŋaa haal nɛ. Ba-fere-la nɛ faa beŋ ʋ kɩaa kala. Ʋ fa mʋ Jerusalɛm nɛ a chʋɔlɛ Wɩa aŋ hɔŋ ʋ toruko nyuŋ,

Rom Tɩŋŋaa 1:16

Mɩ bɩ hɩɩsɩŋ ka fá dɩ mɩ bʋl Wɩa wʋzɔmɔ-la, bɛɛ wɩaa ʋ nɛ ŋaa Wɩa doluŋ. Nɩalɩŋ sɩ laaba dii, Juu tɩŋŋaa arɩ nɩalɩŋ sɩ bɩ Juu tɩŋŋaa ŋaa kala, Wɩa jaŋ laaba ta.

Rom Tɩŋŋaa 10:12

Juu tɩŋŋaa arɩ nɩalɩŋ sɩ bɩ Juu tɩŋŋaa ŋaa, ba kala ŋaa kʋbala nɛ Wɩa teeŋ. Ʋ bɩ ba kaa pɔrɛ. Ʋ ŋaa nʋʋkala Tɩɩna nɛ. Dɩ nʋʋkala nɛ yɩrʋ, ʋ jaŋ pɛ ʋ tɩɩna lɛ woruŋ.

Galiisia Nɩaa 2:3

Taatɩs sɩɩ to mɩ harɩŋ fa ŋaa Giriik tɩɩna nɛ, ama ba bɩ ʋ fʋga dɩ ʋ keri ʋ peniŋ.

Galiisia Nɩaa 3:28

Lɛɛlɛ, la bɩra bɩ nɩaa kaa pʋpɔrɛ. Dɩ ŋ ŋaa Juu tɩɩna koo dɩ ŋ bɩ ŋaa, dɩ ŋ ŋaa yoŋ koo dɩ ŋ tɩɩ ŋ tɩtɩa, dɩ ŋ ŋaa haal koo baal, ma kala ŋaa kʋbala nɛ Kirisito Yesu teeŋ.

Koloosi Nɩaa 3:11

Mɛl-falɩŋ deeŋ tʋɔŋ ʋ bɩ wɩɩ kɛnɛ dɩ ma ŋaa Juu tɩŋŋaa koo ma bɩ Juu tɩŋŋaa ŋaa, dɩ ma keri ma penee koo ma bɩ ma penee kere, dɩ ma ŋaa nʋhʋɔraa, koo dɩ ma ŋaa nɩalɩŋ sɩaa sɩ bɩ suro, dɩ ma ŋaa yosuŋ koo dɩ ma tɩɩ ma tɩtɩa. Wɩa nɩaa tʋɔŋ, Kirisito nɛ ŋaa ba wʋnyuŋ, ʋ hɛ ba kala lɛ nɛ.