Jɔɔŋ 11:24 - WƖA TENIŊ

²⁴ Ŋɩɩ nɛ Maata bʋla pʋ, “Mɩ jɩma arɩ dʋnɩa chɛ-dɛrɩŋ ʋ jaŋ sii sʋʋŋ lɛ, bʋa-la lɛ nɩalɩŋ kala sɩ sʋba sɩ jaŋ sii.”

Jɔɔŋ 11:24 ပူးပေါင်းရင်းမြစ်များ

WƖA YƖƖLAA 17:15

Ama mɩ-na jaŋ naŋ, bɛɛ wɩaa mɩ ŋaa tʋɔpʋl tɩɩna nɛ. Dɩ mɩ nɛ sie, mɩ yie na ŋɩɩ ŋ sɩ naga nɛ, mɩ tʋɔŋ tɔrɛ.

AZAAYA 25:8

La TƖƖNA Wɩɩjarɩbakɔ jaŋ giri sʋʋŋ ta a kaa mʋ wuu, aŋ fɩɩsɛ nʋʋkala sɩlɩɩrɩŋ ta. Hɩɩsɩ-la kala ʋ nɩaa fa sɩ die dʋnɩa lɛ, ʋ jaŋ lɩɩsʋ ta. La TƖƖNA nɛ bʋla.

AZAAYA 26:19

Ama la laa dii arɩ ŋ nɩalɩŋ sɩ sʋba jaŋ sii a kɛŋ mɩɩsɩŋ, nɩalɩŋ kala sɩ hɛ bʋa tʋɔŋ jaŋ sii a yɩɩ yɩɩlaa arɩ tʋɔtɔrʋŋ. A nagɛ nyalɩŋ sɩ yie nyal a leŋ leriŋ fɩɛlɛ ŋɩɩ, ŋɩɩ nɛ nɩalɩŋ sɩ sʋba jaŋ sii sʋʋŋ lɛ a na fɩɛlɩŋ.

HOSIA 13:14

Mɩ time laaba dɩ sʋʋŋ sɩ́ ba wuoo? Mɩ laaba ta sʋʋŋ nɩsɩŋ lɛ? Sʋʋŋ, nɩɩ nɛ ŋ huoŋ hɛ? Lɛlɛɛ-jaŋ, nɩɩ nɛ ŋ huo-la sɩɩ chei nɩaa hɛ? Mɩ bɩ jaŋ fá ba nenige.

HOSIA 6:2

Tapʋlaa balɩa harɩŋ ʋ jaŋ leŋ dɩ la bɩra kɛŋ doluŋ, tapʋl-tori chɛɛŋ ʋ jaŋ bɩra kɛnla kaa kɔ ʋ teeŋ dɩ la hɛ ʋ leriŋ.

Luuk 14:14

Dɩ ŋ nɛ ŋaa ŋɩɩ, Wɩa ma jaŋ pɛŋ lɛ, bɛɛ wɩaa ba-na bɩ jaŋ wuo tiŋ ŋ chɩmɩŋ. Wɩa jaŋ tiŋ ŋ chɩmɩŋ tapʋlɩɩ-la tʋɔpʋl tɩŋŋaa sɩ jaŋ sii sʋʋŋ lɛ.”

Jɔɔŋ 11:23

Ŋɩɩ nɛ Yesu bʋla pʋ, “Ŋ dɩbaala jaŋ sii a kɛŋ mɩɩsɩŋ.”

Jɔɔŋ 6:39

Ŋ-la nɛ nɩɩ-la sɩ tɩmmɛ chɩchɛ dɩ mɩɩ ŋaa: Dɩ mɩ sɩ́ leŋe dɩ nɩalɩŋ ʋ sɩ joŋo pɩmɛ kʋŋkala lɛl, ama dɩ mɩ chɩsɛ ba kala dʋnɩa dɩdɛrɩŋ dɩ ba kɛŋ mɩɩsɩŋ.

Jɔɔŋ 6:40

Wɩalɩŋ mɩ Nyɩmma sɩɩ chɛ nɛ ŋ-la: Dɩ nʋʋ na-kala sɩ na mɩ-na ʋ Bie a laa mɩ wɩaa dii, dɩ ʋ kɛŋ mɩɩsɩ-la sɩ bɩ dɛrɛ. Dʋnɩa dɩdɛrɩŋ ma, mɩ jaŋ chɩsʋ sʋʋŋ lɛ dɩ ʋ kɛŋ mɩɩsɩŋ.”

Tɩntɩŋŋaa 24:15

Mɩ ma laa dii arɩ Wɩa jaŋ chɩsɛ nɩzɔŋŋɔɔ arɩ nɩbɔŋŋɔɔ kala sʋʋŋ lɛ. Nɩaa deemba kala sɩ hɛ daha ma laa wɩaa deemba kala dii nɛ.

Hiburu TƖŊŊAA 11:35

Haalaa dɔnsʋŋ ma fa laa Wɩa wɩaa dii, ba biiriŋ sɩ sʋba, Wɩa chɩsɛba sʋʋŋ lɛ nɛ. Nɩaa dɔnsʋŋ ma fa hɛ nɩmɛ ba vɩɩrɛba kpʋ. Nɩaa deemba fa bɩ chɛ dɩ ba joŋ harɩŋ yɩa Wɩa aŋ laa ba mɩɩsɩŋ. Ba fa jɩma dɩ ba nɛ sʋba ma, Wɩa jaŋ chɩsɛba sʋʋŋ lɛ a joŋ mɩɩsɩ-la sɩ zɔmɔ a kɩɩ dʋnɩa deeŋ kʋa a pɩba.