Jɔɔŋ 11:26 - WƖA TENIŊ

²⁶ Nɩɩ-la ma kala sɩ weye aŋ laa mɩ wɩaa dii, ʋ bɩ jaŋ kɔ dɩ ʋ sʋba. Ŋ laa wɩɩŋ deeŋ dii nɛɛ?”

Jɔɔŋ 11:26 ပူးပေါင်းရင်းမြစ်များ

Matiu 26:53

Ŋ bɩ jɩŋ arɩ mɩ fa jaŋ wuo yɩrɛ mɩ Nyɩmma dɩ ʋ pɛ mɩ lɛɛ? Dɩ mɩ nɛ fa yɩrʋ, ʋ fa jaŋ ta ʋ tɩndaaraa bʋɩ bʋɩba dɩ ba kʋ pɛ mɩ lɛ.

Matiu 9:28

Yesu sɩ mʋ dɩa, nyʋlɩma-la balɩa ma to ʋ harɩŋ jʋʋ dɩa-la. Ŋɩɩ nɛ ʋ pɩɛsɛba, “Ma laa dii arɩ mɩ jaŋ wuo ŋaa dɩ ma duorii?” Ba bʋl, “Oo, La Tɩɩna, la laa dii nɛ.”

Maak 9:23

Ŋɩɩ nɛ Yesu pɩɛsʋ, “Bɛɛ nɛ tɩɩ ŋ sɩ dɩ mɩ nɛ jaŋ wuo? Nɩɩ-la kala sɩ laa Wɩa dii, ʋ jaŋ wuo ŋaa wɩɩ na-kala.”

Jɔɔŋ 10:28

Ŋɩɩ nɛ mɩ pɩba mɩɩsɩ-la sɩ bɩ dɛrɛ, ba bɩ jaŋ kɔ dɩ ba sʋba. Nʋʋ ma saa bɩ jaŋ wuo kɛmba kaa laa mɩ nɩsɩŋ lɛ da.

Jɔɔŋ 14:10

Ŋ bɩ laa dii arɩ mɩ hɛ mɩ Nyɩmma lɛ nɛ, mɩ Nyɩmma ma hɛ mɩ lɛɛ? Wɩalɩŋ kala mɩ sɩ yie bʋlaa pɩma, mɩ tɩtɩa doluŋ lɛ dee mɩɩ bʋl. Wɩalɩŋ ma mɩ sɩɩ ŋaa, mɩ Nyɩmma sɩ hɛ mɩ lɛ nɩɩ ŋaa ŋɩɩ.

Jɔɔŋ 4:14

Ama nɩɩ-la kala sɩ jaŋ nyʋa lɩɩ-la mɩ sɩ jaŋ pʋ, lɩɩnyʋasʋŋ bɩra bɩ jaŋ kɛnʋ da. Lɩɩ-la mɩ sɩ jaŋ pʋ jaŋ bɩrɩmɛ lɩɩ-bulo ʋ tʋɔŋ lɛ a bubul, a pʋ mɩɩsɩŋ sɩ bɩ dɛrɛ.”

Jɔɔŋ 5:24

Wʋtɩtɩɩ nɛ mɩ bʋla pɩpɩma, nɩɩ-la kala sɩ jegile nɩɩ mɩ niiŋ wɩaa a laa nɩɩ-la ma sɩ tɩmmɛ wɩaa dii, ʋ jaŋ kɛŋ mɩɩsɩ-la sɩ bɩ dɛrɛ. Sarɩya bɩ jaŋ dii tɩɩna, ʋ lɩɩ sʋʋŋ bʋa lɛ nɛ a kɛŋ mɩɩsɩŋ.

Jɔɔŋ 6:47

Wʋtɩtɩɩ nɛ mɩ bʋlaa pɩma, nɩɩ-la kala sɩ laa mɩ wɩaa dii, ʋ jaŋ kɛŋ mɩɩsɩ-la sɩ bɩ dɛrɛ.

Jɔɔŋ 9:35

Yesu sɩ nɩa dɩ ba kiri baal-la ta ʋ lɩɩ Wɩɩchʋɔlɛ dɩa-la tʋɔŋ, ʋ mʋ chɛ naʋ a pɩɛsʋ, “Ŋ laa Nuhuobiine Bie wɩaa dii nɛɛ?”

Rom Tɩŋŋaa 8:13

Dɩ ma nɛ to ma yaraa wʋŋaalaa lɛ, ma jaŋ sʋʋ. Ama dɩ ma nɛ vɩa ma yaraa wʋŋaalaa, ma jaŋ kɛŋ mɩɩsɩŋ Wɩa Dɩŋ-zɔŋ-la doluŋ lɛ.