Jɔɔŋ 11:47 - WƖA TENIŊ

⁴⁷ Ŋɩɩ nɛ Farisii tɩmma-la arɩ Wɩɩsʋllɩ sɩpaalaaraa kʋhɩasɩŋ arɩ nɩaa dɔnsʋŋ sɩ yie hilime vʋvʋʋrɛ wɩaa bʋl, “Bɛɛ nɛ la jaŋ ŋaa? Má na wʋmagɩla-la kala baala deeŋ sɩɩ ŋaa nɛ.

Jɔɔŋ 11:47 ပူးပေါင်းရင်းမြစ်များ

Matiu 26:3

Ŋɩɩ nɛ Wɩɩsʋllɩ sɩpaalaaraa kʋhɩasɩŋ arɩ Juu tɩŋŋaa kʋhɩasɩŋ kʋ hilimi Kayafas dɩa lɛ. Bʋa-la lɛ ʋ nɛ fa ŋaa Wɩɩsʋllɩ sɩpaalaaraa kʋhɩaŋ.

Matiu 5:22

Ama lɛɛlɛ mɩ jaŋ bʋla pɩma, nɩɩ-la kala sɩ na baanɩŋ ʋ naambie nyuŋ, ba jaŋ kɛnʋ kaa kʋ dii ʋ sarɩya. Nɩɩ-la ma kala sɩ yɩrɛ ʋ naambie nɩpɛɩpɛɩ, ba jaŋ kɛnʋ kaa mʋ nɩalɩŋ sɩ hilime vʋvʋʋrɛ wɩaa teeŋ. Nɩɩ-la ma kala sɩ yɩrɛ ʋ naambie a bʋl dɩ ʋ ŋaa nɩtɔɔ nɛ, ʋ tɩɩna jaŋ mʋ jʋʋ Wɩa nyiniŋ.

Maak 14:1

Tapʋlaa balɩa nɛ ka, ka dɩ ba dɩɩsɩŋ kiele bal gbiele-la yi, gbiele lɛ nɛ ba yie dii boroboro sɩ bɩ sɩbʋrʋŋ kɛnɛ. Ŋɩɩ nɛ Wɩɩsʋllɩ sɩpaalaaraa arɩ Wɩa teniŋ kerichiba chɩchɛ wombiiŋ dɩ ba lʋara kɛŋ Yesu a kpʋ.

Luuk 22:2

Ŋɩɩ nɛ Wɩɩsʋllɩ sɩpaalaaraa kʋhɩasɩŋ arɩ Wɩa teniŋ kerichiba wʋwalɩmɛ dɩ ba na wombii-la ba sɩ jaŋ to a kpʋ Yesu dɩ nɩalɩŋ bɩ jɩŋ, bɛɛ wɩaa baa fá nɩalɩŋ nɛ.

Jɔɔŋ 11:57

Bʋa-la lɛ, dɩ Wɩɩsʋllɩ sɩpaalaaraa kʋhɩasɩŋ arɩ Farisii tɩŋŋaa pa niiŋ, dɩ nʋʋkala nɛ jɩŋ Yesu sɩ hɛ lee-la, dɩ ʋ dagɛ, dɩ ba wuo kɛnʋ.

Jɔɔŋ 12:19

Ŋɩɩ nɛ Farisii tɩmma-la bʋla pɩ dɔŋɔ, “La bɩ wɩɩkala wuo ŋɩŋaa. Má bee na, dʋnɩa nɩaa kala nɩɩ to ʋ harɩŋ ŋɩɩ.”

Jɔɔŋ 2:11

Yesu sɩ ŋaa lɩɩŋ bɩrɩmɛ sɩnɩŋ Kena lɛ Galilii tinteeŋ nɛ ŋaa ʋ wʋmagɩl bumbuŋ ʋ sɩ ŋaa. Nɩmɛ nɛ ʋ dagɛ ŋɩɩ Wɩa doluŋ sɩ hɛ ʋ lɛ. Ʋ harɩ-tooroo sɩ na ŋɩɩ, ba laa ʋ wɩaa dii.

Jɔɔŋ 6:2

Nɩaa yʋga a tuto ʋ harɩŋ, bɛɛ wɩaa ba fa na ʋ sɩ ŋaa wʋmagɩla-la a vaarɛ nyanyal tɩŋŋaa nɛ.

Jɔɔŋ 7:32

Farisii tɩŋŋaa sɩ nɩa dɩ nɩ-daŋ-la munso bʋbʋl Yesu wɩaa ŋɩɩ, ŋɩɩ nɛ ba dɩ Wɩɩsʋllɩ sɩpaalaaraa kʋhɩasɩŋ tɩŋ nɩalɩŋ sɩɩ pɔ Wɩa dɩɩ-balɩŋ dɩ ba mʋ kɛŋ Yesu.

Jɔɔŋ 7:45

Ŋɩɩ nɛ nɩalɩŋ sɩɩ pɔ Wɩa dɩɩ-bal-la ba sɩ tɩma dɩ ba mʋ kɛŋ Yesu mɩɩra mʋ Farisii tɩŋŋaa arɩ Wɩɩsʋllɩ sɩpaalaaraa kʋhɩasɩŋ teeŋ arɩ na-hɩllɩŋ. Ba pɩɛsɛba, “Bɛɛ nɛ tɩɩ ma bɩ ʋ kaa kɔ?”

Tɩntɩŋŋaa 5:21

Yesu nanzɔɔba-la sɛɩ. Sɩɩpʋʋraa ba jʋʋ Wɩa dɩɩ-bal-la a suomo dɩdagɛ nɩaa. Ŋɩɩ nɛ Wɩɩsʋllɩ sɩpaalaaraa kʋhɩaŋ arɩ ʋ harɩŋ nɩaa kɔ, a yɩrɛ Juu tɩŋŋaa kʋhɩasɩŋ arɩ nɩalɩŋ sɩ yie hilime vʋvʋʋrɛ wɩaa, ba kala kʋ hilimi aŋ tɩŋ dɩ ba mʋ dɩa-la lɛ ba sɩ tɔ Yesu nanzɔɔba-la a chaarɛba kaa kɔ.

Tɩntɩŋŋaa 5:24

Nɩalɩŋ sɩɩ pɔ Wɩa dɩɩ-bal-la nɩhɩaŋ arɩ Wɩɩsʋllɩ sɩpaalaaraa kʋhɩasɩŋ sɩ nɩɩ wɩɩŋ deeŋ, ʋ kperiba kɩŋkɛŋ, ba bɩ jɩŋ wɩɩ-la kala ba sɩ jaŋ ŋaa.