Jɔɔŋ 12:13 - WƖA TENIŊ

¹³ Ŋɩɩ nɛ ba kala kaarɛ abɛ pɩpaarɩŋ a kaa mʋ dɩ ba chemu, a faasa ŋaa goŋ a bʋbʋl, “Tabarɩkala. Wɩa jaŋ pɛ nɩɩ-la sɩɩ kɔ La Tɩɩna Wɩa doluŋ lɛ. Ʋ nɛ ŋaa la Iziral tɩŋŋaa kuoro.”

Jɔɔŋ 12:13 ပူးပေါင်းရင်းမြစ်များ

AZAAYA 44:6

La TƖƖNA doluŋ kala Tɩɩna sɩ ŋaa Iziral tɩŋŋaa kuoro arɩ ba Laataara sɩ, “Mɩ nɛ dɩ-suomuŋ arɩ dɩ-dɛrɩŋ, Wɩa dɔŋ kala tuo a pɛ mɩ lɛ.

HOSIA 3:5

Ʋ ŋɩɩ harɩŋ lɛ, Iziral tɩŋŋaa jaŋ mɩɩra chɛ ba TƖƖNA Wɩa arɩ ba kuoro Devit leriŋ. Ba jaŋ fɩfá La TƖƖNA a kɔ ʋ teeŋ tapʋlaa dɩdɛrɩŋ a chɩchɛ dɩ ʋ pɛ ba lɛ dɩ ba na wʋzɔŋŋɔɔ.

LEVI DOHO NƖAA 23:40

Tapʋl-bumbuŋ-la má tɔrɛ ma tɩɩ-nɛŋ-zɔŋŋɔɔ, a chɔl abɛ pɩpaarɩŋ, a chɔl tɩɩ-naakelee sɩ kɛŋ pɩpaarɩŋ a jʋɔsɛ mɩ-na ma TƖƖNA Wɩa sɩpaaŋ tapʋlaa balɩpɛ.

ZEFANAAYA 3:15

La TƖƖNA leŋ ma dɔgʋsʋŋ nɛ, ʋ kiri ma dʋndɔŋŋɔɔ ba mɩɩrɛ nɛ. La TƖƖNA, Iziral tɩŋŋaa Kuoru-balɩŋ hɛ ma teeŋ nɛ, ma bɩra bɩ jaŋ fɩfá wʋwalɩmɩɩ kala.

Matiu 23:39

Ma bɩra bɩ jaŋ namɛ see bʋa-la lɛ ma sɩ jaŋ chʋɔlɛmɛ a bʋl, ‘Wɩa jaŋ pɛ nɩɩ-la sɩɩ kɔ La Tɩɩna Wɩa yɩrɩŋ lɛ.’ ”

Matiu 27:42

“Ʋ wuo nɩaa laa tɩta nɛ aŋ bɩ ʋ tɩtɩa wuo laa ta. Ʋ sɩ sɩ ʋ nɛ ŋaa Kirisito, Juu tɩŋŋaa kuoro, leŋ dɩ ʋ lɩɩ daagɛsɛ-la nyuŋ kʋ tuu dɩ la na a laa ʋ wɩaa dii.

Jɔɔŋ 1:49

Ŋɩɩ nɛ Natanɩal bʋla pʋ, “Kʋhɩaŋ, ŋ nɛ ŋaa Wɩa Bie. Ŋ nɛ ŋaa Iziral tɩŋŋaa kuoro ma.”

Jɔɔŋ 12:14

Ŋɩɩ nɛ Yesu na kaku-bie a hɔŋ ʋ nyuŋ. Ba fa ŋmʋnsɛ ŋɩɩ nɛ Wɩa teniŋ tʋɔŋ a bʋl,

Jɔɔŋ 12:15

“Ma nɩalɩŋ sɩ́ hɛ Zaayɔŋ lɛ, má sɩ́ fawʋllʋŋ fá. Ma kuoro nɩɩ kɔ ma teeŋ a jɩl kaku-pɔrʋŋ.”

Jɔɔŋ 19:15

Ŋɩɩ nɛ ba faasa kpɩa goŋ a bʋl, “Leŋ dɩ ba kɛnʋ kaa mʋ kpaasɛ daagɛsɛ nyuŋ.” Ŋɩɩ nɛ Paalɩt pɩɛsɛba, “Maa chɛ dɩ mɩ kpaasɛ ma kuoro daagɛsɛ nyuŋ nɛɛ?” Ŋɩɩ nɛ Wɩɩsʋllɩ sɩpaalaaraa kʋhɩasɩŋ bʋl, “La bɩ kuoru kala kɛnɛ a pɛ Siiza lɛ.”

Jɔɔŋ Wʋnaalaa 15:3

a yɩyɩɩ Wɩa tɩntɩnna Mosis yɩɩlɩŋ arɩ Pie-bie-la yɩɩlɩŋ. Yɩɩla-la ba sɩ yɩa nɛ ŋ-la: “La Tɩɩna Wɩa doluŋ kala Tɩɩna, wʋkpuŋkperisiŋ arɩ tɩntɩŋ-duoruŋ nɛ ŋ tɩtɩŋ. Ŋ kɛŋ wʋtɩtɩɩ nɛ a ŋɩŋaa wɩaa ba bʋa lɛ. Ŋ nɛ kuoro a kaa mʋ wuu.

Jɔɔŋ Wʋnaalaa 19:16

Ba ŋmʋnsɛ yɩrɩŋ deeŋ nɛ hɛ gɛrɩ-duduoŋ-la ʋ sɩ laala lɛ arɩ ʋ naapuiŋ lɛ: “KUOROO KALA KUOROO ARƖ LA TƖNNABA KALA TƖƖNA.”

Jɔɔŋ Wʋnaalaa 7:9

Ʋ ŋɩɩ harɩŋ nɛ mɩ beŋ a na nɩ-dandaŋ, nʋʋ bɩ ba wuo dɩɩsɛ, sɩ lɩɩ tintee-dosunuŋ, do-yiriba arɩ nɩdosunuŋ sɩɩ bʋl yikori-wogusuŋ. Mɩ na dɩ ba chɩŋ kuoru kpasa-la arɩ Pie-bie-la sɩpaaŋ a laalɛ gɛrɩ-pʋl-duduosuŋ, a kori abɛ pɩpaarɩŋ ba nɩsaa lɛ.