Jɔɔŋ 11:25 - WƖA TENIŊ

²⁵ Ŋɩɩ nɛ Yesu bʋla pʋ, “Mɩ nɛ ŋaa Nɩɩ-la sɩ jaŋ sii sʋʋŋ lɛ, a chɩsɛ nɩaa sʋʋŋ lɛ dɩ ba kɛŋ mɩɩsɩŋ. Nʋʋkala sɩ laa mɩ wɩaa dii, dɩ ŋ sʋba ma, ŋ jaŋ sii a kɛŋ mɩɩsɩŋ.

Jɔɔŋ 11:25 ပူးပေါင်းရင်းမြစ်များ

WƖA YƖƖLAA 36:9

Mɩɩsɩŋ kala lɩɩ ŋ teeŋ nɛ. Ŋ nɛ pʋlʋmʋŋ, ŋɩɩ leŋ la ma na pʋlʋmʋŋ.

AZAAYA 26:19

Ama la laa dii arɩ ŋ nɩalɩŋ sɩ sʋba jaŋ sii a kɛŋ mɩɩsɩŋ, nɩalɩŋ kala sɩ hɛ bʋa tʋɔŋ jaŋ sii a yɩɩ yɩɩlaa arɩ tʋɔtɔrʋŋ. A nagɛ nyalɩŋ sɩ yie nyal a leŋ leriŋ fɩɛlɛ ŋɩɩ, ŋɩɩ nɛ nɩalɩŋ sɩ sʋba jaŋ sii sʋʋŋ lɛ a na fɩɛlɩŋ.

AZAAYA 38:16

La TƖƖNA, ŋ niiŋ wʋbʋlaa arɩ ŋ wʋŋaalaa nɩɩ pɩ nʋʋkala mɩɩsɩŋ, mɩ dɩma ma na mɩɩsɩŋ nɛ ba lɛ. Ŋ pɩmɛ yarɩfɩɛlaa nɛ a leŋ mɩ kɛŋ mɩɩsɩŋ.

Luuk 23:43

Ŋɩɩ nɛ Yesu bʋla pʋ, “Wʋtɩtɩɩ nɛ mɩ bʋlaa pɩŋ, mɩ dɩŋ kala jaŋ hɛ Wɩa-jaŋ lɛ jɩnɩŋ.”

Jɔɔŋ 1:4

Wɩɩ-la fa weye nɛ a kɛŋ pʋlʋmʋŋ kaa kʋ pɩ nɩaa.

Jɔɔŋ 14:19

Ʋ ka mʋa dʋnɩa nɩaa bɩra bɩ jaŋ namɛ, ama ma-na jaŋ namɛ. Mɩ sɩ jaŋ kɛŋ mɩɩsɩŋ ŋɩɩ, ma ma jaŋ kɛŋ mɩɩsɩŋ.

Jɔɔŋ 14:6

Ŋɩɩ nɛ Yesu bʋla pʋ, “Mɩ nɛ ŋaa wombiiŋ a mʋmʋ Wɩa-jaŋ. Mɩ nɛ bɩra wʋtɩtɩɩ Tɩɩna ma, a bɩraa pɩ nɩaa ma mɩɩsɩŋ. Nʋʋkala bɩ mɩ Nyɩmma teeŋ wuo mʋ, see dɩ ʋ to mɩ lɛ.

Jɔɔŋ 3:16

Wɩa cho dʋnɩa nɩaa a mʋ kieli, ŋɩɩ nɛ tɩɩ ʋ joŋ ʋ Bii-bala a pɩla, dɩ nɩɩ-la kala sɩ laa ʋ wɩaa dii, ŋ bɩ jaŋ lɛl, ama ŋ jaŋ kɛŋ mɩɩsɩ-la sɩ bɩ dɛrɛ.

Jɔɔŋ 3:36

Nɩɩ-la kala sɩ laa mɩ-na Wɩa Bie wɩaa dii, ʋ kɛŋ mɩɩsɩ-la sɩ bɩ dɛrɛ, ama nɩɩ-la kala sɩ bɩ mɩ-na Wɩa Bie wɩalɩŋ ka to, ʋ bɩ jaŋ kɔ dɩ ʋ kɛŋ mɩɩsɩ-la sɩ bɩ dɛrɛ, ama Wɩa jaŋ na baanɩŋ ʋ tɩɩna nyuŋ a kaa mʋ wuu.

Jɔɔŋ 5:21

Mɩ Nyɩmma sɩ chɩsɛ nɩalɩŋ sɩ sʋba ba bɩra kɛŋ mɩɩsɩŋ ŋɩɩ, ŋɩɩ tɩtɩa nɛ mɩ ma ʋ Bie joŋ mɩɩsɩŋ a pɩpɩ nɩalɩŋ mɩ sɩ cho.

Jɔɔŋ 5:26

Mɩ Nyɩmma sɩ kɛŋ doluŋ dɩ ʋ pɩ nɩaa mɩɩsɩŋ ŋɩɩ, ŋɩɩ nɛ ʋ ŋaa mɩ ma ʋ Bie kɛŋ doluŋ dɩ mɩ pɩ nɩaa mɩɩsɩŋ.

Jɔɔŋ 6:35

Ŋɩɩ nɛ Yesu bʋla pɩba, “Mɩ nɛ ŋaa kʋdiile-la sɩɩ pɩ nɩaa mɩɩsɩŋ. Nɩɩ-la kala sɩ kɔ mɩ teeŋ, losuŋ bɩra bɩ jaŋ kɛnʋ. Nɩɩ-la ma sɩ laa mɩ wɩaa dii, lɩɩnyʋasʋŋ bɩra bɩ jaŋ kɛnʋ.

Jɔɔŋ 6:44

Nʋʋkala bɩ jaŋ wuo kɔ mɩ teeŋ, see dɩ mɩ Nyɩmma-la sɩ tɩmmɛ nɛ kɛŋ ʋ tɩɩna kaa kɔ mɩ teeŋ, dɩ mɩ chɩsʋ sʋʋŋ lɛ dʋnɩa dɩdɛrɩŋ.

Tɩntɩŋŋaa 3:15

aŋ leŋ ba kpʋ nɩɩ-la sɩɩ pɩ nɩaa mɩɩsɩŋ. Ama Wɩa chɩsʋ sʋʋŋ lɛ nɛ. La ŋaa wɩɩŋ deeŋ pɛ-naaraa nɛ.

Rom Tɩŋŋaa 4:17

Ba fa ŋmʋnsɛ ŋɩɩ nɛ Wɩa teniŋ tʋɔŋ. Wɩa bʋla a tɩgɛ Abɩraham lɛ, “Mɩ leŋe ŋ ŋaa tintee daŋ nyɩmma nɛ.” Wɩa sɩpaaŋ Abɩraham nɛ ŋaa la nyɩmma. Wɩa-la sɩ wuo leŋ kɩalɩŋ kala sɩ sʋba, dɩ ba sii sʋʋŋ lɛ a kɛŋ mɩɩsɩŋ, aŋ bɩra wuo dagɛ wɩalɩŋ sɩ jaŋ ŋaa aŋ ha bɩ ŋaa, Wɩa deeŋ nɛ Abɩraham laa dii.

Rom Tɩŋŋaa 8:2

La dɩ Yesu Kirisito sɩ ŋaa kʋbala ŋɩɩ, ʋ Dɩŋ-zɔmʋŋ joŋ mɩɩsɩŋ pɩla nɛ. Ʋ laala ta nɛ wʋbɔŋŋɔɔ arɩ sʋʋŋ nɩsɩŋ lɛ.

1 Kɔrɩntɩ Nɩaa 15:18

Ʋ ŋɩɩ saa jaŋ dagɛ arɩ nɩalɩŋ sɩ laa Yesu wɩaa dii aŋ sʋʋ ma lɛlɛ nɛ.

1 Kɔrɩntɩ Nɩaa 15:29

Dɩ nɩaa nɛ sʋba aŋ bɩ jaŋ sii sʋʋŋ lɛ, bɛɛ nɛ tɩɩ nɩaa yie chɩŋ nɩalɩŋ sɩ sʋba nyuŋ lɛ a ŋaa ba foba Wɩɩchʋɔlɛ lɩɩŋ? Dɩ sʋʋŋ lɛ siiniŋ nɛ paala tuo, bɛɛ nɛ tɩɩ nɩaa yie chɩŋ nɩalɩŋ sɩ sʋba nyuŋ lɛ ba foba Wɩɩchʋɔlɛ lɩɩŋ?

2 Kɔrɩntɩ Nɩaa 4:14

La jɩma arɩ Wɩa nɛ chɩsɛ La Tɩɩna Yesu sʋʋŋ lɛ, ʋ jaŋ chɩsɛla ma, dɩ la dɩ Yesu kala kɛŋ mɩɩsɩŋ. Ʋ jaŋ kɛnla arɩ ma kala a kaa mʋ ʋ teeŋ.

Fɩlɩpa Nɩaa 1:23

Mɩ hɛ wɩaa deemba balɩa pɛgɛ nɛ. Mɩ fa cho nɛ woruŋ dɩ mɩ lɩɩ dʋnɩa deeŋ lɛ a mʋ Kirisito teeŋ. Ʋ nɛ kpɩa mɩ sɩ jaŋ hɛ dʋnɩa deeŋ lɛ.

Fɩlɩpa Nɩaa 3:10

Wɩɩ-la kala mɩ sɩɩ chɛ nɛ ŋ-la: dɩ mɩ jɩŋ Yesu Kirisito, a wuo jɩŋ dol-la sɩ chɩsʋ sʋʋŋ lɛ, a wuo na hɛɛ-la doho ʋ sɩ na, a sʋʋ ŋɩɩ ʋ sɩ sʋba.

1 Tɛsalonaaka Nɩaa 4:14

La sɩ laa dii arɩ Yesu sʋba nɛ aŋ sii sʋʋŋ lɛ, ŋɩɩ tɩtɩa nɛ la ma laa dii arɩ Wɩa jaŋ chɩsɛ nɩalɩŋ sɩ laa Yesu wɩaa dii aŋ sʋʋ.

Jɔɔŋ Wʋnaalaa 1:18

Mɩ nɛ ŋaa Nɩɩ-la sɩ weye. Mɩ fa sʋba nɛ, ama lɛɛlɛ mɩ weye nɛ a kaa mʋ wuu. Mɩ kɛŋ sʋʋŋ arɩ lɛlɛɛ-jaŋ kala doluŋ nɛ.

Jɔɔŋ Wʋnaalaa 20:5

Nɩalɩŋ sɩ laa sɩpaaŋ sii sʋʋŋ lɛ nɛ ŋɩɩ. Nɩalɩŋ sɩ sʋba, nɩkaanaa bɩ jaŋ sii sʋʋŋ lɛ, see dɩ jɩsɩŋ bʋɩ-la dɛrɛ.

Jɔɔŋ Wʋnaalaa 21:4

Ʋ jaŋ fɩɩsɛ ba sɩlɩɩrɩŋ kala ta. Ba bɩra bɩ jaŋ sʋʋ, ba tʋɔŋ bɩra bɩ jaŋ chei. Ba bɩra bɩ jaŋ yel a bɩra bɩ jaŋ na hɛɛŋ ma, bɛɛ wɩaa wʋbɩnɩa-la kala bala nɛ.”

Jɔɔŋ Wʋnaalaa 22:1

Ŋɩɩ nɛ Wɩa tɩndaarʋ-la bɩra dagɛmɛ fuo-la lɩɩŋ sɩɩ pɩ nɩaa mɩɩsɩŋ. Lɩɩ-la kala pʋlla nɛ chɩl chɩl a nagɛ beenantɩrɛ. Lɩɩ-la pɛllɛ lɩɩ Wɩa arɩ Pie-bie-la kuoru kpasa-la teeŋ nɛ,

Jɔɔŋ Wʋnaalaa 22:17

Ŋɩɩ nɛ Wɩa Dɩŋ-zɔmʋŋ arɩ haal-la Pie-bie-la sɩɩ chɛ dɩ ʋ jaa bʋla pɩ nɩaa, “Má kɔ. Nʋʋkala sɩ nɩa, má leŋ dɩ ʋ kɔ. Nʋʋ na-kala lɩɩnyʋasʋŋ sɩ kɛnɛ, ʋ kɔ. Nɩɩ-la kala sɩ cho dɩ ʋ nyʋa lɩɩ-la sɩɩ pɩ nɩaa mɩɩsɩŋ sɩ ŋaa chɔgɩta kʋŋ, ʋ kɔ a nyʋa.”