Jɔɔŋ 11:40 - WƖA TENIŊ

⁴⁰ Ŋɩɩ nɛ Yesu bʋla pʋ, “Mɩ bɩ bʋla pɩŋ arɩ ŋ nɛ laa mɩ wɩaa dii, ŋ jaŋ na ŋɩɩ Wɩa sɩ kɛŋ doluŋ?”

Jɔɔŋ 11:40 ပူးပေါင်းရင်းမြစ်များ

2 IZIRAL TƖŊŊAA NAABARƖŊ 20:20

Taŋ sɩ pʋla chʋchʋɔ-fɩɛla nɩalɩŋ sii mʋ Tɛkʋa tintee-hɩlɩŋ. Ba sɩ lɩa dɩ ba mʋ, Jehosafat sii chɩŋ aŋ bʋl, “Juda arɩ Jerusalɛm tɩmma, má jegili mɩ teeŋ, má laa ma TƖƖNA Wɩa dii, ʋ jaŋ chagɛma kɩɩ. Má laa wɩalɩŋ ʋ wʋlaabʋllaa sɩ bʋla dii dɩ ma wɩaa wasɛ.”

WƖA YƖƖLAA 63:2

Mɩ na ŋ doluŋ arɩ ŋ tʋla nɛ, ŋ dɩɩ-bal-la lɛ ba sɩɩ dɛnnɩŋ.

WƖA YƖƖLAA 90:16

Ŋaa wʋkpuŋkperisiŋ pɩ la-na ŋ tɩntɩnnaa, a dagɛ ŋ doluŋ, dɩ la biiriŋ ma na.

MOSIS KƐŊ IZIRAL TƖŊŊAA LƖƖ 16:7

Chie chʋchʋɔŋ ma jaŋ na La TƖƖNA tʋla sɩ nagɛ ŋɩɩ, bɛɛ wɩaa ʋ nɩɩ ma sɩ gʋrɩmɛ wɩalɩŋ ʋ teeŋ nɛ. La ma nɛ kʋbɛɛba ma gʋgʋrɩmɛ wɩaa la teeŋ?”

Matiu 17:20

Ŋɩɩ nɛ Yesu bʋla pɩba, “Ma Wɩa laa diiniŋ bɩ yʋgɛ, ŋɩɩ nɛ tɩɩ. Wʋtɩtɩɩ, mɩ bʋlaa pɩma, dɩ ma Wɩa laa diiniŋ nɛ paala muuri a magɛ kʋ-la ba sɩɩ yɩrɛ masɩtad biiŋ ma, ma fa jaŋ wuo bʋl peeliŋ lɛ dɩ ʋ sii daha a mʋ sɛmɛ dɔŋɔ, ʋ jaŋ sɛnɛ mʋ. Wɩɩkala tuo ma fa bɩ jaŋ wuo ŋaa. [

Maak 9:23

Ŋɩɩ nɛ Yesu pɩɛsʋ, “Bɛɛ nɛ tɩɩ ŋ sɩ dɩ mɩ nɛ jaŋ wuo? Nɩɩ-la kala sɩ laa Wɩa dii, ʋ jaŋ wuo ŋaa wɩɩ na-kala.”

Jɔɔŋ 1:14

Ŋɩɩ nɛ wɩɩ-la bɩrɩmɛ nuhuobiine a kʋ hɛ la tʋɔŋ. Ʋ fa hɛ la teeŋ a fɩfá la nenige woruŋ, a kɛŋ wʋtɩtɩɩ. La na ʋ tʋla. Tʋla deeŋ ʋ Nyɩmma Wɩa nɛ joŋo pʋ, arɩ ʋ nɛ ŋaa ʋ Bie kala.

Jɔɔŋ 11:4

Yesu sɩ nɩɩ wɩɩŋ deeŋ, ʋ sɩ, “Nyanyalɩŋ deeŋ dee bɩ maga dɩ Lazarɔs wɩɩla sʋʋ, ama dɩ Wɩa yɩrɩŋ to ŋɩɩ lɛ a yɩrɛ, dɩ mɩ ma Wɩa Bie yɩrɩŋ to nɩmɛ yɩrɛ.”

Jɔɔŋ 12:41

Azaaya fa na ŋɩɩ Yesu fa sɩ jaŋ kɛŋ doluŋ nɛ, ŋɩɩ nɛ tɩɩ ʋ bʋl ŋɩɩ.

Jɔɔŋ 9:3

Ŋɩɩ nɛ Yesu bʋla pɩba, “Baal-la nyʋlʋmʋŋ bɩ ʋ tɩtɩa lɛ koo ʋ nyɩmma arɩ ʋ naaŋ wʋbɔŋŋɔɔ lɛ lɩa. Ʋ nyʋlɩma dɩ nɩaa wuo na ŋɩɩ Wɩa dol-la sɩ wuo tɩŋ tɩntɩŋŋaa ʋ lɛ nɛ.

Rom Tɩŋŋaa 6:4

Ba sɩ fola Wɩɩchʋɔlɛ lɩɩŋ ŋɩɩ, ʋ naga la dɩ ʋ kala sʋba nɛ ba joŋo hugi, dɩ ŋɩɩ wuo leŋ dɩ la kɛŋ mɩɩ-falɩɩ a nagɛ Wɩa doluŋ lɛ ʋ sɩ chɩsɛ Kirisito sʋʋŋ lɛ ŋɩɩ ʋ kɛŋ mɩɩsɩŋ.

2 Kɔrɩntɩ Nɩaa 3:18

La nɩalɩŋ kala sɩ laa Yesu wɩaa dii, kʋ-la fa sɩ tɔ la sɩaa, Wɩa kaa suri nɛ. Kirisito tʋla jʋʋ la sɩaa nɛ la tʋtʋl arɩ ʋ sɩɩ tʋl ŋɩɩ. Ʋ kɛnla kaa bɩbɩrɩmɛ nɛ dɩ la wasa tʋtʋl, a kʋ nagʋ. La Tɩɩna Dɩŋ-zɔmʋŋ nɛ ŋaa ŋɩɩ la lɛ.

2 Kɔrɩntɩ Nɩaa 4:6

Bumbuŋ Wɩa sɩ ŋaa dʋnɩa, ʋ leŋe pʋlʋmʋŋ chaanɛ birimiŋ tʋɔŋ nɛ. Ŋɩɩ tɩtɩa nɛ lɛɛlɛ ʋ leŋ pʋlʋmʋŋ kʋ jʋʋ la tʋɔŋ. Pʋlʋŋ-la nɛ leŋe la kɛŋ wʋjɩmɩŋ a wuo jɩŋ ŋɩɩ Wɩa sɩɩ tʋl. Wɩa to Kirisito lɛ nɛ a dagɛ ʋ tʋla.