Jɔɔŋ 11:4 - WƖA TENIŊ

⁴ Yesu sɩ nɩɩ wɩɩŋ deeŋ, ʋ sɩ, “Nyanyalɩŋ deeŋ dee bɩ maga dɩ Lazarɔs wɩɩla sʋʋ, ama dɩ Wɩa yɩrɩŋ to ŋɩɩ lɛ a yɩrɛ, dɩ mɩ ma Wɩa Bie yɩrɩŋ to nɩmɛ yɩrɛ.”

Jɔɔŋ 11:4 ပူးပေါင်းရင်းမြစ်များ

MOSIS KƐŊ IZIRAL TƖŊŊAA LƖƖ 16:7

Chie chʋchʋɔŋ ma jaŋ na La TƖƖNA tʋla sɩ nagɛ ŋɩɩ, bɛɛ wɩaa ʋ nɩɩ ma sɩ gʋrɩmɛ wɩalɩŋ ʋ teeŋ nɛ. La ma nɛ kʋbɛɛba ma gʋgʋrɩmɛ wɩaa la teeŋ?”

Jɔɔŋ 10:38

Ama dɩ mɩ nɩɩ tɩŋ mɩ Nyɩmma tɩntɩŋŋaa, má laa mɩ wɩaa dii a tɩŋ tɩntɩmɩɩ-la mɩ sɩɩ tɩŋ wɩaa, arɩ ma sɩ́ bɩ wɩalɩŋ mɩ sɩ bʋla pɩma laa dii kala. Ŋɩɩ lɛ nɛ ma jaŋ wuo to jɩŋ a laa dii arɩ mɩ Nyɩmma hɛ mɩ lɛ nɛ, mɩ ma hɛ ʋ lɛ.”

Jɔɔŋ 11:40

Ŋɩɩ nɛ Yesu bʋla pʋ, “Mɩ bɩ bʋla pɩŋ arɩ ŋ nɛ laa mɩ wɩaa dii, ŋ jaŋ na ŋɩɩ Wɩa sɩ kɛŋ doluŋ?”

Jɔɔŋ 12:28

Mɩ Nyɩmma, leŋ dɩ nɩaa yɩrɛ ŋ yɩrɩŋ.” Ŋɩɩ nɛ nʋʋ yikoro lɩɩ wɩa-nyuŋ a bʋl, “Mɩ paala laa yɩrɩŋ nɛ. Mɩ saa jaŋ bɩra leŋ dɩ nɩaa yɩrɛ mɩ yɩrɩŋ.”

Jɔɔŋ 17:1

Yesu sɩ bʋl wɩaa deemba dɛrɛ, ʋ wʋla beŋ wɩa-nyuŋ aŋ chʋɔlɛ Wɩa a bʋl, “Mɩ Nyɩmma, bʋa-la yie nɛ. Leŋ dɩ mɩ-na ŋ Bie laa yɩrɩŋ, dɩ mɩ ma leŋ dɩ ŋ yɩrɩŋ yɩrɛ.

Jɔɔŋ 17:10

Nɩalɩŋ kala mɩ sɩ kɛnɛ ŋaa ŋ nɩaa nɛ. Nɩalɩŋ kala ŋ ma sɩ kɛnɛ ŋaa mɩ ma nɩaa nɛ. Ba nɛ leŋe mɩ laa yɩrɩŋ.

Jɔɔŋ 17:5

Oo, mɩ Nyɩmma, leŋ dɩ mɩ yɩrɩŋ yɩrɛ ŋ sɩpaaŋ lɛɛlɛ, yɩrɩ-la mɩ dɩŋ kala fa sɩ kɛnɛ, aŋ-na ŋaa dʋnɩa.

Jɔɔŋ 2:11

Yesu sɩ ŋaa lɩɩŋ bɩrɩmɛ sɩnɩŋ Kena lɛ Galilii tinteeŋ nɛ ŋaa ʋ wʋmagɩl bumbuŋ ʋ sɩ ŋaa. Nɩmɛ nɛ ʋ dagɛ ŋɩɩ Wɩa doluŋ sɩ hɛ ʋ lɛ. Ʋ harɩ-tooroo sɩ na ŋɩɩ, ba laa ʋ wɩaa dii.

Jɔɔŋ 5:23

Ʋ ŋaa ŋɩɩ dɩ nʋʋkala zizil mɩ-na ʋ Bie nɛ, arɩ ba sɩɩ zil mɩ Nyɩmma ŋɩɩ. Nɩɩ-la kala sɩ bɩ mɩ-na Wɩa Bie ka zil, ʋ tɩɩna bɩ mɩ Nyɩmma Wɩa sɩ tɩmmɛ ka zil.

Jɔɔŋ 8:54

Ŋɩɩ nɛ Yesu bɩra bʋla pɩba, “Dɩ mɩ nɩɩ pɩ mɩ tɩtɩa yɩrɩŋ, yɩrɩ-la ŋaa yɩrɩ-pɛɩ nɛ. Mɩ Nyɩmma nɛ nɩɩ-la sɩɩ pɩmɛ yɩrɩŋ, nɩɩ-la ma sɩ sɩ ʋ ŋaa ma Wɩa nɛ.

Jɔɔŋ 9:24

Ŋɩɩ nɛ Farisii tɩmma-la bɩra yɩrɛ baal-la ba sɩ lʋla dɩ ʋ nyʋlɩma a bʋl, “La jɩma arɩ baala deeŋ ŋaa wʋbɔŋ ŋaarʋ nɛ. Wɩa sɩpaaŋ bʋl wʋtɩtɩɩ pɩla.”

Jɔɔŋ 9:3

Ŋɩɩ nɛ Yesu bʋla pɩba, “Baal-la nyʋlʋmʋŋ bɩ ʋ tɩtɩa lɛ koo ʋ nyɩmma arɩ ʋ naaŋ wʋbɔŋŋɔɔ lɛ lɩa. Ʋ nyʋlɩma dɩ nɩaa wuo na ŋɩɩ Wɩa dol-la sɩ wuo tɩŋ tɩntɩŋŋaa ʋ lɛ nɛ.

Rom Tɩŋŋaa 11:11

Mɩ jaŋ pɩɛsɛ wɩɩŋ deeŋ: Ba sɩ sɩɛra tel ŋɩɩ, ba tele ŋɩɩ dɩ ba wɩɩ-wɩɩkala dɛrɛ nɛ koo? Aɩ. Ama a tɩŋ ba wʋbɔŋŋɔɔ ŋaanɩŋ wɩaa, Wɩa laa nɩalɩŋ sɩ bɩ Juu tɩŋŋaa ŋaa ta nɛ. Ʋ ŋaa ŋɩɩ dɩ Juu tɩŋŋaa yaraa bieri nɛ, dɩ ba na baanɩŋ nɩalɩŋ sɩ bɩ Juu tɩŋŋaa ŋaa nyuŋ.

Fɩlɩpa Nɩaa 1:11

Ŋɩɩ jaŋ leŋ dɩ ma to Yesu Kirisito lɛ a wasa ŋaa tʋɔpʋl wɩaa dɩ nɩaa na a dɛnnɛ Wɩa dɩ ʋ yɩrɩŋ yɩrɛ.

Fɩlɩpa Nɩaa 1:20

Wɩɩ-la mɩ sɩɩ chɛ kɩŋkɛŋ arɩ wɩɩ-la mɩ sɩɩ yɩɛlɛ nɛ ŋ-la: Mɩ bɩ jaŋ kɔ dɩ mɩ ŋaa wɩɩ a mʋ tɩgɛ tɩntɩmɩɩ-la mɩ sɩɩ tɩŋ lɛ dɩ hɩɩsɩŋ diimi, ama a suomi jɩnɩŋ a kaa mʋ, bʋa na-kala lɛ, mɩ jaŋ kɛŋ nyuduoŋ a bʋl Wɩa wɩaa. Dɩ sʋʋŋ nɛ koo waaŋ nɛ, mɩ jaŋ tɩŋ Kirisito tɩntɩmɩɩ-la, dɩ ʋ yɩrɩŋ yɩrɛ.

1 Pɩɩta 1:21

Ma to ʋ lɛ nɛ a laa Wɩa wɩaa dii. Ʋ nɛ chɩsɛ Yesu sʋʋŋ lɛ a pʋ yɩrɩŋ. Ŋɩɩ wɩaa ma laa diiniŋ arɩ ma yɩɛlaa kala hɛ Wɩa lɛ nɛ.

1 Pɩɩta 4:11

Dɩ Wɩa nɛ pɩ nʋʋkala doluŋ dɩ ʋ wuo bʋbʋl Wɩa wɩaa, ʋ maga dɩ ʋ bʋl wɩalɩŋ Wɩa doluŋ lɛ nɛ. Dɩ nʋʋ nɛ tɩma pɩpɩ nɩaa, ʋ kɛŋ dol-la Wɩa sɩ joŋo pʋ a tɩma pɩpɩba. Má ŋaa ŋɩɩ dɩ nɩaa wuo to Yesu Kirisito lɛ a dɛnnɛ Wɩa, dɩ ʋ yɩrɩŋ yɩrɛ wɩɩ-na kala lɛ. Ʋ nɛ Nɩɩ-la sɩ kɛŋ doluŋ arɩ yɩrɩŋ a kaa mʋ wuu. Amɩɩ.

1 Pɩɩta 4:14

Dɩ ba nɩɩ tʋʋsɛma a tɩŋ Kirisito wɩaa, Wɩa jaŋ pɛ ma lɛ, bɛɛ wɩaa Wɩa Dɩŋ-zɔmʋŋ sɩ kɛŋ doluŋ hɛ ma lɛ nɛ.