Jɔɔŋ 11:52 - WƖA TENIŊ

⁵² tinteeŋ deeŋ nɩaa ma dʋndʋŋa wɩaa dee, ama dɩ ʋ wuo pɛ kɛsɛ Wɩa biiri-la sɩ pɩsa hɛ leree dɔnsʋŋ ma a hɛ dɔŋɔ lɛ.

Jɔɔŋ 11:52 ပူးပေါင်းရင်းမြစ်များ

WƖAA DƖ-SUOMUŊ 49:10

Kuori-dantɩga-la bɩ jaŋ kɔ dɩ ʋ lɩɩ ŋ nɩsɩŋ lɛ koo dɩ ʋ paala sʋrɩsɛ ŋ naasɩŋ bʋbʋɔŋ, a mʋʋ yi nɩɩ-la sɩ maga dɩ ʋ tɩɩʋ. Tinteyee kala jaŋ tuto ŋ niiŋ.

WƖA YƖƖLAA 22:15

Mɩ doluŋ kala nɛ dɛrɛ a nagɛ pupoiŋ sɩ yɛrɛ. Mɩ nandelimiŋ ma hɩl a mɛrɛ mɩ tilimiŋ lɛ. Ŋ-na Wɩa nɛ lemmi ta dɩ mɩ sʋʋ kʋŋkɔlʋŋ lɛ.

WƖA YƖƖLAA 22:27

Nʋʋkala sɩ hɛ dʋnɩa lɛ jaŋ liisi La Tɩɩna wɩaa a mɩɩra kɔ ʋ teeŋ. Tinteye-la sɩ hɛ dʋnɩa lɛ nɩaa kala jaŋ kpirimi ʋ sɩpaaŋ a chʋɔlʋ,

WƖA YƖƖLAA 72:19

Má dɛnnɛ ʋ yɩrɩ-balɩŋ a kaa mʋ wuu, a leŋ dɩ ʋ tʋla su dʋnɩa kala. Amɩɩ, Amɩɩ.

AZAAYA 49:18

Beŋ leriŋ kala na, ŋ nɩaa ka kɔ ŋ teeŋ nɛ. Mɩ nɛ Wɩa sɩ weye, ŋ tʋɔŋ jaŋ tɔrɛ ŋ nɩaa nyuŋ arɩ ba sɩ yie kpɩɛrɛ ha-falɩŋ ʋ tʋɔŋ tɔrɛ ŋɩɩ.

AZAAYA 49:6

La TƖƖNA bɩra sɩ, “Ŋ bɩ jaŋ ŋaa mɩ tɩntɩnnʋ, a kɛŋ Iziral doho doho-la dʋndʋŋ mɩɩra kɔ mɩ teeŋ Jekɔb doho nɩkaana-la sɩ bɩ sʋba, ama mɩ ha jaŋ leŋ dɩ ŋ nɛ ŋaa nɩalɩŋ sɩ bɩ Juu tɩŋŋaa ŋaa ma pʋlʋmʋŋ, dɩ mɩ laatanɩŋ wuo yi dʋnɩa sɛmɛ na-kala.”

AZAAYA 55:5

Lɛɛlɛ tinteye-la nɩaa ma fa sɩ bɩ jɩŋ, ma jaŋ yɩrɛba hilimi. Tinteye-la nɩaa ma sɩ bɩ jɩŋ jaŋ jegile nɩɩ ma teeŋ, ba jaŋ fá a yʋasa kɔ ma teeŋ a tɩŋ yuŋ-la ma TƖƖNA Wɩa sɩ bɩ disiniŋ kɛnɛ sɩ joŋo pɩma wɩaa.”

AZAAYA 56:8

La TƖƖNA Wɩɩjarɩbakɔ, ʋ nɛ kɛŋ Iziral tɩmma-la ba sɩ kɛsɛ mʋ tintee-wogusuŋ mɩɩra kɔ ŋɩɩ, ʋ sɩ, “Mɩ ha jaŋ kɛsɛ nɩaa dɔnsʋŋ kʋ pɛ nɩalɩŋ mɩ sɩ laa sɩpaaŋ kɛsɛ kʋ hɛ dɔŋɔ lɛ.”

AZAAYA 60:4

Beŋ leriŋ na, wɩɩ-la sɩɩ ŋaa, ŋ nɩaa hɛ dɔŋɔ lɛ nɛ a kʋkɔ ŋ teeŋ. Ŋ hambolibiisi-la sɩ hɛ tintee-boloo lɛ ka kɔ nɛ. Ba paa ŋ toloo nɔgɛ nɛ a nagɛ hambiisiŋ a kaa kɔ.

ƐZƖKƖƐL 34:12

A nagɛ pie-daara piesee sɩ pɩsa ʋ kire hɛ dɔŋɔ a beŋ ba nyuŋ ŋɩɩ, ŋɩɩ nɛ mɩ jaŋ beŋ mɩ nɩaa. Mɩ jaŋ lorigo laaba a lɩɩ lere-la kala ba sɩ pɩsa mʋ tapʋlɩɩ-la duoŋ-bɩlɩmbaanaa arɩ birimiŋ sɩ tɔ.

HOSIA 1:10

Ama bʋa kʋbala jaŋ yi dɩ Iziral tɩŋŋaa pʋŋ a nagɛ hagɩla sɩ pɩŋ mʋgʋ-balɩŋ niiŋ nʋʋ sɩ bɩ jaŋ wuo magɩsɛ koo a dɩɩsɛ. Lee-la ba sɩ bʋla pɩba arɩ ba bɩ mɩ nɩaa ŋaa, ba jaŋ bɩra kɛmba yɩrɛ ‘Wɩa sɩ weye biiriŋ’.

Luuk 15:8

La joŋ arɩ haal nɛ hɛ nɩmɛ a kɛŋ sɛlɩmɛ moribii-biiŋ fii, dɩ dɔŋɔ lɛl. Ɛɛ nɛ ʋ jaŋ ŋaa? Ʋ jaŋ nyɩgɛ nyiniŋ a tii ʋ dɩa kala a beŋ woruŋ see dɩ ʋ naʋ.

Luuk 2:32

Bie deeŋ jaŋ nagɛ pʋlʋmʋŋ a dagɛ nɩalɩŋ sɩ bɩ Juu tɩŋŋaa ŋaa wombiiŋ, ka dɩ ŋ nɩaa Iziral tɩŋŋaa ma na.”

Jɔɔŋ 1:12

Ama nɩaa dɔnsʋŋ-na laaʋ, a laa ʋ wɩaa dii. Ŋɩɩ nɛ ʋ pɩba wombiiŋ dɩ ba wuo ŋaa Wɩa biiriŋ.

Jɔɔŋ 1:29

Ʋ taŋ sɩ pʋla, Jɔɔŋ na Yesu dɩ ʋ tʋʋlʋ kʋkɔ. Ʋ bʋl, “Má bee na, Wɩa Pie-bie-la nɛ ŋɩɩ. Ʋ nɛ laa dʋnɩa wʋbɔŋŋɔɔ ta.

Jɔɔŋ 10:16

Mɩ kɛŋ piesee dɔnsʋŋ ma, aŋ ka ba tuo piesee deemba tʋɔŋ. Mɩ jaŋ kɛŋ ba ma kaa kɔ. Ba ma jaŋ jɩŋ mɩ yikoro a kala ŋaa nɩbala piesee, ba pie-daara ma ŋaa kʋbala.

Jɔɔŋ 12:32

Ama dɩ ba nɛ kpaasɛmɛ daagɛsɛ nyuŋ, mɩ jaŋ ŋaa dɩ nɩaa kala kɔ mɩ teeŋ.”

Tɩntɩŋŋaa 18:10

Mɩ chɩŋ ŋ harɩŋ nɛ. Nʋʋkala bɩ jaŋ wuo kɛnɩŋ a ŋaaŋ wʋbɔŋ kala, bɛɛ wɩaa mɩ nɩaa yʋga taŋ deeŋ lɛ.”

Rom Tɩŋŋaa 3:29

Ma bɩɩna Wɩa ŋaa Juu tɩŋŋaa dʋndʋŋa Wɩa nɛɛ? Aɩ. Ʋ ŋaa nɩalɩŋ sɩ bɩ Juu tɩŋŋaa ŋaa ma Wɩa nɛ.

Rom Tɩŋŋaa 4:17

Ba fa ŋmʋnsɛ ŋɩɩ nɛ Wɩa teniŋ tʋɔŋ. Wɩa bʋla a tɩgɛ Abɩraham lɛ, “Mɩ leŋe ŋ ŋaa tintee daŋ nyɩmma nɛ.” Wɩa sɩpaaŋ Abɩraham nɛ ŋaa la nyɩmma. Wɩa-la sɩ wuo leŋ kɩalɩŋ kala sɩ sʋba, dɩ ba sii sʋʋŋ lɛ a kɛŋ mɩɩsɩŋ, aŋ bɩra wuo dagɛ wɩalɩŋ sɩ jaŋ ŋaa aŋ ha bɩ ŋaa, Wɩa deeŋ nɛ Abɩraham laa dii.

Ɛfɛsɩs Nɩaa 1:5

ʋ laa sɩpaaŋ bɩɩna bil nɛ arɩ ʋ jaŋ to Yesu Kirisito lɛ nɛ a leŋ dɩ la ŋaa ʋ biiriŋ. Ʋ tʋɔtɔrʋŋ lɛ nɛ ʋ ŋaa ŋɩɩ.

Ɛfɛsɩs Nɩaa 3:11

Wɩa fa bɩɩnɛ wɩɩŋ deeŋ faafaa kala nɛ a lɛɛlɛ to La Tɩɩna Yesu Kirisito lɛ a leŋ wɩalɩŋ sɛnɛ kʋ ŋaa wʋtɩtɩɩ.

Jeems 1:1

Mɩ-na Jeems sɩ ŋaa Wɩa arɩ La Tɩɩna Yesu Kirisito tɩntɩnna, mɩɩ chʋɔlɛ ma Juu tɩŋŋaa kala sɩ laa Yesu wɩaa dii a pɩsa hɛ nɩalɩŋ sɩ bɩ Juu tɩŋŋaa ŋaa tʋɔŋ.

1 Pɩɩta 1:1

Mɩ-na Pɩɩta sɩ ŋaa Yesu Kirisito nanzɔɔ, mɩ nɛ ŋmʋnsɛ teniŋ deeŋ a pɩpɩ ma nɩalɩŋ kala sɩ laa Yesu wɩaa dii aŋ tɩŋ hɛɛŋ wɩaa a pɩsɛ a hɛ Pɔntɔs lɛ, Galiisia, Kapadoosia, Esia, arɩ Bitiinia tinteeŋ kala lɛ.

1 Jɔɔŋ 2:2

Ʋ nɛ joŋ ʋ mɩɩsɩŋ a yɔɔ sʋʋŋ la wʋbɔŋŋɔɔ wɩaa, dɩ Wɩa joŋ la wʋbɔŋŋɔɔ a chɛla. La dʋndʋŋa wʋbɔŋŋɔɔ wɩaa dee, ama dʋnɩa nɩaa kala wʋbɔŋŋɔɔ wɩaa nɛ.

1 Jɔɔŋ 3:1

Ma na ŋɩɩ la Nyɩmma Wɩa sɩ chola. Ʋ chola kieli, ŋɩɩ nɛ tɩɩ ʋ kɛnla yɩyɩrɛ ʋ biiriŋ. Wʋtɩtɩɩ, la sɛnɛ ŋaa ʋ biiriŋ nɛ. Dʋnɩa nɩaa bɩ Wɩa jɩŋ, ŋɩɩ nɛ tɩɩ ba bɩ la ma jɩŋ ŋɩɩ.

1 Jɔɔŋ 3:10

Ŋ-la lɛ nɛ ma jaŋ wuo to jɩŋ Wɩa biiriŋ arɩ Sɩtaanɩ biiriŋ. Nɩɩ-la kala sɩ bɩ wɩaa ŋaa ba bʋa lɛ, koo nɩɩ-la kala sɩ bɩ ʋ dɔŋɔ tɩɩna cho, ʋ tɩɩna bɩ Wɩa bii ŋaa.

1 Jɔɔŋ 3:2

Mɩ nandɔŋ-kpɩanaba, lɛɛlɛ la ŋaa Wɩa biiriŋ nɛ. Ama Wɩa ha bɩ chaasa daga pʋllɛ ŋɩɩ la sɩ jaŋ nagɛ. Ama wɩɩ-la la sɩ jɩma nɛ ŋ-la: Bʋa-la lɛ Kirisito sɩ jaŋ kɔ, la ma jaŋ nagɛ ŋɩɩ ʋ sɩ naga, bɛɛ wɩaa la jaŋ na ʋ sɩ nagɛ ŋɩɩ kala.

Jɔɔŋ Wʋnaalaa 5:9

Ŋɩɩ nɛ nɩhɩasɩ-la arɩ kɩalɩŋ sɩ weye ta yɩɩl-falɩŋ aa yɩɩ, “Ŋ nɛ wuo laa teŋ-la ba sɩ mɛrɛ, a lɛrɛ kel-la ba sɩ kaa mɛrɛ, bɛɛ wɩaa ba kpʋŋ nɛ. Ba sɩ kpʋŋ ŋɩɩ, ŋ joŋ ŋ chalɩŋ a yɔɔ nuhuobiine mɩɩsɩŋ a pɩ Wɩa. Nɩalɩŋ ŋ sɩ yɔbɔ lɩɩ nɩdoho kala tʋɔŋ nɛ aa bʋl yikori doho kala a hɛ taŋ kala arɩ tintee kala lɛ.